شوربة اللحم وعرفناها - فكيف بالشعيريه؟؟؟؟؟؟؟

[عبادي نت]

8
8
8

8
8
8
8
اول شيء لااحد يفهم موضوعي على اني اخذ الدعوه

عباطه

لأني راح اصير عزوبي في رمضان واحتاج مساعدتكم

فماراح اصبر على اكل المطاعم (الله يديم النعمه)
طوال الشهر الكريم

كما اني لن ارابط عند الجماعه 24ساعه افطر عندهم

لذلك قررت على الاقل يوم يومين افطر فيها في بيتي

وبديت اجرب من الاسبوع الي راح طبخة(شوربة اللحم)

سيدتي/ احمسي البصل مع الزيت في القدر(لين يشقر) وانتبهي لايحترق

قطعي اللحم قطع صغيره وطلعي الشحم اذا كان كثيرا (علشان ماتصير شوربتك دهن)

ضعي اللحم مع البصل ثم اردفيه بالطماطم والبهارات المشكله والليمون الاسود(اهم شيء)

وشاك في الفلفل الحار (انتي وضميرك)

صكي الغطى لين الدنيا تشقر كلها

ثم ضعي الماء وانتظريه يغلي وكبي عليه الشوربه

اربع يدين خمس - حسب عددكم


سيدتي/ انتبهي لطبختك قد تقرض الشوربه

ولايبقى منها شيئا الا العويل

فسخني ماء على جنب (احتياط)

اووووووووووووووووووووه

نسيت الملح

لا احنا فيها الى الآن ضعي قدرا قليلا من الملح

(لأنك تستطيعين زيادته اذا قل

ولكن لاتستطيعين انقاصه اذا زاد)



بعد ساعه قدميه الى زوجك

وانتظري ورقة الطلاق


لا لا امزح

والله اني سويتها وكنت صايم

افطرت عليها وتعشيت بعد



مائده حلوه ان شاء الله



من منكم تعلمني طبخة الشعيريه؟

واكون ممنون لها

[المُهرة]

هلا أخوي

الشعيرية لها عدة وصفات
مدري تبي شوربة الشعيرية ولا الشعيرية الحلوة

المهم
الشعيرية اللي نعرفها طريقتها كالتالي :
نجيب الشعيرية ونكسرها لكسر صغار
ثم نحمي كم ملعقة زيت ونحمس الشعيرية فيها لين تشقر
وضروري تكون النار هادية تحت الشعيرية وحنا نحمسها
بعدها نصفي الشعيرية من الزيت ونحطها بقدر ونضيف لها موية مغليه
وسكر حسب الرغبة وذرةهيل مطحون
ونحطها على النار ونقصر عليها النار ونخليها لمدة نصف ساعة
وبالعافية خيوووو


واي طريقة ثانية حنا حاظرين :)

[عبادي نت]

8
8
8
8
يسلمو يسلمو ياأخت المهره

وشكرا على الوصفه

[عبادي نت]

يااخت مهره حصل عندي لبس بسيط

انتي تقولين احمس الشعيريه مع كم ملعقة زيت لين تشقر

(اصلا الشعيريه لونها اشقر)

متى اطلعها واحط عليها مويه

ابغى بالوقت تقريبا

[المُهرة]

يااخت مهره حصل عندي لبس بسيط

انتي تقولين احمس الشعيريه مع كم ملعقة زيت لين تشقر

(اصلا الشعيريه لونها اشقر)

متى اطلعها واحط عليها مويه

ابغى بالوقت تقريبا
الشعيرية العادية واللي نعرفها لونها مثل لون المكرونة
والله اعلم شكلك تقصد الشعيرية الباكستانية هي اللي يجي لونها اشقر
وش نوع الشعيرية اللي عندك
وابشر بالشرح المفصل :)

[عبادي نت]

شعيرية العلالي

[المُهرة]

إذا شعيرية العلالي ما حمست طال عمرك (q77)
تجيب شوي زيت وتحميه على النار وتحط عليه الشعيريه بعد ما تكسرها
وتهدي النار وتقلب الشعيرية لين يصير لونها أحمر .. انتبه لا تحترق
وعلى طووول صف الشعيريه عن الزيت عشان ما تتحمر زيادة
جب قدر ثاني وحط فيه الشعيرية ثم صب عليه تقريباً 3 كاسات ماء مغلي
إذا كنت بتحط مقدار الكيس كله
وحط على الشعيرية والموية السكر اللي أنت تحب
مثلاً 3 فناجيل سكر وشوي هيل ( ذرة بين اصابعك )(a21)
بعدها نحط القدر على النار ونترك الشعيرية لين تغلي
ثم نقصر عليها ونتركها نصف ساعة
وبالعاااافية خيووووو

:)

[عبادي نت]

8
8
8
شكرا يااختي

ولو تتكرمين وتطبخينها وترسلينها لي على الخاص ماهو احسن (خخخخخخخخخخخخخخخخخخخخ)


شكرا مرة اخرى

[المُهرة]

(hjh)
8
8

مافيه مانع
الا إذا تبي ارقام طباخات يسون الأكل وأنت تروح تجيبه
مثل سمبوسة مثلجة وفطائر وافخاذ دجاج
وجريش وهريس وقرصان ومرقوق
فترا عندي :)

[عبادي نت]

8
8
8
8

ماعندي مشكله بس انتي شكلك في القصيم

وانا من الرياض

إذا تعرفين ارقام في الرياض (حي السويدي ) ارسليها تكفين


بس هاه لاتكون غاليه

[المُهرة]

8
8

أنا بنفس ديرتك بالرياض
والرقم اللي بعطيك اياه في السويدي :)

[عبادي نت]

8
8
8

شكرا يااختي على المساعده والتواصل معي في هذا الموضوع

[عبادي نت]

8
8
8


اخت المهره لو تعرفين طريقة الشاورما <<< الي تنحط في الخبيزات الدوائر الصغيره <<< اكون ممنون لك

لأني ابشرك بديت اشتغل طباخه وابيع <<<هههههههههههههههههههههههههههه

[المُهرة]

8
8
ولا يهمك
نسوي لك الشاورما بموضوع خاص
جاري الحط ههههههههه