تكفووون علمون حبه حبه..

[العنـــود]

بسم الله الرحمن الرحيم..

مراحب للجميع..

انا موعندي مشكلة بس يمكن تقولون ورطة..

اشتراكي خلص بالدي اس ال يعني البطاقة انتهت .. وماعرف اشترك مرة ثانية..

ولا ادري وش السالفة اللي معدل لي ايها راح الله يحفظه..

تكفوووون علمون كيف اعبي النموذج.. تراني ماادري وش السالفة..

البطاقة اللي عندي شبكة نت ..

ابغاكم تعلموني ولو حصل بالصور..

شاكرة وداعية لكم..

تحياتي..

[الشعبــي]

وش نوع المودم اللي عندك ..!

[العنـــود]

هلا فيك اخوي الشعبي..


وهذا نوع المودم ..


Speed touch

[أبو بدر بن عبدالمحسن]

السلام عليكم..
يعني انتي الحين اخذتي بطاقة اشتراك DSL جديدة وما تعرفين كيف تسوين الإعدادات والا كيف؟؟

إذا كذا شوفي اتصالك السابق كيف كان هل تشغلين الجهاز وتلقينه متصل مباشرة والا فيه ايقونة للاتصال تتصلين منها؟؟

جاوبي على الأسئلة وبعدين نرد عليك ان شاء الله..

[العنـــود]

السلام عليكم..

وعليكم السلام ورحمة الله وبركاتة وطيب صلاوتة..

يعني انتي الحين اخذتي بطاقة اشتراك DSL جديدة وما تعرفين كيف تسوين الإعدادات والا كيف؟؟

ايه انا مشتركة وابغى اجدده للمرة الثالثة بس مو عارفة كيف اسوي الأعدادات..


إذا كذا شوفي اتصالك السابق كيف كان هل تشغلين الجهاز وتلقينه متصل مباشرة والا فيه ايقونة للاتصال تتصلين منها؟؟

اول ما افتح جهازي تلقائي يدخل النت وتتطلع لي لوحة تم العثور على شبكات اتصال لاسلكية ولما اضغط على الموقع اللي ابيه تطلع لي صفحة جهاز المودم .

جاوبي على الأسئلة وبعدين نرد عليك ان شاء الله..

جاوبت اخوي ابو بدر..

افيدني جزاك الله خير..

[أبو بدر بن عبدالمحسن]

طيب اذا تجددين الاشتراك على نفس اسم المستخدم وكلمة السر معناها ما يحتاج تعدلين شي انا توقعتك تشترين بطاقة DSL جديدة..
على العموم اذا كنتي غيرتي اسم المستخدم وكلمة السر تقدرين تغيرينهم من إعدادات المودم (بصفحة المودم اللي تطلع لك)
بتلقين على اليسار (بيسك وأدفانسد) ادخلي على (بيسك) بعدين تحتها (كونكشنز) وسجلي اسم المستخدم الجديد وكلمة السر الجديدة.. بعدين اضغطي (Save All) تلقينها فوق (بيسك).. وبكذا المفروض يتصل.. اذا اتصالك مفعل من مزود الخدمة وخط تلفونك واصلته خدمة الـDSL بدون مشاكل..
وإذا ما ضبط معك جربي ادخلي على (أدفانسد) بعدين (إيزي سيتب) بيطلع لك معالج يطلب منك بعض الأشياء لكن ما أذكرها بالضبط بس إعداداتها (PPPoE) و (0/35) << الرقم هذا ترى نسيته اتوقع انه صفر 35 أو يمكن صفر 38 اللي تدعمه شركة الاتصالات بالسعودية.. أغلب ظني انه 35 والمشكلة ما عندي اتصال DSL بس اتذكر أيام كنت اشتغل بالدعم الفني بشركة أثير الله يذكرها بالخير.. :)

[العنـــود]

الف شكر لك اخوي ابو بدر على تواصلك بالرد على مشكلتي..

المشكلة انحلت معي وبالصدفة ومادري كيف صارت.. وردك هذا راح اخليه مرجع لي الشهر القادم..

تحياتي،،