جــيبي الــقــهــوه وانــا اجــيب الــحلـــى .........؟؟؟

[أم أديم]

سلاااااااااااااااام

يابنات المنتدى

وشلونكن وعساكن بخير وطيبات

وش سويتن اليوم وين رحتن ومن جاكن (q42)

وش اخبار الدراسة للي يدرس

واخبار النوم للي نيمتن بالبيت (bb)

الا على طاري الدراسة الله لا يوريكن وش صار يوم الاربعاء

بالكليه احترق المعمل

والبنات اغمي عليهن من الروعه وشي طرق لنا ما يطرق لاحد

وعساكم ما تشوفون مكروه

ويوم الخميس طلعنا للاستراحه وانبسطنا وتهيبلنا ولعبنا مليحق وسوينا سباق

وفازت فاتن .......؟؟ علينا وبجنبنا استراحه به سودانيين ويغنون آخر انطراب (xx)

وبلعنا العشا اللي يهبببببببببل (q26)

ويوم الجمعه رحنا للملاهي وجانا هوى بارد يشخف العظم ويكسر السنون

ويوم السبت عاد ارجهينا بالبيت علشان نتلين ولين ارجيلتنا

وسلامتكن اوخياتي

يالله عاد كل يوم اللي تجي لموضوعي تقولي وش سوت اليوم وين راحت وش سوت وبس

طبعاً فيه مصطلحات ما يعرفها الا القصمان واليكم معانيها

شي طرق لنا .. اي شئ حصل لنا

تهيبلنا ..... اي استهبلنا هههههههههه على بالي شرحت

يشخف العظم ...... لم اعرف معانها (g)

ارجهنينا ...... اي هدأت اعصابنا

نتلين ......... نرتاح

[موت & ميلاد]

اوووووووووهـ قصيميه

انتي من ربع الي اخترق معملهم (a)

روعتونا...قالو ان الكليه بكبرها احترقة

والعالم اخترشوا وبالاخير طلع شوية دخان :cl:


معليه ان شاء الله ماتجربونها غير ماجربتوها .....


*****

ويوم الخميس طلعنا للاستراحه وانبسطنا وتهيبلنا ولعبنا مليحق وسوينا سباق

وفازت فاتن .......؟؟


سلمي لي على فاتن :p



الله يعطيك العافيه يااخت الكل




موت & ميلاد

[همس الشفايف]

والله اليوم الاحد قمت من النوم بوزي شبرين


ومالي نفس اداوم

وانا اللي يجي في بالها تغيب (tt)

وتجيني امي وتدخل علي طبعا بعد ماهبدت الباب : قومي قامت عصبتس وتحرولت عظامتس بلا

وانا اللي انقز من السرير من الهبله

قلت وشو امطرت >>>>>>> تصرف على شان ماتهاوشني

قالت : الساعه ثمان ومارحتي

قلت : احتري المطر يقضى

قالت امي : وعساه يحتريتس بعد هو >>>>> مسويه امي تذب :o

وانا اللي استحي على وجهي وقلت يمه تكفين بغيب هقوتي اني مصيخينه

قالت : وانتي كل يوم مصيخينه

قلت : ايه لو انتس مرضعتني رضاعه طبيعيه ماكثرت صخايني >>>>> حجرت على امها :p

وانا اللي اقوم واتعوذ من ابليس واروح (kk)

وانا راجعه للبيت الى هاك الامطار اللي تهبل جعلها الله امطار خير وبركه ويعم بنفعها ارجاء البلاد >>> متأثره بالاحوال الجويه (qq)

واول ماوصلت للبيت كني بزير ماغير اتزحلق في هالاسياب واقول امطرت امطرت والمديره فحطت :o

عارفه انكم بتقولون العقل نعمه بس مايخالف (tt)

وعقب مالعبت ووسعت صدري رحت ارتاح عند جدتي لقيتها تسبح وتهلل

وانا اللي اقعد احرشها ابيها تقنع ابوي نطلع للبر في هالجو الزين

قالت : لا بالله اخاف يجرفنا السيل وعاد من بيلقانا

قلت : لاتخافين ياجده بجيب معنا لساتك

وتخزني بطرف عينها يعني كني محومتن سبدها

وانا اللي القط نعيلاتي واقوم :o

رحت تغديت وحليت بقطايف من همس الشفايف :p >>>> هذي طبختي طبعا :o

وعاد خمدت بعدها وماقمت الا المغرب (tt)

نزلت على امي تحت لقيتها تتقهوى لحالها

وانا اللي اتربع عندها واتقهوى معها على شان افتح نفسها شوي :o

والاها مبسوطه ومسفهله

قلت : ياجعله دوم يايمه ..تصدقين يمه انتس اذا صرتي مبتسمه تعجبني صفة اسنونتس وش زينها :o

عاد امي كيد على طول سكرت فمها :cl:

قالت : مادريتي بس ان بنت عمتس ولدت

قلت والله بنات عمي كلهن حمل اي قطوه منهن >>> والله اني صازه كل سنه يحملون :cl:

قالت : وداد

قلت : والله اخيرن ولدت هالناقه بتخلص العاشر وهي توها تالد ان كان اعرس ولدها في بطنها احسن :p

قالت امي : بتروحين لها والا لا

قلت : لا تروحين لها اليوم تلقينها تافلتن العافيه >>>> ذوق بس محد عبرها (qq)

وانا قاعدتن الحين الساعه ثمان واكتب لكم وش انا مزينه النهارده :o


خابره ان يومي ماله داعي كله اكل ومقاحر

بس بيني وبينكن يابنات اني مليت من الروتين

كل يوم نفس الام نفس الابو نفس الجده نفس الشهبان ( اخواني ) >>>> احلفي قوه :o

يالله عاد يسد حتسي عورتني اصيبعاتي

ومشكوره ياقصيميه على هيك موضوع :rolleyes:

[حنونه]

(a)(a) والله ياقصيمية من قل الخاتمة (a)(a)

طلعتو للإستراحة من وراي هين اوريكي(qq66) ...
عموما مبروك فوز فاتن وسلميلي على الفطمي (qq64)

[سيف العداله]

احم احم تغطوا يا حريم جيت انا (aqwa)

والله انكن مهبل وما اهبل من قصيميه الا همس البراطم :p

الصراحه اني من يوم وانا بزر وانا احب سواليف الحريم وقرقهم (qq21)

اتوقع همس البراطم هالحزه وهي تقرا ودها تشوتن بوكس (q62)

يا شينها عاد لا صارت عربجيه وتفتن (qq2)

المهم لا يكثر انتي وخشتك بس وعطين الكراث خلين امسك الدرب واعلمكم بقصتي (q26)

انا قمت قبل الظهر بشوية حنان من بنتي (qq26) ببوكس على خشتي <<<< متعود على بوكساتها (qq77)

ومير اقوم معصب (a23) وهي تضحك (a19) واقوم واغسل وانادي شغالتنا ام عزيز واقول صلحي واحد شاي (aqwa)

وبعد صلاة الظهر جبت الجرايد وقعدت اتفنجل انا وام العيال ومير تقول ابي السوق العصر ومير اشرق (a)

ونكمل بالحلقه القادمه (aqwa)

[سيف العداله]

ومير اشرق (a) وقلت تونا الشهر اللي راح موديك للسوق :cl:
قالت عاد اللي يسمعك يقول مقطعتك بالسوق ومير استحي (wtg) عرفت كيف ترد عليّ :p

المهم واقعد اتقهوى وحاطن التلفزيون على قناة الجزيرة اتابع اخر اخبار العراق والفلوجه وما دريت الا ولدي بدون احم ولا دستور يغير القناة الى سبيس تون (h) ومير اهوشه قلت خل نتابع الاخبار يا ثور مير يرد علي ويقول وش دعوى يا السياسي (d) يقاله حطمن مير ارد عليه واقول وش دعوى يا ماوكلي (a28)
المهم ابيه يرجع للجزيره وماش ما بوه فايده ومير يرضخ سيف العداله ويتابع سبيس تون كالعاده غصبن عليه (g) واقعد اتفرج على سلاحف النينجا وسابق ولاحق اللي اشوفها للمره العشرين واخرب علي ولدي كل شوي واقول هالحين يسون كذا :p نذاله (aqwa)

المهم وحنا نتابع وبنتي قاعدتن بالدريشه الا وتمر سيارة العسكريم ومير تقول بابا جا العسكريم وانط من مكاني كني مقروص :cl: واركض للشارع وما عليّ الا سروال سنه وفنيله :o واقوله عطن اربعه عسكريم واثنين بليله (qq)
ونكمل بعدين (aqwa)

[تــــــالا]

لا روحه و لا جيه بالبيت منطقة
تقول أمي المخطوبة ما تطلع من البيت
لين تعرس
ما أطولك ياليل

[همس الشفايف]

ههههههههههههههههههههههههههههههههههههههه
ههههههههههههههههههههههههههههههه

ايه والله كنك تشوف جايتن بمسواط الجريش بصمخ جبهتك به بس هالمره طلع لي شيطان حبيب وقال لي : يابنت الحلال تعوذي مني وخلي سيفوووه في حاله حرام تيتمين عياله >>> ماتلاحظ ان الشيطان يمون عليك قال سيفوه قال :p
اجل تحب سوالف الحريم :o


كني اشوفك يومنك بزر ماسكن طرف عبات امك وماغير تسير معها من مسيار لمسيار :o

وتقعد معها مع هالحريم وتتسمع منا وتسجل منا وعاد اذا رجعت تخق لبوك كل شي


ومايخلص فتيت الجيران واقطهم الا انت


تدق فيه الين يجيك سهال :p

اما سالفه العسكريم ذي ذكرتني يومي بزر

راعي سياره العسكريم يطمر بيتنا مايجيه >>>>>> تكاسره كل ابو دايم ياخي غالي بريالين (tt)

بس على مين يلعبها

مطرفتن باب الشارع واويز معه اول ما يمر اعض طرف ثوبي والحقه :p

هو شافني مع المرايه ويضيق صدره ويدعس على البنزين

وانا وراه ماغير اركض اركض في هالرمضى(kk)

ماهان عليه يوقف ويطس للحاره الثانيه (kk)يامال الطاسوس اللي مايخلي فيه شي الا مديوس ومعفوس
هو ويا شعره اللي بالدهن ممسوس :o >>> حاقده جد

المهم كمل سالفتك وزد الطلب واحد ولا عليك امر (aqwa)

[snms]

معناتها ان البراد يدخل وسط العظم

[أم أديم]

هههههههههههههههه
ههههههههههههههههه :p أضحك الله سنكم وغربل الله ابليسكم

شفتي يالموت بغينا نروح والدجاجة الصقعا العميدة ما غير مافيش حاقه

اطمنوا يابنات والله العظيم مافيش حاقه (q38)

والبنات من الروعه اغمي عليهن ويقولون انهم حققوا معها (q49)

يا حبي لك يالحنونه سلمت لك على الفطمي :rolleyes:

وانتي يا ملحنا وراتس ما تعقلين عن هالهبال (qq165)

او تدرين استانسي قبل تزوجين وتصيرين محاسبة على كل شي :md:

اخوي سيف حنا متغطين :eek:

لا ننا عارفين ان التماسيح ما يخلوننا بس تدري سواليفك تهبببببببل انت

وام القطايف (qq142)

وانتي يا تيولا هي صادزه امتس المخطوبه ترجهن بالبيت لين تعرس (qq67)

قولي آمين الله يوفقك ويسعدك يارب (a13)

يامن العافيه snms توضيح ولا اروع والله انا عجزت اجيبها :rolleyes:

واليوم يا كافي ما احد راح ولا جا وين الحريم وين سوالفكن غربل الله ابليسكن

(q36) ايييييييييه تذكرت خابرتن بنت نجد عنده عزيمة ولا فزعنا معه واخزياه

وينهي تعلمنا وش صار بالعزيمة (q67)

يالله تعالن الحين وسولفن كل اللي بخواطركن ترى القهوه والمه

[المرجوجه]

قصيميه ..ههههههههههااي .. وش عندتس كبيتي العشا :o





شكلتس تبيننا نقولتس قصه حياتنا .....؟؟!!




ماعندي مانع .. بس اصبري لي اسبوع اجمع ..فضايح الطفوله:eek:
<<< من النوع اللي يفرط السبحه:p












سلاااااااااموو
















سلااااااااااااااااااامووو

[قمر الشرقيه]

هههههههههههههههههههههههههههههههههه

قصيميه ..و همس الشفايف وسيف العداله ..انتم ارووع قصماان:rolleyes::rolleyes:>>تعجبها لكنة القصماان وودها ترطن (تتكلم ) مثلهم(kk)


الف شكر للي كتبوا يومياتهم ..لانها من جد رووعه


..وسيف العداله نتظر التكمله :o

[سيف العداله]

:p
هلا شلة الكراث (aqwa)

راجع لكم :)

[نجوم النهار]

هههههههههههههههههههههههههههاااااااااااي


روعة تسلموا


قصيمية استعدي بجي بريدة بكرة اللي هو الاربعاء



وبعدين تعالي هنا


ابي قصة الحريقة الي في كليتنا ومن من الشلة هنا بالمنتدى وليه ماعلمتيني ها



<<<< زعلت خلاص(g)

[بياله]

قصيمييييييييه موضوعتس يهبل

صبى لى فنجال قهوه الله لايهينتس خل امخمخ وانا اسولف (aqwa)


يوووووووم الاربعاء الساعه ثمان الصباح المكان قاعة الإختبار

(عشان إذا سألتونى كتنى فين ليله الحادسه الاكم ماتشكون فينى )

قاعدتن امتحن اخر امتحان لى ولله الحمد ومغمضتن عين ومفتحتن عين من التتتتتتتتتتتتتتتعب (asd)

خبركم الأخت مواصله من زود المذاكر

امتحنت وقضيت وابشركم جا كلشن زين يالله لك الحمد

جييييييييييييييييييييييييت من الكليه

عيونى حميرا تروع تسنى شاربتن لى فمتوا وانا منسدحه

ويالله انى اشوف دربى

وكالعاده استقبلنى ضبنا العزيز اللى مربوطن عند الباب تسنه كلب حراسه

وانا اللى ابتسسسسسسسسسسسسسى (g)

وش اللى بيدخلنى جوا وذا الضب مستقعدن لى كل يوم

وأقعد اتميلح عنده واتليوق يابن الحلال بدخل

وذا واقفن لى وتحووووووووووووووم تسبدى وتوصل معى (q99)

وانا اللى امسك ملزمه الحضاره 300 صفحه

واصكه بها مع جبهته لين معاد ادرى من وجهه من علباه

الحمد لله عدينا المرحله الاولى

واكمل دربى وأدخل البيت وألقى اميمتى بالصاله (a16) << كنها امى بس ناقص الشيله

قاعدتن تفنجل وتناظر التلفزيون (q35)

وادخل واسلم وتحلف على اميمتى ان اجى اخذ فنجال

قلت يمااااااااااااااااااااه فينى النوم والقهوه بتطير النوم من عيونى

وانتى خابرتنى مواصلتن من البارح

قالت يابنت الحلال فنجال وعلوم رجال <<شكل امى متأثره بالتمثليه البدويه اللى بالتلفزيون

قلت ابدن مررررررررررررره مابيش

قالت على الطلاق ان تاخذين فنجااااااااااال

(qq84)

يؤ طلقت ام سعد مابدهاش كلش عاد الا الطلاق وين يروح ابوى

من بعد اميمتى (kk)

قلت ولا تطلقين ولا ش اهوه بس الفنجال

والله واقحن من هالقهوه لين حسيت انها بتطلع مع اذانى

وكل مااقول خلاص تحلف امى ان اتقهوا

وكل مابغيت اقوم تطلق لاحووووووووووووول وش السواة (kk)

وابشركم يدق التلفون وتقعد اميمتى تكلم (a18)

وانا اللى اطمر ابى اروح ارقد (bb)

الحمد لله عديت المرحله الثانيه (صاير شريط بلاستيشن ذا مهوب قصه)

اللللللللللللللللله اخيرن ابرقد

واغمض عيونى وعيت تغمض (z)

يمين يسار يسار يمين بس مااااااش ماطاعت عيونى تغمض من هالقهوه

وانا ابموت من التعب والإرهاق (g)

راقده راقده الله لايعوقنى بشرلو اصمغهن بباتكس

بس ماش ماطاعت عييناتى تغمض

وبعد معاناة وواسطات قدرت ارقد

بسسسسسسسسس رقدت وعييناتى متفتحه (z)

:eek:

تراى للحين راقده

وإن قمت هاالسنه عاااااااااااااااااااد ابكمل لكم وش سويت :o

[بنت نجد]

وعليكم السلام ورحمة الله وبركاته

حيا الله الغالية .. قصيميه

حنا بخير ياوجه الخير ..الله مير يسلمك ولا يسمنك :o

وشلونك حبيبتي .. وشلون من يعز عليكِ ..

الحمد لله على سلامتكن والله .. مدفوعن عنكن البلا

واعذريني يا الحبيبة .. أنا دارية أني صيفت عليكم (( صيفت يعني تأخرت .. مهوب رحت اصيف في شالية :p )) ياحلالات من يصيف بشالية :o

قاعدتن اسوي لكن حلا زود مع القهوة .. ياهو أني ضبط ذيك القهوة اللي تحبها قلوبكن

زعفرتها وبهرتها .. وحطيتها في خمسة ترامس .. بس عساها تكفي :cl:
اشوف بنيات المنتدى واجدات .. الله لا يحرمنا منهن ..

ويوم خلصت مير من هالقهوة والحلا إلا هالمطبخ مقلوب فووق تحت .. :cl: واطالع يمين إلى المجلى مليان مواعين (a) .. واطالع يسار إلى الطاولة ماعليها مغز أبرة :(

ومير اخلي القهوة والحلا على جنب .. واسمي بالله .. واقعد اغسل المواعين وانظف المطبخ ..

شوي وتدخل بنتي الله يصلحها ..

تقول ماما اساعدك (qq)

قلت لها وش تساعديني فيه وأنتي توك بزر ..:o

قالت أنا كبيرة .. صح ياماما صرت كبيرة

قلت ايه هينّ .. أم ثلاث سنين وتقول كبيرة :o كثري منها وأنا أمك... وش معجلك على الغثاء من الحين ..

والله وماعندها فيني .. دزتني على جنب ودخلت المطبخ

<--------- طارت بالهواء من كود الدزره :p

وقومي مير واطلعي على الكرسي وافتحي الموية وبربسي بها الصابون لين طفحت وغرقت المطبخ ..(kk)

وقمت وصرخت فيها .. وش تسوين ياملا الصلاح (ekaj)

قالت وش دخلك أنا الشغالة :cl:

قلت ماعقب هالحكي شي ..

والله واخليها تبربس لين ارتفع ضغطي ..(hjh)

واقوم واتلها من علباها بس بشويش .... واطلعها من المطبخ ..واروح وأغير لها .. وانكس للمطبخ واكمل شغلي لين تفلت العافية :cl:

والحلا والقهوة للحين هنا ..بس شكلي بروح ابهن معي لأهلي وإذا رجعت لكن سويت غيرهن :rolleyes:


اوكي

هذا اللي عندي اليوم من سويلفات

ونلتقي على خير بإذن الله..

تمسمسوا على خير (adf)

أوخيتكن

بنت نجد

[أم أديم]

غربل الله شيطانكن قاعدات يسولفن ولا قالن لي تقهوي :md:

والا خوذي فنيجيل وعلوم حريم :(

ابرجع لسوليفكن سالفه سالفه بس ابروح اويدز بالحوار :eek:

تعرفون الهوشات هناك وكلن يقول انا الصح (qq95)

بس خل عنكم انا الصح تراي :o

ايه نسيت طلعت عن سالفتي :p يالله ابروح اناقش واجي اكمل السواليف هنيا (d)

[همس الشفايف]

يااااااااااحبيلكن يابنيات قسمن بالله سوالفكن ماتنمل
(qq)


والله القهوه معكن احسن من القهوه مع جدتي الله يهديها بس :md:


ماغير تعذر بي وانا داخله وانا طالعه (tt)

مدري انا ماجزت لها والا ان بياله محرشتها علي :cl:

بس والله اني احرجها كل ماقالت شي فيني اقول تراني سميتس وطالعتن عليتس :o

وعلى طول تسكت :p


يالله بس اهووووووووووف فنجال قهوه ابشربه واروح لقسم فن الطبخ كني شامتن ريحه مفطح عندهم :o

[ابو تميم]

معليش يوم شفنا سيف العدالة دخل بسواليف الحريم قلت أنا وش حيثي ما أدخل
أجل معمل اللي أحترق ويقولون كلية
أول شي وش اللي حرق المعمل وبعدين وشلون ادخلوا الدفاع المدني وطفوه ؟؟؟؟!!!!!!!!
أكيد بالكلية محرم لهم :p
انا بهاليوم من الصبح إلى قبل العصر بالدوام ورجعت وتغديت مع عنيزويتي كراث
والعصر طبعا ما يفوتن ولا يوم كورة nn وش دعوة رونالدو المهم الحارس متقدم والله ما صدق أبو تميم والله ومن نص الملعب هدف يوم جاء هالمشفوح وقال هب هالمسطرة والله لايوريكم العضلة إلى اللحين شادة الله يكفينا شر الشهبان
أدري طولت عليكم ودخلت بسالفة ماتهم الحريم
بس هذا اللي صار
وإلى لقاء آخر في مباراة قادمة

[سيف العداله]

ابو تميم وش تبي داخلن علينا :o

يقالي من اهل الدار (qq)

ودي اعلمكم وش صار لي اليوم (a)

بس اكيد تبون السالفه من يوم العسكريم :p

ابروح اشرب لبن وارجع (aqwa)

[أم أديم]

هههههههههههههههههههه :p

هههههههههههههههههههههه غربل الله ابليسكم

يالتماسيح ما تصدقون تسمعون سواليف حريم الا تجون طايرين (qq163)

سيف من امس وانت تشرب لبن ما شاء الله (qq65)

وانت يابوتميم المعمل ما احترق بس طلع منه دخان تعرف البنات

ولقن لهن سالفه (qq63) يتعلثن به ويهجن عن المحاضرات (qq67)

والدفاع المدني استانسوا يوم اتصلوا الكليه عليهم جو طايرين (qq26)

فرحين يبي يقزقزون بهالبنيات (qq128) (qq)

انتي يالنجوم اللي طالعتن بالقوايل بسم الله عليتس وش تقولين (a)

منهي اللي معنا من الشله بذا مافيه احد :md:

ماغير انا وانتي خشتي بختس :p

وانتي يابنت نجد ( اجل نحن الحجاز ونحن نجد هنا مجد لنا وهناك مجد )

نسيت السالفه وقعدت اهيجن بتس :o

ياحبي لتس خليه تعلم التسبيع علشان ما ترجع بخضابه

يقولون تسذا منول بس الحين يقولون ترجع بمناكيره

ابروح

[غيث السماء]

والله انه قعدتكم
ما تنمل
البركة في اختي قصيميه
الي خلت لنا موضوع مثل هيك
رغم اني ما اعرفاللهجة او الكلمات القصيميه لكن صرت اعرف لي كم كلمة
وادري شنو الي صاير مو اول ما سجلت ما ادري وين حاطني :p

على فكرة اني سمعت سالفة قهوه وجيت طايران احب القهوة وخبري انه قهوة السعودين تهبل والله ايش ؟


اني بقول لكم سالفتي اليوم
ليوم صحيت من النوم بدري مع الاذان الفجر صليت
بعدين على طول الكتاب ادرس كان علينا امتحان في مادة علم اجتماع
وبعدين يوم قرب وقت الذهب الى المدرسة والا بطني يالمني بلللللللللللل شنو صاير اليوم عليه لقدم امتحان
وجلست اقول الله ياخد الحصى والله تغربلت ابها اني سويت ها العملية ولا افتكيت من المها
<< استغفر الله استغفر الله
الحمد الله على كل حال
وبعدين توكلت على الله وشرب خلطة اعشاب ما ادري شنو اسمها ورحت المدرسة
وكان الامتحان ولا اسهل من هيك مو ماي لا شربت كثر ما هو سهل
الحمد الله

واليوم بعد عطونا اوراق امتحانات اسبوع الي طاف الحمد الله العلامات ممتازة << شوي يا قصمية كله بركة داعاش الله يخليكي لي يارب

بقول لكم علامتي ابي افوشر (يعني ابي ارويكم اني شاطرة واتفاخر بروحي )
من الفرحة شنو اسوي
حصل في الدين 20 على 20
والجغرافيا 19على 20 رغم انه الخطه كان تافه واعرفه
اللغة العربية 90.5 على 100 زين العربي مالنا صعب
الحمد الله

وبعدين رجعت من البيت وبسرعة بدلت اثيابي وجلست جمب الباب انطر ابوي عشان اخبره
واول ما دخل البيت الي اصرخ في وجه درجه زينه في الامتحانات مسكين ابوي تخرع (يعني اتفاجاه)

وعقب الغذاء على طول وينك يالسرير
ما صحيت من النوم الا مع اذان المغرب
وفرحنا بكرة ما بروح المدرسة

[بياله]

( ماغير تعذر بي وانا داخله وانا طالعه

مدري انا ماجزت لها والا ان بياله محرشتها علي )

همس البراطم

لابالله تراتس ماجزتى لها

طولى شعرتس عشان تجوزين لها ياالقرعاء

مهوب تحطينها فينى

( بس والله اني احرجها كل ماقالت شي فيني اقول تراني سميتس وطالعتن عليتس

وعلى طول تسكت )

ياقليبى على جديدتى وش انتى مسويتن بها

اهوه بس رجعوها لنا منتب كفو جده انتم

[أم أديم]

وراكن اليوم يا كافي :cl:

وين الشاهي ووين القهوه :(

ووين الحلى (q24)

الحريم هاجدات (q15) وش السالفه :eek:

وين السواليف (q40)

وطق الحنك (q62)

ام البراطم ما بينت الله يستر :eek:

ما ادري وين هفت له (q53)

وبنت نجد اكيد تسبع الى الحين هي بنيته الله يخليه له (qq)

وبادزي الحريم ما ادري عنهن (tt)

انا ما عندي الا حمام الدار ابخصهن(d)

عسى المانع خير (g)

[عاشق الليـــــل]

انا احب سوالف البنات


بس ماعرف ولا وحده الحين










هههههههههههههههههههههههههههه

[أم أديم]

(g)

وين الحريم


وين الكراث


(g)

[بنت نجد]

لا تبكين يالحبيبة قصيمية ..

خويتك بنت نجد قاضبيهنا على كرسي الأعتراف وعجزت تجي تشرب معكن القهوة وتأكل الحلا ..(kk)

بس حبيت اسلم عليكن وأقول لكن ..

:)وحشتوووووووووووووووووووووووني :)

يالله هذولاهم نادوني :cl:

حفظكن الله يا نعومات..

أختكن

بنت نجد

[بنت القصمان]

طاااااااااااااااااااخ طييييييييييييييييييييييييييخ طررررررررررنخ

معليش ماشفت الفناجيل الا تحتي تدرين الوحده داخله مجلس حريم من الفرحه

ما تشوف تبي تسلم بسرعه وتررررررررروح طايره للمريات تزين شوشته

وحمرته وتلط البودر الاحمررررررررررررر علشن تتبالص 000000

جايبه معي ترمس قهوه وترمس غجرررررر الشاهي مخلص مالقيت الا غجر000

وحلى يهبل ومعه كليجا بالفراوله نوع جديد تعرفن الحريم يحبن يتفلسفن على بعض

معليه وشلونس ياقصيميه وشالدنيابس الله لايهينس مديلي شرشف الغطاء اتغطا

عن هالرجاجيل الاعندكم وش مجلسهم الله يعافيس طلعيهم عندي سواليف خاثره

ماتصلح للرجاجيل 00000:cl:

[أم أديم]

هههههههههههههههههه
ههههههههههههههههههه :o غربل الله ابليستس يا بنيت القصمان
ما تشوفين كل شفاحة سلام تركدي يا هداتس الله
بس عادي انا توي كابتٍ الشاهي على رجل مزنه وحصوص
من الخبه (qq76)
طحنا بهالجمعات بالاستراحات وانهبلنا الله يخلف على رجالنا :md:
الا وش السالف اللي عندتس قولي باذني (qq21)
هالرجاجيل بس يتمرمرون :p
واللي دابلٍ اتسبدنا سيف :o
بس تقل انه مختفي هاليومين (g)
ما يطلع يمكن الى الحين متشعمط بالدريشه (qq165) يحتري
سيارة العسكريم هو وبنيته (q57)

[سيف العداله]

انا بوه بس عليّ نذر ما اكمل حتى ترجع همس البراطم من النقاهه :p

[أم أديم]

(a) انت موجود عساك للصلاح
وانا قاعدة ادورك :md:
بالمنتديات
ابيك تكمل سالفة العسكريم :p
وين ملحنا علشان يكمل سالفته سيفوه :o

[همس الشفايف]

هههههههههههههههههههههههههههههههههههههههه
ههههههههههههههههههههههههههههههههه


الى الحين انتم وقهاوي الضحى :o

قصيميه لا يلعب عليتس يحطها فيني الحين :md:

انا اعلمتس به تراه ماشرى لعياله عسكريم ومتفشل يقولها :p


وياااجعلي ارقص في عرس عيالك ياسيف والله يجبر بخاطرك قل امين(qq)

عاد لا اوصيك لاتحط ممنوع اصطحاب الاطفال خلهم يستانسون هالضعوف وارسل البطاقه في صندوق الددسن قصدي صندوق البريد .. ولك مني اللي تردح ردح الين تنتفش شوشتها ( عز الله اللي خرب العرس) :o

المهم بس كمل سالفتك هاللي مانفصت ماع عسكريم الرجال وانت مابعد شريته :p

[نجمة الخبر]

ياحليلكم احليلاه
من زمان ما سمعت هرج القصمان تعرفون انا من سكان مدينة الخبر
بس الله يقطع سوالفكم تجننننننننننن:o
اما سالفة الضب خطيرة:)
والمليحق اخطر:)
وكراثك يا سيفوة ياليت يحصل لي(qq)
مع السلامة ياحلوات ياقصميات:o:o:o

[نهر الحب]

يا حبي لكم ولسواليفكم
والله يا قصيميه انك تهبلين انتي وام...الشفايف
بخليكم الحين وامركم وقت ثاني اوسع صدري معاكم واجيب قهيوتي اللي تهبل
سلالالالالالالالالالالالالالالالام

[همس الشفايف]

يالله حي البنااااااااااااااات :o

مهنا علووووووم ومهنا جديد :eek:

وراكن ماتسولفن والا لاهيات بهالكراث ماغير تقرمن منه :o

اهووووووووووف بس فنجال خلوني اسولف عليكن

وابعدي ياقصيميه الحب عني لياني اقربه (g)

انتم خابرين من يوم ماطلعت من المستشفى وانا ما اتعدى عتبة بيتنا ابدددد(kk)

بغيت انهبل ... وكل من دخل علي يلقاني مبرطمه وبوزي صايرن شبرين

وامي تسير وتخليني ومتعودتني ياويلي ان ظهرت على شان ما اشتم ولايتلوث جرحي ( شكلها تبيني افطن للبيت وتحطها في جرحي ) :md:


المهم كانت امي مسيرتن عند عماني وانا منبطحتن في الصاله كني فقمه

ويدخل علي اخوي يالبى قلبه وشايف صديري ضايق وقال وش رايتس نروح نسعسع ونوسع صديرنا

هو قالها والا ما قالها مااااادرى الا وانا مرتزه بعباتي عند سيارته على شان يصمل ولا يهون :eek: ولا علمت امي اخاف تعييني

وانروح نفرفر بهالشوارع ومافيه شي ما مريناه ( طبعا كلش على حسابي اجل يمشيني ببلاش هالحظرمي)

وخذتنا السوالف وراح علينا الوقت ومااااادرينا الا يدق جوال اخوي اثاريها امي (a)

ويرد عليها قالت : وينك طاسن له
قال: ابد بعيد والله تبون شي
قالت : وين بعيد
قال : ابد موصيني خويي اودي شغالتهم للمطار :cl: >>>>>> على اخر عمرتس صرتي شغاله

وانا اللي اقبصه هالهيس الاربد

قالت : منتب في البيت ( امي تلمح له تبيه يروح للبيت يقعد عندي مادرت اني رايحتن اودي الشغاله معه :p )

قالت : بتبطي
قال: مدري والله على حسب
وانا اللي اكركر عنده وميته ضحك بااااين انه نصاب :o
وهو يكبس لي بعيونه يبيني اهجد لا تسمعني امي
وانا اللي أاشر له ابيه يسألها متى بترجع يوم سألها قالت : الحين برجع مادامك بعيد

عاد بيت عماني قبال بيتنا يعني مابينا وبينهم الا حلتة حصاة
وهو اللي يديوووووووووور ونعود لبيتنا كود اننا نلحق عليها قبل ما ترجع

المهم ويدخل اخوي قبلي ويجس الوضع ويلقاها في الصاله توها بعباتها جايه
وتصايح لي تحسبني فوق قاعده
ويجي قبالها اخوي يبي يلهيها على شان ارقى فوق بدون ماتشوفني
وانا اللي ادعس واحط رجلي ابرقى فوق
ومااااااادريت الا وعروة الباب لاقطتن عباتي وانا اللي اغرز واخبط في الباب :cl:

وفشلت خطتناااااااااااا ...ومسكتني متلبستن ( طبعا متلبسه بعباتي موب شي ثاني ) :o

اخوي غاااص في ثوبه وتفشل كل هالتخطيط وكل هالسذب في الاخير فضحتنا عروة باب الله لا يعيده
بس لاتخافوووون ماهاوشتني انا هاوشت اخوي بس :o

وهو اللي يتووووووب بعدها قال حدتس انتي تتمشين بالسيكل في الاسياب انتي ووجهتس :cl:

ياااااحبيله والله اني ورطته بس مايخالف يصير اخوي ببلاش لازم نكرفه :o

يالله عاااااااااااااد سولفن لاتستحن وقولوا اللي بخاطركن :rolleyes:

[همس الشفايف]

هاااااااااااااااااااااااااااو:md:

وراني قاعدتن اتقهوى فيذا لحالي (tt)

هقوتي اني باخذ قهوتي وروح اتقهوى انا وجدتي من زمان عن اخبار ام دحيم :o

[أم أديم]

ههههههههههههههههههههههههه
ههههههههههههههههه

هلا والله بام القطايف

ابد والله انا لاهية الله يجيرتس (qq)

بشغيلات ما هيب تسايدات

بس لزوم الحريم :eek:

والا كل يوم اجي واويدز (d)

واخذ لي فنيجيل واقوم تسني مقروصه :o

[همس الشفايف]

هاااااااااااااااااو قصيميه(tt)

وراتس تويزين علينا ياوخيتي

روحي ذاكري ياجعلتس تذكرين ربتس ليل ونهار :)

والسوالف يمدي عليها

ابسجل لتس كل اللي تبينه وخاصتن سوالف ام دحيم(جدتي) تراها ونيسه هالعجوز الله لايحرمني منها(qq)

[همس الشفايف]

اقووووووووووووووووووول يابنيات:)

تراني عازمتكن اليوم الاربعاء على قهوة العصر

على شان بس قصيميه خلصت من هالاختبار اللي ماطاعت تفتك منه

ايه خلوها الضعيفه تتنفه وتطلع وتوسع صديرها :o

وتراني ابفرش لكم بساط في الحوش وبرتز فيه انا ودلالي وفناجيلي

وبخلي باب بيتنا مطرف شوي اللي تجي على طول تنحره وتدخل وتطرفه وراها

اخاف احد يويز علينا منا والا مناك :md:

المهم لاتجي وحدتن منكن يدينها تتدودل وفاضيه مامعها شي ولاش (tt)

ايه خلوكن حريم سنعات :eek:

[أم أديم]

:o حي الله ام القطايف

وبس ما غير انتي عازمتن والباقي عساهن للصلاح ماعزمنن على القهوه

ليش والا م ما استاهل (hjh)

راس ماله فنجال قهيوة

وحزمة كراث

ومعمول مع القهيوة (q84)

وحب وكراث وفطاير الحين الناس تطوروا بدوا يحطون فطاير :p

يسمونه معجنات الا مسمنات ومنفخات نفخ الله ابليسهم (q69)

الواحده منا لا بدت تمشي تسنها ثلاث حريم (q73)

من هالمعجنات والخبيزات بهالعصريه

الله يديم علينا النعم وانا اختس (q26)

الا وراتس تقولين عن اني اويدز انا لا بغيت اجي واتقهوى جيت :o

ما احب الويدزان :eek:

[شموخ نجمة]

ياحيا الله القصيميات:)

عاد انا ضيفة اول مرة ادخل مجلسكن ...

ماني غريبة ان شاء الله ... بس ماني قصيمية(kk)

المهم هاتن القهوة ووسعن صدري تراني ضااايقة مرررة مررررة(g)

الله يسلمكن هذا يوم الإربعاء كنت فرحانة وطايرة من الوناسة لأنه آخر يوم

للمناهج ..كنت بخلص مناهجي عند اول متوسط وثالث ثانوي وارتاح من

وجيههن السمحة:)

وماامداني اطلع من الحصة الثانية الا وتناديني زميلتي تقول المديرة تبيك عندها مفاجأة سارة:p

أنا تشققت من الوناسة قلت اكيد عارفة اني اكثر مدرسة تعبت

بالمناهج وخاصة مع ثالث ثانوي واكيد بتعطيني اجازة الاسبوع الجاي:o

المهم وانقز للمديرة اللي استقبلتني بابتسامة عريضة وقالت هلا بالوجه الصبوحي:o


قلت الله يسلمك بس الاسبوع كثير خلي الاجازة ثلاث ايام بس تراني ماني طماعة..


قالت وش اجازته يالغالية الله يحييك؟؟؟

قلت المفاجأة اللي انت مناديتني عشانها...

قالت : ماحزرت بنوب:md:

انا مناديتك عشان اقولك انك بتكملين مناهج زميلتك اللي خذت اجازة امومة

وترى هونوا ماهم جايبين لنا مدرسة بدالها والمناهج متوقفة والامتحانات ماباقي لها غير

اسبوع ويلا نبي همتك معنا ماباقي الا خمس دروس نحو وخمس دروس ادب

وثلاث دروس بلاغة ودرسين مكتبة ودرسين مطالعة ودرس تعبير:cl: بس مايسون لاصجة ولا لجة....


انا وقفت قدامها كذا(a)
وعادت بي الذكرى الى النصف الأول يوم بقى على الامتحانات اسبوعين مسكتني مناهج

زميلتي الللي خذت اجازة امومة بعد(g)

عاد طلعت من عندها مااشوف الارض ومعزمة اروح المستشفى اخذ اجازة امومة..


وبديت اتلقى التعازي من مدرسات المواد المريحة مثل الجغرافيا والتاريخ

هاللي بس متسدحات ماعندهن الا خمس حصص بالاسبوع ومخلصات مناهجهن قبل شهر..

ورجعت للبيت وقلت اول واحد يجي وافقوا عليه ترى من اليوم وطالع شعاري الأبدي

نعم للزواج ولإجازات الأمومة ... ولا للعزوبية(g)

وين الاسكريم خلوني ابرد على قلبي شوي .....

ادري جبت لكن الهم.... بس بإمكانكن تحطن العنوان ( يوميات مدرسة عربي عزابية)

دمتم بخير

اختك في الله

[سيف العداله]

دخلت الاديبه بسواليفنا (aqwa)

جهزي الزنجبيل يا ام البراطم وانتي يا قصيميه اهووه الكراث تراني خرمان كراث :p

بكره راح نكمل الحلقه حقت العسكريم والموقف اللي صار لي (qq77)

[همس الشفايف]

قصيميه

وسعي صدرتس وانا اختس

وكوووووولي لا يردتس الا ضروستس

والله ان الاكل يوسع الصدر اذا ضاق صديري تعالي دوريني متربعتن عند الثلاجه :o

عاااااااد اذا صارت عزيمه اول من يقعد على المفطح انا :p واخر من يقوم انا :cl:

اقعد اسولف اسووووولف وهم ماغير يتسمعون وياكلن التسلاوي عني :md:

بس هقوتي كل ماكثرت من هالاكل طال لساني اما العصاقيل هي هي ماتغيرت :cl:

شموخ نجمه

ياااااوجدي عنتس والله انتس حبيبه(kk)

لو اني في مكانتس قلت لها : وانا مكفولتن بهن ماغير يولدن وانا اتوهق بهالبنات

بس غيبي وورطيهم

على شان تتوهق المديره وتشرح لهم هي علشان تعرف ان الدعوه مهيب سهله

والا اقولتس اشرحي لهم واحتسبي الاجر (tt) >>>>> ماتعرف تحرش


سيف العداله :p

ياااااااااااااذا العسكريم اللي ماطاع ينفص

تصدق ذاك اليوم مرت علينا سياره العسكريم بغيت اروحها لبيتكم عشان تشتري لعيالك وتكمل سالفتك :p

وحالفتن ان ماكملتها ان اكملها انا :eek: >>>>> حامت سبدها من السالفه

[أم أديم]

(a)


تقل لمحت شموخ مسيره عندنا (qq)


يا هلا والله ويا مرحبا ترحيبةٍ كلها تراب .... في وجه من يكرهك والا انت محشوم


قلبتها مضارب البادية


يقول البيت :

شب الوجار وخلي الباب مفتوح ... خوف المسير يستحي ما ينادي :p


ويالله صبوا القهوة للحاضرين


ويالله اسمعوا هالقصيدة


والله ياهي شي وتخلي الواحد يشتهي القهوة والبرد والنار والسواليف اللي توسع الصدر


:rolleyes:

http://www.qassimy.com/sd/sounds.php?mqtaa=248

[أم أديم]

بنت الخبر


ونهر الحب


يكافي وراكن قاعدات عند الباب بس تويدزن :eek:
ادخلن وسولفن وعطننا اعلومكن الخاثرة :o
وانتي يا شموخ ماعليتس من المديرة (q22) وطيعي شوير ام القطايف تراه ماتضرتس
وانا اختس هي تبي تخدم (q69)

غيبي وورطي المديرة والا خلي اللي يضحكن من المدرسات يمسكن المنهج

ولو هو ماهوب تخصصهن بس ورطيهن وانا اختس (q67)

هالزمن هذا كلن نفسي نفسي :rolleyes:

وعلمينا وش يصير عليتس ماهوب تهفين ولا ندري عنتس :p

[همس الشفايف]

ايييييييييييييييييييييييييه يالله حسن الخاتمه

وياااالله صلاح العطاء >>>>>>>> مسكت الربابه وجلست عند المشب :o

ذكرتيني ياقصيميه بشايب جيرانا

اذا جيت امسح الاسياب اسمعه الضحى يقصد على عجوزه وانا ماغير اتسمع :p

علوووووووووووووووووووووووم انصحكم بس تمسحون الاسياب في الضحى ولاتنسون تذبون اذانكم :o

[أم أديم]

:o انتي وختس قاعدتن تصنتين على شويب جيرانكم :md:

ياللي ماتستحين على وجهتس:p

عيب اكنسي دريبكم وارجعي وانتي اذانتس مسكره:o

الا وش اخبار شموخ مع المديرة(tt)

اشوفه اسهجتنا وما غير اخذت الزبده وهجت :cl:

اذا شفتيه ياام القطايق ارسليه لنا تعطينا سواليفه الخاثرة مع المستديره :o

[هبه]

وووووووووووووووووووويني عنكم

وانا الي ماعندي سالفه رايحه لم مجلس الرجال في ذاك في ديوانيتهم الي

فاتحه لهم القائد الأعلى فريق اول :o

بس الحمدلله دليت طريقكم :p

يلا يابنات ابشرو بالحلى والقهوه و العلوم السنعه :md: وشبة النار خخخخخخخخخ

[أم أديم]

تصدقين عاد اني شرهتن عليتس (tt)

وراتس قاعدتن تقرقرين عند الرجاجيل :p

بس قلت يالله بكيفه هالبنت مسترجله

:o

والحين طاح الحطب وحطي القهوة

وعطينا علومتس الخاثرة وانا اخيتس :rolleyes:

[هبه]

تصدقين عاد اني شرهتن عليتس

وراتس قاعدتن تقرقرين عند الرجاجيل

بس قلت يالله بكيفه هالبنت مسترجله

تقولينه صادقه (wtg)

طيب وانا شرهة عليك ورى مانصحتين :p

ان شاء الله تجريني مع جدايلي :o بس انتبهي على الجلال خخخخخخخ

خلاص توبه :o ماعودها

والحين طاح الحطب وحطي القهوة

تامرين امر

سمي ومطرح مايسري يمري :p

وعطينا علومتس الخاثرة وانا اخيتس

ابد سهرانه طال عمرك سويت كذا شغله خخخخخخخخخخخخخ

بس مانيب معلمتكم خخخخخخخخخخخخخخ تستاهلين وشوله تقولين خاثره

لا من جد تصدقين عاد اني جوعانه ومشتهيه بيض على طريقة اخوي

يجيب البيض مع جبنة كرفت يبشرها ويخلطها مع بعض على النار ثمن ياكلها

ماتشبعين منها بس المشكله البيض خلص

شكلي بسوي لي شاهي وبغمس به خبز السلمان

[أم أديم]

ههههههههههههههههههههه
ههههههههههههههههه

ياحبي لتس خبز السلمان :p

ولا في الاحلام

ما شاء الله مافيه زيه

نسوي دعايه (a21)

لخبز السلمان

المهم افتحي الخاص وراح تلقين خمس بيض كزيتهن لتس بس ماعندي الا جبن سايل

بوك ينفع اكزه (q67)

وانتبهي البيض (qq98) لا يصكن بجبهتس (q63)

[هبه]

خخخخخخخخخخخخخ الله يغربل ابليسك

رحت للخاص مدرعمه مصدقه عمري :o

يقولون الجوع كافر :md:

شوفي طايرتن بوهتي جت كوده جايبه لنا شي معه

طايرتن بوهتي وش اخبارك لقد اشتقت لكي كثيرا :o














قصيميه شكرا لكِ لقد ضفيتيني بهالموضوع

وانا اول (g) هايته باسياب المنتدى ادور ونيس :o

[أم أديم]

لا يا بعدي انتي وخشيشتس

:o


روحي نادي اللي طايرتن بوهته :o


تلقينه تدورنا وطايرتن بوهته :cl:


بهالاسياب :p


خليه تسولف معتس وانا ابروح انام شكلي كثرت الكراث لين طلع مع اذاني


وتسبدي اشتبة منه :p


واسمعي هالنكته قبل اطس


تزوج قصيميه واربح


تسبدي مشتبه وخواتي مجتمعات واجدعن بالسوق وراسي صاكن :cl:


بس هالنكت على القصيميات (g)


مع السلامه وروحي فقشيلتس كم بيضة وكوليهن لو هن نيات كلشن ينفع


هماي ارسلتهن لتس اكيد استون بالطريق من الزحمه :p

[هبه]

ههههههههههههههههههه

قولي صجيتي راسي وبروح اريحه خخخخخخخخخخخخ

نوم العوافي يارب :p

مشكوره على النكته والله يوسع صدرك بطاعته قولي امين

وطايرتن بوهتي رحت ناديته بس غديه تدل الطريق

خصوصا اني اغريته بالمعمول :o

[طايرتن بوهتي]

انتم هنا و انا من الفضاوه ما خليت قروب ما اشتركت فيه
لا و بطريقه جهنميه اروح لقوقل و احط اي كلمه من عندي بعدين ضربة حظ و انا و حظي بقا

الا قولو لي وش خبز سلمان قبل لا تطلعون

[هبه]

خخخخخخخخخخخ اشوى ماسئلتي عن المعمول :p

لا بس هذا خبز تستورده الممكله من جزر السلمان للأغذيه ماسمعتي فيها :o

اقول طايرتن بوهتي انتي وين عايشه

احد مايعرف خبز السلمان الي سيارتهم زرقا خخخخخخخخخخخ

[طايرتن بوهتي]

و الله ما اعرف الا المخبز اللي نجيب منه
>>>>>>>>>>>مشكله قرويه



الا قوليلي متى تنامين و متى تصحين (qq)

[هبه]

الفتره الي راحت انام حول الظهر
واصحى العصر واحيانا المغرب وانتي وشو نظامك :p

بس قولي لي ليش تسالين :o

[طايرتن بوهتي]

اشوى لقيت احد مثلي
ليه متخفيه صار يزاولي هههههههههههههههههه

[هبه]

انا ضد التخفي اصلا

بعدين بسك كل شوي تعسين الموجودين بشويش على رقبتك :p

<<<<<<<<< تراه ماتحدث الصفحه كل شوي تشوف من الي جا

ومن الي راح :o

[همس الشفايف]

زحفووووووووووووووووووووووو لي:o

انتم جالسات فيذا تقرقن في هالليول يالبومات:eek:

وراكن ماتصيرن زيي تصحون بكير وتنومون بكير وشوفوا الصحة كيف تصير :o >>> اخسسس يالبنانيه

مير مالكن خوي يابنيات جالستن في هالقايله اسولف على عمري (tt)

بس والله مالها طعم القهوه بدونكم :md:

خلااااااااااااص لاتصبون ابقوم احوس في هالمواضيع الين تجمعون :eek:

[بنت نجد]

اصبحنا واصبح الملك لله ...

تسجيل حضور ياالحبيبات (qq)

ترى معي لكن مصابيب بالعسل والزبدة .. يالله من فضلك :o (( بان كيك على غفلة :p )) ..
حارات .. من الفرن إلى المائدة الصباحية ..(d)

وشويهي توني مخدرته .. يعدل الراس ..:rolleyes:

يالله ياهموسة حبيبتي .. نادي البنيات يفطرن .. ولا يسمعك سيف يجي يطب علينا ونتغطى ولا نتهنى بفطيرنا :p

وينكن .. للحين نايمات (a)

<-------- مابعد نامت :eek:

أقول .. شكلي بخلي الفطور لين تجمعن .. يالله

فمان الكريم

أخيتكن

بنت نجد

[طايرتن بوهتي]

صبحك الله بالخير
اقول بنت نجد خلينا بس نفطر انا و ياك و ما علينا من اللي نايم

>>>>>>>> حركات نذاله
:o

[أم أديم]

(qq) صبحكن بالخير

انا توي صاحيه :)

وراتس ياللي طايرتن بوهتس تبي تفطرين وتبلعين (jdf)

لحالتس انت وبنت نجد :eek:

كل هذا حبن بالبلع (q26)

ماهوب ضارتس لا صبرتي شوي :p

لين نقوم من النوم (d)

يالله عطونا المصابيب :eek: هوووووووووووو

وراه مصابيبكن بارده :o

[هبه]

هموسه ، بنت نجد ، طايرتن بوهتي ، قصيميه (d)

وش اخباركم :o

تراني احبكم حيل :p

بتقولون بسم الله وش جاها البنت

بقولكم اليوم وخرووووووووووو عني

ماحد قدي اليوم (w99)

ماشاء الله علي طبقت درس استاذنا الشعبي وطايره من الفرحه

(qq56)

ياحبيلكم روحو ناظروه خصوصا اخت الكل قصيميه:p

http://www.qassimy.com/vb/showthread.php?s=&postid=120437#post120437

جلست عليه من الساعه 3 الى 7 الصبح
يعني على مافهمت الدرس :o ورحت وجيت ( طبعا مابين المطبخ وغرفتي )
كل ماوقفت عند خطوه ماعرفت لها تركت الكمبيوتر ورجعت له
وعلى ماسجلت في جيران :o
طبعا رحت لرفع الملفات هنا بالمنتدى بس مارضى يقول فيه
ملف مسبقا باسم قصيميه :p
حافظه الملف باسم قصيميه (aqwa)

يلا احس اني هذرت عليكم واجد يلا بروح اريح قتيتي ونااااااااااام

تمسون على خير

[هبه]

^
^
^
ولا شي حتى اللون ِيفرح مختب معي خخخخخخخخخخخ

[بنت نجد]

هلا وغلا باللي طايرتني بوهتها .. :o

تأخرتي ياقلبي .. ماغير اصيح وأقول وين اللي بيفطر معي بس مالقيت أحد (g)

مير أروح واذب بعمري على السرير وانخمد ..(kk)

وعيا يجيني النوم .. ماغير أهوجس بالمصابيب ..أقول عسى مايبردن قبل مايجتمعن الغاليات ...

وهذا اللي صار .. يوم ذاقتهن الغالية قصيميه لقتهن بارداااااااااات (a)

قمت وخذتهن وسخنتهن بالماكرويف... وعيا الماكرويف يسخنهن يقول وش هالطبخة الغريبة علي ..:p

شفتن رحنا فيها ..:cl: من كثر نومكن ..(kk)

ياحبكن للنوم حباه :p

<--------- على بالها ماتحب النوم (d)

وأنتي يا هبة ...

اثرك سنعة بالفوتشوب .......... سيرت على الموضوع ومعي قهوة ... ومير يوم شفت الدرس واتربع واتقهوى .. لقيت شعبولا دروسه سهلة وسنعة :rolleyes:

حتى تصميمك جاء سنع مثل حضوري :o

وربي امزح يا هبه .. لا تزعلين :)

يالله بروح اشوف غداي ....

القاكن على خير بإذن الرحمن

محبتكن

بنت نجد

[تــــــالا]

يا بنــــــــــــــــــات


الغــــداء جاهز
كبسة رز مع حبتين دجاج و شوي بطاطس مقلي

اللي تتأخر راح تغسل المواعين

[موت & ميلاد]

ياعلي مااعدمكم >>>قولو امين (qq)



اليوم قهوة المغرب عندي

لا وحدتن تأخر .....ولا تعذرون لي باهلكم

اجلو الروحه لاهلكم لبكرى ...اليوم غير عن كل الايام

مخلصه مختبره ومروقه :p


والله يعين الي ماانتهى والي بثالث ثانوي :md:





موت & ميلاد :)

[همس الشفايف]

موت ميلاد

هناس الخلاص ياوخيتي (qq)

وتراتس بتلقيني عندتس المغرب مرتزه :eek:

بس تكفين جيبي فنجال كبير ترى ماتسدني فناجيل الكشخه الصغنطوطه :cl:

مهنا اجناب صح

اباخذ راحتي ياوخيتي (tt)

[هبه]

بنت نجد

كعادته اخوي يجي يشوف مستجداتي بالنت ( نوع من الحرص

والأهتمام الأخوي:p الله يديمه ) ولما قرا ردك قال اشوف كثرت جلوسك

على النت اثاري عندكم وناسه وسعت صدر وجلست بني :)


موت & ميلاد

مبروووووووووووووووك الراحه والله يديم عليك الروقان :o

وعقبال ماتطلع النتيجه الي تتمنينه :p

(ghqv)

^
^
^
مشاركه وجدانيه (a24)

[دلع عيني دلع]

هبه معي فطاير تعالي 00 نوسع صدورنا وعلميني ايش سويتي بالفوتو شوب 00

ابروح اشوفه وارجع000

[شموخ نجمة]

بنت نجد مصابيبك أنا اللي باكلهن حتى لو باردات

يكفي انهن من يدك يالغالية... بس ياليت اول تفهميني

وشن المصابيب(a)

[هبه]

دلع عيني دلع

وناسه ترانى ماتغديت ولا تعشيت الا خبز ولبنه وزعتر خخخخخخخخخخخ

يعني بالعربي جوعانه :p

ومعليش ترى تاخرت عليك بس وش ازين اخواني الصغار مو صغار بالحيل

واحد بثاني ثنوي والثاني يثالث متوسط :)

كانو عندي الا يبون يسمعون صوت الجن بصوتيات قصيمي نت :cl:

المهم ياغاليه ابشري بالي تبين والخاص بيننا لايردك شي:o



شموخ هنا يامرحبا يامرحبا

(qq56)

اقدر اجاوب عن بنت نجد :p

<<<<< فرحانه انها تعرف للمصابيب

شوفي هي دقيق ناس تحط بر وخليجي وناس بس بر مثلي

وماء وملح وبس طبعا كمية الماء تكون ضعف كمية الدقيق (مرة اخوي تحط معها تمر)

وبعدين تقومين تسكبين الخليط بمغرفة الشوربه :o في مقلاه صغير

مثل ماتصلحين بالبان كيك او اذا كانت عندك بتاعة المصابيب تشتغل على الكهرب

وبعدين على حسب رغبتك وذوقك ترشينه بالليمون اسود وقبلها تدهينه بسمن بري

او تاكلينه عادي

طبعا على طريقة مرة اخوي بالتمر يعني مايحتاج معه شي :) الا اذا بتجربينه مع جبنة

بيضا مالحه :rolleyes:

واتمنى اني مادوختك معي :cl:

[دلع عيني دلع]

هبه روحي كولي انفعي نفسك وانا اختك وانا معي سفن وفطاير ليتك عندي

000 بسم الله الرحمن الرحيم ؟؟؟ صوت الجن على هالليول00

سمو بالرحمن000

لك ارق تحياااتي0000

[أم أديم]

(g)


(g)


(g)


لا أحد يحاتسين ولا شي لين يرجع استشاري فرفشة الشباب


وانتِ بنت نجد غبي المصابيب ماهوب وقته


الحين روحي لشموخ وعلميه وشن المصابيب


(g)

[هبه]

الله يرجعه بالسلامه

وين الشبيبه يروحون يجيبونه :(

[هبه]

وين بنات المنتدى اغطسوا فيه

ولا علشان اليوم خميس

ياشين الهدوء اكره يلا بروح

وابرجع لما ترجعون :o

[دلع عيني دلع]

هلا والله وغلا باخياااتي00 وشلونكم اليوم

والله على قولت قصيميه ياحبيله ان الواحد ضايق صدره 00 لو تدرون اول مادخلت

يفتر قدامي موضوع سيف وادخله وليتن مادخلته ضاق صدري بزود0000

تصدقون بالله اني ماني مصدقه كلام عسااااي عساااه بالصلاح؟؟؟؟؟

يلا الحين بروح اسوي قهوه000

باااايااات وسلااااااااامات لااارق البناااات000

[هبه]

^
^
^
ممكن اتقهوى معك والا هاذي قهوة ضحى راحت علي:p

تصدقين عاد دلع اليوم افتر بالبيت اشتغل مدهره:o لكن تفكيري

كله بسيف العداله تصدقين انه معه حق يزعل لانه الكلام الي وجهته

له الاخت عساي افرح كبير وبعدين هور جال ووابوا عيال بعد

والله عيب بحقه ولازم تعتذر له ولا ماظنه يرجع (g)

[دلع عيني دلع]

هلا والله بهبه 00 الله يحيك على القهوه وماراحت عليك لاني بقوم الحين اسويها00

بيجي ولد اخوي000 بس ترى ممنوع الاختلاط مو تحسبينا بالاكاديميه000

والله يقويك على الادهار ايه خليك قرمه000 الله يعينك00

وبالنسبه لسيف انتي صادقه والله من حقه يزعل يختي لو طفل بياخذ على خاطره

مو رجال وابو عيال 00 الله يسامحه نكدت علينا 00

تصدقين ان هالشي يدل على اخلاق الواحد والمفروض انه تعتذر 000

اقول الله يستر علينا 00 وشكل ولد اخوي بيجي وانا جالسه اقرق000


بااااي اشوفك على خير000 تدرين تذكرت انا وخواتي لجلسنا نسولف00


لك ارق تحيااااتي00

[هبه]

دلع يوم طوليتي مارديت واطلع انزل عند اهلي بالصاله :o

عاد انا مواصله يقالي بعدل نومي ويوم نزلت عندهم

تخيلي وانام وماصحيت الا العشاء ورحت لغرفتي كملت النومه

وعليه الى الساعه 2 بالليل :(

[هبه]

دلع ماجربتي تنزلين صور لريل بلير تراهم جنان

انا نزلت الخشبي شكله روعه والمفاتحيح زهر شفاف لايفوتك

[دلع عيني دلع]

هلا والله برقيقاتي واخياااتي 000

اقول يسد نوم يكفي وش هالكسل جمعه وخير 00


ادري بعضكم نايم زي هبه00 والباقي ناشبين برجالهم وبزارينهم الله يصلحهم00

تراي علمتكم النسكافيه جاااهز والحلى يستناكم 00

ولو طولتو ومليت ؟؟؟؟؟؟؟؟ انتم عارررفين ايش بسوي طبعااااا


اكيد وحتمااا بستناكم لانكم انتم حلى هالمنتدى000

بااااااي الى لقاء قريب 00 ماني مطوله يمكن ساعه وارجع000

[دلع عيني دلع]

هبه ياقلبي والله دخلت موقع الاشكال واخترت شكل مره عجبني اللي كانه حلزوني0

بس عندي مشكله بالتحميل مدري وش فيه جهازي 00

شكل ماينفع معه الا القران00 بوديه لاطرف شيخ عسااه يزيين00

من جد يطفش كل شوي اما فايروس او يعلق او اذا مره قفلت معه الله لايوريك 00

يتنح تتنيح مثلي يوم كنت باول ثانوي والمعلمه تشرح كيمياء000000

سلااااااااام مربع000

[هبه]

يتنح تتنيح مثلي يوم كنت باول ثانوي والمعلمه تشرح كيمياء000000

معلمة الكيميا بثالث كانت تخربش خرابيش دجاج على الصبوره (g)

بسببها صارت عندي حاله نفسيه:o وصرت ماطيق اشوفها ومن زود

ماكانت غاثتن كنت ماذاكر :( يلا ايام وعدت بحلوه ومره :p

بس دلع ماتلاحظين معي انه هموسه وقصيميه و بنت نجد وطايرتن بوهتي

وتالا حتى موت & ميلاد الي خلصت امتحانات مانشوفهم :md:

[عساي افرح]

السلام
انا جيت يالله مدو لي القهوه والا ترى بزعل

والا تدرون اليوم عندي عزيمه بكره اج اتقهوى معكم والله انكم توسعون الصدر بس على فكره باجيكم باسم جديد هاليومين يالله باي

[طايرتن بوهتي]

يا حليلكم قاعدين تهرجون و طبت عليكم زين انها ما قالت شي لكم

بس تتوقعون انها بتسجل باسم جديد و الا الطرد نهائي

المهم كل شي صار مثل اول و رجع سيف بصراحه انا ما كنت اتوقع اني اقرأ كلام مثل اللي كتبته الاخت عن المنتدى هي ما تعرف الحرام و الحلال و الا مهب صاحيه
اما شموخ ما كنت اظن انها تنحط بهالموقف بس حسبنا الله :(

ما فيه وحده تتكلم معي وانا كذا لحالي و الا علشان اليوم السبت امتحان ااااااففففففف

[هبه]

لااااااااااااااااااااااا فيه لا تروحين :o تعالي بمكن عباتك :p

اشوى جيتي خخخخخخخخخخخخخخخخ

يانا مشتاقه لك وش اخبارك وش علومك

تصوري الناس اختبارت وحنا جالسات نسولف موب وناسه :p

تصدقين عاد انه عساي افرح تخوف تخيلي تجي باسم جديد والله الورطه :cl:

[طايرتن بوهتي]

وش علومي :o

مبسسسسسسسوووووووووطه خواتي يذاكرون و انا لا يا كرهي للامتحانات ما ادري وش لون نجحت

من جد انتي خايفه من اللي ما تتسمى انا نفسي ادرس حالتها من يوم ما قريت الموضوع و انا ادور مواضيعها و اشوف رد سيف ما لقيت فيه شي او اي تلميح لها لكن هي ما ادري كيف تقرأ :md:

ترا هذا يسمى حش

سبحانك اللهم و بحمدك استغفرك و اتوب اليك

[أم أديم]

انا الحين منفتحه نفسي

للبلع والقهوة ومصابيب بنت نجد :p

هاتوا اشوف

وصبي يا هبة القهوة

:rolleyes:

يوم رجع سيف بن عداله :)

[هبه]

طايرتن بوهتي الله يصلحك وش ذا اللون من قال لك اني اشجع النصر خخخخخخخخ

والله يزيدك بسطه :p

واذا على مواضيعه فانا كنت اتابعه بقسم مالذ وطاب في ف الأطباق

بصراحه كانوا طبخاته شي بس بعد الي سوته صرت اخاف منها

وترى ذا موب حش :o


اهلين ومرحبتين بقصيميه الي سهجتنا بس معذوره :p

تراني موب اصغر القوم خخخخخخخخخخخخخخخ

ميلاد اصغرنا :p

بس ولو تبشرين ياقصيميه تراني فقدتك حيل

انتي وهموسه وبنت ونجد وميلاد وتالا

[طايرتن بوهتي]

هبه فالولك اني احب النصر و الا احب الكوره اصلا بس حبيت اغير و جا حظك كذا
ما عندكم غير القهوه ترا انا ما اشربها جيبوا لي عصير















ما احد يبي يجيب لي امري لله ما حك جلدك مثل ظفرك

بس اوريكن ما تحوجن البركه >>>>>>هي كذا تنقال

[دلع عيني دلع]

سلااام سليم على احلى خوااات00

ايه هين مجتمعااات قصيميه وهبه وطايرتن بوهتي وانا اكفخ نوم000

بس عسى القهوه بالعافيه000 ياويلكم لو ماغبيتو لي حلى ؟؟؟؟؟

الله يخليكم لاتكلمون باللي اسمه عسااااي 00 خلوو فرحتنا برجوع سيف وبس

والله كل ماقراء او اتذكر كلامه يجين غثيااان الله يغث الظالم00

وبعدين ايش اللي مخوفكم00 واثق الخطوه يمشي ملك000 سامعته من بنت جيرانا00

[أم أديم]

:eek:


يمممممممممممممممممه


المجلس بذا يخوووووووووووووف


ما به الانا


ابهج لين يجي احد ويونسن (tt)

[دلع عيني دلع]

مساكم عسل وشهد ياحلى خوات0000

وقصيميه الله يهديك انتي تقومين مبكره همن تستاحشين 00 لاتدخلين

الا من العصر وفوق000

وهبه وينك ياما للرجه 00 رجيتنا انا وتالا ويله قدامي ومالقى احد000


ايه هين بقوم اصلي 00 وسنعود00 مدري متى 00

اقول ترى بسوي حلى 00 بسبوسه محشيه00 وحده تقيرم وتسوي

القهوه 00 اشوف يله قدامي للمطبخ0000

سلاماااات بالمليااارات000 وسلمتهااا ام حسن00

اقول وين البناات همس وطايرتن بوهتي والبقيه مدري وش فيهن

غايبات مايجن فيذاااااااااااااااااااااا000

[هبه]

ياهلا ومرحبا

قصيميه يامال العافيه انا كنت فيذا الصبح ماشفتك

دلع هذاي جيت وابشري بالقهوه

<<<<< جالسه تسمع هذه الاغصان مالت مع نسيمات الأصيل

اسمعيها يادلع ياقلبي لا تفوتك او يمكن تعرفينها لانها قديمه

متعيجزه اروح اجيب الرابط من التسجيلات الاسلاميه :o

كودك تصيرين انشط من <<<<<<<<<<< عجزت

[أم أديم]

ينفع نتقهوى هالحزة

والا مصيفين

الا شفتوا

يا بنيات هالرجاجيل

شانين حمله علينا (qq24)

بس تدرن تعالن اقولكن شي (qq21) وخلننا نتعاهد

اننا اي موضع يستفز الحرمه ما نرد عليه :p

:rolleyes:

بس يارب هالتماسيح ما يدرون :o

[اشراقه]

(qq)
قهوة وحلى
وناسة :)

[هبه]

قصيميه

وش رايك فيني انفع يكون عندي شخصيه :o

يلا بروح اجهز الفطور :p

والشاهي

علشان نجلس نكيف وناخذ راحتنا ونستلم هالتماسيح (aqwa)

<<<<<<<< ماتعرف تروق الا اذا اكلت :o

بس ماتلاحظين معي انه فيه واحد منهم متغيب لنا كم يوم مانشوفه :cl:

[دلع عيني دلع]

مسائكم احلى من الحلى000 ايوه قاااي00

وشلونكم وش اخباركم 00 يارب بخير000

يما للعافيه هبه على هالقهوه والله انه شي000000

ويما للعجز اللي يعجز الظالم ياهبه 00 اقول اشوف عطين الرابط او علمين وشلون

اجيبه00 هذه الاغصاان مالت0 مع نسيماات الاصيل000 اعرفه بس ماعندي الرابط

قصيميه000 وش السالفه <<<<<< وحده متنحه000 وش حملتوه00 الله يغربلهم00

هبه هين مير تفطرين وانا ماني فيه 00 ايه عسااه بالعافيه000

اقول وين البناات؟؟؟؟ شكلهن والله العالم يلوبن هالسوق خابرين العطله والزواجاات

مسلسل( البحث عن فستااااااان)

سلاااام 00 يلي بعدو000 ( وجه عيى لايطلع)

بسوي شاهي00 واجلس اتفنجل00 يالله حيهم 000 راسي صاكن من قسم

الحااااسب000

[هبه]

ههههههههههههههههههههههههه

دلع والله انه وناسه وفله في ذاك

الله يجزى خير القائمين عليه وكل عضو شارك

بعدين وين البنات ليش مايجتمعن ليه القطاعه <<<< جدتكم هبه:o

يلا تعالوا نشرب فنجال قهوة ونتبادل أطرف الحديث

أم تريدون قدح من العصير :p

<<<<<< أمنيتي اجيد التحدث باللغة الفصحى السليمه :)

وهذا رابط الموضوع :p

http://www.qassimy.com/vb/showthread.php?s=&threadid=11906

[شموخ نجمة]

هلا بناااااات وينكن؟؟

انا جيت وجايبة معاي قهوتي بس الحلى ممنوع:p

الإجازة على الأبواب ونبي نحافظ على رشاقتنا عشان

إذا ترززنا بالعروس الا هو ترزز على سنع:)


وممنوع الفطاير يابنات ولا ترى ماتعرسن طول عمركن... وتعنسن(g)


الا بنت نجد وينها فاقدتها(kk)

من يوم سالتها عن المصابيب وهي اختفت شكلها راحت تدور معناه بالمعجم(d)



على فكرة المديرة نظيرا لجهودي العظيمة في التصحيح وترسيب البنات

عطتني اجازة اليوم(aqwa)


وينكن؟؟؟

[دلع عيني دلع]

اهلين وحته000

هلا بهبه وشموخ وبكل خواتي00 هبه بليز قدح من الجوز000 سلميلي على اللغه00

ياحبيلك ياشموخ والله انها قهوه ماتخرش الميه اقعدت راسي000

وانتي صادقه خلص بنخفف الحلى والفطاير واللذي منه 00

( هبه لاتصدقين) 00000000 تراي شاريه باونتي

وتويكس خليك في المكس000 امس وبتقهوا عليهن000

شموخ00 الا بالحئ وين بنت نجد شكله جاري البحث بعجيب والمسبااار

هبه قولي لمره اخوك تسويلناا مصيبيباات على زوئك000

نجمتنااا00 اجل هاذي تاليته مرسبه البنااات 00 اعترفي وش

خبصتي بالتصحيح 00 اقول عساك على القوه000

يلللللي بعدوو0000
اتوقع لو اكتب بعد كم كلمه بيضرب فيوز0000

فاطلع احسن علشاان ماتصير الخسااائر فادحه000 متابعه الاخباار

سلاااام ياحلى صحبه0000000

[همس الشفايف]

اقوووووووووووول يالربعات

خلن عنكن السوالف:md:

بنت نجد قد لي كمن يوم ماشفتها

انتم تشوفونها والا لا :md:

عساه خير ان شالله :eek:

[دلع عيني دلع]

مسائكم غير اي مساء00 مساء خاااص لاحلى خواات بالدنياااا

مساء الورد الجوري 00000

هبه 00 قصيميه00 وينكم مرو بس ارمو السلام0000

شموخ 00 كيف التصحيح والبناات الله يعينك00 هانت

هموسه00 والله انك صادقه اني فاقده بنت نجد عسااه خير ان شاء الله0000

ترى مافيه قهوه ولا اي شي لمن ترجع بنت نجد ونطمن 0000

الى اللقاء000000

[هبه]

السلام عليكم ورحمة الله وبركاته

دلع ياقلبي كيف الحال :p

حتى انا فاقده بنت نجد بس أذكره ردت على موضوع لسيف العداله

انها هاذي الفتره ماتقدر تدخل المنتدى كثير

بس الموضع لسيف قديم لكن مادري عن رده

على العموم لازم نستفسر عنها

[سيف العداله]

مسيكم بالخيرات يا اخوات (aqwa)

[بنت نجد]

بسم الله الرحمن الرحيم

السلام عليكم ورحمة الله وبركاته

حيا الله البنيات الحلوات ..:)

تراكن وحشتوووووووووني حيييييييييييييييل بس عساني وحشتكن حيل :p

وترى لكن فقدة الله بها عليم .. والحمد لله أني رجعت لكن بسلامة ....واكيد طرت من الفرحة يوم شفتكن تسألن عني .. ياحظي من قدي :o

المهم يالحبيبات ...

شموخ نجمة .. تراني ماهجيت يوم شفتك تسألين عن المصابيب .. وشلون اهج وهي من اكلاتي المفضلة .. وتراني اتفنن في تصليحها ..

والمصابيب يا الغالية تتكون من ....

تجيبين خلاط العصير وتحطين فيه 3 كاسات ماء + 3 ملاعق حليب بودرة + 1 ملعقة كبيرة خميرة فورية + 1 ملعقة صغيرة بكنج باودر + ذرة ملح + ملعقة سكر + ربع بصلة + شوية بهارات + 2 ملعقة كبيرة زيت + بيضة......... ويالله شغلي الخلاط وخليه يخلط المقادير حييييييييل ... وبعدين اضيفي عليه دقيق اسمر ملعقة ملعقة لين يصير عندك عجينة مثل عجينة القطايف ...

اتركي العجينة تتخمر لمدة نصف ساعة .. بعدها حمي الصاجة على النار وصبي العجينة بالملعقة على شكل اقراص .. تماماً مثل اقراص القطايف .. اللهم هنا إذا احمر اسفل القرص نقلبه علشان يحمر الوجه الثاني ...وكذا لين تخلص عندك العجينة...

بعدها إذا تحبين ترشينها بعسل وزبدة .. أو زيت نباتي وسكر بودرة .. أو بصل مكشن بالبهارات ... حسب ماتحبين ياغالية

وبالعافية على الجميع

واكيد الغالية ..هبة ماقصرت في وصف المصابيب .. :rolleyes: وياحليل أخوك ياهبة جازت له سواليفنا :o

وياحبي لكل من فقدني وسأل عني .. وكل من فقدني وما سأل عني :o

المهم تراني بخير ولله الحمد والمنه وهذاني جيت اصجكن بسواليفي ..:cl:

والله لايحرمني من شوفتكن سعيدات دنيا وآخرة..:)

ويالله نلتقي على خير بإذن الله

محبتكن

بنت نجد

[هبه]

هلا وغلا

اشرقت وانورت واسفهلت وأمطرت <<<<< خخخخخخخ ترى مادري صح ولا لا

بس الأكيد انك نوريتنا والأكيد انك لوحشه :p

وبصراحه طريقة مصابيبك خيال :rolleyes:

تسلم الأيادي

[دلع عيني دلع]

هلا والله وغلا باخيتنااا وحبيبتناا بنت نجد 00

والله فقدناااك واشتقنالك وتو مانور المنتدى000

وزي ماقالت هبه00 ابرقت وارعدت وتكهربت وطفت000 >>> تنقاال كذا ياهبه

الله يصلح قلبك كم لي وانا اعلمك000 تفشليننا عند البناات000

المهم حيابك بنت نجد والله لايحرمنا من بعض000

الله يعين شكلكن شهيتني على المطازيز00 قصدي المصابيب

مدري وليش اسمائهن كذا 8888888888888 كخخخخخخخخخخخخخخخ

وانا ماحب اللي حط واستنى احب خذني جيتك يعني بسرعه00

بس شكلي بسويه ولا اصرف وحده من بناات خواتي وانشبه فيهااا00 فكره جهنميه

اشوفكم على خير 0000 ولكم ارق تحيااااتي000

[بنت نجد]

بسم الله الرحمن الرحيم

السلام عليكم ورحمة الله وبركاته

حيا الله الغاليااااااات حيييييييييل ... هبه و دلع عيني دلع

الله يسلمكن ياحبيباتي ولا يسمنكن ولا يسمركن ..:o

والنور نوركن .. بس ليش يادلع تكهربت وطفت :cl: وإلا هذا من قوة نوري طفى الكهرب :p

المهم أني مستعجلة الحين وراي مواضيع تبي تفتيش بالقسم الإسلامي .. الله بس يكون بالعون

بس حبيت اسلم عليكن وإذا اجتمعتن كلكن نادوني بجي اتقهوى معكن .. لا وابشرن بذاك الحلى اللي يطير في الدماغ ...

اوه نسيت أن شموختنا الغالية ناصحتنا بالمحافظة على الرشاقة خصوصاً هالأيام علشان نعرف نلبس زين ونكشخ بالزواجات :rolleyes:

اجل بجيب الحلى بس تفرجن عليه :o

<<<< نذلة :eek:

ماعلينا ...

ياكثر هذري .. بس وش اسوي ولهانه عليكن حيييييييييييل

يالله في أمان الكريم

محبتكن

بنت نجد

[هبه]

هلا والله وغلا بنت نجد

شوفي ماعلي انا جيت ادور الحلى الي ياخذ العقل :o

شموخ ياربي يسعدها هالأيام ماهي به يعني ماراح تدري :p

<<<<<<<< مصدقه

لا بس والله حبيت ارد سلامك

وقول لكم القهوه زاهبه بس انتم اجتمعوا (d)

[بنت نجد]

بسم الله الرحمن الرحيم

السلام عليكم ورحمة الله وبركاته

هبه حبيبتي ...

وين القهوة زاهبة والحلا بالثلاجة للحين استناه يجمد :o

إذا جمد وقطعته وضبطته جيت اتقهوى :p

يالله صوتي للبنيات ترى الحلا شوي واطلعه من الفرن :o

<<<<<< ماعندها سالفة :cl: فرن وإلا ثلاجة (d)

المهم حبيت امسي عليك ياعمري وشكل البنيات لاهيات عنا .. الله يوفقهن ولا يطول غيبتهن عنا ..:)

يالله هبوبتي الحلوة تصبحين على الف خير

محبتكِ

بنت نجد

[سيف العداله]

ذكريات (g)

[هبه]

ههههههههههههههههههههههههههههههههههههه

وش ذكرياته الله يغريل بليسك

بنت نجد ياقلبي تو الي انتبتهت

معليش خساره فاتني الحلا (g)

[هبه]

بعد مارديت وشفت رد دلع

قلت ايه والله ذكريات (g)

الله يجيبك بالسلامه يادلع

اشتقنا لك بالحيل

وتذكرت مصابيب بنت نجد

كل يوم اقول بكره اسويها

يس اللحين بصلحه ان شاء الله

اذا جت اختي السبت ولا الأحد

والله يرجع هموسه اشتقنا لها بعد

[أم أديم]

بالخير


:)


هو فيه احد والا اطس :p ؟؟؟؟

[سيف العداله]

وين الستات (q4)

[بنت نجد]

8
8
8
8


تسجيل حضور أحدى الستات (qq22)

[أم أديم]

الستات هاليومين صايرات سياسيات

وتلقاهن مترززات بالفكر الحر :)

[فوفي]

السلام عليكم ورحمه الله وبركاته

الله يهديكن بس اثركن كل يوم تتجمعن ولا قلتن لي ياكافي
تراي سنعه اجيب معي القهوه والحلى والكراث بعد منب اجي ادودل ايديني

والله اني شرهتن عليكن
بس ماعلي منكن باجي واجيب قهوتي واسولف معكن مالي دخل
وانا والله ما غير اسوع بهالمنتديات ومالقيت احد يهرج معي
ويوم لقيتكن مير افرح
والله اني منطقة بالبيت مارحت ولا جيت
وكل اقاربي مسافرين مابه احد بالرياض الا انا واهلي
وما اطول عليكن ولي رجعه ثانيه
والله يعافيتس قصيميه على هالجمعه اللي سويتيه

[أم أديم]

هههههههههههههههههههههه
ههههههههههههههههههههههههههه (gfp)


انا اشهد انتس سنعة السنعات


الا تعالي يا فوفي ورانا يوم فزنا مارزوا لنا موضوع بمنتدى التسجيلات والا ما نستاهل


يا خيتي (qq102)


اهوه بس عطين الكراث خلينا نتونس



يالله عطين علومتس الخاثرة (q39)

[فوفي]

بخير الله يسلمتس
اسكتي بس لاتقهرينن كليوم ادخل منتدى التسجيلات
واقول اغديهم رزوا لنا موضوع لحالنا
بس تش مير مادروا عنا الله يرحم حالنا
الا مير وش رايتس وش نطلب اي انشوده ومن ينشده لنا؟؟
ايه وانتي قولي لي وش اخبار اختبارتس عساتس حليتي زين
وماقلتيلي وش رايتس بالحلا اللي انا جايبته

[هبه]

بنات شخباركم

ترى مامعي لا قهوه ولا حلى

جيت بس بشوف اخباركم

اليوم أختي سافرت (qq89)

مادري وش اصلح ياشين الفراق

الله كريم والله يعين

ـــــــــــــــــــــــــــــــــــــــــــــــــ


فوفي شخبارك ممكن نتعرف (a24)

لا من جد بس ابي اعرف عمرك

<<<<<< فضوليه (qq18)

[فوفي]

هلا والله اختي هبه
انتي وشلونتس ووش علومتس


فوفي شخبارك ممكن نتعرف

لا من جد بس ابي اعرف عمرك

<<<<<< فضوليه

اكيد ممكن نتعرف ولي الشرف
وانا عمري 19 وانتي كم عمرتس<<<<دقه المونه

[هبه]

هههههههههههه

اكيد ممكن نتعرف ولي الشرف
وانا عمري 19 وانتي كم عمرتس<<<<دقه المونه

وحنا وش ورانا

هلا وغلا بالعسل والايشطه فوفي

والله يطرح البركه في عمرك يارب

وتحققين كل امانيك يارب

انا بصراحه كبيره شوي

عمري 22

[فوفي]

الله يحيتس

و22 كبيره بس اسكتي لاحد يسمعتس ويصدق
كل اللي بينا 3 سنين
بس المره الثانيه جيبي معتس حلا
بس هالمره بسكت لاني انا جايبتن حلا وقهوه
بس لاتعودينه

[هبه]

ابشري طال عمرك ولا يهمك

كم عندنا من فوفو

[أم أديم]

اجل سافرت اوخيتس يا هبه


الله يسعادها


يارب :(

[هبه]

شفتي قصيميه

رجعت وحيده بنت لحالي بالبيت

و عمتي رفيقة دربي واللي كانت تخفف علي

وتهتم بي تبي تتزوج وبصير من جد وحيده

الله يتمم فرحتها يارب ويساعدها ويسر لها امورها

الى اللحين نفسيتي تعبانه من فراق اختي مع اني نايمه النهار كله

احس بفراغ كبير بعد سفرها....الله يعين

[بنت نجد]

بسم الله الرحمن الرحيم

السلام عليكم ورحمة الله وبركاته

يالله حي الحبيبات والسنعات .. قصيميه .. هبه .. فوفي .. بنت نجد (asj)

هبه حبيبتي لا يتكدر خاطرك ياغالية ... بإذن الله يجي ولد الحلال عن قريب وينسيتك الوحده وعمتك وأختك وكل حبايبك :) ..

ويالله تعالن تقهون معي .. معي لكن حلا جديد توه نازل في موسوعة الطبخ والنفخ (asj) .. إذا اعجبكن بنزله بالمنتدى :o

(qq63)<<<<< هذا شكلنا وحنا مجتمعات هنا هوه (q67)

يالله بروح ادوج سوي بالمنتطى ..( صحح العبارة ولك جائزة (q74))

الله يحفظكن ويسعدكن

محبتكن

بنت نجد

[هبه]

بنت نجد

يارب يسعدك ويوسع صدرك بالعافيه

اول افكر اخفف مشاركاتي بالمنتدى

يمدحون الثقل

بس اللحين هونت دام بها جلسه مع الحبابيب وحلى

معي لكن حلا جديد توه نازل في موسوعة الطبخ والنفخ .. إذا اعجبكن بنزله بالمنتدى

وانتي بتسالي طبعا نزليه الله لا يسيئك

<<<< متأثره بالمسلسلات المصريه من كثر ماني مقابلتهن

[فريق أول]

مياو (e)













مسموح بمشاركه الشيبان

:)


وإلا نقعد بالمدرج نتفرج (e)







الفريق أول

[بنت نجد]

بنت نجد
يارب يسعدك ويوسع صدرك بالعافيه
اول افكر اخفف مشاركاتي بالمنتدى
يمدحون الثقل
بس اللحين هونت دام بها جلسه مع الحبابيب وحلى
وانتي بتسالي طبعا نزليه الله لا يسيئك
<<<< متأثره بالمسلسلات المصريه من كثر ماني مقابلتهن

ويسعدك ياحبيبتي هبه .. والله أني أحبك ياغالية :)
ولا يهمونك هاللي يمدحون الثقل ... لا يهمك إلا سعة صدرك في غير معصية الله ..
وياهلا والله ومليون غلا بك ياعمري ... ترى الجلسة ماتصلح بدونك ياعيوني :)
وبإذن الله حنزل الطبخه دي وحتعجبك ياأمر ..:rolleyes:
<<<< تكره المسلسلات المصرية (z)

والله يحفظك ياغالية
محبتكِ
بنت نجد

[بنت نجد]

مياو (e)
مسموح بمشاركه الشيبان
:)
وإلا نقعد بالمدرج نتفرج (e)
الفريق أول

اقول بنات تغطن ... فريقووووه وصل بدون مايتنحنح (q77) رايحن يقول مياو احسبه قطوة جيرانا (qq177)

ياربيه وين راحت غطوتي .. ويني حاطتها فيه (q36)

فريقوووووووووووووووووه انكس يافتى من حيثُ اتيت (qq165)

مالقينا غطاوينا .. يعني رح للمدرج بس لا تفرج غمض (q83) لأنه وبصراحة مالقينا غطاوينا (qq49)

وإلا أقول لك رح للسوق وجب لنا درزن عبايات وغطاوي .. علشان نسمح لك تشارك (a24)


يالله نستناك ... والله يحفظك

أختك

بنت نجد

[هبه]

بنت نجد

لو اقدر كان وصلت لك باقة ورد على هالكلام الحلو

وتكون كلها ورود بيضا مثل قلبك الابيض

والله يحفظك ياغالية

وياك يارب ويحفظ لك بنوتك

[بنت نجد]

بنت نجد
لو اقدر كان وصلت لك باقة ورد على هالكلام الحلو
وتكون كلها ورود بيضا مثل قلبك الابيض
وياك يارب ويحفظ لك بنوتك

حبيبتي هبه ...

تدرين وشهي أحلى هدية منك عندي ؟

دعوات طيبة منك لي في ظهر الغيب :) .. فأرجوكِ لا تحرميني منها ياغالية :(

حفظكِ الله من الشرور .. وجعلكِ من سيدات الحور

محبتكِ

بنت نجد

[هبه]

بنت نجد

دعوات طيبة منك لي في ظهر الغيب .. فأرجوكِ لا تحرميني منها ياغالية
الله يجزاك خير نبهتين لشي كنت غافله عنه

حفظكِ الله من الشرور .. وجعلكِ من سيدات الحور
وياك يارب

ملاحظه كبيره :

وين باقي بنات المنتدى ليش مانشوف لهن حضور هنا

ولا متعيجزات يصلحن قهوه وحلى (asj)

[سيف العداله]

وحنا ليه ما احد يسأل عنا (qq60)

يعني بس البنات اللي ما ينشاف لهن حضور هنا (qq3)

[فوفي]

اهلييييين بنوتات
كيفكم
وتسلمون لكل اللي سال عن
وانا اليوم ماجبت معي الا كراث
لان الغاز خلص وقلت لخوي يعبيه بس
ماعطان وجه وصك الباب بوجهي
عادي امر طبيعي متوقع من كل التماسيح
وعاد قلت اجيب معي لو كراث ولا اجي وما معي شئ

وحنا ليه ما احد يسأل عنا

يعني بس البنات اللي ما ينشاف لهن حضور هنا وش دعوى والله لك فقده
وبس خل البنات يتغطن اول

[بنت نجد]

وحنا ليه ما احد يسأل عنا (qq60)
يعني بس البنات اللي ما ينشاف لهن حضور هنا (qq3)

وشدعوه يا سيف بن عداله العتيبي .. للحين وحنا ننتظرك بس تكمل قصة سيارة الإيسكريم يوم تلحقها أنت وبنتك :o
ماغير تقرقع في قلبي ودي ادري وش كمالتها ..(qq)

المهم ترانا تغطينا ويالله اقلط أنت وفريقوووووه وكل من له شنب .. ترى اللي ماله لا يدخل :p

بنات .. وزوا الحلا والقهوة ترى سيف وفريق خرمانين حلا (d) والله يأن شافوا الحلا شرط مايخلون فيه شي ..(z)

ويالله بروح ارد على فوفي الغالية ..

يالله انك تحيي فوفي .. هلا والله وغلا ..

الله بس يصلح اخوك هذا ... وراه مارضى يعبي الغاز .. :md:

كان في ضراره سويتي حلا مايبي غاز .. وجبتي الحلا والقهوة وقعدتي تقهوين قباله وتشهوينه .. وإذا جاء ياكل معك تنحاشين بالحلا وتجيبنه هنا عندنا (aqwa)

المهم ياغالية .. يكفينا حضورك معنا .. والكراث والله مهوب شين مع حشوة السمبوسة :o

ويالله من بيجي بعد فوفي الغالية ..:)

والله يحفظكم جميعاً

أختكم

بنت نجد

[هبه]

انا جيت (qq122)

ومعي عنب أخضر لذيذ للغاليين

الله يحييكم اقلطوا

ـــــــــــــــــــــــــــــــــــــــــــ

فوفو ياعسل شخبارك

وزي ماقالت بنت نجد الكراث يصلح بس مع المطبق

ـــــــــــــــــــــــــــــــــــــــــــ

بنت نجد ياغاليه

ماعليك جبت معي صحن بسبويه للفريق وسيف

ضيافه بعد كذا هم يجيبون لنا معاهم

[فريق أول]

اها


قاعدين تحشون (e)

عندكم فطور وإلا نروح نشتري الاقتصاديه ونفطر على دربنا (asd)


عن اذنكم




اخوكم الفريق أول

[هبه]

لا بالله جب لنا معاك فطور

يعني يكفي حنا نصلح الغداء

الغداء بلحاله يبي له شغل غير السلطه اللي يبي لها

تقطيع من بدري

اليوم الثلاثاء ياسرع الايام تركض

مابقى على الدراسه شي

[فوفي]

لا وش دعوى عندنا الفطور الزين والشاهي
بس ابعد شوي خلن افل السماط
وانتظر البنات يتجمعن
مايصير نفطر وهن مابعد جن

[فريق أول]

8
8
8

الحين من ناخذ العلم منه ؟؟

من هبه وإلا من فوفي ؟



غير السلطه اللي يبي لها

تقطيع من بدري





الواحد بس لا يهوجس وهو يقطع هالسلطه ،،
ويخلص التقطيع على طول !!



الفريق أول

[فوفي]

ماعليك خذ العلم من
وانا مصلحه فطور يحبه قلبك وجايبته معي
وماعليك من هالعجازات

وانا جايبتن معي مريصيعات وقهوه
وفول وشاهي
بس انت قرب ومد يدك

[الغندوره]

ليش مانديتوني ...... خلص الحلى عني ....(q12)

طيب اوريكم ....وانت يافوفي جبتي قهوه من دون حلى.... انا عارفتكن... عجازات

بس انا جايبه باونتي... توي مطلعته من المنتدى قصدي من الثلاجه ... يالله كولوه قبل لايموع
.................................................. ..........

[هبه]

فوفي

ماشاء الله على السنعه

طيب ليش ماعزمتي مايقولون الاقربون اولى بالمعروف

ــــــــــــــــــــــــــــــــــــــــــــــــــ ـــــــــــــــــــــــــــ

الغندوره

اي حلى اللي دورينه على الصبح

<<<<<<<<<<< نسيت ايام الجامعه

ايام ماكنا نجيب حلى وترمس قهوه

وفطاير وشاي منعنع

الغندوره انا ماحب الباونتي مامعاك كتكات

[هبه]

بنات هديه

ياحبيلكم لا تردوني

اقروه وقولوا لي رايكم فيه

http://www.qassimy.com/vb/showthread.php?t=16306

[الغندوره]

هبه ........... وش اخبارك ؟

صبي القهوه بس كل العجز تقهون وخلونا ....

اقول شكلك مو بالجامعه.... وإلا كان هذي حزه القهوه (qq30)

ترى خلطه العطر في طريقها إن شاء الله ....

اقول الرابط هذا تلقين فيه ردي.... ماصدقت إني أطلع منه ذيك المره

إلا وانت جايبته
.................................................. .........

[فوفي]

حيا الله الغندوره

وحنا تونا ما افطرنا وانا قلت لفريق اننا بننتظر البنات
وترانا ننتظر خلطه العطر

[هبه]

ههههههههههههههههههههههههههه

كنت امازحك بسالفة الحلى

ولا انا الاوقات عندي كلها واحد

يلا سمي اقدعي من هالبرحي

واشربي فنجالك لا يبرد

اقول الرابط هذا تلقين فيه ردي.... ماصدقت إني أطلع منه ذيك المره

إلا وانت جايبته

هههههههههههههههههههه

هس.. لا يسمعونك البنات خلينا نضحك شوي

[هبه]

ايه صح الله يذكرك الشهاده فوفي

الغندوره ترانا على احر من الجمر ننتظره

اقول فوفي ياحبيلك وراه ماشفتي الهديه

لا يكون بس ماجازت لك

[الغندوره]

الله يهديك ياهبه وراه قهوتك باره ....

قولي لفوفي تسوي ثانيه .... منبي فطور.... تصدقون عاد

تفطست من الضحك على موضوع (( يوم انا صغيره )) يههههههههبل... ابوح اكمل الباقي

وإذا جيت القى القهوه وآلمه......يالله يالسنعات (aqwa)

[فوفي]

الا شفتها
المشكله اني كنت فاتحته قبل
وخليتيني افتحه ثانيه
ناقصينه بعد يكفي المره الاولى
بس لانها منك حلوه وتسلمين

[هبه]

الغندوره

بس ياحبيلك لاتنسين تكتبين

ذكراياتك ايام الطفوله

ــــــــــــــــــــــــــ
فوفي

هههههههههههه

تسلمين لي والله

خجلتني بكلامك الحلو

[الغندوره]

كتبت مقطع يالله طلع ...

[دلع عيني دلع]

مساء الورد والأحساس والطيبه00

هلا والله وغلا بأحلى خوات00 اشتقت لكم مووووووووت ووحشني منتدانا0000

والله مشتاقه للقهوه والحلى والعلوم الطيبه000

ترى مابعد أرتحت من السفر 00 بس حبيت امسيكم بالخير ( وماجبت لاقهوه ولاحلى00 ترى يمدحون بارنيز)

لي عوده 00

( برايفت لهبه)

وحشتيني00 وكيف العطله معك والكمبيوتر عساك للحين تبدعين بالفتو شوب 000

مبروك لعمتك الله يوفقها يارب وعقبالك00 واعتبرينا كلنا خواتك00

( كيف قسم الحاسب 00 ماقدر ادخله الان مستعجله000 )

لكم ارق تحياااتي0000

[هبه]

هلا وغلا والله

فز قلبي يادلع يوم شفتك

والدمعه على الباب

هلا والله بالغاليه دلع

نورتي المنتدى وشاشتي بعد

حمدلله على السلامه .... مابغيتي تجين

والله يبارك لك يارب وعقبالك ان شاء الله

ومنتدى الحاسب فاقدك مو بس قسم الحاسب الا كلنا فاقدينك

انا مير يأست من رجعتك قلت شكله دلع هي الثانيه تزوجت

الله يغربل بليسك جتني الصيحه

من جد منوره وحنا اللي المفروض نقهويك ونجيب لك الحلى بعد

مسويه لك صينية بسبوسه بس انتي تعالي

[دلع عيني دلع]

مساء الورد والجوري 00 مساء الفل والكادي 00 مساء مايليق الا بأحبابي00

وشلونكم000 معي نعناع تعالو اشربو يله 00 القهوه والحلى خلوهن للضحى

القهوه تسهر00 والحلى ينفخ00 >>>>>>>>>>>>>> وحده متعيجزه تسوي شي(qq31)

هبه ياقلبي تسلمين على كل حرف وانتي اللي منوره والله

وليش الصياح الله يغربل بليسك00 تكفي فرحتك برجعتي عندي بالدنيا(qq38)

وترى البسبوسه تجنن تسلم الأيادي0000

وين البنات مهن مبيناااااااااااااااااااااااات

تصبحون على خير 00 ولاجيت بكرا ابيكن مترززات قدامي ماهو بس اسولف على حالي(q61)

[فوفي]

هلا والله فيك اختي دلع
تفضلي الله يحييك


القهوه تسهر00 والحلى ينفخ00 >>>>>>>>>>>>>> وحده متعيجزه تسوي شي

ولا يهمك انا سنعه وجايبه معي بيبسي وشيبس وشوكلاتات<<<< يقالي سنعه


تصبحون على خير 00 ولاجيت بكرا ابيكن مترززات قدامي ماهو بس اسولف على حالي

لا وش دعوى انا اسولف معك

[دلع عيني دلع]

هلا والله فوفي000 ياقلبي مانتبهت لردك الا متاخر

والا كان وسعت صدري معك000 يسلمووو على الشيبس والبيبسي واللذي منه000

وشلونكم يابنااات ومسائكم ورد وياسمين00000 (q58)

ترى مجهزه القهوه والحلى اللي مافي منو واذا ماجيتو بيدخلون سيف وفريق ويخلصون عليه

(qq94) اللي عندهم مدارس بكرا بليز اشوف مقفاكم روحو تجهزو لمدارسكم(qq94)

يله بروح افتر بالمنتدى (adf)

لكم ارق تحياتي

[هبه]

دلع عيني دلع

شخبارك وشلون كانت سفرتك

اللي عندهم مدارس بكرا بليز اشوف مقفاكم روحو تجهزو لمدارسكم

البارح كلمت بنت اخوي بشوف عنها

لقيته ماشاء الله متحمسه خصوصا انها بتروح لاولى ثانوي

لكن اخوي مع انه بعد بيروح لاولى ثانوي الا انه الامر عادي عنده

الله يوفقهم يارب ويعينهم

[دلع عيني دلع]

هلا وغلا هبه000(qq92)

انا بخير والحمد لله انبسطت بالعطله ااااااااااااااف رحت للرياض الله لايوريك الحر

( عاد الحمد لله كن عندي الحين براد) يالله برد الجنه(qq35)

تزوجت بنت خالي بالعطله وراحت جزر المالديف تقول انها خيااااااااااااااااااااااااال00 الله يوفق الجميع00

وكله كم اسبوع ان شاء الله وبرجع اكمل دورتي للكمبيوتر000 ( ماتهيى اخلص) صارت رحله الشتاء والصيف

انتي شخبارك وش سويتي بالعطله0000 (qq120)

يحليل بنت اخوك اجل متحمسه والله من الكرف اللي بتشوفه الله يعينها عاد اول يطفش ويجيب العقد(qq106)

[هبه]

الله يوفق بنت خالك ان شاء الله وعقبالك

وان شاء الله ربي بيوفقك وتاخذي الشهاده وتتوظفين وتجيبن لنا الحلاوه :p

بس ماقلت لي وش رايك بالمنتدى تغير

[دلع عيني دلع]

اهلين بنااااات شخباركم (a11)

هبوبه امين ياقلبي وتسلمين وبالنسبه للمنتدى بصراحه تغير مره

اكيد للأفضل اول مادخلت قلت شكلي مشبهه او غلطانه بس شفت اسمي تأكدت اني

بقصيمي نت000 تصدقين هبه مدري وش صاير لي اذا دخلت النت عاطول لقصيمي نت

وربي احيانا مافتح الا ايميلي وبس ودي اروح منتديات غيره بس اعجز00 (qq1)

يارب يصير احلى منتدى بالكون0000 (qq81)

بنـــــــــــــــــــــــــــــــــــــــات وينكن عساكن بالصلاح ماغير انا وهبه

فوفي وين الشبس والعلوم الزينه(a22)

[فوفي]

اهلين
كيفكم

وش هذا مافيه احد وراكم مطفين اللمبات ومتسدحين
اعوذ بالله تموتون الحيل
ملييييييت وانا لحالي
تكفون اي احد يمر يسلم علي
وتراي جايبتن معي بيبسي وشيبس لزوم السهره
بس مافيه احد
شكلي باضف عفشي واروح بيتنا

[الغندوره]

هلا وغلا بفوفي (w99)..... وينك يابنت الناس....كذا تسوين فيني

وينك ما نشوووووفك ....افا ما هقيتك يكبر راسك علينا كذا (q77)

والله مشتاقه لك حيل......

يالله بس خلينا نسووولف ............... اليوم مدارس كل الأهل بيروحون بس انا لا

ههههههههه دوامي ما يبدأ إلا بعد اسبوع......على كيفي (qq30)

[فوفي]

تشاق لك العافيه
انا بعد دوامي مايبدا الا بعد اسبوع على كيفنا
بعدين تعرفين مشرفه لازم اتغلى شوي<<< بتنجلد
لا والله امزح معك انا ما اقدر اشوف نفسي عليكم
وخلينا بس نسولف مع بعض والباقي خليهم يروحون مدارسهم الله لايبلانا

[الغندوره]

.................إيه والله الحمد لله على العافيه والله لا يبلانا.........

بس تصدقين شكلي منب رايحه ولا بعد اسبوع (asj) >>>>>>>>>>ماينحك له اللسان

اقووووول وش نكهات الشيبس اللي جايبه عسى بس مهب كاتشب ؟؟؟

عطين من اللي جنبك .....اللي بالجبنه.....

ابروح اجيب حليب بالموز وأجي.....>>>>>>>>>>>>شكل فوفي حامت كبده بس هذا ذوقي وش اسوي وانت الله يهداك جايبه بيبسي وانا ماحب البيبسي

[شكولاته]

صباح الخير بنات
يحزنوني اللي عندهم مدارس الله لا يبلانا(vv)

[دلع عيني دلع]

مساء العســــــــــــــــل ياصبااااايا (q98)

واللي راحو للسكول اليوم الله يجعله عام خير وتوفيق لهم

بنات

قيرلات
(qq107)(qq107)
بنيااات

صبيااات

لامجيب الله يصلحكن وينكن (qq29)

فوفي والغندوره انا معلمتكن السهر مو زين سهرانات للصبح والحين مشاخر ونوم واجي مالقاكن (qq143)

غناديرو الله مير يحوم كبد عدوك اجل حليب بالموز 00 وووووووووووووووو الله يكرم النعمه

شكل فوفي جاه غثياان على الصبح اشوى ماكنت معكن (q27)

اقول مير الله يحي هالوجيه المنوره وترى معي كابتشينو بس مو اي كابتشينو

يسدح د0 كيف 00 وستار بكس
(qq31)(qq31)(qq5)
انا مسويته احم احم احم

يله تراه برد واذا برد يغدي ميلك شيك همن يحوم الكبد000

اقول بطلع احسن (qq5)(qq5)(qq5)

[هبه]

دلع هلا بك والله

طيب علمينا على طريقة الكابتشينو

<<<<<<< تحب تستغل الفرص

الا على طاري د كيف

بروحتنا للشرقيه المره هاذي

رحنا له وكانت اول مره نروح له

طلبنا كراميل فرابي

ياعليه طعم يجنن

وحنا راجعيين للقصيم من الرياض بالصدفه شفناه ( د كيف)

يالله على طول انا واختي قلنا لاخوي عليه والحمدلله طلبنا

لانه كان بنفسي انا واختي نشربه مره ثانيه

ودمتم ساليمن

مادري وش دخله بس احترت بايش اختم كلامي (q71)

[دلع عيني دلع]

هلا هبوبه

ابشري والله بكتب ان شاء الله طريقه الكابتشينو 000 واستغلي الفرص على كيفك

اجل كيف نصير خوات بدون مانمون على بعض (q72)

الله يصلحك ياهبه ذكرتين ب د كيف 00 عنده ريلاكس بالليمون والنعناع ررررهيب ( عصير مثلج )

بس د كيف مو عندنا بجده (g)

اذا عندكم بالقصيم ستار بكس جربي من عنده ( كارميل ميكاتو ) احلى من الكابتشينو

البنات غاطسااات فين ياربي (q3)

(qq120)(qq120)

[هبه]

دلع ياغاليه

تسلمين لي والله

الله يرحم الحال ستار بكس وبالقصيم

لا عندنا مقهى يمشي حاله رحنا له 3 مرات وملينا

اخوي يقول فيه واحد فتح جديد بس لسى ماجربناه

البنات غاطسااات فين ياربي

تصدقين افكر اصلح كروت دعوه كوده ينفع معاهم ويشرفون

[فوفي]

انا جيت قبل ماتوزعون كروت الدعوه

هاه وش اخباركم

والله اني فاضيه لا شغل ولا مشغله
مابعد داومت بالجامعه
واحس ان الدراسه مابعد بدت
وتراي اليوم جايبتن معي العشاء
ورق عنب ومشاوي ومحاشي
يالله تعالوا قبل لا يبرد
وتراه اول واخر مره اجيب العشاء
بس علشاني فاضيه...

[دلع عيني دلع]

هلا هبه وفوفي (a13)(a13)

والله فكره حلوه ياهبه بس لاتنسين تكتبين بالكرت ( نوما هادئا لااطفالكم او جنه الأطفال منازلهم

مانبي صجه ولجه 00 وبعد يحووسون العشاء اللي جايبته فوفي) ( يمنع دخول المغاتير) :eek::eek:

فوفي اقول مشاء الله اثر الفضاوه تنفع احيانا 00 الله يسلمك على العشاء شكله برد والبنات ماجتمعن

اقول قربي وسمي خلنا نبدا والبنات يلحقن خير00 اشوف عطين ورق العنب

عساك جايبتن سفن تراك ذبحتينى بالببسي ( جيبي لغندوره حليب بالموز ) اممممممممممممممممممم (qq31)

اكرمك الله يافوفي والله انه عشاء مايخرش الميه

اقوم اسوي شاي اخضر او نعناع نهضم شوي


(qq120)(qq120)

[هبه]

هلا بك فوفي

اخبارك

انتم الدوام بدري عليه يادوب هالاسبوع تاخذون الجداول

احلى يالسنعه محاشي

انا اموت على المحاشي

تشكرات كثيرات على قولة سيف العداله

[فوفي]

الله مير يحييكم
الا وين سيف من زمان ماسير علينا
ولا بعد ما اكتشف الشخصيه كبر راسه علينا

وهذاني جبت لكم شاهي اخظر
وحليب بالموز للغندوره

[ولــد بريــدة]

انا جيت
لاتغطن انا متغطي بشماغي


اقول سمعت طاري حلا وينه

يموت بالحلا وخاصة البسكوت المالح

روحن بفتش قصدي بوخر شماغي ما اشوف

الله لنا يا بنات بس انتم هنا وحنا لا

يالله بضف وجهي

تحيه للجميع

[فوفي]

لا وش دعوى الله يحييك
مع ان العشاء خلص عنك
بس فيه حلى عشاء
بس اصبر لاتشيل شماغك خلنا نتغطى اول

عاد سير علينا لاتقاطع

[شكولاته]

اثاري عندكم سواليف وسعة صدر ما دريت والله(qq42)

[دلع عيني دلع]

مراحب صباااايا (a13)(a13)

هبه وين الكروت لازم وحالا وبالا توزعينهن على البونيااات

فوفي وشلونك وين بنت اهلي والغندوره مابيــــــــبينو

ولد بريده عويذ الله من شرك خلصت الحلى علينا مير عساه بالعافيه (a14)

وحذير نذير للشباب اللي يدخل ماله الا ان ؟؟؟؟؟؟؟ يدئ الباب وش بكم ماحارمنا وعورات واللزي منه

هكا اليوم دخل سيف وفريق ومامدانا نتغطى كود بنت نجد هاشتهم وبدو يتنحنحون (q6)

اقول اقلطو حياكم الله شاي منعنش 00 كركديه 00 حلبه حصى00 يانسون 00 يتذكرون00 كمون 00 ليموون

لا من جد جايبتن لكم قهوه مهيله مو هيله بنت جيراننا لا قصدي هيل والهيل هو اللي من


دونه القهوه تغدي ماش ملح ماله طعم 00 ومعي حلى ياهو حلى يسدح يشبه السينمون (q40)

يحضر دخول اصحاااب الشنباات لين نخلص الحلى (q61)(q61)

[مزاجيه]

ههههههههههههه

قصيميه انت من اللي احترق معملهم

اجل انتي معي بالكليه كركركركركركركر

ااااااخ بس لو اعرف انتي منهي ..>>>>>> ملقوفه وش اسوي

المهم اليوم رحت للكليه وكنت حامله ماده معي وامتحنتها والحمد لله

همن جيت وقعدت على النت الين العصر

وبعدين نمت ولا قمت الا 12 باليل ورجعت وشغلت النت >>> لان ماي غيره يوسع صدري

والحين ابقوم اصلي الفجر وبسسسسسسس




يومي ماشاء الله حافل بالاحداث ..

[مزاجيه]

ايه ياولد بريده تغط بالشماغ بتله حنا اللي نتغطى ..!!


>>>>>>>>>> ميته من الضحك عليه ... كركركركركر

[موت & ميلاد]

قصيميه نت

بشري عن امتحانك ان شاء الله يوسع الصدر

مع اني ماعمري خبرت امتحان يوسع الصدر بس قصدي ينجح يعني؟؟


الله يوفقك ويوفقني وكل المسلمين





موت & ميلاد

[مزاجيه]

امتحاني تمااااااام التمااااااااااااام

بس عساه هو مايتسلط علي ويسقطني (qq9)

[موت & ميلاد]

لا ياقلبي قولي خير يقوله الله

باذن الله انك ناجحه

**

الا وراه ماتسيرين علينا نفطر جميع

^
^

جوعانه ومبتلشه بعمرها






موت & ميلاد

[مزاجيه]

الله انا مستعده بس على حسابك الفطوور (qq177)

[فوفي]

انا جييييت يابنات
اليوم جايبتن لكم معي
فول وفلافل وخبز تميس
وترمس شاهي
والله يحييكم واليوم ترا اخر مره اجيب معي شئ
كل يوم ان اللي اجيب لكن
واليوم انا خلاص بداوم
يعني بنشغل ولا يمدين اصلح لكن شئ
يالله يمدين اسير عليكن واشوف اخر اخباركم
والله يحيي قصيميه نت
ومدي يدتس لاتستحين ترا مهنا احدن غريب
وانتي ياموت وميلاد مدي يدتس وسموا

[مزاجيه]

لا توصين حريص بمده ومد الثانيه معه (a98)


المره الجايه علي القهوه لاحد يجيب شي..

[شكولاته]

وانا الدور علي بالحلى بعد قصيمية نت علشاني مخلصة جامعة ها السنة وفرحانة بعمري هههههههههههههههههههههه(q84)

[شكولاته]

حبيبتي فوفي لا تشيلين هم اذا جاء دورك بالفطور تراني ما اقصر بس للمعلومة ما اعرف اسوي فطور غيرررررررر بيض والمغذرة والسموحة من البنات(q19)(q19)

[شكولاته]

يابنات وينكم لهاذي الدرجة الدراسة مشغلتكم لسى بدري يالدوافير "يعني المجتهدات" هذي الكلمة تعلمتها من المنتدى (ern)(ern)

[ابوسند2005]

الموضوع يجيب النوم بس يوم قريت قاتب الموضوع........................................... .................








(qq142)

[دلع عيني دلع]

(qq137)

كيفكم يأحلى بناات

حبيت امسي عليكم

مساكم اجمل من الورد

(qq140)

[هبه]

مساء الفل والياسمين

دلع شخبارك

بالنسبه لي تمام وعال العال

[تحلى الدنيا]

(qq176)
(qq93)

[هبه]

الله يجمعنا على المحبه والخير

طلعت قبل شوي من غرفتي

الا اسمع صوتي امي عند اخوي تكلمه

وهي دايم تهوشن عند السهر

خفت ودخلت غرفتي بسرعه

شوي والا يدخل اخوي قلت له اشوى احسبك امي

ماخلصت كلامي والا امي داخله وراه

الموقف كان مره يضحك حتى امي صارت تهوشن وهي تضحك

بصراحه انا احب جو الليل خصوصا هالأيام براد وسعة صدر

[تحلى الدنيا]

(qq90)
كبسه يعنى
هو فعلا لليل هدوء وراحت البال
ولليل لو سحر خاص جدا
لليل ,بحر,نجوم, فلك, صحراء,
كل شئ لو رومانسيه غير عاديه
بس لمن يكون مواسم داخل انسان بيكون مترفرف
معليش بعيد عن موضوعكم
بس انا ماحب قهوى فى نص لليل
اذا ترضى اجيب لك برنغلز ام ليز

[دلع عيني دلع]

هلا هبه (q72)

اخباري تمام الحمد لله

وياحبي لامك اجل تهاوشك وانتى ماهو نافع معك (q14)

بس والله على قولتك الليل جوه غير اما البراد كثري لي منها

المكيف يدهر مانستغني عنه وامس الله لايوريك طلعت وكان الجو رطوبه

هلا حوريه00 شخبارك يارب بخير00 اجل كلنا متفقين ان الليل غير >>>>>> بسرعه جيبي برينقلز
وقفه00 (qq38)
سلاما على الدنيا 00 ان لم يكن بها ؟؟؟ صديق صدوقا صادق الوعد منصفا00

[هبه]

حورية البحر

صدقتي

واللحين قرب رمضان سبحان الله له جو خاص

وروحانيه الله يبلغناه ويتقبل صيامنا

وخوذي راحتك بالحكي كل شي نسولف به هنا

بس انا ماحب قهوى فى نص لليل
اذا ترضى اجيب لك برنغلز ام ليز

احب الليز ومشكووووووووووره

[تحلى الدنيا]

طيب من يجيب بسبوسه
اممممممم
اجيب برنغلز دلع ابشر
بس من اى طعم
بالملح
بالخل
بالشطه
وليززززززز
حاااااااااااااااااااااضرين نجيب لك
بس باى طعم
(فاتحه بقاله)
عندكم تفاحه والله اشتهيت تفاحه مع كاس حليب دافئ

[شكولاته]

سلام كيفكم بنات (q48)

[أم أديم]

هلا عجوزنا هلابك وشلونتس يالغاليه :)


تصدقون اني جيت هنيا وانا خايفة ان فناجيل القهوة دردب بوجهي(q90)


علشان ردي على المحارب


اكيد ودكن تطحنن طحناً جماً (mm)


خل اهج من هالمكان لين الوضع يزين والعاصفة تهدي شوي (qq104)

[هبه]

قصيميه

بصراحه كنا شوي زعلانين ( لا تصدقين )

بس بعد ماقريت ردك ضحكت من قلب

انتي بس جهزي لهم رد يبرد خواطرنا

[الغندوره]

اقوووووول سلامو علاكم

هبه يامل اللي منب قايله روحي شوفي ردي لك في من انا ؟

[هبه]

هههههههههههههههههه

الغندوره كل ماتذكر ردك اضحك

بصراحه سويت فيك مقلب لكن صدقيني من دون قصد

[الغندوره]

إيه مسامحتك قلبي ابيض انا >>>>>> احلفي (a12)

بس لاعمرك تعيدينه (q45)


(a19)

يالله ابروح ورنا بكرى كليه الله يعيني إن شاء الله

قولي آمين

[بنت نجد]

بسم الله الرحمن الرحيم

السلام عليكم ورحمة الله وبركاته

حيا الله الحبيبات والغاليااات بنات قصيمي نت

كيفكن حبيباتي ... عساكن بخير

بصراحة اشتقت لكن وللجلسة معكن وشرب القهوة واكل الحلى <<<< خرمانة قهوة وشاهي

اتمنى انكن بخير ... والله كلن يوفقه ... الي تدرس .. والي نايمة بالبيت .. والي تشتغل ... الله يوفق الجميع

وترى الوعد الليلة هنا بإذن الله ... ودنا نجتمع ولو ليلة على القهوة ..

ويالله بروح اجهز فطور أبو العيال ..

فمان الله يا الحبيبات (qq5)

حفظكن الله

محبتكن

بنت نجد

[تــــــالا]

البنات فيذا و أنا أدور عليهن(q100)


صبحكن الله بالخير(adf)

[شكولاته]

اهلين تالا

(qq117)(qq117)(qq117)

[شكولاته]

هلا قصيميه
بس حبيبتي صدقيني هالاشكال ما ينفع معها الا التطنيش علشان تمووووووووووووووت قهر

اقول انا كل صبح ادخل ما الاقي احد وين الناس معقولة كلكم تدرسون "الحمدلله اللي عافاني" اتشمت هههههههههههه(qq67)(qq67)(qq67)(qq67)(qq67)(qq67)
وتحياتي للجميع

[تــــــالا]

هلا بعجوز جدة ما معاك بيتزا و إلا عش بلبل

[هبه]

مساء الفل والياسمين

شو اخباركم

اتوقع اني اول الحاضرين

عساي بس ماتاخرت

يلا بجهز لكم المكان الى ماتجتمعن

<<<<<<<<<< سنعه

[تــــــالا]

هاااااااي بنات
شلونك يالسنعه

ما تبين أحد يساعدك

[هبه]

تالا

هههههههههههههههههه

لا خلصت ومليت وانا انتظر

اخر شي شربت قهوتي

واكلت صينية الكنافه الكذابه اللي اخذت طريقته من بنت نجد

ومابقيت لكم شي <<<<<<<<<<< كل هذا من الطفش

الا اقول تالا لا يفوتك اللي مخطط له ناوي تفرقه

على باله يبي يفرق بينا (q9)

[تــــــالا]

صبااااااااااااااح الأنواااااااااااار

هبة
صدقيني (w99)
ما يقدر أحد يفرق بيننا

[دلع عيني دلع]

كيفكم بنات

عساكم بخير

دايما كذا اجي مالاقيكم

با111111111111ي

[هبه]

انا موجوده (qq165)

<<<<<<< احلفي

دلع شخبارك

عساك بخير

________

تالا

صباح الخيرات

ماشاء الله انتي مو راعية سهر

ودي اعدل نومي وادخل وقت مالناس تتدخل

بس خلاص رمضان جاي ومافي وقت لتعديل النوم

[الغندوره]

يامل اللي منب قايله قاعدين هنا .......وتاركين سلطتي لحاله (qq136)

يالله روحوا للسلطه توي منزلته جديده بقراطيسه .......

وهلا بكم كل أبوكم وأمكم

[دلع عيني دلع]

اشوى جيتن

هلا هبه وراك بالوضع الخفي بسم الله

هلا الغندوره وحالا بالا بروح ابدا بالسلطه

[هبه]

ههههههههههههههههه

الغندوره انتي ماتجين الا وتصلحين اعلان

ابشري بس وش صار على دروس اللغه E (qq22)

ـــــــــــــــــــ

دلع وش رايك بي

ياشخيه كذا احسن اكثر هيبه التخفي (qq130)

وراك بالوضع الخفي بسم الله

فطست من الضحك ماتدرين حنا تالي الليل صايره مثل الاشباح

[تحلى الدنيا]

هههههههههههههههههه
ومعاكم واحده ثالثه
والله طفش ذبحنى ومو جائينى نوم قلقانه
ابى اسولف ياااااااااااااااااااااااا الناس

[الغندوره]

ياهلا بالحوريه سولفي (q40)

هبه الله يذكرك بالشهاده نسيت انزل الدرس الثالث

دلع .... كيف الحال ..

اقووول (qq1) وإلاخلوها بعدين

[تحلى الدنيا]

ايش اللى نخليها بعدين
قولى
يخويتى مة جائينى نوم وش الحال ابى اتكلم مع الناس ابى اكلم اكلم مع من جدار؟؟؟؟؟؟؟؟؟؟؟؟؟

[دلع عيني دلع]

هلا حوريه00 سولفي وانا اختك

وهبه اجل اكثر هيبه اجل بكرا بتلطم

الغندوره 00 هلا بك انا بخير وقولي يما للصلاح وليش نخليها بعدين

[تحلى الدنيا]

تدرى اول مره صار معى كده
احس محتاجه لحد يكلمنى
ولو طول يوم وانا اشرد من الناس
عندك ماسنجر ؟

[الغندوره]

لا أخاف تنهبلون .......وأخاف حوريه ماتنام

[الغندوره]

حووووووووريه عسى ماشر وشفيك حاله نفسيه ؟؟؟

حتى انا ماجاني نوووم المفروض نايمه لأني عندي كليه

[تحلى الدنيا]

لا ما يصير شئ وياى
لا تخافى
واذا على نوم كده ام كده مو جايينى نوم
والله سالفه عجيبه
وفطرت انسان غريب
يا بنتى ضعيفنى عندك
والله مضايقه

[هبه]

ههههههههههههههههههه

حورية الله يعينك


دلع حلوه اتلطم بس نصيحه اذا تبين تتدخلين

مواضيع لحزب التماسيح بالترفيهي ضروري تتلطمين

وتبخين عطر بعد (q31)


اقول الغندوره اجل ناسيه ياحبيلي بس

شوفي ضروري تقولين وش عندك اثرت فضولنا


بالنسبه لي عندنا زواج بكره وضروري استعد

ومن اليوم وانا اتحايل على نفسي اروح انام

[تحلى الدنيا]

(qq112)

[هبه]

حوريه وش دعوى

وش انا قايله

علشان شايله هاللوحه وجايه تقولين لا تعليق (qq136)

[تحلى الدنيا]

(qq174)
ايش اقول اجل
كيف اصدقائى اللى ما جلسو وياى وقت شده

[دلع عيني دلع]

انا اذا جاني عقد عادي اوكيييييييييييييي

لان النت جنني اليوم عساه للهبال اللي مايفكه

وغندوره اشوف يله قولي وش عندك تراني بديت احترق>>>>>> انسانه مو فوضوليه عارفه

بس ياويلك اذا مزح

وانتي يقلبي ياهبه عنكم زواج وجالسه للحين الله يعينك والله تعب

حوريه ياحياتي وش فيك سولفي عادي هنا او ارسلي خاص للي ترتاحين لها من البنات

[هبه]

دلع

احلى صابتك عدوى التخفي

بس وش رايك كذا احسن ولا قبل

تدرين اني رحت احاول انام ماعرفت

نزلت تحت لقيت امي واخوي يتقهون

علشان ان شاء الله صايمين

شربت معاهم فنجالين بس

وجيتكم

[تــــــالا]

هلا بخواتي اللي يسهرن الليل كله

وين رجالكن ؟

[بنت نجد]

8
8
8

حبيبتي تالا ....

يمكنهن على بر الآمــــــــــــان ... مابعد تزوجن (q52)

*
*

الله يوفقكن ياحبيباتي ...

ويرزق اللي مابعد تزوجت (qq77)

والله يحفظكن

أختكن

بنت نجد

(qq140)

[شكولاته]

تالا حبيبتي اهلين
معاي كيكة ما اعرف اسمها لكن انما ايه
طفشت اهل زوجي رمضان اللي فات كل يوم اسويها علشان كنت حامل وحبييتها وانشا ءالله انزلها وتسونها قبل رمضان الله يبلغناه (qq5)(qq5)(qq5)(qq5)

[تــــــالا]

بنت نجد

الله يحفظك و ربي يرزقهن الأزواج الصالحين




عجوز جدة عجلي علينا بالوصفة لأني مثل وضعك الآن
حطيها بمنتدى ما لذ و طاب


ربي يخليكي لي قولي آمين

[تحلى الدنيا]

انا جيت بس صاله فاضيه
ومعى ثلاجه مليانه نسكافيه
شكلهم بنات كلهم راحواينامون
يلا باكل رضاع والدين ونسكافيه
لحااااااااااااااااااااااااااااااااالى

[تــــــالا]

هااااي


إذا كان فيه أحد





بااااي


إذا ماكان فيه أحد

[هبه]

تالا

وشو التوقيت

اذا بالنهار جعله نوم العافيه لي

واذا بالليل جعله نوم العافيه لك

فهمتي شي (q30)

[الغندوره]

وإلا بالمغرب

يصير زيت عافيه (zm)






اقووول هبه وش اخبارك من زمان عندك(q29)

[هبه]

الغندوره تمام ولله الحمد

الايام جالسه تركض ونحاول نسبقها (q30)

الا انتي وش خبارك وش اخبار الكليه معك

[الغندوره]

وعععععععععععععععععععع تجيب المرض



لاأعرف انام ولا اقوم



إلا انت تدرسين ؟؟؟؟ وفي أي قسم ؟؟؟؟

[هبه]

يلا الله يعينك شي اهون من شي

بقولك بس لا تنصدمين

ولا تدرين مايصلح (qq128)













هههههههههههههههههههه

من جد تخيلت تعابير وجهك وعليها كذا علامة استفهام