ابي حل لمشكلة بنتي ً بليز ً

[reenad2001]

\بنتي عمرها 3 سنوات ونص المشكله إنها ماتستغني عن البامبرز وحاولت بكذا طريقه اقطعها عنه لكن بدون فايده\(a27) (qq79)


اللي عندها فكره آو حل تسعفني فيها وأكون لها شاكره(qq71)

[شجــن]

الله يسامحك يا ريناد ..تأخرتي في تدريبها على النظافة ....وهنا يكون الزايد أخو الناقص وانا اختك ....عموماً الحين هي تفهم وفي سنّ الروضة ....تكلّمي معاها بشكل واضح ...قولي لها ...انت الحين صرتي كبيرة وخلاص تروحين للحمام زي ماما مو زي البيبيات ...اقنعيها انها كبرت ...بعدين خلّيه بنفسها ترمي آخر حبة بامبرز نظيفة في الزباله كدليل على انتقالها لمرحلة الحمام ....
ابدي معاها في النهار ...خلي كلامك معاها واضح ..قولي لها ...لو حسيتي انك تبين الحمام ..ناديني..((يعني حددي لها الشخص اللي تناديه ويكون دايم مستعد يخدمه و يجيها بسرررررعة في نفس اللحظة))سواء انت او الخادمة أو اختها الكبيرة ...اللي هو بس يكون فعلاً مستعد يجيها على طول أول ما تناديه ...
خلال الليل في الفترة الأولى وبدون ما تحس حطي تحتها مفرش قطن مبطّن بلاستيك ..من النوع المستخدم في غرف الولادة في المستشفيات ...لأنها في الفترة الأولى ماراح تلحق نفسها على طول ..يعني ممكن تبلل نفسها في الليل لو بشكل جزئي قبل ما تصحى ...
قبل موعد نومها ب3ساعات على الأقل لا تشربينها سوائل .. و وديّها للحمام قبل ما تنام مباشرة ..و صحّيها بعد النوم بساعتين ونصف للحمام ..بالذات في الليالي اللي كثرت فيها سوائل خلال النهار ...
لا تبدين تدريبها في فترة تكون فيها مريضة أو تستخدم مضاد حيوي ..لأنها ممكن تصاب بالأسهال _اعزكم الله_ وبالتالي تفشل لسبب خارجي ...
ذكّريها بالحمام أكثر من مرة خلال اليوم بالذات قبل الأوقات اللي انت متعودة اصلاً تغيرين لها فيها بعشر دقايق إلى ربع ساعة ...
اصبري عليها ..لأنها غلطتك مو غلطتها ....وأتوقع بإذن الله ماياخذ تدريبها معك أكثر من ثلاثة اسابيع ....
وخذيها قاعدة ...البنت تنظف في عمر 26 شهر ...(سنتين وشهرين ) والولد ينظف في عمر 28 شهر (سنتين واربع شهور ) هذا على أكبر تقدير......أي سؤال أنا حاضرة ,,,, بالتوفيق ...

[لميا]

ريناد...الاخت اشجان كفت ووفت
بس حبيت اضيف انو لازم تعتمدي على اسلوب المكأفاه بعد كل انجاز لها
لان الاثر الطيب المرتبط بكل دخله لها للحمام رح تدفعها لتكرار الدخول للحمام
وبالتالي تنتهي المشكله
اهم شي لا تستعجلي عليها عطيها الوقت الكافي
وابتعدي عن الصراخ والعصبيه اثناء تدريبها على الحمام لانها قد تترك اثر عكسي
ومن الاشياء اللي راح تكون في صالحك ان بنتك اصبح لديها القدره على فهم ما تطلبيه منها
عكس لو كانت في سن صغيره

[reenad2001]

فديتكم ( ش ج ن )(rose) (qq19) (rose) و ( ل م ي ا )ٍ

أسعدني مروركم وأشكركم من كل قلبي

لكن مابتصدقوني إذا قلت لكم إني جربت كل الطرق والوسائل والأساليب
ومانفعت(qq121)
بس ماراح أيأس
وأنتو حبايبي لاتنسوني من دعائكم(qq75)
(qq133)

[مذهلــــــــــــــــه]

يارب يفيدونك الامهات

اكثر خبرة وتجربة