عسّـاف
22-08-06, 11:27 AM
السلام عليكم......
اسعد الله ايامكم بالخير والمسرات
متواضعه اتمنى ان تلامس عذب احساســـــــــــــــكم
جهنّم تشتعل فيني لهبها يحرق الانفاس=دخيل الله طفيها مادامك انت مشعلها
ترا وان زاد صاليها ضحاياها اعز الناس=ابي احرق مابقى من حب واذا تقدر تحملها
مادام الحب من قلبك طواه الياس فوق الياس=وش اللي ترتجي روحي سوى حسرة تأملها
عقب ماكنت محبوبي ومكانك فوق عالي الراس=وكنت من اهتماماتي اذا ماكنت اولها
سريتك ليل باشعاري يخالط لهفة الاحساس=صحيتك صبح لانفاسي ومدى لعيوني الولهى
كتبتك رمز لحروفي وسقتك للشعر الماس=وقلطتك وسط روحي تعلّلني وتعلّلها
شربتك كاس من جوهر بطعم التوت واحلى كاس=ظميتك لين مارويت عروق الروح منهلها
تغيّر واختلف قلبك وبدينا رحلة الاتعاس=تمسينا وتصبحنا هموم الوقت وعللها
وصرت (كليب) بعيونك وحبك صار لي (جساس)=وطعنّي غدر في ظهري وانا سارح اخايلها
وجانا (الزير) اقداري (وابو ليلى) شديد الباس=واحاسيسي (بني مره) وسيوفه من يطاولها
وبدت حرب الهوى تطحن وضحاياها بدون قياس=وتخالط دمعي ودمي وحابلها بنابلها
وشفتك يوم في هدنه وصفقت اخماس فوق اسداس=وعرفتك ناويه فرقا وشدّت بك رحايلها
لمحت الفرقى بعيونك تدق من الخطر اجراس=ولقيت ان الهوى كذبه كثير الناس تجهلها
وبكيت ولانفع دمعي ورثيتك داخل القرطاس=وحلفت انساك في قافي ولو تصعب مسائلها
ومادام ان اللهب ثاير ونار الظلم للأنفاس=وربي لا احرقك فيها واذا تقدر تحملها
كل الحب والتقديـــــر
اسعد الله ايامكم بالخير والمسرات
متواضعه اتمنى ان تلامس عذب احساســـــــــــــــكم
جهنّم تشتعل فيني لهبها يحرق الانفاس=دخيل الله طفيها مادامك انت مشعلها
ترا وان زاد صاليها ضحاياها اعز الناس=ابي احرق مابقى من حب واذا تقدر تحملها
مادام الحب من قلبك طواه الياس فوق الياس=وش اللي ترتجي روحي سوى حسرة تأملها
عقب ماكنت محبوبي ومكانك فوق عالي الراس=وكنت من اهتماماتي اذا ماكنت اولها
سريتك ليل باشعاري يخالط لهفة الاحساس=صحيتك صبح لانفاسي ومدى لعيوني الولهى
كتبتك رمز لحروفي وسقتك للشعر الماس=وقلطتك وسط روحي تعلّلني وتعلّلها
شربتك كاس من جوهر بطعم التوت واحلى كاس=ظميتك لين مارويت عروق الروح منهلها
تغيّر واختلف قلبك وبدينا رحلة الاتعاس=تمسينا وتصبحنا هموم الوقت وعللها
وصرت (كليب) بعيونك وحبك صار لي (جساس)=وطعنّي غدر في ظهري وانا سارح اخايلها
وجانا (الزير) اقداري (وابو ليلى) شديد الباس=واحاسيسي (بني مره) وسيوفه من يطاولها
وبدت حرب الهوى تطحن وضحاياها بدون قياس=وتخالط دمعي ودمي وحابلها بنابلها
وشفتك يوم في هدنه وصفقت اخماس فوق اسداس=وعرفتك ناويه فرقا وشدّت بك رحايلها
لمحت الفرقى بعيونك تدق من الخطر اجراس=ولقيت ان الهوى كذبه كثير الناس تجهلها
وبكيت ولانفع دمعي ورثيتك داخل القرطاس=وحلفت انساك في قافي ولو تصعب مسائلها
ومادام ان اللهب ثاير ونار الظلم للأنفاس=وربي لا احرقك فيها واذا تقدر تحملها
كل الحب والتقديـــــر