البارق النجدي
28-08-06, 01:03 AM
بلاني العشق بعيونك=أتوه في سحرك الجذّاب
وحار القلب بفنونك=غدا كلّه هوى واعجاب
يبات الليل بجفونك=يلاعب رمشك الخلاب
ويحلم يرشف امزونك=ويسقي روضة الاحباب
****
طلبتك تحسن اظنونك=وتنسى الواشي الكذّاب!
ترى لك قلب ما يخونك=تولّع في هواك وذاب
فديتك راعِ مفتونك=نهاري واقف(ن) بالباب
مرامي لمحة عيونك=وبسمه بالحلا تنساب
وشَعرك لكسى امتونك=ظلامه يسحر الالباب
***
بحرفك باح مكنونك=تِداري والهوى غلاّب!
يِبان العشق مِن لونك=وسِرّك تعرفه الأجناب
تعال اقبلْ على هُونك=هِنا بيتك.. وانا البوّاب
رضيت بوحشة اسجونك=وانا لك جنّة (ن) واعناب
****
رجيتك داوِ مضنونك=ترى جرحه أبد ما طاب
رماه الحب بجنونك=عليل(ن) ما درى الاسباب
وصار القلب من دونك=كما الخيمه بلا أطناب
يهون الود يا عونك =وخلّك طايح (ن) منصاب؟!
وحار القلب بفنونك=غدا كلّه هوى واعجاب
يبات الليل بجفونك=يلاعب رمشك الخلاب
ويحلم يرشف امزونك=ويسقي روضة الاحباب
****
طلبتك تحسن اظنونك=وتنسى الواشي الكذّاب!
ترى لك قلب ما يخونك=تولّع في هواك وذاب
فديتك راعِ مفتونك=نهاري واقف(ن) بالباب
مرامي لمحة عيونك=وبسمه بالحلا تنساب
وشَعرك لكسى امتونك=ظلامه يسحر الالباب
***
بحرفك باح مكنونك=تِداري والهوى غلاّب!
يِبان العشق مِن لونك=وسِرّك تعرفه الأجناب
تعال اقبلْ على هُونك=هِنا بيتك.. وانا البوّاب
رضيت بوحشة اسجونك=وانا لك جنّة (ن) واعناب
****
رجيتك داوِ مضنونك=ترى جرحه أبد ما طاب
رماه الحب بجنونك=عليل(ن) ما درى الاسباب
وصار القلب من دونك=كما الخيمه بلا أطناب
يهون الود يا عونك =وخلّك طايح (ن) منصاب؟!