مرحباً ياللي يشع النّور مـن واهـج جبينـه

[ظل@الهجير]

مرحباً ياللي يشع النّور مـن واهـج جبينـه
تقصر الهقوات من دونك ولا تلحـق هواهـا




إطرق الملثم علـى خـدّك وثقّـل طرقتينـه
خوف لايكسف سنا خدّك سنا الشمس وضياها




من تولّع في هوىمثلك عسـى ربّـي يعينـه
أشهد أنّه طاح بالغبّـات وأبعـد بـه مداهـا




مثل راعي سابقٍ صوّال واعرض له كمينـه
عقب زومات الرّهات أدلى يبي يقصر اخطاها




يوم صابته العيـون النّجـل بسهـومٍ سنينـه
منك يا ظبي الفلاة اللي محد يقـرب حماهـا




أنت محصول الربيع اللـي تعاقـد ياسمينـه
وأنت منثور الورود وعطرها العذب وبهاهـا




وأنت والله جوهرة..تاج الملوك اللـي ثمينـة
بين ربّات الخدور اللي تزيّـن فـي خباهـا




المها يشبهـك فـي قـدّه ومجلـوده وعينـه
ومن بنات الرّيم خذت إجفالهـا ويّـا حياهـا




وان سألت اليوم عن حالي وعن شينه وزينـه
بخبّرك عن حالي اللي بيّـح فراقـك خفاهـا




واخذك لاخر مطاف الحزن بالنفس الحزينـة
قدر ما تستحملة نفـس المشقّـا مـن شقاهـا




وأخبّرك ما يكتمه صدري من أسرارٍ دفينـة
تكتشف ما تحتويه النفس مـن زايـد عناهـا




كثر ما في خافقـي مكّنْـت طعنـاتٍ مكينـة
أسألك بالله نفسـي منـك لاتقطـع رجاهـا




أدري إن الوقت شين وقلّـة الحيـلات شينـة
وان بعض دروب لايمكن تنومس من مشاهـا




لكـن الدّيـان لابـدّه يوفّـي منـك ديـنـه
الوعد والناس عنـد وعودهـا تبـذل وفاهـا




اللئـام يهرّبـون الضيـف باعـذارٍ سمينـه
والكـرام ضيوفهـا لابدّهـا تاكـل قراهـا




وانت من رؤوس الكرام اللي لهم بالناس بينه
وكل غاية مطمعي كلمات يحيينـي صداهـا




إن قلبـك مايخـون العهـد مابينـي وبينـه
إن صفت لك واقبلت دنياك أو دارت رحاهـا