المساعد الشخصي الرقمي

مشاهدة النسخة كاملة : رجل يحط عطر نسائي هل فقد رجولته(حوار ساخن)


قصيمي دب سريع
21-08-06, 05:32 PM
مبطي ماطرحت موضوع فيه وجهات نظر مختلفه
خطر على بالي هالموضوع لاني رجعت للدوام وبدينا بالمطخ والمطيخ
وانا اسلم على احد الزملاء شميت ريحته عطر نسائي
قلت له انت هالحين حاطن عطر من طيب زوجتك
قال والله مادري القط الجره الي على التسريحه وابخ روحي واطلع
عاد هو مدرس تربيه اسلاميه
قلت له بس انت هالحين عليك الشرهه اخاف يشمك مدرس العلوم والا الرياضيات همن يقولون عنك خكري حاط من عطر زوجته
قال ماعلي منهم
ماخبرت ان الرجال له عطر والحرمه له عطر وماخالفت الكتاب والسنه اهم شي ريحه زينه
قلت في بالي يادب ليه ماتطرحه موضوع وتشوف الاعضاء والعضوات وشرايهم
السؤال للبنت:
كيف تنظرين للرجل اذا شميتي فيه عطر حرمه او حرمه فيها عطر رجال؟؟
السؤال للشباب:
هل يهمك ان تتعطر بعطررجالي ؟وشرايك بالي يحط عطر زوجته هل تنظر له بنقص؟
يالله نبي نتحاور ونقول وجهة نظرنا بكل صراحه

شبيـه الريـح
21-08-06, 06:10 PM
ياأخوي إلحين ماتفرق بين العطور النسائيه والرجاليه ..،

أذكر مره سألت بائع في أحد المحلات ..هل هذا الطيب نسائي أو رجالي.. فقال ( إلحين كلو سوا سوا )

cardiac
21-08-06, 06:15 PM
انا اوافق صديقك المهم ريحة زينة . يارجال عطر حريمي ورجالي بس يقصون على الناس

المأمون
21-08-06, 07:11 PM
هذا تصنيف من شركات ومصانع العطور لتضمن زيادة التوزيع....

قصيمي دب سريع
21-08-06, 07:11 PM
ياأخوي إلحين ماتفرق بين العطور النسائيه والرجاليه ..،
الحقيقه انا افرق بينهم
اذا شميت عطر حريم تحركت شنباتي وقلقست
<===مركب خشم كلب
تحس فيه شي غريب مادري وشو
تقل ريحة صندوق فاكهه مخلوط معه مكياج
بس عطر الرجال ريحته واضحه عندي
أذكر مره سألت بائع في أحد المحلات ..هل هذا الطيب نسائي أو رجالي.. فقال ( إلحين كلو سوا سوا )
دامه يقول سوا سوا
وشعرفه
حده البخور العودان الي ينشب بالجدار يباع بمكه الدرزن بعشرة اريل
هذا سبب خسارة راعين المحلات انهم يخلون هنود يبيعون فيها واذا سأل الزبون قال كله سوا سوا وهن ماهن سوا سوا
يسد نفس الزيون ويروح يشري دفدور عطر ابوي الله يرحمه

قصيمي دب سريع
21-08-06, 07:16 PM
اوافق صديقك المهم ريحة زينة . يارجال عطر حريمي ورجالي بس يقصون على الناس

وجهة نظر معاها 3مؤيدين والموضوع بأوله
ان شاء الله نشوف وجهات النظر الباقيه اذا كانت مؤيده او مخالفه علشان نطلع بنتيجه تهم الزوار والاعضاء

قصيمي دب سريع
21-08-06, 07:20 PM
هذا تصنيف من شركات ومصانع العطور لتضمن زيادة التوزيع....



ماعتقد يالمأمون
قد يكون فيه عطور تركب على الجنسين مثل دهن العود سوا قالو نسائي او رجالي بالنهايه عطر
وهذي صدقت القصد هو اكثر توزيع
لكن فيه عطور فرنسيه صراحه ماتصلح للرجل البته
والي خشمه مثل خشمي يقدر يميز بينهم

تفاصيل
21-08-06, 07:33 PM
كلوه سوا سوا ما فيه مشكل (shade) (http://www.qassimy.com/vb/misc.php?do=getsmilies&wysiwyg=1&forumid=0#)

غريب الماضي
21-08-06, 07:41 PM
مرحبا / قصيمي دب سريع

بصراحة هذه ِ عادة اللي مايهتمون
بالعطورات وأنواعها وأسمائها
وأنا شخصيا ً ما أهتم أي عطر شوفه
تعطرت منه ولا يهمني نسائي
ولا حتى رجالي .. هذا إن كان أبتعطر
ولا ريحتي .. أحلى من أي عطر :) كيميائي .

كاتم الونة
21-08-06, 08:06 PM
الحقيقه انا افرق بينهم
اذا شميت عطر حريم تحركت شنباتي وقلقست
<===مركب خشم كلب
تحس فيه شي غريب مادري وشو
تقل ريحة صندوق فاكهه مخلوط معه مكياج
بس عطر الرجال ريحته واضحه عندي
//

ههههههههههههههههههه

اضحك الله سنك../ وتكرم يالدب السريع,, ومحشوم

على طاري السرعة هل قصر ثوبك من الهواء على الطرق؟ولا شامر من الغسيل؟
http://www.qassimy.com/vb/image.php?u=2273&dateline=1156171741

/

نعود للموضوع..

سوا سوا صديق<<تعبت (qq152)

تحية تقدير

واحد من الناسـ
21-08-06, 08:11 PM
هل يهمك ان تتعطر بعطررجالي ؟وشرايك بالي يحط عطر زوجته هل تنظر له بنقص؟




أخوي للقسم الأول من السـوال

أكيد يهمني أن أتعطر بعطر رجالــي


أما القسم الثاني

والله مافرق بينهن

سوا سوا يالغالــي

ومشكور أخوي


وجزاكـ الله كل خير

أخوكـــ .

نهر الحب
21-08-06, 09:43 PM
في الاغلب العطور الشرقيه للجميع يعني المسك والعود....لكن ما ينتج من عند الخواجات لأ بصراحه النسائي نسائي والرجالي رجالي ...السبب انهم يخلطونه بهرمونات او تركيبات كيميائيه تشبه للهرمونات لذلك تكون العطور مثيره ....وعن نفسي ما أحب اشم رائحه نسائيه على رجل ....واعرف وحده متزوجه زوجها كان يحط من عطورها وكانت تشمئز منه ...
ولا يعجبني البنات اللي يحطون عطور رجاليه تقول انها قويه طيب ليه اصلا احط عطور قويه يازين النظافه والبنت اللي تحط عطر رجالي تسمحلي هي مسترجله لأن عطور الرجال توحي بالعضلات والخشونه يعني شئ يناسب الرجال

باقي فرح
21-08-06, 10:10 PM
بالنسبه لي ..فيه فرق بين العطور الرجاليه والنسائيه

الرجاليه في غالبها مركزه ...

وانا مااحب احط منها لانها تحوم كبدي .........<< مدري ليه

ومااحب اشم عطر نسائي على رجل ...احس انه ناعم ..

بمعنى (( خكري))

ابو شدق
22-08-06, 01:12 AM
الحين وش الفرق بين العطر النسائي والرجالي والخرشا

smile
22-08-06, 02:21 AM
والله بعض العطورات النسائية ما تفرق عن الرجالية الا اللهم ان تركيزها اعلى اشوي
لذلك انا اقول انه مافي مشكله اهم شئ تصير ريحته حلوة

الصواعق
22-08-06, 02:25 AM
آخر مرة رحت أشتري عطر ... أغلب العطور الرجالية صاير فيها من عطر النسائي .. حتى صار فيه عطر رجالي بحت ، وعطر نسائي بحت ، وعطر رجالي نسائي تصلح للإثنين :)

مع ذلك .. خويك أكيد ماهو حاط عطر لوليتا ، ولا عطر اسكادا حريمي :)

بيحط من العطور الباردة والخفيفة على الخشم اللي تصلح للإثنين
.. وترى عادي يالدب
وأنا أحط عطر رجالي ... وإذا ماصار حولي عطر .. حطيت من النسائي ومشي حالك :)

وأستغرب من اللي يقول اللي يحط نسائي يعتبر خكري ..!
ليه المرجلة بالروائح ؟

الحمدلله والشكر

انثى العنكبوت
22-08-06, 02:31 AM
انا اشوف ان العطور النسائية ...
احسن من العطور الرجالية الي تشق الخشم وتشمها على بعد مترين ..
بستثناء العود <<<بعد وين تلقى العود سنع

شبيـه الريـح
22-08-06, 02:48 AM
ولا ريحتي .. أحلى من أي عطر :) كيميائي .



ياولد :gg4mpup:

عبد الهادى نجيب
22-08-06, 06:02 AM
حياك الله أخى الكريم قصيمى دب سريع
والله يا أخى ما ذالك الا اختلاف فى المسميات
انما هو الريح الطيب المحبب للنفوس
وينبغى على الرجال التطيب والحفاظ عليه خصوصا عند صلاة الجماعة والمجالس
وليكن رفيقا للمرأة ببيتها ولزوجها ، وما أطيب العود والبخور
بارك الله فيك أخى الكريم
لا عدمناك
تحياتى

اللطيفة
22-08-06, 06:41 AM
والله بعض العطورات النسائية ما تفرق عن الرجالية الا اللهم ان تركيزها اعلى اشوي

لذلك انا اقول انه مافي مشكله اهم شئ تصير ريحته حلوة



فعلا انا اوفق(a21)
smileعلى كلامه000000

وسن@@
22-08-06, 07:05 AM
جاي مسرع يادب (qq46)بغيت تدوسنا كلنا من كثر العجله وتسال عن العطر نسائي ولا رجالي
على بالي عندك قنبله وبتفجرها ((يعني ارهابي دب)
(qq66) (http://www.qassimy.com/vb/misc.php?do=getsmilies&wysiwyg=1&forumid=0#)



بصراحه انا افرق بين العطر الرجالي والنساء باستثناء بعض العطور تتشابه قليله جدا
العطر النسائي يعطي المراة نعومه وتركيزه اقل لان رائحته هادئه
الرجالي احس انه قوي ومركز اكثر
اما بالنسبه تزيد الرجوله ولا تنقصها لا هذا شي وهذا شي
بس وين المشكله >>>>>>>>>>>>المشكله ياطويل العمر والسلامه
ان الشخص يشم العطر النسائي في امه اخته زوجته بنته دائما او ((في السوووووق بالذات الناس اللي عنهم مثل خشمك يادب))
فتتعود ان الريحه هذي صادرة من انثى
والعكس تماما
ولما يتعطر الرجل بعطر المراة تحس انه لابس شي ما يناسبه وانه مسوي شي خطاء
اذا الموضوع موضوع ذوق وتمييز فقط
موضوع دمه خفيف وسريع
بعدين هذا تعدي على حقوق المراة
حتى العطر بتشاركونا فيه (q49)
مشكور اخوي

مستغرب
22-08-06, 08:20 AM
ما مثل دهن العود والبخور

قصيمي دب سريع
22-08-06, 11:02 AM
كلوه سوا سوا ما فيه مشكل (shade) (http://www.qassimy.com/vb/misc.php?do=getsmilies&wysiwyg=1&forumid=0#)


مافيه سوا سوا مون بس انت خشم مافيه معلوم

قصيمي دب سريع
22-08-06, 11:17 AM
ولا ريحتي .. أحلى من أي عطر :) كيميائي .


<===جالس يشمشم الرد يبي يكشف الريحه
اشم ريحة بقل وسمن بري
شوف يا غريب المنطقه له دور يعني الي بالجنوب والطائف اقل استخدام للعطور من الي بالمناطق الحاره والرطبه لانهم مايعرقون بسرعه وهذا سبب ان ريحتك حلوه من غير عطر

قصيمي دب سريع
22-08-06, 11:23 AM
على طاري السرعة هل قصر ثوبك من الهواء على الطرق؟ولا شامر من الغسيل؟
http://www.qassimy.com/vb/image.php?u=2273&dateline=1156171741


شامر هههههههههههههههه
خل اترجم شامر
شامر تعني ان الثوب من كثر الغسل يقصر وخصوصا الثياب الشتويه
الحقيقه الصوره هذي ماهي لي
هذا اخوي غير الشقيق طلع نحيف بالعائله ومن الفرحه حنا 12 اخو في12 منتدى كلنا رازين صورته ومطلعين سيقانه من القهر
نبي نبرد تسبودنا
وودامك تعبت وماعلمتنا ردك تراك بحل ماتنلام
لا وجايب صوره بعد

قصيمي دب سريع
22-08-06, 11:25 AM
واحد من الناس
شكرا على رايك الجميل
ولكن فيه اعضاء كثيرين يقولون فيه فرق
وخصوصا احد الاعضاء الي يقول انهم يحطون في العطر هرمونات ذكوريه او انثويه او من هالقبيل
شكرا لك

قصيمي دب سريع
22-08-06, 11:26 AM
بصراحه النسائي نسائي والرجالي رجالي ...السبب انهم يخلطونه بهرمونات او تركيبات كيميائيه تشبه للهرمونات لذلك تكون العطور مثيره ....وعن نفسي ما أحب اشم رائحه نسائيه على رجل ....واعرف وحده متزوجه زوجها كان يحط من عطورها وكانت تشمئز منه ...
ولا يعجبني البنات اللي يحطون عطور رجاليه تقول انها قويه طيب ليه اصلا احط عطور قويه يازين النظافه والبنت اللي تحط عطر رجالي تسمحلي هي مسترجله لأن عطور الرجال توحي بالعضلات والخشونه يعني شئ يناسب الرجال

ردك لا استطيع ان اعلق عليه لانه بحد ذاته موضوع
شكرا نهر الحب هلى الإفائده يمكن الان الشباب يعرفون ان فيه فرق

قصيمي دب سريع
22-08-06, 11:34 AM
ومااحب اشم عطر نسائي على رجل ...احس انه ناعم ..

بمعنى (( خكري))


اجل طلعو الشباب خكاريا المساكين وهم مايدرون
بس صدقيني زميلي هذا لو تشوفينه حاط روج مو عطر نسائي مستحيل تحسين انه خكري لان وجه كله شعر ونظارات طبيه مقعره تقل لابس بيالات
اعتقد ان الخكري وغير الخكري مايحكمه عطر ولكن يحكمه شكل وتصرف
والا غلطان

قصيمي دب سريع
22-08-06, 11:38 AM
الحين وش الفرق بين العطر النسائي والرجالي والخرشا


جاك راعي الصنف هههههه
ذكرتني بمطعم مندي حاط خرشا عند المغاسل علشان الي يغسل يرش يده ومستغرب ليه تخلص بسرعه
قلت له يشربونه الشباب ويروح للحمامات ويحصل كيس ثلج ومزه
ابو شدق استعرض الردود فقد وضح بعض الاعضاء الفرق بينهم خصوصا العطور الفرنسيه

قصيمي دب سريع
22-08-06, 11:38 AM
والله بعض العطورات النسائية ما تفرق عن الرجالية الا اللهم ان تركيزها اعلى اشوي
لذلك انا اقول انه مافي مشكله اهم شئ تصير ريحته حلوة

سمايل طلع فيه مشكله استعرض الردود وتكتشف الفرق

قصيمي دب سريع
22-08-06, 11:40 AM
الصواعق
وأنا أحط عطر رجالي ... وإذا ماصار حولي عطر .. حطيت من النسائي ومشي حالك :)



انا امشي حالي بس اخاف غيري يشمه فيك ومايمشي حاله يروح يتكلم بظهرك وانت ياغافلين لكم الله

ابو شدق
22-08-06, 02:16 PM
جاك راعي الصنف هههههه
ذكرتني بمطعم مندي حاط خرشا عند المغاسل علشان الي يغسل يرش يده ومستغرب ليه تخلص بسرعه
قلت له يشربونه الشباب ويروح للحمامات ويحصل كيس ثلج ومزه
ابو شدق استعرض الردود فقد وضح بعض الاعضاء الفرق بينهم خصوصا العطور الفرنسيه



انا ابشوف الفرق

ولا ماتسد شميت الخرشا ولا اعرفه لو تنطحن

بس انا ماعرف العطورات كله

بخور ولا دهن عود

ولا بكت كنت اتطيب بوه مهنا ازين من ريحته

وبالنسبه انا ماعندي مشكله ريحته طيب نسائي ولا رجالي <<<< عاد الي يفرق

اهم شي لايصير ريحته صنان

:. قرقر مافي .:
22-08-06, 02:22 PM
http://www.almoso3h.com/up3/getimg.php?image=9613

وسن@@
22-08-06, 06:29 PM
ولا ماتسد شميت الخرشا ولا اعرفه لو تنطحن


نفسي افهم ايش الخرشا ممكن الترجمه يابو شدق او اي متطوع اخر يترجم لي الخرشا

:ro258es: :ro258es:

قصيمي دب سريع
22-08-06, 07:07 PM
انا اشوف ان العطور النسائية ...
احسن من العطور الرجالية الي تشق الخشم وتشمها على بعد مترين ..


المفروض تشوفين العكس اختي انثى العنكبوت
كون المرأه تحط عطره علشان يشمه الرجل والرجل يحط عطره علشان تشمه المرأه
بستثناء العود <<<بعد وين تلقى العود سنع
اما وين تلقى العود السنع فهذا مستحيله تحصلينه هو والعسل والبخور وزيت الزيتون البيور الا من ناس ثقه في هالزمن الي انعدمت فيه الثقه

قصيمي دب سريع
22-08-06, 07:14 PM
حياك الله أخى الكريم قصيمى دب سريع

ياهلا فيك اخوي
والله يا أخى ما ذالك الا اختلاف فى المسميات
انما هو الريح الطيب المحبب للنفوس

شكرا اخوي عبد الهادي ولكن زي مانت شايف من بعض ردود الاعضاء اتضح انه ماهو اختلاف في المسميات بل قد يخلط معه بعض الهرمونات ليكون تأثيره اقوى على الطرف الاخر
يمكن نظريتك واقعيه مع الاطياب الغير مركبه وطبيعيه مثل البخور والعود فهم ريح طيب جميل يركب للجنسين وان صنفوه ولكن لا ينطلي تصنيفهم على العاقل من القوم
ولكن العطور الفرنسيه اعتقد انها مهما كانت طيبه الا ان هناك فرق كبير بين عطر الرجل والمرأه
شكرا لك

نهر الحب
22-08-06, 07:22 PM
يا حليلك يا قصيمي سريع تصدق انه موضوع مهم جدا أذا كان كثير من الشباب مايفرق بين النسائي والرجالي ويعتقد انه المهم طيب.....
البخور ودهن العود يناسب الجنسين والاطفال والعجز وكل أحد الا ما ينتجه الغرب أنتبهوا من الفرمونات وتأثيرها على الدماغ

قصيمي دب سريع
22-08-06, 07:37 PM
جاي مسرع يادب (qq46)بغيت تدوسنا كلنا من كثر العجله وتسال عن العطر نسائي ولا رجالي

بغيت اطيح بعد (وجه متحمس)
مادري من مد رجله يبي يخطرف لي بس ربك وستر والا كان هالحين منتداكم بالتشليح يبيعونه قطع غيار للمنتديات الثانيه







ولما يتعطر الرجل بعطر المراة تحس انه لابس شي ما يناسبه وانه مسوي شي خطاء

هذا الي صار معي حسيت ان خويي لابس هيلاهوب تحت ثوبه
مو سروال سنه
بالنسبه لردك الثاني عن الخرشا احب افيدك ان هذا طيب يوضع عند المغاسل في المطاعم لانه رخيص واخذ اسم خرشا لان قزازته ليست ناعمه
وكان قديما اذا ماحصل الشاب الفاسد مسكر يشرب هذا العطر وقد يؤدي الى الوفات او ان يصبح اعمى


وللناس في مايعشقون مذاهب

باقي فرح
22-08-06, 07:45 PM
اجل طلعو الشباب خكاريا المساكين وهم مايدرون
بس صدقيني زميلي هذا لو تشوفينه حاط روج مو عطر نسائي مستحيل تحسين انه خكري لان وجه كله شعر ونظارات طبيه مقعره تقل لابس بيالات
اعتقد ان الخكري وغير الخكري مايحكمه عطر ولكن يحكمه شكل وتصرف
والا غلطان


وأستغرب من اللي يقول اللي يحط نسائي يعتبر خكري ..!
ليه المرجلة بالروائح ؟

الحمدلله والشكر


شوي شوي علي ..

ماقصدت انتقص من رجولتكم :)..

بالعكس رجال والنعم:)

بس كلن له وجة نظره ...

العطر النسائي على رجل لايجرده من رجولته ..

واؤيدكم بأن الرجوله افعال وليست روائح عطريه!

ولكن يبقى للأنثى رائحتها الناعمه التي لاأحبذها على رجل

كل مافي الامر رأي وطرحناه..وشكلنا توهقنا:)

قصيمي دب سريع
22-08-06, 07:45 PM
تعبت من الردود (وجه مطلع لسانه)
ابو شدق:ولا ماتسد شميت الخرشا ولا اعرفه لو تنطحن
انا الي اعرفه لو تغطى بس الحمد لله الي ماطحنا به ايام الدشره

وبالنسبه انا ماعندي مشكله ريحته طيب نسائي ولا رجالي <<<< عاد الي يفرق
اهم شي لايصير ريحته صنان

شوف يا بو شدق والله احيانا انك ودك تشم صنان ولا تشم ريحة شي ماتدري وشو
اقل شي تدري ان هذا ريحته وسخ بس الثاني تشوفه يلمع تقل لبناني وتطلع منه ريحه ماتدري وشي ملامحه لدرجة انه تعميك
لازم اغير خشمي ذبحن بقوة شمه

قصيمي دب سريع
22-08-06, 07:49 PM
كل مافي الامر رأي وطرحناه..وشكلنا توهقنا:)
لا ماتوهقتي
اطرحي رايك ولا يهمك احد
<==اذا صارت مشكله اول واحد يهج

لورد
23-08-06, 12:02 AM
الحين في عوده رجالي وعوده نسائى

كل سوووووووووووا سوووووووووووووا

بس ضحك على البشرررررررررررررر

وكيف تدخل انت والمدام وماتدفع الموضوع فيه استقلاليه


هههههههههههههههههههههههههههه

وسن@@
23-08-06, 04:54 AM
بغيت اطيح بعد (وجه متحمس)
مادري من مد رجله يبي يخطرف لي بس ربك وستر والا كان هالحين منتداكم بالتشليح يبيعونه قطع غيار للمنتديات الثانيه



هذا الي صار معي حسيت ان خويي لابس هيلاهوب تحت ثوبه
مو سروال سنه
بالنسبه لردك الثاني عن الخرشا احب افيدك ان هذا طيب يوضع عند المغاسل في المطاعم لانه رخيص واخذ اسم خرشا لان قزازته ليست ناعمه
وكان قديما اذا ماحصل الشاب الفاسد مسكر يشرب هذا العطر وقد يؤدي الى الوفات او ان يصبح اعمى




وللناس في مايعشقون مذاهب















صدقت يادب
للناس فيما يعشون مذاهب
انا اعشق العطور بجنون ....................الا الخرشا
موضوع جمع الجد والهزل معا
كل ما ادخل لازم اضحك والاراء تصيبني بالذهول
ما كنت اتوقع ان كثير من الرجال ما تفرق معاه رجالي ولا نسائي(q77)

بنــت حمــوله. . .
23-08-06, 07:56 AM
مرحبا خيو دب بصراحه شدني عنوان موضوعك وحبيت أشارك. . .

صحيح في رجال كثـــيرين يموتون بعطور الحريم والبعض يتعطرون منها وهذا مهوب عيب ولاهو حرام وماضنتي إنه يقلل من كرامة الرجال إذا حط عطر نسائي (( وجهة نظر لك الأخذ بها من كل جانب ))
وأزيدك من الشعر بيت إنه في رجال يتعطرون بعطر كوكو شانيل النسائي مش عشانه موجود بالتسريحه وأقرب شي قدامهم مثل صاحبك ولكن لانهم مدمنين ريحته . . .

أما البنت اللي تتعطر بعطر رجالي ماعندها سالفه لاني إلى الأن ماشميت عطر رجالي حلو . . .

((متهمه بحب رجل))
23-08-06, 09:45 AM
الحركه كلها حكاية موضه

هذا اللي صاير

وانت ما شفت الا سالفة العطر0000


عموما

للناس فيما يعشقون مذاهب

ودمت بود اخي

قصيمي دب سريع
23-08-06, 01:28 PM
شكرا وسن على الطراء
بنت حموله

في رجال يتعطرون بعطر كوكو شانيل النسائي مش عشانه موجود بالتسريحه ولكن لانهم مدمنين ريحته . .

اذا نعتبره يتعاطى وليس يتعطر
يتعاطى كوكو شانيل حتى ادمنه
ولكن يا بنت حموله اعتقد اذا حبيت عطر احب ان اشمه في زوجتي وليس في شماغي والا لحيتي
شكرا على الاضافه

((متهمه بحب رجل)) الحركه كلها حكاية موضه
هذا اللي صاير
وانت ما شفت الا سالفة العطر0000

ادعو الله ين يخرجك برأه من هذه التهمة الشنيعه
ان كان هناك سوالف اخرا زيدينا بها فالهدف هو السواليف المفيده التي من خلالها يتم تثقيف المجتمع بطريق غير مباشر

salmm
23-08-06, 01:42 PM
عاااااااااااااااااااااااااااااادى
لولا اختلاف الاذواق كان بارت السلع
اه
ياما بالدنيا عجايب اسئلى من شاف العجايب
عجايب شفت بالدنيا عجايب يشيب الطفل فى سن الرضاعى
كانه من العطر وبس يهون


الله يرفع عنهم ولا يبلانا

ابو شدق
23-08-06, 02:30 PM
ولا ماتسد شميت الخرشا ولا اعرفه لو تنطحن


نفسي افهم ايش الخرشا ممكن الترجمه يابو شدق او اي متطوع اخر يترجم لي الخرشا

:ro258es: :ro258es:



اترجم ولا ترجم

اسمعي ياوخيتي

ماتسد شفتي طيب بالعروس عند المغاسل

جرته منقطه

هاذي الخرشا المزيونه بس تسثري الموز معه(a26)

ابو شدق
23-08-06, 02:36 PM
تعبت من الردود (وجه مطلع لسانه)


ابو شدق:


انا الي اعرفه لو تغطى بس الحمد لله الي ماطحنا به ايام الدشره

ماقطع بذرته الا انت:D



شوف يا بو شدق والله احيانا انك ودك تشم صنان ولا تشم ريحة شي ماتدري وشو
اقل شي تدري ان هذا ريحته وسخ بس الثاني تشوفه يلمع تقل لبناني وتطلع منه ريحه ماتدري وشي ملامحه لدرجة انه تعميك
لازم اغير خشمي ذبحن بقوة شمه


ياخي اهم شي ريحته زينه

مهوب تدمع عيونك من شين ريحته

والله من اللقافه بك ياهالدب(q20)

ابو شدق
23-08-06, 02:36 PM
يا حليلك يا قصيمي سريع تصدق انه موضوع مهم جدا أذا كان كثير من الشباب مايفرق بين النسائي والرجالي ويعتقد انه المهم طيب.....
البخور ودهن العود يناسب الجنسين والاطفال والعجز وكل أحد الا ما ينتجه الغرب أنتبهوا من الفرمونات وتأثيرها على الدماغ

(q41)

نهر الحب
23-08-06, 04:40 PM
(q41)

أبو شوشو ليه مستحي ؟

قطر الندى
23-08-06, 04:46 PM
السؤال للبنت:
كيف تنظرين للرجل اذا شميتي فيه عطر حرمه او حرمه فيها عطر رجال؟؟
السؤال للشباب:
هل يهمك ان تتعطر بعطررجالي ؟وشرايك بالي يحط عطر زوجته هل تنظر له بنقص؟
يالله نبي نتحاور ونقول وجهة نظرنا بكل صراحه


عادي جدا أخوي السريع خليك فري

أنا شخصيا أحب كتير العطر الرجالي بس أحط منه بالسر (a14)

بس أعتقد أنه عيب على الرجل أن يحط عطر نسائي لأنه يفقد رجولته ويصبح طانط بالسوري

وخكري بالسعودي (q33)

الفال2020
23-08-06, 05:35 PM
ياأخوي إلحين ماتفرق بين العطور النسائيه والرجاليه ..،


( إلحين كلو سوا سوا
شبية الريح