المساعد الشخصي الرقمي

مشاهدة النسخة كاملة : للرمع السريع فقط..& حله كـــاتم الونه


شريف الشمال
13-09-06, 11:27 PM
مساء الخير يابو منصور دخلت قلت اشوف العلوم اثريها قابه و مقفل
قلت افتح صفحه جديده الله يعين 0 ونشوف رمعه المهره
انشدك عن مصلاح راعي رعيه @@ يفرح لها ليله ذهابها
ويفزع الناس مدعيه@@ ويشره على الفزاع اذا جابها

كاتم الونة
14-09-06, 01:40 AM
هلابك يابوفايز

مساء النور والسرور

صحيح اللغز الجديد يجب ان يكون بموضوع مستقل

والمحلول ..يقفل بعد التباريك والتهاني

صح لسانك وعلا شانك

لى عودة بحول الله

":":":":"::)":":":":"

المُهرة
14-09-06, 01:48 AM
8
8

خالي غششني
صرت ارونجيه

النجديه
14-09-06, 02:22 AM
8
8
غششيني يا بنت عمي

ترى رمعتى انا ما تجي الا مره في العمر ما عاد تكرر ههههههههههههههههه

كاتم الونة
14-09-06, 03:20 AM
نفتح الباب وعلى الله التوفيق

رمعة

":":

والد الزوجة..

تحيتي وتقديري

>الحصــــــان<
14-09-06, 02:01 PM
شريف الشمال تسلم وصح لسانك

مرماع البعثة الدبلوماسية أو السفارة

دمت سالما

SKYCRUISER
14-09-06, 08:05 PM
صح لسانك يابوفايزوعلى شانك

جاري التفكير

مع اني أعتقد انهامهيب طالعتن عن الرمعتين اللي فوق:)

شريف الشمال
15-09-06, 02:53 AM
الله يمسي اخواني واخواتي بالخير والرضاء
اخي سكاي كروزر 00 بتطلع وتشوف
الحصان 000 مالك لوا
ابو منصور 000 والله اشوف منك التفكير العميق ( اشرح لك ان شاء الله بعدي يا ذيب الذيابه 00
النجديه00 ان اتكلتي على بنت عمك كبري وسادتك
المهره 00 باقي الاحمر وكل الوان الطيف

كاتم الونة
15-09-06, 03:12 AM
الله يمسيك بالخيرااات يالغلااا

ابوفايز

طيب طيب // جاري التفكير مره اخرى

تحية محب

SKYCRUISER
15-09-06, 03:25 AM
هلاوغلابابوفايز

بتطلع وأشوف؟؟؟؟؟؟

كنت احسبهم حلوها..أجل أنااللي بجيبها انشاءالله هههههههه

تحياتي

كاتم الونة
15-09-06, 03:28 AM
8
8
كفو ياسكاي

تقول وتطول يابعدي

ننتظرك

أنا الان مركز جدا وقاعد احضر والبخور معجعج ههههههههههههه

SKYCRUISER
15-09-06, 03:34 AM
8
8

أجل يبيلك فنجال قهوه يالغالي

على طاري الفنجال:

وش رايك بفنجال القهوه يابوفايز؟

كاتم الونة
16-09-06, 02:11 AM
فووووووووووق للتمعن

كاتم الونة
16-09-06, 05:40 PM
نغير الاتجاه

مضراب الكيرم والخمسين.(غير مقتنع)

احساسي يقودني للالعاب..!

تحية وتفكير

شريف الشمال
16-09-06, 10:29 PM
نغير الاتجاه

مضراب الكيرم والخمسين.(غير مقتنع)

احساسي يقودني للالعاب..!

تحية وتفكير

هلا ومسهلا بالطيب واهله 00
اخوي سكاي 000 عليك بالجاوليه يامرحوم الوالدين
ابو منصور 00 الله ينصرك 00 تفكيرك يقلع القلب 00 من قلبي لك كل الغلا

النجديه
17-09-06, 02:26 AM
والله انا تعبت وانا افكر بس مالقيت اقرب من هالحل

7
7
7
والد الزوجة..

SKYCRUISER
17-09-06, 03:06 AM
الدعوى فيهاألعاب

أجل نقول عظيم ساري!!!

وش تقول يابوفايز؟

شريف الشمال
17-09-06, 05:58 AM
اختي النجديه000 سلامتك من التعب اخيتي 00 هذي عين ماصلت على النبي
00
اخوي سكاي 00 عظيم ساري0 !!الله يسعد ذيك الايام ويسعدك 00 مالك لوا عليك زود يامال الغنيمه

SKYCRUISER
17-09-06, 10:20 AM
اييييييييييييييييييه يابوفايز(qq165)

وش رايك في

حارس المرمى؟:40ghr21:

كاتم الونة
18-09-06, 02:34 AM
فووووووووووق هام السحب

ياخوفي اني ماعرف هاللعبة..!؟

تحية محب:)

شريف الشمال
18-09-06, 05:30 AM
اييييييييييييييييييه يابوفايز(qq165)

وش رايك في

حارس المرمى؟:40ghr21:
الحارس الله يحّرس اخوي ويصونه00و من الشياطين سفليها وماردها
ويحرز اللغز عنكم ماتلاقونه00 ويتوه مابين صادرها واردها
وان بان لك منه شي يظيع مكنونه00 كنه سراب الفيافي لاتطردها
هذي تشبك مع ذييكه ومقرونه 0 0 هذي تفند وهذي من يفندها00؟

المُهرة
18-09-06, 05:39 AM
الحكم :)

شريف الشمال
18-09-06, 06:06 AM
فووووووووووق هام السحب

ياخوفي اني ماعرف هاللعبة..!؟

تحية محب:)

والله انك بها زيدان بالكوره00 ومثل علوش للي سلكهم ناقز0

شريف الشمال
18-09-06, 06:11 AM
الحكم :)

الحكم لله00 والحكم للي يدفع اكثر

كاتم الونة
18-09-06, 10:50 AM
والله انك بها زيدان بالكوره00 ومثل علوش للي سلكهم ناقز0

مرحبابك هلا ياواضح الصورة=لك مكانه صريحة مابها حاجز
انت الذي لاتكلم ناخذ ابشوره=وانت الذي بالمحبة أسمكم رامز
من ضبا لين تاصل راس تنورة=كل نقطة عليها حبكم راكز

لاهنت يابوفايز....

رمعتي الجديدة...صاحب اللغز و ((( الـرمـعــة ))

تحية محب

العنـــود
18-09-06, 07:46 PM
يالشريف..

هو شيء يتعلق بالألعاب صح ولا لا؟(hjh)

كاتم الونة
19-09-06, 04:28 AM
فوووووووووووووووووووووق

هااااااام السحب.:)

شريف الشمال
19-09-06, 06:05 AM
مرحبابك هلا ياواضح الصورة=لك مكانه صريحة مابها حاجز
انت الذي لاتكلم ناخذ ابشوره=وانت الذي بالمحبة أسمكم رامز
من ضبا لين تاصل راس تنورة=كل نقطة عليها حبكم راكز

لاهنت يابوفايز....

رمعتي الجديدة...صاحب اللغز و ((( الـرمـعــة ))

تحية محب

انا اشهد انك تعرف تغوص في بحوره= ياعاشق الصعب مالا يعجبك جاهز
عليك مني زهار الود منثوره = يلي بكل المعاني الكامله حايز
نجديه ومهره يله مسح صبوره = هذا جزء لاتحسبنه لكن حافز

كاتم الونة
19-09-06, 10:39 AM
8
ماعليك زوود يالغلااااا

صح لسانك وعلاشانك

لاهنت ولاهان غاليك

تحية محب

المُهرة
19-09-06, 11:00 AM
انا اشهد انك تعرف تغوص في بحوره= ياعاشق الصعب مالا يعجبك جاهز
عليك مني زهار الود منثوره = يلي بكل المعاني الكامله حايز
نجديه ومهره يله مسح صبوره = هذا جزء لاتحسبنه لكن حافز

doPoem(0)
اجل عقابنا مسح السبورة
وراه (hjh)
وش حنا مسويات
هههههههههههههههههههه

للأسف ما جذبني خالي في النباهه
جاذبني في الدلاخه :D

كاتم الونة
19-09-06, 11:07 AM
8
هههههههههههههههههههه

طيب طيب...يقولون القواله.. ان دميجتي من اليسار فيها نباهة 2غرام

ودميجتي من اليمين فيها دلاخة 2كيلو..

عاد انتي ما اخترتي الا اليمين.. تجذبتس ههههههههههههههههههههه
هههههههههههههههههههههههههههههههه

المُهرة
19-09-06, 11:09 AM
8
8
تقول أمي خذي اليمين عشان ما ينضلونتس الناس
شوفي خالتس محط انظار الناس اللي يكفيه شرهم
هههههههههههههههههههه

اشتقت لتس يا يمه
متى ترجعين :(

كاتم الونة
19-09-06, 11:40 AM
8
ههههههههههههههههههه

اجل عمتِ مساءاً هههههههههههههههههه

ههههههههههههههههه

خلك على الدلاخة تحى يرث الله الارض ومن عليها

ههههههههههههههههههههه

خلك على الطين لين يلين ههههههههههههههه
:/:/:/:

الله يرد اختي بالعافية والسلامة..(تسنه ضاق صدري.!؟)

كاتم الونة
19-09-06, 05:42 PM
مساء الخير يابو منصور دخلت قلت اشوف العلوم اثريها قابه و مقفل
قلت افتح صفحه جديده الله يعين 0 ونشوف رمعه المهره

انشدك عن مصلاح راعي رعيه @@ يفرح لها ليله ذهابها

ويفزع الناس مدعيه@@ ويشره على الفزاع اذا جابها


الغالي ابوفايز...اذا كانت رمعتي صحيحة

وهي اللغز والرمعة..

انا من الناس اللي يفرح ويشكر الفزاع اذا جابها

واظن اغلب اللي ينظمون الالغاز يشاركونني الرأي

وش رأيك انت..؟

SKYCRUISER
19-09-06, 06:05 PM
ماشااااااااااء الله مبروك يابومنصور

ماشاءالله تبارك الله جبتها يالغالي

تحياتي وتقديري

شريف الشمال
19-09-06, 10:02 PM
الغالي ابوفايز...اذا كانت رمعتي صحيحة

وهي اللغز والرمعة..

انا من الناس اللي يفرح ويشكر الفزاع اذا جابها

واظن اغلب اللي ينظمون الالغاز يشاركونني الرأي

وش رأيك انت..؟

مسا الورد 00 والله يا بو منصور انا موافقك والاخوان جميعا يفرح الانسان اذا لقي من يعرف لغزه والدليل اني ما خليت ورده تستاهلك الا حذفتك بها0 يعني فرحان0 و( الشرهه) هنا ليس بمعنى الزعل بمقدار ماهي انتقال حق لمن عرفها حصريا بطرح لغز على الحاضرين ويسري المجلس ولم تعرف وتبات لديهم وخصوصا اذا عرف الحل قبل المسرى بقليل من الوقت 0 وطبعاالان الوقت اختلف ولايخفى عليك الحشوا في اللغز من ضرورياته للتتويه مالم يتعارض مع حال المقصود والدليل انك اول رميه لك (ابو الزوجه وعلقت على رمعتك في حينه )نعم يفرح لزواجها ويشره اذا جائته زعلانه0 واحيانا هو يروح ويتلها من قدام خشم جوزها وهو يشوف 0 00 وقلت لك تفكيرك عميق لانه اعجبني وعلى المعنى في ظاهره وفي باطنه وحسيت انك متغربل زي اخوك في مسؤليتهن والتفكير في مصالحهن وهذي ماتطرى على اي احد عادي 000 ومكفيتك المهره وهايدي ونجديه وانت ابوها وسميها يابو منصور وانا من ايدك اليمنى الا اليد الشمال 0

كاتم الونة
19-09-06, 11:20 PM
8
كلام حكيم..بيض الله وجهك يالغلاااا

لاخلا ولاعدم يابوفايز

وانت مقامك على العين والراس يالقرم

لكن لاتخلينا ننتظر لغزك الجديد على نار

وافر الشكر والتقدير لشخصك الكريم

المحب دائما:)

كاتم الونة
19-09-06, 11:21 PM
ماشااااااااااء الله مبروك يابومنصور

ماشاءالله تبارك الله جبتها يالغالي

تحياتي وتقديري

الله يبارك بعمرك يامبدعنا

لاهنت ولاهان غاليك

تحية :) محب

كاتم الونة
19-09-06, 11:22 PM
هذا اللغز محلول



":"

ومغلق:)

المُهرة
19-09-06, 11:33 PM
مبروووك يا خالي
معليش تطفلت ورديت وهو مغلق
توبه معد اعيدها
بس ودي اهنيك واعلمك أن صدري ضايق مثل صدرك
الله يرد اميمتي بالسلامة :)

كاتم الونة
19-09-06, 11:51 PM
8
الله يبارك في عمرك

الله يهنيك بالايمان وطاعة الرحمن

وبالعكس تمونين وانتي راعية محل

سلامتها وخيتي عسى ماشر؟؟؟؟؟

الله يردها بالسلامة..يااااارب

المُهرة
19-09-06, 11:58 PM
8
8

الله يسلمك يا خالي
وخيتك طيبه بس مسافره عند ولدها اللي بارامكو
مسيره عليه :)

كاتم الونة
20-09-06, 12:04 AM
8
ايييييييييييييييييه

الحمدلله..الله يوسع صدرها بالعافية يااارب

الله يقر عينك برجوعها سالمة وغانمة

آمين

كاتم الونة
20-09-06, 12:05 AM
لغز محلول



ومغلق:)