المساعد الشخصي الرقمي

مشاهدة النسخة كاملة : يارب ماهو حلم -------


جنيفر
19-09-06, 06:14 AM
السلام عليكم ورحمة الله وبركاته



اعلن وزير الصحه الدكتور حمد المانع عن انشاء مركز متخصص في الاخطاء الطبيه –يارب حقيقه مو حلم-

حيث تمنع الوزاره سفر أي طبيب اخطأ بحق مريض


الشاهد في الموضوع ان ليت هذا ما يكون كلام على ورق –مثل العاده



لان الى يصير مو غلطه ونقول معليش الا اغلاط وارواح

والى يضيق الخلق تلقى المستشفى ما ان تحس انه احد الاطباء اخطاء فبقدرة قادر تسفر الطبيب وخروج بلا عوده – وعاد الحقوه بديرته

اذكر الله يرحمها ام وحده من صديقات توفت بخطأ والى الان بالمحاكم

حتى لودفعوا تعويض وش يفيد فقد الحبيب



(a27)
انا عن نفسي دخلت في رجلى عود ورحت لمستشفى ودخلوني ما ادري وين وجابوا دكتور – بس اظنهم حالفين عليه يشغلونه -- وكم ابره وطلع شئ وصرف لي ادويه

وكنا مسافرين ومنشغلين وانا اسبوع احس بالم واعرج بالمشي—يا حياة الشقا


ورجلى احس تعورني قلت يمكن اثار الجرح


واحنا بالمطار

دعست امي على رجلى – يازينها من دعسه- وطلع الله يكرمكم صديد وراس شئ

اقسم بالله انه باقي العود طلع وصرت زي الحصان—حتى انه بغيت اسافر مشى من الفرحه –مو لها الدرجه –




يمكن لان الحين سهل الواحد يسافر ويطق شهادة ويرجع ويصير دكتور نمره واستماره


بس الله يكفينا الشر

آسفه وزارة الصحه ما قلت ها الكلام الا لاني احبك



وصوره لحمد المانع –


ياوزارة الصحه انصفينا ------- ارواحنا ترى غاليه علينا


كم شايب وطفل راح ضحيتك ----وشاب مات والسبب غلطتك


ودمعة ام تالى الليل بكت ---- غالى لاجله العمر بذلت


ياوزاره حنا معك واقفينا---- بس القرار بيدك ماهو بيدانا




ويارب يكون الخبر اكيد

هواجيس القايله
19-09-06, 06:35 AM
السلام عليكم

هالحين وليه مايسوون اختبارات للسباكين الي يجيبونهم مع احترامي لبعض الدخاتره
البلد الحمد لله مقبله على خير في ظل قياده ابو متعب
ليش مايكون الاساس صح
ليش مانجهز الربطه قبل الفلقه

وصح لسانك
جنفير

ياوزاره انصيفينا

الله يشفي مرضنا ومرضى المسلمين قادر ياكريم

اللطيفة
19-09-06, 08:09 AM
يعطيك العافيه اخوي جنيفر على هالموضوع الهادف0000ان مانسمع وما نرى من اشياء يشيب من هولها الفؤاد
فوزارة الصحه بدأت ترسل لنا قصابين وليسو اطباء بل يقولون استشاريين 0000
ولاحول ولاقوة الابالله العلي العظيم0000
نطالب بهذا الصدد وزارة الصحه ان يخافوا الله في ارواح المرضى ؛وهذه وظيفتهم التي سيسألون عنها امام الله يوم القيامه000
اللطيفة000

جنيفر
19-09-06, 08:37 AM
شكرا

هواجيس القايله


شكرا

اللطيفه



على طاري القصابين الى تقولون عنهم

اقسم بالله العلى العظيم هذي حادثه صارت لى

كنت ادرب في مستشفى حكومي وبالعاده اخذ اصنصير الطوارئ احسه فاضي

ومره وانا راكبته الا الا شعور الباب انفتح والا سرير طاير ووراه سستر وحرمه في السرير ووحده مرافقه


وجاء بعده ولدين

الشاهد في الموضوع البنت الى في السرير كانت تصرخ وكان اللحاف يرفع عنها

الا ها الممرضه -- فلبينيه --ومعصبه

تضربها على فخذها

وتقولها انت ما يشوف رجال -- عاد لو هي مغطيه شعرها عند ها الرجال كان ابرك لها بدل ما تسوي ناصحه



طيب مريضه وبمستشفى مو بسوق


الله لا يوليهم علينا

sgar
15-10-06, 01:05 AM
صح لسانك جنيفر
والحمد لله على السلامة

ولعل الخبر يكون صحيح حتى نسلم منهم
العجيب يرضون بالقصابين ولا يرضون بطلابنا الي معدلاتهم تقل عن 98؟؟؟؟؟؟؟؟؟؟؟؟

جنيفر
15-10-06, 03:21 PM
sgar

يشرفني مرورك العطر



والموضوع الى الان محلك سرك




وكل الحب والتوفيق

cardiac
15-10-06, 05:17 PM
اختي جنيفر ناوية تخربي بيتنا شوهتو سمعتنا (q31) :D

هو صحيح في اخطاء من الاطباء ولكن غير مقصودة ويبقى الطبيب بشرا ممكن ان يخطأ

اذا كانت الاجهزة المبرمجة تخطأ فكيف نستغرب من خطأ الانسان

وبصراحة انصحكم ما تروحون الا لطبيب تعرفوه او سمعته زينة اما التجارب العشوائية الله يستر منها (ern)

جنيفر
15-10-06, 05:48 PM
cardiac



ليش اخرب بيتك ---




وكم بيت انخرب بسبب الاخطاء الطبيه




من جد شئ يعور القلب ----




بس الموضوع على ورق يعني لو يطبقونه خلاص مافي دكاتره يشتغلو ن



وماقلنا شئ انهم يغلطون بس عاد مره امرتين بمشوارهم مو طول الخط


وانا احدى بنات وزارة الصحه -------- وما احس بالموضوع خراب بيت الا من جهة المريض




وثانكس

همسة شوووق
15-10-06, 11:27 PM
The theme was wonderful.
Thank you

((تأبط ضباً))
16-10-06, 05:11 AM
يعطيــــــــــــك العافيـــــــــــة أيتها الغاليـــــــــــة((جنيفــــــــــــــر))

وبالنسبـــــــــــــة لوزارة الصحـــــــة....صارت...من جرف لبيــــــــــر اللهم ياكافي...؟؟؟!!!



[COLOR="Purple"][SIZE="5"] {{بس أبيات الشعـــــــــــر...شي...مو معقـــــــــول..(qq166) (a26)