.. حسب طلب سيف العدالة .. طريقة عمل عجين السمبوسة ..

[بنت نجد]

بسم الله الرحمن الرحيم

السلام عليكم ورحمة الله وبركاته

بناء على طلب أخوي سيف العداله واللي هو ..

كيف عمل عجين السمبوسة .. :o

أنا بصراحة اسويه بالبيت .. وفعلاً كل من ذاقه يعجبه .. ويقول سمبوستك كذا :rolleyes:

وأتمنى أنها تعجب أخوي سيف والجمييييييييييييييع .. (qq)

هي تبي لها شوي شغل .. بس طعمها .. يستاهل كل ها التعب .. :rolleyes:

المقادير ..

دقيق أبيض
ماء
رشة ملح

الطريقة ..
تعجن المقادير السابقة حتى يتكون عندنا عجينة متماسكة ..
تترك لترتاح لمدة ساعة ..
تكور العجينة بحجم فنجال القهوة .. وتوضع في طبق مرشوش عليه دقيق ..
تغطى بنايلون وتترك لترتاح لمدة نصف ساعة ..
يرش دقيق على السطح المراد فرد العجينة عليه وتفرد قطع العجين بحجم خبز المفرود الصغير ..
بعدها يدهن وجه كل قطعة بالزيت ويكون كثير شوي .. وتوضع قطعتين على بعض بحيث يكون
الوجه المدهون مقابل الوجه المدهون في القطعة الثانية ..
تفرد العجينة جيدا حتى يتكون لدينا سمك رقيق جداً .. مع رش الكثير من الدقيق على الوجه وأسفل العجينة ..
طبعاً تخبز الرقائق على صاجة تيفال بعد ماتكون قد سخناها من قبل ..(( صاجة المصابيب أو المراصيع ))
وتقلب على الوجه الثاني ..المطلوب بس تغير لون العجين .. لا يتحمر القرص .. لا:(
توضع العجينة في نايلون بعد ماتفتح الطبقتين .. وبعد اكتمال الكمية تقص على شكل أقراص سمبوسة ..
ويالله .. شدوا حيلكم وحشوا الأقراص بأحلى حشوة سمبوسة (qq)..

وأتمنى أن الطريقة مفهومة ..

وأي تساؤل منكم أرحب فيه ..:)

وعليكم بألف ألف عافية ..

أختكم

بنت نجد

[اشراقه]

تسلمين حبيبتي بنت نجد
وسيف العداله يطلب وحنا نستفيد :)

[بنت نجد]

الرسالة الأصلية كتبت بواسطة اشراقه

تسلمين حبيبتي بنت نجد
وسيف العداله يطلب وحنا نستفيد :)


الله يسلمك ياعيون بنت نجد .. :)

اتمنى ياغالية أنك تستفيدين ..:rolleyes:

وإذا تحبين تسألين عن شي .. تدللي ..(qq)

بنت نجد تحت أمرك ..

كم اشراقه عندي ..

الله يحفظك ياغالية ..

أختك

بنت نجد

[فريق أول]

:)

[بنت نجد]

الرسالة الأصلية كتبت بواسطة فريق أول
:)

حياك الله ياقائدنا الهُمام .. :)

الله يحفظك

أختك

بنت نجد

[همس الشفايف]

ههههههههههههههههه

اجل سيف طالبها :o


روح لنا منها اذا سويتها :p



مشكوره بنت نجد وياجعل عيني ماتبتسيتس :o >>>>> افهموها عاد

[بنت نجد]

الرسالة الأصلية كتبت بواسطة همس الشفايف
ههههههههههههههههه
اجل سيف طالبها :o
روح لنا منها اذا سويتها :p
مشكوره بنت نجد وياجعل عيني ماتبتسيتس :o >>>>> افهموها عاد

يستاهل سيف .. هو يطلب ونحن نلبي :o

إلا سيري علي وأذوقك إياها ياهموووستنا الغالية :)

والعفو ياعيوني .. وشدعوا .. حق وواجب :o

وياجعل عين كل من يحبك ماتبكيك ..

وتسلمين على حضورك المبهج

حفظكِ الله

أختكِ

بنت نجد

[أم أديم]

من قدك يا سيف :rolleyes:


ما شاء الله انت بس اطلب وما شاء الله هالنشميات ما يقصرن


حبيبة قلبي بنت نجد كفو والله يالغاليه ما يجي منك قصور


الله يعطيك العافيه والصحه


(q88)

[بنت نجد]

الرسالة الأصلية كتبت بواسطة قصيميه
من قدك يا سيف :rolleyes:
ما شاء الله انت بس اطلب وما شاء الله هالنشميات ما يقصرن
حبيبة قلبي بنت نجد كفو والله يالغاليه ما يجي منك قصور
الله يعيك العافيه والصحه
(q88)

من قد شباب ها المنتدى .. هم بس يطلبون وبإذن الله أخياتهم بنات المنتدى مايقصرن (qq)

وتسلمين ياعيوني قصيميه على حضوركِ المبهج.. لاحرمنا الله منكِ

دمتِ في حفظ الله

أخيتك

بنت نجد

[بنت نجد]

المشكلة كلن رد إلا صاحب الطلب وينه؟؟؟(qq)

سيفووووووووووووه وينك .. :o

الحين لي ساعة جالسه اكتب لك الطريقة وماتدخل تشوفها .. :(

<------ جاء في خاطرها :p

وإلا أنا ماصدقت تقول لي طلبك وطرت في العجة :cl:

:o

اشوفك الحين بالمطبخ:p .. يالله رد :o

احتريك (qq)

أختك

بنت نجد

[سيف العداله]

ههههههههههههههههههههههههههههههه
الله مير يسلمس ويعدي عنك يا وخيتي

تعبتك معي وخليتك تعجنين لنا :p

واسف على التأخير وتراه مهوب بيدي انا كنت ابرد البارح بس المنتدى تعطل شوي همن طلعت انام (qq)

الله مير يخليك ويرضي عليك على هالوصفه للعجينه اللي بتفكنا من رقائق حلواني والارياف :o

وراح نسويها ونطعمكم منها كل ابوكم واولكم ام البراطم (aqwa)

[بنت نجد]

ايه توني استانس :o

عساكم بس تسووونها وتعجبكم .. :rolleyes:

وتستريحون من حلواني والارياف .. مثل ماأسترحنا من سويتز وأبو وردة وغوار :p

وترانا ننتظر إطعامكم لنا منها :o

<------- بتصوم بكرة علشان تسوونها لها على الفطور :p

ومشكووووووووور على طيب هالحضور

حفظك الله

أخيتك

بنت نجد

[سيف العداله]

باتسر نبي نسوي لقيمات مهوب سنبوسه :p

صومي عقب باكر كان تبين نطعمكم عجينتك (qq)

[موت & ميلاد]

لا تنسون >>>>اختكم في الله :o

تراي احب السمبوسه :p





موت & ميلاد

[بنت نجد]

الرسالة الأصلية كتبت بواسطة سيف العداله
باتسر نبي نسوي لقيمات مهوب سنبوسه :p
صومي عقب باكر كان تبين نطعمكم عجينتك (qq)

خلاص بصوم الخميس بس لا تنسى اللقيمات .. :o

وما أبغي عجينتي .. ابغى سمبوسة لحم ولقيمات ..:p

خذوا أجر صائم :rolleyes:

وأنا بسوي لفائف قرفة وشوربة واروح لكم..:o

حفظك الله يا أوخيي

أختك

بنت نجد

[بنت نجد]

الرسالة الأصلية كتبت بواسطة موت &amp; ميلاد
لا تنسون >>>>اختكم في الله :o
تراي احب السمبوسه :p
موت & ميلاد

اقول حبيبتي موت ميلاد ..

وش رأيك نسير على مدام مستر سيف عصر الخميس ونفطر عندها ..:o

تراني عازمتك هناك :p

<----- تموووون :cl:

حفظكِ الله ياغالية

أختكِ

بنت نجد

[شكولاته]

(qq5)

[القصيميه]

باتسر نبي نسوي لقيمات مهوب سنبوسه :p

صومي عقب باكر كان تبين نطعمكم عجينتك (qq)


هههههههههههههههه يا حليلك يا سيف !!

طيب لو سمحت يا استاذ سيف ......>>>>>>>>>>>>>--- قمه الادب

اقول لو سمحت متى تبون اصوم عشان اجي افطر عندكم ؟؟

----------------------------------------------------------------------------------- اختى بنت نجد :

يا حلوك والله تشجعين الواحد انه يتدلع ويتميلح عليك ........


مدام حليله سذا انا بعد ابطلب طلب لو سمحت يعني .... وش اطلب ؟ وش اطلب؟

اطلب منتو ؟ والله اني اموت على المنتو بس ما ودي انتفخ ابي شئ خفيف ........

اقوووووووووووول خلاص ابفكر واجي .......... اوسيه .......( اوكيه قصمنجيه )

[أحلى جداوية]

شكل السمبوسه بتطلع كذا (ash) وانا عن نفسي انشاء الله بجربها قبل رمضان عشان لا اتفشل قدام زوجي ونفطر جبنه وعيش.
المهم انا عندي سؤال بعد ما نحشي السمبوسه نقليها في الزيت ولا لأ؟؟

وسلمت يداك على هالطريقه..

أختك في الله: أحلى جداوية..

[بنت نجد]

اختى بنت نجد :
يا حلوك والله تشجعين الواحد انه يتدلع ويتميلح عليك ........
مدام حليله سذا انا بعد ابطلب طلب لو سمحت يعني .... وش اطلب ؟ وش اطلب؟
اطلب منتو ؟ والله اني اموت على المنتو بس ما ودي انتفخ ابي شئ خفيف ........
اقوووووووووووول خلاص ابفكر واجي .......... اوسيه .......( اوكيه قصمنجيه )

هلا والله وغلا بالقصيميه ...
وتستاهلين أنك تدليعين وتطلبين كل الي يعجبك ياعمري ..
والمنتو امره سهل .. بس عسى قدرة الخاص عندك :)
إذا هو موجود عندك ابشري بالطريقة السنعة ..
ومشكورة ياعمري لطلتك الحلوة..

حفظكِ الله
محبتكِ
بنت نجد

[بنت نجد]

شكل السمبوسه بتطلع كذا (ash) وانا عن نفسي انشاء الله بجربها قبل رمضان عشان لا اتفشل قدام زوجي ونفطر جبنه وعيش.
المهم انا عندي سؤال بعد ما نحشي السمبوسه نقليها في الزيت ولا لأ؟؟
وسلمت يداك على هالطريقه..
أختك في الله: أحلى جداوية..

جربيها ياعمري وبإذن الله ماراح تتفشلين ... :)
بس اهم شي يكون القرص جداً رقيق .. مثل عجينة السمبوسة الجاهزة ..
وبالنسبة لسؤالك ياغالية اكيد اقليها في الزيت .. وإذا تحبين يكون لها طعم مقرمش اغمسيها في بيض وبقسماط ثم اقليها ... وبإذن الله تعبجك أنتِ وزوجك وكل من يذوقها من يدك..
ومشكورة ياعمري لتواجدك بسمبوستي ..

حفظكِ الله
محبتكِ
بنت نجد