المساعد الشخصي الرقمي

مشاهدة النسخة كاملة : سيف العداله,,,وفريق اول ,,والبلنتي ,, في سياحه خارجيه ....لاتفووووووتكم


همس الشفايف
16-04-04, 06:35 PM
السلاااااااااااااام عليكم ورحمة الله وبركاته

يالله ان تحييهم كل ابوهم (adf) وشلونكم عساكم طيبين انا الحمد الله انوز واسابق البنوز :)

هذي سلمكم الله قصة طلبها مني فريق اول وانا تممت له واتوهقت

وانتم عاد خابريني حبيبه وما اقصر ابد ( مادح نفسه ...... ) (q3)

المهم ولاااااااااعليكم امر ابيكم تقرونها كل ابوها ...صح انها طويله بس مايخالف حطوا اصابعكم على قطع الاتصال واقروها وماراح يضركم شي ابد >>>>> حجرت عليكم

بس تكفون ابيكم تردون على الموضوع رد سنع ومابي خشش بس >>>> هذا ان ردوا عليتس (kk)

وعاااااااااد عساها تجوز لكم وتوسع صديركم لان هذا الغرض منها فقط لا غير

نبدأبسم الله .................

(qq55)


في ذيك العطله الصيفيه ....يوم الحر والضربات الشمسيه .....وكلن يفكر يسيح سياحة داخلية ...بس في الاخر

يروحون برى السعوديه ...كان فريق اول وسيف العداله والبلنتي قاعدين في الملحق حزت الظهريه ...والعرق

يصبصب منهم حشى ولا تقول حنفيه ...وفريق اول متمدد وسارح وقاعد يلعب بطرف الطوفريه ..ويناظر حسن

كراني في القناة السعوديه ...وهو يقول درجة الحراره خمسين درجه مئويه :o ..

طرت على باله فكره جهنميه ..قال يالربع ورى مانروح نتبرد في القارة الاوروبيه..

ناظره البلنتي وهو وده يشوته بالزبيرية..قال فريق:وش بلاك لاتفهم غلط تراني قايلها عن حسن نيه (qq78)

قال البلنتي:موب على سذا بس انت ماتعرف شيابنا والعصبيه القبلية...قال فريق:ازهلها بنقول لهم انا رايحين

للشرقية... التفت عليهم سيف وهو كان يصب له غجر من الزمزمية..قال:انت وياه معكم دراهم والابتروحون لها

رجلية...كني اشوف قطتكم كلها ماتجي خمسميه ..

المهم ركبوووا ريسانهم ويحاولون يخططون للسفرية ..واتفقوا الثلاثة انهم يتواعدون من باتسر عند محل بياع الفول والطعمية ... ويروحون يتقضون بناطيل وكرفتات وبدل رسمية..( عاد يسد سجع نبت في راسي فقع (qq103)


فاصل ااعلاني

(qq69) الخطوط السعودية..تشجع السياحة الداخلية..وتقدم لكل مسافر قالب مهلبية..:o خخخخخ (qq69)


المهم قام كل واحد يجهز شنيطته

عاد انتم خابرين فريق يحب الترزز والتكشخ وخذ معه فنايلة العلاق وكمن ترنق على كمن شورت ( ترى الشورتات سراويلة القديمة قصهن من حد الركب اللي متشققات من كثر الكرف )

اما البلنتي زرف بلايز سواقهم ام كاروهات
وسيف وصى ام العيال تجهز له شنيطته وقام هو حط شنطتن لحالها فيها فروته خايفن يلفحه الهوى ( لاتلومونه كل ابو دايم يتابع مع عياله برنامج سلامتك ..سلامتك ,,نود لك سلامتك :p )

عاد يوم شافه البلنتي هو ويافريق بالفروه حقته قام البلنتي غمز لفريق وقال: خل ندبر له تصريفه يمين يسار

فوق تحت ,شجره نمله :cl: اي شي اهم شي مايروح معنا بفروته ويفشلنا <<<<< اخس يالزكرتي

كان سيف حولهم ومشغل راداراته وناطل اذنه بينهم

قال لهم : اسمع انت وياه ..والله ما اقعد لو تمنيتوا فرقاي ..والله لقعد لكم على القلب عله (qq24)

قام البلنتي وفريق يبون يصرفون الموضوع وقالوا: عله ..اسلم (بتفوتكم الطياره وانتم قالبينها هنا مضارب الباديه

المهم يجي من باتسر الصبح والعصفور يصوصصو والقطو ينونو
وينقز كل واحد من مرقده كنه واحدن مقروص وينقر كل واحد خشم ابوه وراس اميمته ويودع اهله وسيدااااااا على المطار ( لا استغفر الله نسيت اقول لكم انهم وقفوا عند البقاله وشرو حمضيات )

ويدخلون المطار وكل واحد طايرتن بوهته اول مره يشوفون المطار (ماتنلامون والله انتم راعين مسك خطوط )

وطبعا كل واحد كاشخ بالبدله والكرفته (qq25) ,,,, (qq23) ,,,, (qq53)
وهم جالسين بالانتظار وعاجبهم البراد والبلاط

التفت فريق عليهم وقال : ياهووووووووووه وش هالحركات وين فرزاتشي عنكم

انبسط سيف وفق خشته واستانس وحط رجل على رجل على شان تكمل الكشخه

وفريق يناظره بنظره اعجاب بس مادرى الا والزبيريه تتدودل في رجل سيف

قام فريق صكه مع جبهته وقال:انت يالخبل وراك لابس زبيريات

قال سيف : لاتخاف موزي في مخباتي شرابات اذا حسيت بالبرد لبستها

وهو اللي وده يطغسه بالكرفته اللي لابسها ...وفي لحظه غضبه ( تن تن تون نداء الرحله سته زبعه خوموسطعشر

المتوجهه الى باريس ..على الركاب الازدعداد) >>> سوداني تراه افهموما (q76)

نقز البلنتي وقال : يالله ياعيال هذي طيارتنا
قال سيف: اقعد يابو الشباب حنا رايحين لفرنسا ذولا رايحين لباريس :cl: >>> راعي طويله الرجال

قام تله فريق مع كرفتته وعلىىىىىىىىىىى طول على الطياره

همس الشفايف
16-04-04, 06:38 PM
يوم دخلوا الطياره يلقون ذاك السعودي اللي مرتز عند الباب
سأله فريق بيتأكد انها طيارتهم والا مشبه عليها

قال : اقول يالطيب هذي الطياره رايحه لباريس
قال المضيف: لا البطحاء
قال فريق: طيب وين الطياره اللي بتقلع لباريس >>>> على نياته الرجال
قال المضيف :اقول اركب امزح معك
ناظره فريق بطرف عين وقال : هذي بدايتها وشلون اذا جيت تعطيني عصير بتكبه في وجهي (q99)

المهم يدخلون ويجلسون في كراسيهم ( طبعا كالعاده طقاق عند الدريشه هه اذا كانوا بتطاقون عند دريشه الددسن وشلون على الطياره ) :p

وهم في لحظه صمت ومستعدين للاقلاع مادروا الا باللي يحتسي بالمكرفون (الا على طاري المكرفون من اللي مخترعه :o .>>> وهقتهم (اقول قولي سالفتس واخلصي )

ويحتسي المضيف : اعزائي الركاب يوجد لدينا جزمه على صاحبها التوجه الينا واستلامها (تراها الزبيريه بس مستحي يقولها )
قام يضحك فريق : والله ناس مفهيه فيه احد يضيع نعاله
وسيف متربع على الكرسي وحافي ويلعب بصبع رجله الكبير اللي كنه راس ضب

قال فريق : وين نعالك
رد سيف: ياشيخ ملبقها عند الباب (حشى صار ملحقكم ذا موب طياره )
وهو اللي يناظره بحقد ووده ينطله مع الدريشه

قال البلنتي :والله مانروح نستلمها تعبر بهالنعال الين ناصل (الشيخ حاط نعال اديداس في كيسه بيده ذابحتك الرياضه والله ,,,بس ماتجي بدله رسميه ونعال كوره >>>>جت على هذي يعني الدعوه كلها حوسه وبربسه

ويعلن المضيف على ربط الاحزمه للاقلااااااااااااااااااع (q92)
ويتربطون ويتحزمون كلهم الا فريق ماربطه عناد( ايه على شان مافيها مخالفه والا بتربطه غصبن عنك)
ويقلعووووووووووووووووووووووووووون

وفي اثناء تحليقهم تكلم المضيف مرتن ثانيه (ياكثر حتسيه هالمضيف )

وقال: اعزائي الركاب سوف تتوقف الطائره في لبنان ثمن تكمل مسيرتها الى باريس

سكت المضيف منا ويلتفت فريق على اللي وراه وقال:انتم بتنزلون في لبنان والا بتمسكون الخط معنا لباريس

قال الرجال:بنمسك الاملاء معكم .>>>>>> ياشين التميلح

مادرى فريق الا ويسمع كركره بنت وراه
قام نفص عيونه اللي كنها ليمون اسود وقال في نفسه طبعا :يامرحبا ارحبو يامرحبا (qq45)(ترى توقيعه ذا اللي صاجكم ماجى من فراغ لها مناسبه وذكرى عنده ولاااااااااااا تبونه يغيره بعد )

التفت عليهن فريق ولقاهن يناظرنه مبتسمات
قال فريق : ياحليلهن جزت لهن ( هيه انت وش جزت لهن الا اول مره يشوفون تمساح على الطبيعه )

المهم وصلو ولبنان واقلعوا ثانيه وكملوا رحلتهم

وصلوا هالشهبان الثلاثه لباريس كل واحد فاق خشته من البسطه
ونزلوا من الطياره
قال فريق : يالله نحول عفشنا بسرعه
قال سيف:يارجال خلنا نتلين ونطلق رجولنا ( اذكر الله لاتطلق تراه ابغض الحلال عند الله )

قال البلنتي : وعفشنا طيب
رد سيف:يمدي عليه يارجال .>>>> الظاهر انك تحسب الطياره ملبقتن عند فندقكم

ناظره فريق وانتم خابرينه حامي ويحب ينجز كلش بسرعه
قال له:يارجال خلك حي حدك حي واذا مت قبرناك (هذي حكمته اللي ماتفارق شفتاه ,,اما شفتاه براطم مزبده وتخب

المهم سمعوا شور فريق وراحوا يدورون عفشهم ولقوا كل العفش الا الشنطه اللي فيها الفروه ويدورون يمين يسار بس ماااااااااااااش مالها اثر ابد
سيف ماحرص على الفروه قد ماهو حارص على الشنطه اللي مخططه بزرق واصفر لانها هديه من البلنتي(تظنون ان فريق هو اللي مضيعها )

صااااااارت الشنطه ماخذينها التفتيش لانهم شافوا طرف شعر الفروه يحسبونه خروف فاطس فيها
ويفتحها الفرنسي وقام يقلب فيها يدور راسها
يوم شاف كموم الفروه قال :هقوتي انه فيل هذا له خراطيم( الحين فرنسي ويقول هقوتي ..الا ماقال ماهقيت ان البراقع يفتنني ,,كملي سالفتس بس )

المهم ويتوكلون على الله ويروحون ويقفون لهم تاكسي
وياقف لهم ذاك التكسي اللي فيها واحدن اشقر اعطر
قام يحاسيه سيف مسوي يعرف لغات وقال له : كان يو انقلش

قال فريق : سبيك سبيك
ويعصب عليه سيف ورد عليه : السبيك انت انت ووجهك يالاشهب ( سبيك = دلخ ):md:
قام يحاسيهم الفرنسي : جغوفي لونا مغسيه نوغفيه جي فدغيه( اقول هذا يحتسي والا يتغرغر )
وتطير عيون سيف ويمعطالمويه من بين يدين البلنتي ويشربه ويتغرغر بها كود الفرنسي يفهم عليه

بس ماش حامت سبد الفرنسي وراح وخلاهم
قال سيف: ياعيال تهقون اني سبيته وانا مدري ( احلف قوه )

المهم ويعينهم الله ويوقف لهم تكسي ثاني صار اللي فيها واحدن مغربي ويفرحون به ويقومون يمطخونه
قام الاجودي وصلهم لفندقهم وحلفوا عليه الا يتعشى معهم ( ابو طبيع مايجوز عن طبعه )

همس الشفايف
16-04-04, 06:40 PM
رقوا شهبانا الثلاثه لشقتهم وقاموا يتمقلون عفشها
ويقعد سيف والبلنتي يطامرون على السراير (bb) ( ماينلامون حدهم مطارح مفروشتن في السطح طووووول السنه)

عاد الزكرتي فريق خابر السرير وقد جربه بس وين جربها فيه ؟؟؟؟ ( في المستشفى يوم يسوي عمليه بواسير ) :p

المهم وتجي حزت العشا ويطلعون بيروحون يتعشون ويدخلون ذاك المطعم ويجلسون بيطلبون (q40)

ويقوم البلنتي بيطلب العشا على حسابه ( موب لله الا على شان البنيه اللي عند الكاشير )
قال لها : اقووووول لو سمحتي اربعه بيره وصحنين كبده ( ماتبي خبز تميس ازين )
البنت طبعا مافهمت شي قام قال لها : اي اي ني نن ( هاووووووووووو وراك كنك ددسن مغرز ) :cl:
قامت البنت نفصت عيونها ماتدري وش يقول
وشافه المغربي متوهق قام فزع له وترجم له

جاء الطلب وقعدوا يتعشون واستغربوا طعم كبدتهم ماااااااش ما اعجبتهم
قال سيف : سبدتهم نيه هقوتي ان الحاشي حقهم عليه مرن في سبده قبل مايذبحون ( الا ماتبي يتغرونه بعد)

خلوا اكلهم وما كلوه ( اقول انتم لايكون لحم خنزير وانتم ياغافلين لكم الله )
قال البلنتي : والله ودي اذوق البقلاوه كل ابو دايم ولد جيرانا يحتسي عنها( هذا وجهي ان ماكنت تحسب البقلاوه بنت جيرانكم السواريه )
قال فريق: قم وخل عنك هالخرابيط ترى دراهمنا ماتسدنا >>>فشلتونا عند هالمغربي لو انكم عازمينه على رز بخاري اصرف والله

المهم تعشى المغربي وتوكل على الله وراح لشغله
ورجعواااا الشهبان للفندق ونامووووووووووووو

قاموا من باتسر الصبح الاها تمطر والدنيا مغيمه
قال سيف : والله الجو اليوم جو بران يبيلها كشته جهز العزبه ياولد
نقز البلنتي وطل مع الدريشه بيشوف المطر
ولمح ذيك البنيه اللي تويز مع الدريشه اللي قباله ( محد قدك بنت جيرانكم صارت فرنسيه الله يرحم حال حصيصه بنت جيرانكم في منفوحه من اول تتغزل في قنازعها والحين ساحب عليها بعد هالشقراء)

المهم وهو يقعد يطالعها وتفيض عنده مشاعر روح القصيد وتطلع منه قصيدتن مدري وش تبي
وقال فيها : ياللي مع الويندو تويزين .... اي لاف يو في القلب لو تدرين (منتب سهل والله بس ورى شعرك مهجن

اقام سيف تله مع علباه وقال :هيه انت لاتويز على محارم الناس ,,لايجونك اهلها الحين ويمردغونك هنيا
وهو اللي يصك الدريشه على طول ( من خاف سلم )

قال سيف : يالله بس خل عنك الموايز ورح جهز عزبتنا تلقى سيولهم الحين تمشي مشي والحميض والبقراء كل وحده على حده تقول اقطفني ( فريق وش رايك بهالكلمه خخخخخخ )

وهو اللي يجهز العزبه(لاتحسبونها اي عزبه .عزبتهم من اول فيه غضاره (سحله) وبيالات بادريق وفناجيل ودله مصديه وقدر منعفط وماله غطا وبريق كشته اسود من السموم وقهوه وووووو بس الحين الوضع تغير حاطين اكواب ونسكافيه وايس تي وشوكه وسكاكين وكراسي مع مظلاتها يعني لازم الواحد يتكيف مع المكان اللي هو فيه )

المهم نكمل سالفتنا
تجهزو وراحوا يشوفون الطبيعه ويستانسون بهالجو
قال فريق : ورى مانروح نستأجر لنا ددسن ازين من هالتكاسي
قال سيف:والله مهيب شينه نبي نطعس ونطارد ضبانهم
وسنع الله امرهم واستأجروا لهم سياره الله بالخير( احس والله ان الدداسن ماتوجد الا عندنا )

ويقعدون يفرفرون بهالشوارع الين طلعوا على ذيك الوديان والشلالتات والخضره
ويفرشون عند ذاك الشلال اللي يصب صب ويتلينون
قال سيف : ايه الله يالدنيا ياليت اللي قبالي الحين عيالي وامهم ازين من مقابل هالشهبان
وهو قاعد يتفكر ويتأمل الطبيعه الا ذاك الضب اللي يمر من جنبه يركض( اقول عن النصب الحين فرنسا عندهم ضبان لايكون بس لابس جنز )

وهم اللي ينقزون مع بعض ويعضون طرف ثيابهم (قصدي طرف بناطيلهم )
واطردي واطردي ورى هالضب ولا قدروا يشدونه

قال فريق: اهب ياضبانهم والله ماعليها خطر سريعه ( ايه لابسه كنادر موب زي ضبانا حافيه في هالرمضى)

ويدخل الضب في المويه ويغطس فيها
ويفطسسسسسسس البلنتي من الضحك وينسدح على الارض ويهابد برجلينه بغى ينط له عرز من الضحك
ويقعد فريق وسيف يناظرونه منهبلين يحسبون الولد انصرع
(q74)
قالوا وش بلاك ... قال : ياحليل ضبانهم والله انها محششه
قال فريق : الظاهر موب ذا ضب الظاهر انه تمساح صغير هايت عن اهله
وهو اللي يفطس من الضحك ثانيه
قال: الله يغربلكم هذا التمساح اللي مبشعينا به اعضاء المنتدى كل شوي قايلين انتم يالتماسيح (اشوى انه ماشاف السحالي عاد يمسكها علينا )

المهم كشتوا وعينوا من الله خير

رجعوا للفندق وهم تافلين العافيه وصكوها نومه
قام سيف من باتسر الصبح والباقين خايسين في مراقدهم ويقوم فيهم بس ماش هم ماحولك احد
وطنت في راسه فكره تثبت مدى قدرته على التعذيب البطيء
وهو اللي ياخذ منديل ويلويه ويدخله بشويش في اذانهم الين صاروا يتحكحكون كنهم قطاوه مجروبه >>> موب كنها حركتس ولزقتيها بالرجال

المهم عيوا يقومون ومل سيف وهو قاعد لحاله وقام سوى له كاس شاهي ماصخ(ايه راحت ايام شاهي ام عزيز)
ويفتح التلفزيون ويحط قنات الجزيره ( ماخذ راحتك اجل عيالك موب عندكم وماراح احد يحط سبيس تون غصبن عنك وسابق ولاحق معاد فيه )
ويجي هذاك الخبر العاجل ( شريط لاسامه بن لادن يعلن الهدنه مع دول اوروبا مقابل عدم التعرض للمسلمين)
قال سيف : كفوووووووووو والله مايجيبها الا رجالها
واسفهل وانبسط وتنفتح شهيته >>>>>>>> موب كني بورطك (aqwa)
وينزل بيشتري خبز للفطور وشاف العالم كلها مختبصه ومرتعبه ويناظره راعي الفندق نظرات حقد

وهو اللي يقول في نفسه : انحششششششش ياولد مالك الا ديرتك شكلهم ناويني انا وربعي
ويحط رجله ويروح للشقه ويقوم الشهبان :قوموو قامت عصبكم خلونا نولم عفشنا ونرجع لديرتنا
وبفتح البلنتي عين ويسكر عين ( ايه توك تقوم الحين)
قال :انت يابو الشباب مابعد لفينا ديرتهم كلها ولا رحنا لملاهيهم ولا متاحفهم ولا صورنا مع زيدان

قال فريق: وش طاري عليك وراك عجل بالرجعه
وعلمهم السالفه وقعد يتمسكن عندهم ويقول انا رجال عندي عيال ومابي يصير لي شي ويتيتمون (رحمتك والله تبي ريال ) :o
قال فريق: ايه والله انك صاز مالنا الا ديرتنا ننام بين اهلنا مرتاحين (موب كني حاطتك عاقل وانت من جنبها )

وهم اللي يصملون ويضفوون عفشهم ويرجعون ديرتهم
ملاحظه:
تراهم قبل ماياصلون لبيوت اهلهم مرو بنده وشروا كم سمكه على كم ربيان على شان تكمل كذبتهم
ولا من شااااااف ولا من دري (qq104)

شيخة الكعبي
16-04-04, 07:26 PM
ههههههههههههههههههههههههههههههههههههههه

تذكرت طاش ماطاش يوم انهم سافروا امريكا وحصلت التفجيرات تذكرونهاا؟؟؟

بس يحليلهم مرمطوهم تمرميط قبل لايرجعون الديرة


هههههههه بس قصت هالشهبان تهببببببببببببل ضكتيني ياوخيتي


وتسلم يمينتس على هالقصة والروووعة وكثري منها الله يخليتس

يسلمووووووووووو

تحياتي:)

فريق أول
16-04-04, 11:07 PM
تسلمين يا مشرفتنا على الموضوع اللذيذ ....



بس صراحه مالك داعي .. حنا سافرنا علشان نشوف المتاحف والطبيعه :)


بعدين تعالي .. ليش ما ذكرتي المضيفه المغربيه اللي بالطياره


والله يا هي تغرف العقل (qq) وإلا وش رايك يا سيف :)


ماقصرت... لي رجعه أكيده للتعليق على هالموضوع الخطير :)


تعرفين هاليومين اختبارات :cl:


ماقصرت يا مشرفتنا ....



بالختام


أحلى تحيه لأحلى مضيفه بالدينا :)


وأحلى تحيه لشباب السعوديه

سيف العدالة والبلنتي :)<< وين عايش يا بو الشباب :o


تصبحون على خير



:)

بنوته
16-04-04, 11:58 PM
رهييييييييييييييبه هموسه
والله العظيم موتيني ضحك
الي يمر جنبي ويشوفني اضحك
ومقابله الكمبيوتر يقول الحمدلله والشكر
ههههههههههه

عاد الزكرتي فريق خابر السرير وقد جربه بس وين جربها فيه ؟؟؟؟
( في المستشفى يوم يسوي عمليه بواسير ) :p
موتيييييييييييني ضحك
روعه هموسه

جرس الفسحه
17-04-04, 04:33 AM
روووووووعه هموووووووسه

صااااااارت الشنطه ماخذينها التفتيش لانهم شافوا طرف شعر الفروه يحسبونه خروف فاطس فيها
ويفتحها الفرنسي وقام يقلب فيها يدور راسها
يوم شاف كموم الفروه قال :هقوتي انه فيل هذا له خراطيم( الحين فرنسي ويقول هقوتي ..الا ماقال ماهقيت ان البراقع يفتنني ,,كملي سالفتس بس )



:rolleyes:
جرووووووسي

مستغرب
17-04-04, 07:11 AM
انواع الزحفان والزهقان يا مهسترة البراطم
وطنت في راسه فكره تثبت مدى قدرته على التعذيب البطيء
وهو اللي ياخذ منديل ويلويه ويدخله بشويش في اذانهم الين صاروا يتحكحكون كنهم قطاوه مجروبه >>> موب كنها حركتس ولزقتيها بالرجال

والله انك مانتي صاحيه
وش انتي شاربه فليت بالبرندا


الصراحه قمة الابداع في القصص القصيره:o

المتحد
17-04-04, 11:03 AM
.
على فكره البلنتي هاجر لأستراليا ..
وأنا ماخذ اليوزر حقه ..(qq)
مافيه فايده تغير اسمك مشبوه مشبوه ..
أنا من يوم شفت ردك على نجوم النهار في موضوع
العلوك وأنا حاس أن وراك بلا ..
يعني مأثره فيك المسلسلات المصريه تاكلين علوك وتلطشين
المفتاح حق التجوري .. وتنسخينه بالعلك :o
المره الجايه أبحط صور على كرتون فيه صمغ فيران ..:p
.
آخر المتمه على قولة المصاريا ( بعد ..)
موضوع يبيله قطع أتصال وجلسه من 9 بالليل ..
وأستني ياستي .. ( بحول الله ..)
.
أخوك / عيضه ..
.

ندى المطيري
17-04-04, 03:52 PM
وااااااااااو
من جد أنتهى الإشتراك وأنا أقرأ ..
بس تدرين ..
رووووووووعة ..
ما كدت شفتها أبداً ..
وااااااو والله بقول ..
واااااااااااااو لين ينقطع نفسي ..
يا سلام عليك هموسه ..
بس ترى عاد مهوب أحسن لك ..
:md::md::md:
أشوفك دخلتي مزاج رجلي ..
(g)(g)(g) ..
المهم لا تسولفين علينا المره الثانية ..
ترى هو متابعك ..
.....
:p:p
تحياتي لروعتك حبيبتي ..
قمورة دلوعتهم

سراب
17-04-04, 05:26 PM
هههههههههههههههههههه
هههههههههههههههههههه


يا عمري على خفه الدم يا هموسه

أنت :rolleyes:


تسلمين ويسلم مغليك

بس الموضوع طويل شوي :eek:

همس الشفايف
17-04-04, 08:15 PM
احزان قلب :o
هههههههه بس قصت هالشهبان تهببببببببببببل ضكتيني ياوخيتي
وتسلم يمينتس على هالقصة والروووعة وكثري منها الله يخليتس

مشكوره يابعدي على ردتس ..بس وش رايتس فيهم موب حدهم يروحون للصمان وتخب بعد:o
وعساتس وسعتي صدرتس وياعساها ضحكه تدوم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
فريق اول :o

لااااااااا قصة المضيفه المغربيه مشفرتها والا انتسان علووووووووووووووم :o
يالله بس لاتقعد تعذرب في قصتي يامال اللي
وانتظر رجعتك ورد على سنع (aqwa)

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ

بنوته يالله حيها :o
عسى بس ماجت امتس تقرى عليتس وتنفخ في بطنتس تحسبتس انهبلتي :o
والبواسير هذي الله يكفيتس شرها ترى فريق اول من اكبر المعانين منها وهذا كله من كثر مايجلس ويقابل الكمبيوتر :p
ومشكوره يابعدي على مرورتس اللي كله ملح وقبله :rolleyes:
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
جرس الفسحه :o
وانا صازه انا من اول احسب ان هقوتي مايقولها الا جدتي صار هالفرنسي ماخذ دوره عند جدتي :p
:eek: >>>>>> ترى ذا موب الفرنسي هذي جدتي :o
ومشكور على ردك وماقصرت :rolleyes:

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ

المستغرب :o
ترى حركه المنديل وش زينها اسأل مجربه :oوالله انك مانتي صاحيه
وش انتي شاربه فليت بالبرندا
الصراحه قمة الابداع في القصص القصيره

بصراحه شاربتن حليب بالموز مخيس وهقوتي انه اثر علي :cl:
وبعدين هذا كله وقصه قصيره (kk) تشنجن اصيبعاتي وانا اكتبها والله :cl:
مشكور على ردك وعساك استانست عليها :rolleyes:
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ]

همس الشفايف
17-04-04, 08:17 PM
المتحد
ماعلي منك اسمك الجديد ماجاز لي :p
مدري احس ان اسمك هذا يقرب لقريندايزر وانا بصراحه احب هايدي:p >>> كنتس تبينه يقلب اسمه بيتر :o

المهم اقطع الاتصال ومخمخ عليه على راحتك وانتظر عودتك (aqwa)

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
قموره (qq)

يااابعدي انتي عساها جازت لتس انتي اهم شي
ولتس مني ما اتعدى همس النواعم وياويل رجلتس ان دخل :p

ومشكووووووووووووره على مرورتس يادلوعتنا والله لايحرمنا هالطله :rolleyes:

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
حيرانه :)

ارحبوووووووووووووووووووووووووووو يالله حي السنعه
من ناحيه الموضوع طويل هو طويل والله
يوم خلصت كاتبته رحت امرخ يدياتي بفكس ..بس والله الاصابع وراعيه الاصابع فدوتن لكم :) (اجحدوها عاد)
ومشكوره على مرورتس ياعسل :rolleyes:

بياله
18-04-04, 01:41 AM
ههههههههههههههههههههههههههه

قصيصتن توسع الصدر ياجعل قصيصتس تطول

الله يوسع صدرتس بالايمان وطاعه الرحمان

( يالله ان تحييهم كل ابوهم وشلونكم عساكم طيبين انا الحمد الله انوز واسابق البنوز )

اخسسسسسسسسسسس ياالكزس منتيب عاقله


( وانتم عاد خابريني حبيبه وما اقصر ابد ( مادح نفسه ...... )


كذااااااااااااااااااااااااااااااب :o

(المهم يدخلون ويجلسون في كراسيهم ( طبعا كالعاده طقاق عند الدريشه هه اذا كانوا بتطاقون

عند دريشه الددسن وشلون على الطياره )

ههههههههههههههههههه بس ماقلتى من اللى صار عند الدريشه

اكيد انه فريق هو اللى يتم علمه دايم

(قال سيف : ايه الله يالدنيا ياليت اللي قبالي الحين عيالي وامهم ازين من مقابل هالشهبان)

كفو والله بس يومتس تخلينه يسافر مع هالعزوبيه

(وهو اللي ياخذ منديل ويلويه ويدخله بشويش في اذانهم الين صاروا يتحكحكون

كنهم قطاوه مجروبه >>> موب كنها حركتس ولزقتيها بالرجال)

ايه والله ماكذبتى ونسيتى حركه دغدغه الرجلين بعد

خلااااااااااااااااااااااااااص يسد خسرتينى اتصال ابسير عليكم وكملى لى القصه

عادبتكون منتس املح <<تتمصلح لها عشانها بتسير

ولا تنسين تسوين لى قطايف واصابع التمر بالجوز (qq38)

همس الشفايف
18-04-04, 08:45 PM
بياله :o
قصيصتن توسع الصدر ياجعل قصيصتس تطول

اكثر من هيك مابدي :p



الله يوسع صدرتس بالايمان وطاعه الرحمان
امين والساااامعين والقايله :)



اخسسسسسسسسسسس ياالكزس منتيب عاقله
تحسبين اللكازس لكم لحالكم بس :o




( وانتم عاد خابريني حبيبه وما اقصر ابد ( مادح نفسه ...... )
كذااااااااااااااااااااااااااااااب

وجع انا ماقلت اكملي الفراغ يامال اللي قلت ردي ردت المويه في زورك بلا
وبعدين مافلحتي الا في هذي تكملينها
الله يخلف على اميمتس بس

ههههههههههههههههههه بس ماقلتى من اللى صار عند الدريشه
اكيد انه فريق هو اللى يتم علمه دايم

كنتس تشوفينه جالس عند الدريشه ويتفل على اللي تحت :p

كفو والله بس يومتس تخلينه يسافر مع هالعزوبيه
على قولت جدتي خليه يطرب شبابه :o

المهم اذا بتسيرين علينا جيبي معتس شي يوكل والله ترى ماعطيتس اللي انتي موصيتني عليه :p

همس الشفايف
20-04-04, 05:53 PM
:o

حبيت بس امشي الموضوع على الشريط

خلوه يتنفه شوي الضعيف :p

سيف العداله
04-05-04, 06:31 PM
اوريك يا ام البراطم (aqwa)

بس هدنه يومين حتى يطيب بطنك همن اطب في بطنك واوريك شغلك انتي وبراطمك :p

النابغة الأزدي
04-05-04, 08:59 PM
ههههههههههههههههههههههههههههههههههههههه
ههههههههههههههههههههه

مشكوووووووووووووووووووووووووووووره مقصرتي

والله يعطيك العافيه

وردة الرياض
05-05-04, 02:22 PM
ههههههه هموسه والله روعه تسلمين يابعدهم

:o والله اني ضحكت لين بغيت اموت على هالمنتهين

بس حلوه حامت سبد الفرنسي هههههههههههههههه

ولكي مني اجمل تحيه

همس الشفايف
10-05-04, 03:31 PM
سيف العداله :o

والله ماعندك الا الحتسي :p

تراني مشفرتن واااااجد اسكت والا علمت (aqwa)



ابو هاجوووووووووس :o

يعافيك ربي وعساها جازت لك بس لاتسوي سواتهم لا اوصيك :eek:


ورد الرياض :)

ياعسى هالضحكه دوم يابعدي

وهالفرنسي ماله رب يوم ان سبده ماتحوم :o

مشكوره وماقصرتي :rolleyes:

ولـــد نــــوره
12-05-04, 12:58 AM
(a99)


تـــــــــرى الحب مــــــــــاهوب بالكــــــــلام && تــــــــــــــــــــرى الـــــــــحب بالأفـــــــــعال
وأنت اخـــــــــتــــــــرت حبــــــــــــــك

سيف العداله
13-05-04, 05:18 PM
طلعي كل المشفر (aqwa)

ولد نوره وش عنده بكل مواضيعك بس يصفق لك (qq)

همس الشفايف
14-05-04, 03:34 PM
سيف العداله ما اقدر اقول ترى قناة السعوديه تقرب لي :o