ماسمعته من ابو هنود وصديقه السواق بالخبر ... واسواق الراشد

[أستاذ قلق]

السلام عليكم ورحمه الله وبركاته
ابى اقولكم ماحصل او بالاصح ماسمعته من صديق الحلاق بالشرقيه ( الخبر )
اسمعو وقربو اذانكم زين لنى والله ماصدقت اللى يحصل
قبل يومين كنت بالخبر ويازينها ويازين رطوبتها صراحه متعه الراحه فيها والوناسه
جاء ذاك اليوم وقلت للمدام ابى اروح احلق واتكشخ لك يابعد تسبدى انتى
طلعت من الفندق وذهبت لحلاق هندى او مدرى بنقالى المهم كان فيه عنده زبون جلست انتظر الين خلص الزبون
واركب على ها الكرسى اللى تسنه كرسي طياره
وتاخذنا السوالف مع ابو هنود المهم مادرى وش اللى وصلنا اننا نتكلم بالاسواق
واساله عن اسواق الراشد واللى هو مجمع الراشد ونا صراحه مادرى عنه ولاقد دخلته واسمع انه يحصل فيه معاكسات لاكن لم اصدق الا من ابو هنود
قلت له طيب مجمع الراشد كويس
على طارت عيونه قال مافيه كويس قلت ليش قال كلو شباب خربان وبنات خربان قلت كيف خربان
عاد تكلم صديق الحلاق واللى هو اساسا سواق عند عايله سعوديه بالخبر
قال صديقه
البنات يجون لسووق وثم تركب مع واحد صديقها يقصد
والسواق مرتز عن السوق
صراحه انا ماصدقت يعنى معقول هذا يحصل للبنات
طيب وين اهلهم وين المراقبه وين الانتباه لهم
المهم انا اوجعنى راسي وقلت لازم ادخل ها السوق واشوف
وعرفت ان السوق مكان مغزله وخرابيط



والان ندائي الى هيئه الامر بالمعروف والنهى عن المنكر
انهم ينظرون الى هذا السوق

وتحياتي لكم

[طايرتن بوهتي]

كل اسواق المملكه على هالحال و اردى بعد
مو بس الراشد !!!!

[أم نــــوير]

انت يااخوي تدري ان الهيئة تمنع..(بضم التاء).. من ارتياد المجمعات الكبيرة خاصة اللي لها شهرة كبيرة...(وانتم تعرفون من اقصد)

لاتبعد بعيد بل الطامة الكبرى في شركة مكة واللة فيها من الهوايل مايشيب لها الراس..,وأذا تبون أدلة ماعندي مانع..

أما الأهل يبون الفكة منهم ومن غثاهم يخلونهم يذلفون عنهم..

مااقول غير يارب ستـــــــــــــــــرك وعافيتك...

هذة أول مشاركة لي... أفتتحتها في هذا الموضوع..

اللة يجزاك خير اخوي..

[شبيـه الريـح]

..رجال الهيئة لا يتواجدون بـ مثل هذه الأسواق ، فقط يمرون مرور الكرام ( تسجيل حضور)

..فعلاًَ مهازل تصير من الشباب والفتيات ..وهذا السوق يسير بلا رقابة وهناكـ العديد من الأسواق أيضاًَ ..الترقيم والغزل عيني عينكـ وبلا رقيب ..

تشوف سيارة الهيئة بمواقف السوق لكن لاأثر لهم !! أمر محير فعلاًَ

[ندى الذكريات]

اخي استاذ قلق تحياتي لك وحياك بالشرقيه

لكن الي ما تعرفه ان الهيئة تعاني من فرض سيطرتها بالمجمع

وعلى حد علمي انه فيه اشخاص لهم الكلمة الطوله بتحديد امكانات الهيئه بالمجمع

هذا على خبري قبل سنتين تقريبا لانه كنا انشوف رجل الهيئه بشكل محدود وقليل جد

لكن اول ما فتح الصراحه ماكان لهم وجودبتاتا البته لكن مع كثرة المشاكل

اظاهر طلعت ريحتهم والله اعلم لكن هذ الي ظهر لنا

والله يهدي الجميع ودعواتنا انه الي ورى هذا المنع الله يتولاه بحوله وقوته