المساعد الشخصي الرقمي

مشاهدة النسخة كاملة : يوميات غنوده في امريكا الحلقه الاولى


غنوده
21-04-04, 06:23 AM
السلام عليكم
بعد غياب جيت لكم وكلي شووووووق
وحبيت اكتب مذكراتي من اول يوم لي بامريكا<<<<<< امحق من زين هالذكريات

المهم الله يسلمك

قبل لا ابدا مستغرب ياويلك ان دخلت<<<<<<< تراني زعلانه عليك ودي(q43)


اول ماسافرت الرياض غرقت من دموعي ودموع خواتي سوينا مناحه يوم سفري (g)(g)(g) والاهل كلهم مجتمعين عماتي واعمامي وحريمهم وخوالي وزوجاتهم حشا كاني بروح وماني جايه وعاد تعرفون هالمواقف الدموع بس تسيل
الله لايعيد البكا لما خلاص طارت الطياره لوني جالسه جنب الشباك وعيوني مبحلقه بالرياض اللي يشوفني يقول بتنفى ومهي براجعه
واودع الرياض حتى نقابي لو اعصره صب دموع وعاد انا توني عروسماصار لي الا اسبوعين وينقال لكم استحي ماودي اوري ابو الشباب اني ابكي بس ماش فضحتني عيوني وهو حاس فيني بس يسكتني ويغريني بامريكا تراها حلو وناسه ومدري ايش ...... وانا بس(g)(g)(g) اخر شي قلتها بوجهه ابغي امي افا وهذا وانتي معي وتقولين تبغين امك اجل وين ....

عاد المهم وصلنا نيويوركNewyork
اول مانزلنا من الطياره الناس تمشي بسرعه ويتراكضون وانا مدري وش السالفه وامشي على حبه ونص <<<توني عروس على بالي

اثاريهم بيمسكون سرا على الجوازات والتختيم اثاري زوجي ماشي بسرعه وسبقني شوي لما وصلت عند السلم المتحرك عند اخر درجه التفت عباتي فيه ويسحبني وانا شوي واصيح وانادي زوجي بس ماسمعني والامريكان مايدرون وش فيني الا مضيف سعودي الله يجزاه خير انقذني وشق عباتي <<<<< هذا بدايه امريكا شؤم:(:(
وانا متحسفه على عباتي توني مفصلتها 1500 ريال بس كيفها اهم شي سلامتي:eek::eek:
الا اني متوهقه مامعي غيرها وش اسوي المهم جاني زوجي وقالي ولا يهمك في واشنطن ديسي محلات عربيه اشريلك بدالها
وخلاص ختمنا الجواز وقالي اجلسي جنب عايله سعوديه وهو بيروح يبصم عاد امريكا حاقده على السعوديين

وانا اللي اجلس وابكي وابكي(g)(g)(g)(g) واتذكر امي وخواتي واخواني كل اهلي اللي هناك من صديقات وجيران حتى الخدامات اتذكرهن وابكي

وتلتفت علي السعوديه اللي جنبي وتسكتني انا شفتها تسكتني قمت ازيد <<<<< وحده مسيكينه

وخربت على كل البنات السعوديات اللي جنبي قلبت عليهن المواجع قامن يبكن مثلي

الا ابونا جاي وياخذني قال نبي نروح للصاله الثانيه عشان طيارتنا لواشنطن مابقى لها الا نص ساعه ويسكتني وانا مير ازيد
عاد اللي خوفني زياده لما رحنا للصاله الثانيه فيه امريكي عمره تقريبا 39 سنه يشتغل بالمطار باين من لبسه جالس يغمز لي وانا اللي اموت من الخوف وماعلمت زوجي خفت يسوي معاه مشكله <<<< عاد اقول بقلبي عمى حتى في امريكا مهبل(tt)(tt) تارك هالحمر الشقر ويناضرني

اكمل لكم بعدين بالحلقه الثانيه
انتظرونا
تراها مسلسل مكسيكي مايخلص



نصيحه لا يفوتكم قصتي بواشنطن الحبشيه اللي لزقت فيني والطياره اللي خربت ومواقف ثانيه الحين تعبت

أبوشـrاrه
21-04-04, 06:53 AM
مدري أسوي كذا >>> (g)

وإلا كذا >>> :)

بس من جد حسيت بمعاناتك... (g)

لكن موقفك وإنتي مع العائله السعوديه... حزيـــــــــن!!! ويضحك بنفس الوقت (g):o
قلبتوها نياحه في المطار ههههه... لا وأتخيل المسيكينات شالوها شيله معاك (g)

الله يعين المغتربين ويرجعهم بالسلامه يارب

وأكيــــــــد بنكون في إنتظار الجزء الثاني
والله يعطيك ألف عافيه عزيزتي

حلاة الكون
21-04-04, 07:50 AM
(kk)ياحياة الشقا والغرابيل (g)

<<<تصيح قبل ماتطلع للمعهد :cl:

كملي اذا رجعت من معهدي اشوف وش صار عليتس :(

همس الشفايف
21-04-04, 01:12 PM
يالبيه ياغنوده (g)

قمت ابتسي معتس ياوخيتي

وبعدين وراتس فشلتينا فيذاك ماتعرفين تركبين سلم كهربائي :cl:

اخاف هالامريكان الحين يقولون ذولا حدكم اصنصير (لفت) ويخب بعد :p

مير الحمدالله جت على خير واهم شي سلامتس

بس تعالي ماجاء امريكاء فيضان من كثر ماتصيحين :p

ياحبيلتس وبس

والله يردتس لهلتس قريب ان شالله

وتراني استناتس تكملين سالفتس

ايه هذي المواضيع السنعه والا فلاااااااااااااا :rolleyes:

غنوده
21-04-04, 07:11 PM
فور ايفرشكرا لك شكلك حاس فيني عاد انت لك سوابق في امريكا وعارف الحال
حلاة الكون
همس الشفايف
شكرا لمروركم وتعليقاتكم
همس اعرف السلم الله يقطع ابليس بس:o كنت طاقتني البوهه ومتروعه وفيني بلا وجلا وعاد انتي خابره شفت هالمريكيات وخفتيحسبوني ارهابيه:eek::eek:

مستغرب
21-04-04, 08:29 PM
اهلين همس الشفايف وش اخبارك

وينك ادور عليك ما حصلتك . وش جايبك هنا

يا حول يا مستغرب كل الناس ضدك ما ادري متى الله يبي يفرجها .

يقولون اذا مسكت اذن الديك كسر راسه .

بعدين نيويورك تكتب كذا New York مفصوله ماهي مشبوكه ومعناتها New : جديد York : مكيف سبلت او مكيف شباك
...مستغرب ذات مرتن حمقان

غنوده
21-04-04, 11:08 PM
مستغربوووووه
انا بسوي (q57)
عشان(q43)

ماس
21-04-04, 11:49 PM
بعيدا عن معاناتك ممكن اكون اول من يحصل على حقوق صياغة مذكراتك وتحويلها الى فيلم فنزويلي ؟؟؟؟؟

غنوده
22-04-04, 12:23 AM
ماس كم تدفع<<<<< وحده طماعه:o


مشكور اخوي ماس على مرورك

ماس
22-04-04, 12:30 AM
ادفع سبعين يورو لمدة سبعة اشهر كل شهر عشره وبعد السبع شهور ادفع لك الف روبيه هنديه وعند العرض ميتين مارك وبعد العرض خمسين ريال قطري واهم شيء انك راح تكوني بطلة المسلسل بمشاركة من تختارين من الاعضاء ليقاسمك البطوله اوكي ؟؟؟؟؟؟؟؟

غنوده
22-04-04, 03:26 AM
ماس لاااااااااااااااا انت كذا تاكل حقوقي
انا ماارضى الا 10 مليون دولار ولا مافيه
البطوله ابغاها يشاركني فيها الى الان ماقررت شكلي بخلي الاعضلء يرشحون انفسهم

دعوة للترشيح يااعضاء لاتفوتكم :rolleyes:

ماس
22-04-04, 03:36 PM
أرشح فريق اول للبطوله ايه رأيك ؟؟

غنوده
22-04-04, 05:41 PM
لاااااااااا ماس ابغى واحد رومانسي:p
ترى فريق اول شوي قاسي كافي من اسمه فريق اول:cl:

ماس
22-04-04, 08:58 PM
طيب وش رأيك سيف العداله ؟؟

أبوشـrاrه
24-04-04, 01:52 PM
(q38)

بخ!!!

ههههه عجبتني هذي

واحد ما يدري وش السالفه...

أنا أرشح نفسي (cj)

بس أهم شي يكون فيه مغامرات (q22)

عشان تحلو الرومانسيه (qq140)

(خارشكم)
10-06-08, 03:26 PM
مشكوووووووووووووووووووووووووووووووووووووور خيووووو

رحمالوف
10-06-08, 07:07 PM
8
8

خارشكم ياخي أنت شكلك مدمن تنقيب إإ (d)
مدري من وين تطلع هالمواضيع ..

بعدين غريبهـ ماقلت ( الله يجزاك ألف ألف ألف خير على الموضوع ) ..(qq122)

¨°я» بنت عـآدية «я°¨
10-06-08, 08:02 PM
ياحوووووووول .. وينهم الناس ذولي الحين :gcr852:

بس والله موضوع حلو

خارشنا هات الحلقة الثانية تكفى (vv)

wawer girl
10-06-08, 11:57 PM
مسكيييييييييييييييييينه

والله مررررررررره تنرحميييين

بس الموضوع رووووووووووعه يهببل

الا اقول...........

متى الجزء الثاني؟؟؟

بليييييييييييز نزليييييييييييييه بسرعه

اتحراك