أبغى نصيحة

[رامز]

توني بايع مغسلة في الجبيل الصناعية بـ 125,000ريال وأبغى بزنس في الرياض ، دلوني يا العارفين

[المُهرة]

والله أنا منيب من أهل البزنس
بس برضو يمدحون بزنس المغاسل في الرياض
الله يوفقك خالي رامز

:)

[رامز]

هلا والله بمهرتنا الغالية ، بس ما نفعتيني وانا خالتس ، أبغى حقين البزنس بس ما أبغى نصابين زي اللي خسروني نص مليون

[تفانين]

اخوي رامز ما انصحك بشغلة المغاسل لانهم صارو مثل النمل بالرياض
وطبعا بما اني اصلا من اهل الرياض اعرفها زين
شوف اتجاه الناس الان ترفيه
يعني منتزهات واسواق ومحلات بلاي ستيشن وما الى ذلك
واضف كذلك كوفي شوب انترنت هذا ماشي جدا لاننا بعصر الانترنت ونمر بمرحلة مهمة من التقدم
وطبعا الحاجة الي ما يكسد سوقها ابد الاكل يعني البقاليات و المطاعم هذي بالرياض ما يحتاج بطلن الحريم يطبخن كيفو اهل المطاعم
وانا بحط موضوع شفته عن دراسات جدوى للمشاريع المتوسطة والصغيرة يمكن يفيدك

[رامز]

مشكورة تفانين على النصائح أنتظر موضوعك عن الجدوى الإقتصادية ، شباب أنتظر نصحكم خاصة شباب الرياض

[رامز]

من جد يا مال المشق هالمرة ، وجع ولا واحد منكم دلني على طريق

عندي مصاريف وزوجة تبي تعيش هاي كلاس وليتكم تشوفون وجهها ، شوفوا لي حل راتبي حول ستة طعش ألف لكن ما يفي بمطاليب القردات وامهم

[تفانين]

يوه انتبهو اخونا رامز عصب
خلاص الان بحط موضوع دراسات الجدوى
بس بصراحة اهلك مسرفين

[المُهرة]

من جد يا مال المشق هالمرة ، وجع ولا واحد منكم دلني على طريق

عندي مصاريف وزوجة تبي تعيش هاي كلاس وليتكم تشوفون وجهها ، شوفوا لي حل راتبي حول ستة طعش ألف لكن ما يفي بمطاليب القردات وامهم
مهما يكن
ذولي بناتك وزوجتك يا خالي
وزوجتك اكيد تتجمل عشانك (a21)
<<< ترا بتعصب عليك (ekaj)

بس وش تبي ندلك عليه
ما عمرنا جربنا التجارة
بس سمعت أن محلات الخضار تدر عليك ذهب
بشرط تكون الخضار طازجه وتجيبها يومياً من اسواق الخضار الكبيرة
ولا تنسى تسوي توصيل مجاني عشان تضمن الربح الوفير

سمعت
لكني ما جربت :)

[رامز]

---------------------------------------------

[رامز]

المعذرة على ردي السابق ، تفانين ، بسرعة ، المهرة أنا مافيني شدة على الخضار وأنا أعرف ان فيها مكاسب كبيرة لكن تحتاج شباب وأنا أبغى بزنس مريح ، وأعترف أهلي مسرفين جداً ، لكن تعودوا على ذلك ، احتمال أتقاعد الشهر الجاي اذا الله هداهم ووافقوا وابغى أرجع للرياض وأسوي بزنس واعرس على وحدة جديدة تهمز رجلي كل ليلة (q47)

[حسن خليل]

هلا والله بمهرتنا الغالية ، بس ما نفعتيني وانا خالتس ، أبغى حقين البزنس بس ما أبغى نصابين زي اللي خسروني نص مليون

الله يعوضك هذه الخسارة اخوي رامز

والمغاسل في الرياض أشوفها تشتغل وتدر أرباح لا بأس بها

[تفانين]

خلاص اخوي رامز حطيت لك مشاريع
وبصراحة لو منك اخلي المدام تشتغل فيها لان بعضها ينفع للنساء و ممتاز
خليها تعرف قيمة القرش وشلون ينتعب عليه
ما يمنع تخليها تجرب يمكن تنجح

[oaj]

ترى المغاسل والله لو تفتح بين ثلاث مغاسل تنجح بإذن لله

اسألن انا

خاصه لا فتحت حول شقق كنز يجيك

بس نظام نسبه من هالبنقاليه والهنود

[oaj]

تدري لازم تفتح مغسله بالرياض وقريب يم بيتنا عشانك صديقي وكل شي بلاش

[المُهرة]

ابغى أرجع للرياض وأسوي بزنس واعرس على وحدة جديدة تهمز رجلي كل ليلة (q47)
يا ويح تسبدتس يا أم عيال رامز (qq100)
(qq28)

[المُهرة]

ترى المغاسل والله لو تفتح بين ثلاث مغاسل تنجح بإذن لله

اسألن انا

خاصه لا فتحت حول شقق كنز يجيك

بس نظام نسبه من هالبنقاليه والهنود
وعند قطيم الخبر اليقين (qq172)

[حسن خليل]

اخوي رامز

أقول جرب مقهى انترنت، اعتقد انه يدر أرباح زينه خصوصاً إذا أحسنت اختيار الموقع.

[حسن خليل]

أقول جرب مقهى انترنت، اعتقد انه يدر أرباح زينه خصوصاً إذا أحسنت اختيار الخدمات الملائمة والموقع.

[المُهرة]

أقول جرب مقهى انترنت، اعتقد انه يدر أرباح زينه خصوصاً إذا أحسنت اختيار الخدمات الملائمة والموقع.
معليش بتلقف أخوي حسن
الآن النت صار بكل بيت وعن طريق الدي اس ال أو الاتصال الفضائي
نادر تلاقي ناس تتصفح النت بالمقاهي
مو لوه محل للقهوة يكون افضل
مثل مقهى د كيف (qq18)
:)

[حسن خليل]

معليش بتلقف أخوي حسن
الآن النت صار بكل بيت وعن طريق الدي اس ال أو الاتصال الفضائي
نادر تلاقي ناس تتصفح النت بالمقاهي
مو لوه محل للقهوة يكون افضل
مثل مقهى د كيف (qq18)
:)

هلا أختي المُهرة

المقهى شغله زين إذا كان اسم المقهى له سمعة مثل د كيف

لكن عدة مرات أدخل مقاهي النت وتكون مليانة

ربما تكوني على صواب وأكون مخطئاً (qq115)

والله أعلم

[تفانين]

مقاهي الانترنت مليانة ليل نهار
بيت اهلي فيه نت وكل شي
بس مع ذلك اخوي وولد اختي كل يوم بالمقهى لانهم يقدرون يتقابلون مع خوايهم ويقعدون ويستانسون جميع
اما بالبيت صعبة

[رامز]

أشكر الجميع على التفاعل ، الحقيقة لي أسبوع في الرياض وأخذت إجازة بالقوة من العمل ، المهم اشتريت مطعم وضخيت فيه ثمانين ألف ريال وأبغى أفتحه بكره الخميس مساءاً والله يوفق أنا متفائل فيه ، أما مقهى الإنترنت والله غيرتوا نظرتي له ، الحقيقة عندي انترنت في بيتي في الرياض ومع ذلك أروح للمقهى بسبب الزحمة على النت في البيت ولم أجد المقهى فارغاً أبداً ، ومقاهي الدكتور كيف رهيبة فأنا أسكن جوار أحد الفروع ، عموماً عندي وقت قبل التقاعد والرجوع للرياض وأرجو أن يكون قصيراً فالبزنس في الرياض شي عجيب لكن السكن فيها مزعج لمن تعود على الهدوء والبحر ، شكراً مرة أخرى وبارك الله فيكم جميعاً .

[تفانين]

اخوي رامز بالتوفيق ان شاء الله والف مبروك البزنس الجديد
بس ما علمتنا وين المطعم
وبعدين وشلون تفتحه ناشف كذا وين العزيمة وين حلاوة الافتتاح

وترى مقاهي الانترنت روعة وانا يوم اروح الرياض اشوف اخواني شلون يقبلون عليها مع ان في بالبيت

[ابو شلش العيوني]

طيب


عدي وانا ابو هندي

شفلك مدرسة ثانوية ولامتوسطة

وافتح جنبه بوفيه ((تسالي)) احسن للمتوسطة

والله يابتشوف الشغل

المتطلبات حسب رايي

عاملين هنود
محل فتحة وحدة
ريكود بسيط
طاولتين مع اللكراسي
فريزر ارضي (لحفظ اللحوم والبطاطا والخبر)
براد لتبريد المشروبات
فرن
قلايات الزيت


وعاد مايلزمك الا تدريب العمال على الطبخ

وان صارن فلوسك زايدات افتح محل فتحتين

وخله كبدة ومقلقل وحطة جنب ثانوية

وتشوف الشغل وماتقول ابو حمد ماقالي

وتراي انتظر السعي على احر من الجمر

لا تراي استهبل

[بنت الهدا]

قال رسول الله ( ص ) : من صلى علي حين يُصبح عشراً ، وحين يُمسي عشراً أدركتهُ شفاعتي يوم القيامة

[لمبة مضيئة]

والله اللي اشوفه مافيه احسن من ابو ريالين مكسر الدنيا بس اهم شي اختيار الموقع المناسب وبالتوفيق انشالله