أقام الصلاة ورفض الإمام أن يتقدم ... هذا ماحصل للأسف ونحن نشاهد

[سوّاح]

السلام علاكم ..

مسيكم بالخاااار تسلكم جميعا ً ...

يتميز مسجد حارتنا إنه على توقيت مكه المكرمه طوال العام ...

إمام مسجدنا أول إمام بالمنطقه على كلام الوالد - الله يحفظه - حسب

رواية شهود العيان ..

هالإمام له بالإمامه قرابة (50سنه) الله يطول عمره على الطاعه

قولوا آمين ..

ابحاول أسمعكم الأيام الجاية مقاطع من تلاوته الجميله

طبعاً إن فزع لي اخوي اللي مايرد لي طلب

هو ووجهه (a14) <<< ضيَّع السالفه

ذكرون بموضوعي الله يشغل عدوكم ..

بس بس تذكرت تذكرت .. شكر خاص لمن ساهم بالتفكير شعورياً ..

تراي قلت شعوريا ً مب شعيريه يالدبدوبه عشان ماتحدجين بذا (q84)
مساجد الحاره اللي حولنا يطلعون قبلنا ب25دقيدزه تقريبا ..

ومسجدنا جرت العاده ان الكسالى والكسَر يجونه بشكل تسبير

خاصة الفجر والعصر وصار معروف

حتى عند الأحياء القريبه منّا ..

المراد إننا قبل يومين وحنا ننتظر الإقامة لصلاة

العصر<< وين أبونديم يسمع أغديه يتأثر

وإمامنا كالعاده يجي مبكر وينحر متسانه

على المتاكي الخلفيه للمسجد ويتسنن ويقرأ قرآن

وإذا جت الإقامه تنحنح ونبط المذن يقيم الصلاة (qq170) ...

ذاك اليوم صادفت وجود (بدوي طرقي) لأن مسجدنا يقع على شبه

طريدز استوائي (asj)

وبفراستي لاحظت تحركات غريبه مصدره هاك البدوي النشمي

راعي الصلاة الله يوفقه ...

سأل اللي جنبه بهواش : وين الإمام الناس صلت ؟

قال شفه هناك وأشار عليه ..

بدا ينادي بصوت مرتفع يامطوع يامطوع يامطوع ..

اتجهت الأنظار صوب الأعرابي << لمحبي الفصحى أمثال أبو شدز http://www.qassimy.com/vb/images/icons/icon6.gif

ولازال رافع الصوت والإمام رادٍ به كأنه مايسمع ..

صراحه البدوي أتّش مرررره (ekaj) ولا ألومه مادرى عن الوضع أصلا ً

والإمام متعود على هالنتشات بين الحين والآخر

وصار مايلقي له بال من باب :

إن كنت ذا رأي فكن ذا عزيمة *** فإن فساد الرأي أن تترددا

وحقيقه حتى الإمام مالمته لأني أحب الثبات على المبدأ

حتى لو كان على حساب البدوي الخاص http://www.qassimy.com/vb/images/icons/icon10.gif

المهم ولللللللللللللع البدوي وصار يردد :

أقم يامطوووع أقم يامطوووع أقم يامطوووع

وخوينا مادرى عنه شكله حاطه بالخامس

أو إنه ماسمعه أصلا <<<درس في حسن الظن

المهم يوم قفل البدوي قام من متسانه وأقام الصلاة بصوت جهوري

لدرجة إن بعض الموجودين اللي توهموا سماع

النحنحه قاموا للصلاة (a14)

اللي عاشوا الأحداث ميتييين من الضحك على هالموقف

لأن البدوي أقام وتوهق لا هو اللي صلى ولا أحد قام معه يصلي

توقع إنه بتصرفه ذا بيحرك لوبي المسجد للضغط على الإمام

أو إنه بيستخدم حق الفيمتو <<< يسمع بالفيتو , عشان يلغي حق

الإمام بالإمامه ..

التفتُ على نسيبي اللي كان قريب مني وتبادلنا


النظرات والضحكات بسكااات <<<< تواطؤ على البلا والجلا

وقف البدوي شوي وهو مطيّر عيونه بالإمام (q85) ماش ماكو فايده

أقل من دقيدزه إلا وحنا نسمع اححح احححح

اححح اححح .. مؤذنة بزوغ فجر جديد على البدوي اللي وهق نفسه

قضت الصلاة وقمت أتلفت أشوف

آخر الأحداث <<< الله يعظم أجرالملقوفه فاتت عليه ذي

خوينا قام على طووول وهو يتمتم بكلمات ماأسعفن الوقت عشان

استعين بصديق (q84)

وسلامتكم يابعدي

[أبونديم]

وين أبونديم يسمع أغديه يتأثر

تصدز اني تأثرت
لو انا من الامام تسان سأل البدوي هو متوضي والا لا
تصدز عاد حصل موقف للشيخ محمد بن عثيمين رحمه الله
كان الشيخ في صلاة المغرب ونسي الاية وقاموا الجماعه كلهم يردون
من يحصل له يراد على الشيخ
بعد انتهى الصلاة قال الشيخ رحمة الله
المفترض يرد القريب من الامام حتى لا يكون هناك ضجيج في المسجد يعجز الامام من سماع الاية
وكان هناك اعرابي طرقي فقال للشيخ وهو لا يعرفه اللي مايعرف يقراء وشوله يصلي بالجماعة
فضحك الشيخ وتعجب الحاضرين

[سوّاح]

تصدز اني تأثرت
لو انا من الامام تسان سأل البدوي هو متوضي والا لا
تصدز عاد حصل موقف للشيخ محمد بن عثيمين رحمه الله
كان الشيخ في صلاة المغرب ونسي الاية وقاموا الجماعه كلهم يردون
من يحصل له يراد على الشيخ
بعد انتهى الصلاة قال الشيخ رحمة الله
المفترض يرد القريب من الامام حتى لا يكون هناك ضجيج في المسجد يعجز الامام من سماع الاية
وكان هناك اعرابي طرقي فقال للشيخ وهو لا يعرفه اللي مايعرف يقراء وشوله يصلي بالجماعة
فضحك الشيخ وتعجب الحاضرين


[line]

هاهاهاهاها عسى التأثر جاب نتيجة بس

[أبونديم]

[line]



هاهاهاهاها عسى التأثر جاب نتيجة بس
من ذاك اليوم لليوم والنتيجه فتاكه
متى تسير علينا بالقصيعه

[سوّاح]

[line]من ذاك اليوم لليوم والنتيجه فتاكه
متى تسير علينا بالقصيعه
ياحبي لك أنت والقصيعه كمان >>>> يحسبه أكله

[سوّاح]

أبو نديم
تبي الجنط الله يوفدزه محافظ على العصر والفجر مثلك ؟!!

[بارعه]

الله يرحم ابن عثيمين

يذكرني باللي نقرا عنهم اول بتواضعه ووساعه صدره.

وشكرا اخوي على اسلوبك المرح الجذاب http://smilies.sofrayt.com/%5E/8/superbiggrin.gif http://smilies.sofrayt.com/%5E/r/grins.gif

[الملكي نت2007]

يعطيك العافيه ليه ماصليت معه انت ونسيبك هههههههههههههههههه والى خارج عن الجماعه يرجموك برا لاتزعل امزح

[سارة هالزمن]

خخخخخخخ


الله عليه هالاعرااابي مامن صبر


طيب انتم ياللي تصلون بتوقيت مكه هل هالشي صحييح

؟؟؟؟؟

اعرف ان المساجد الكبار اقصد الجوامع تتأخر عن المساجد بشي بسيط موب نص ساااااااااااعه


.

.



رهيب موقف الشيخ بن عثيمين الله يغفر له

[سوّاح]

أختي بارعه
هلا بك ومرحبا
هذا من حسن ذوقك
شكرا لجميل لفظك ولطفك

[سوّاح]

الملكي نت2007 (http://www.qassimy.com/vb/member.php?u=77916)
اقتراحك حلو مثلك بس العواقب الله يستر
تصدق عاد يمكن أول من يرجمن أبو نسب <<< عنده ترسبات قديمه الله يكفين شره
شرفني مرورك ياغالي

[سوّاح]

أختي سونونو
لازالت الصلاة في وقتها جزاتس الله خير
ورحم الله شيخنا ابن عثيمين
وشكرا لمرورتس

[همس الأزاهير]

الله يعظم اجر الامام على هيك نوعيه..

[سوّاح]

فعلا الله يعظم أجره
شكرا لك

[قلم بلا قيود]

قواك ربي ويعطيك العافية

****************

اذكر اول مانزلت المنطقة حيث العمل الجديد رحت اصلي بمسجد وصفه لي ولد عمتي
وكنت جاهل بالمواقع والمشايخ لاني جديد بالمنطقة

ذاك اليوم صليت بالصف الثاني وخبرك اقامو الصلاة وتقدم الامام وكبر
اللي حصل ان الامام قام ينتفض مع كل تكبيرة ويرجع لوراء هم يتقدم يوكبر وينتفض لوراء(qq79)
<<< انا سهجت وبحلقت عيوني واقول بنفسي وش به لا ينصرع الحين ولا يطيح همن من يصلي بنا (qq15)
اتريه الله يشفي الجميع به علة بس مابده الى يصلي بالجمع قواه ربنا ويثيبه

ومرة ثانية نفسه سهجنا بصلاة العيد وصلى من غير ميكرفون
ناس لحقت وناس ما انتبهت الى بعد حين
بعد ماخلص شغل الميكرفون ليخطب


بكل الاحوال كلا بأجره وحق الأمامة جزاء كبير


يسعدك ربنا خيوو

[سوّاح]

قلم بلا قيود
أهلا بك وسهلا شرفت الموضوع
أشكرك على إضافتك الجميله

[غرابيل]

مسجدكم هاذا يصلح للعجاااااازين مره

على مايلحطوووه ابووي يقوم يصلي والا امــه تلحقه بالزبيريــه يالله يالله ماتفوووتووه الصلالالالاة ههههههه


يسلموو على السووولاااافــه <<يادمك :)

تهياطي

[ابوهتون]

ههههههههههههههههههههههههههههه

تحياتي للجماعه البواسل

اللي ماخقو مع البدوي الدخيل


جماعه الشيبان احينا تحب يباسة راسهم

[سوّاح]

hrمسجدكم هاذا يصلح للعجاااااازين مره

على مايلحطوووه ابووي يقوم يصلي والا امــه تلحقه بالزبيريــه يالله يالله ماتفوووتووه الصلالالالاة ههههههه


يسلموو على السووولاااافــه <<يادمك :)

تهياطي

وش قصدتس أنتي هاه قولي ..
لو إنكن تصلن بالمسجد طلعت الفضايح(qq18)

[سوّاح]

hrههههههههههههههههههههههههههههه

تحياتي للجماعه البواسل

اللي ماخقو مع البدوي الدخيل
جماعه الشيبان احينا تحب يباسة راسهم

هلا بك والله ياغالي

تصدق بغينا نخق إلا شوي ..!!

رحمناه الله يرحمنا ..

بس أبو نسب راسه ناشف أكثر من الشيبان
ياحبي للشيبان وأنت معهم