د. جنط السفينة
20-08-06, 11:51 PM
.
بسم الله الرحمن الرحيم
http://www.graaam.com/up/Pic5/fb2cd88cb1.jpg
كم بقسن جا مع العين ...... وكم عجره جت على راسي
وكم رفسة جت بالكرشه ...... ورَّم مــنها بـنكــريــاسي
وكم طحله جت على التسبد ..... دخلتني المستشفاسي <<
<< المستشفاسي اصله المشتشفى بس القافيه حدتنا نزود (اسي) وادري ان هالابيات تفشَّل بس الجود من الماجود و كلكم تبي تعذرونن لأني ما انيب شاعر انا هالحين يالله اعرف احتسي وشلون عاد اقول شعر هالحين يبي ينط حدا الملقف ويقول ورى ما عطيته شاعر وهو يكتبه لك وانا مقدما اقوله دورت وما لقيت صدز ان السامر رفيدزي الروح بالروح بس مستحن منه لأني اطلبه ثلاث ميه و ثنين وسبعين ريال واخاف لامني دقيت يحسبن المح له وانا تحسبن ذخرت قمت اتذكر منهو من الشله شاعر على طول طرالي ابو نديم وادق عليه
قال قبل ثلاثت ايام قلت قصيده خمسين بيت مير تنشف القريحه وهذاي من امس احاول ازعب لي بيتن واحد ماقدرت
قلت مافيه الارفيدزنا جروح موادع وادقدق عليه ولا يرد يوم قعدت شوي الاويرسل لي رساله جوال يقول انا ناسين الجوال بالبيت ! ! ! <<<<قلت بنفسي هالخبل دايم ينسى الجوال بالبيت (انواع الفهاوه)
http://www.graaam.com/up/Pic5/5756498936.gif
رسمه متخيله للاخ جروح موادع بريشه الفنان البلغاري فيكتور طاحت لغاليغه
http://www.graaam.com/up/Pic5/2abaf662b3.jpg
الفنان التشكيلي المبدع فيكتور طاحت لغاليغه
المهم قلت مالي الا اجتهد والحمد لله على كل حال
الزبده مالكم بالطويله اقضبوا الموضوع
مساكم الله بالخير ايها الزاحفون والزاحفات
وقبل الموضوع دوكم شروط القرايه :
1-هالموضوع تفاعلي يعني ابعطيك تجربتي وتعطين تجربتك ونتبادل الخبرات واعتبره دوره في تطوير الذات وزبدة الموضوع اني ابعطيكم ثلاث تجارب تصفقت فيها يعني ناس توطوا في بطني والقصص صدزيه من الواقع والهدف من ذلك اني ودي ابين لبعض الي ودهم يصيرون عرابجه ان البدايات لابد لها من العثرات فالله الله بالتفاعل <<<< وين يا ابو الشباب مختبر ذا مهوب موضوع
2-خاص بالمشرفين : قبل شوي ما دق علي مسؤول موسوعة جينس للارقام القياسيه ولا قالي ولا تسلمه ولا حاتسان بأي موضوع <<< عشان مايزعلون بعض الناس همن يكزكزون لي رسايل بالخاص كله تهديد (a14)
هذا الموضوع اهداء خاص للبش مهندس استاذ قلق والاخت سونونو ولا يهونون الباقين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
هاك اليوم هدان الله ونمت بعد صلاة الاخير بعد ماضربت لي صحن مرقوق بالشطه وانا بغرقة النوم مادريت الا امي تقومن لصلاة الفجر قمت ورحت صليت ويوم رجعت الا النوم طاير والبيت خلي ولابه احدن ينفس كلهم يشخرون قعدت شوي بالغرفة لكن مليت مير يهضل ابليس قال دام مابه احد قم شغل النت وتصفح مواقع المصارعه ! !
:Sugarw004
قلت والله الفكرة وانتم تخبرون ان رفيدزي علي ابو رجل مسلوخة جايبن لي ثلاثت اخياش كروكسيات ملياناتن لما روسهن (والي مايخبر يراجع موضوعي الي بهالفايت الي اسمه: صورة وتعليق . . . خفايف لطايف مع جنط السفينه وتسانك عجاز دوك الرابط اقضبhttp://www.qassimy.com/vb/showthread.php?t=79813 (http://www.qassimy.com/vb/showthread.php?t=79813)) لكن يوم عطانياهن ابوحنش تخبرون انا احب الخير واقوم واوزعهن على الناس لما مابقى شي واجي افتش الخياش الاه خلي مابه شي مير اتذكر اني قبل اوزعهن اخذت لي قحشه كروكسيات وحطيتهن تحت الفرشه لوقت العازه يوم جيت ادورهن الا الفيران اكلاتنهن وما خلن شي الا يوم احبطت وشلت الفكره من راسي
واقعد شوي الا يوم ذبحن الفراغ والفضاوه حتى اني حسيت اني افضى من الربع الخالي بشوي قلت مابدهاش اطلع دورلك شي تشتغل به يالجنط واقوم واطلع للحوش والقى العدة عند الملحق واخذ المفكات قلت ابدور لي شي اشتغل به قلت مافيه الا البراده واروح لمه يوم بديت افكك الا الوالده دزد (قد) قامت تصلح الفطور الا وتطب علي
قالت : وش تسوي
قلت : اصلح البرادة
قالت : عساك للبلش ما لنا الا اسبوع شارينه والا تبي تخربه مثل هاك المكيف جديد ورحت تفككه و تخليه
قلت : يمه المكيف ذاك ما عنده سالفه والا تراي بس فكيت (الكمبرشر) وحلته بالزباله (z) لوي بمكانه تسان ما خربت
قالت : اها بس اذلف وتسانك فاضي رح للحوش الي ورى واخرف البرحيه القصيا
يوم قالته قلت والله فكره ورى ما اروح للحوش و اتمدد وانبسط بهاك البراد وانطلدز للحوش الي كله نخل وبه سادزي (ساقي) تسبير بالوسط واروح وادخل الحوش الا مابه احد واروح لم هاك النخله وافصخ ثوبي واعلدزه عليه ويبقى علي فنيله علاقي وسروال سنه (قصير) وانجطل بجنب السادزي والقي قفاي الهوى ويقوم الهوى يتسثح (يكثح) علي من هالبراد وبينما انا تسذا قعدت اناظر السما وتارة اخرى اناظر النخل حسيت بشوي حنان قلت خل اسوي مثل الافلام لاصار الواحد ضايقن صدره قعد عند الماء وبدا يناظر صورته همن ياخذ حصاة ويحلته بالماء همن تصير دويره همن يناظر صورته وهاتسذا قلت بعد فرصة اشوف وجهي من مبطي ما شفته
http://www.graaam.com/up/Pic5/597ff6c5fa.jpg
صوره توضيحيه لمعنى انجطل والعرب تقول انجطل ينجطل انجطالا وهو منجطل وهي منجطله
قال الشاعر قيس بن الملوح يصف محبوبته :
ولقد رأيتها وهي في فراشها . . . . كهيئة الكنغر المنجطلِ
يوم ودزت بالماء الاوش اشوف
هاك الشيفه الي يروع تصدقون بغيت اهج واقوم اتلفت قلت يمكنه صورة واحدن جالسن بجنبي وانا ما دريت واتلفت واتلفت واتلفت
الا مابه الا انا
ميرانصدم قلت معقوله هذا انا لالالالالالالالالالالا ماني مصدق وين البياض وين الوسامه وين الملاحه وين الشعر الناعم وين راحن
ومنين جت هالبلاوي الي بوجهي ثلاث طعش فلقه بالراس وتسع مخوش بالوجه وسنين مكسورات
وقعد افكر قلت بس مافيه الا المضاربات هي السبب لكن
بالمضاربات دايم انا الي اصطر <<<< بكسر الطاء
http://www.graaam.com/up/Pic5/c34f9a1271.jpg
الجنط قبل عوامل التعريه
http://www.graaam.com/up/Pic5/68504012a7.jpg
الجنط بعد عوامل التعريه
واقعد افكر قلت كم مرة تصطرت يالجنط
واقعد احسب المضاربات الي تصطرت به
وحدة زايد وحدة زايد وحدة همن يطلع الناتج سبعه (z) <<<<<لو يدري فيثاغورس تسان فقع وجهي همن زدنالهن وحده
واحسبه مرة ثانيه ويطلع الناتج تسعه
قلت الارقام ماتهم اهم شي الاخلاق
قلت ابعلمكم بهن وتراهن صدز :
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
التصطيره الاولى
كان عمري يمكن اربع طعش وعندي اخو اكبر مني ملقوف صدز كنا هاك اليوم نلعب كوره بالحارة ومعنا واحد طويل اسمه محمد كبر اخوي تحارش هو واخوي جاك اخوي وياخذ حصاة ويشق راسه قعد يصيح الولد وهو عمره ست او سبع طعش و راح لبيتهم
يوم جاء من باتسر الظهر كنت ادوج بعز القايله حافي القدمين طبعا يوم دريت الا يوم طلع لي محمد ومعه واحد من عيال عمه اسمه فهد دب وعمره يمكن تسع طعش وبيده خشبه طويله شوي
قال فهد : وين اخوك فلان
قلت : ما ادري
قالوا : امش معنا طلعه ندري انك تعرف الاماكن الي يروح له
رحت معهم اخذنا فره على الحاره مالقيناه يوم قربنا حول بيتنا الا يوم هدَّوا شوي وخلون اتقدم عليهم بكم خطوه وانا اقول الحمد لله قربنا للبيت مادريت
الا يوم محطن بأقوى حيله بالخشبه مع وسط الظهر من قو الضربه انكسرت الخشبه نصين
(as15j)
انا تفاجئت ماكنت متوقعه ابد
واقعد اصيح على طول :Sugarwa03
والله ماهوب من الوجع بس من الخوف يمكن والمفاجأة
انتهت الاولى
ملاحظه :
فهد هذا توفي الله يرحمه بعده بفتره بسيطه بالسرطان اسأل الله انه يبيحه ويحلله ويسكنه فسيح جناته
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
التصطيره الثانيه
كنا نلعب طائره برمضان بمكان يبعد عن بيتنا يمكن كيلو وتجتمع فيه كم حاره المهم فيه واحد من الحاره الثانيه رفيدزن لي عبد (وكلنا عبيدن لله) اسمه متعب وله ولد خاله توه جاي من منطقه ثانيه طويل وعليه براطم ابد تسنك شايفن ( تورام لاعب فرنسا ) هالتكروني لا شفته بس تحس ان خدك يوجعك المهم وحنا نلعب وما عندنا من الشيطان طاري صار بيني وبين متعب كلام دايم يصير بيننا تدخلوا الشباب بيننا وانا اتكلم عليه وبيننا الشباب ما دريت الا الي جاني هالتكروني من ورى يوم التفت الا ويمسكني ويعطيني ركبه مع المتسان الي انتم خابرينه اشوى وادنق بسرعه وتجي الضربه مع البطن ويفكوننا الشباب واروح للبيت مكسور الخاطر <<<<< لو الضربه جايتن صح تسان انا هالحين سطل وضايعن مستقبلي بس الله فكنا من هالتكروني
http://www.graaam.com/up/Pic5/30e21cfd48.jpg
متعب وولد خالته وهم يحاولون الامساك بالجنط وهو شاقن الشعيب
http://www.graaam.com/up/Pic5/232e714dd5.jpg
ابو نديم تهقى لو هي جايتن صح تسان لما هالحين محتفظ برجولتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
فاصل :
على طاري التكرن يقولك فيه اثنين تكرن تضاربوا طلعت ريحة كفرات .....
وعلى طار الكفرات يقولك واحد غبي شرى كابرس قطع رجله اليسرى <<<<<<< اذا فيه بنت فهمت هالنكته له جائزة قيمه وهي كابرس موديل واحد وثمانين مكتوب عليه من ورى الطايف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
التصطيرة الثالثة
مره رحنا للقصيم عند خوالي وكنا انا واخوي مصيطرين على كل عيال خوالي كانوا يخافون منا من جد
المهم لي خال عنده عيال كثار بس اخوياي منهم واحد اسمه عادل (كبري) والثاني هشام (اصغر من بسنه)
<<<<<<< مع احترامي لخالي ما عنده ذوق عاد هذي اسامي يالله لك الحمد لا وبعد من زين الاشكال دببتن ما يدخلون مع الباب
كنا نطلع نصيع بالشوارع ومعنا عيال خوالي الثانين لما اخر الليل وفي ذاك اليوم الاسود قمت اتكلم عليهم واذب عليهم ذبات قويه واهزئهم قدام العيال وهم ساكتين بس فجأه والله ماتفقوا ولا شي قاموا علي وغسلوا شراعي :be22222at ويالله افك نفسي مير تنكسر عيني ولا عاد اتعرضهم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
اسباب التصطيرات (والله اعلم):
1- بجميع التصطيرات كانوا الاعداء اثنين
2- عنصر المفجأه لعب دور كبير بجميع الهزايم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
ختاما
هالتصطيرات صدزيه وارجو منكم التفاعل ولا احد يجي ويقول ما عمري تصطرت ترى ما حنا مصدزين
حتى السحالي لا يحسبننا ما ندري عن جرجرت الشوش
.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
موضوعم خاطم:
امس اختي جابت ولد ... سمته عبد الصمد ... ركبته المشايه ....
والمشايه ملعونه .... قطعت راس الليمونه
امس الصبح انولد جنط جديد توه بقراطيسه
هذي صورته
http://www.graaam.com/up/Pic5/0448a02baa.JPG
والله يا انا اكره البزر لاصار مطاريس توه مولود
بس قهر انولد بدون شنب ولا يعرف يحتسي ولا يدخن
كل امس ادقدق على علي ابو رجل مسلوخة نبيه يجي يذن باذنه مير مالله قسم
ان شاء الله الجنط القادم
.
بسم الله الرحمن الرحيم
http://www.graaam.com/up/Pic5/fb2cd88cb1.jpg
كم بقسن جا مع العين ...... وكم عجره جت على راسي
وكم رفسة جت بالكرشه ...... ورَّم مــنها بـنكــريــاسي
وكم طحله جت على التسبد ..... دخلتني المستشفاسي <<
<< المستشفاسي اصله المشتشفى بس القافيه حدتنا نزود (اسي) وادري ان هالابيات تفشَّل بس الجود من الماجود و كلكم تبي تعذرونن لأني ما انيب شاعر انا هالحين يالله اعرف احتسي وشلون عاد اقول شعر هالحين يبي ينط حدا الملقف ويقول ورى ما عطيته شاعر وهو يكتبه لك وانا مقدما اقوله دورت وما لقيت صدز ان السامر رفيدزي الروح بالروح بس مستحن منه لأني اطلبه ثلاث ميه و ثنين وسبعين ريال واخاف لامني دقيت يحسبن المح له وانا تحسبن ذخرت قمت اتذكر منهو من الشله شاعر على طول طرالي ابو نديم وادق عليه
قال قبل ثلاثت ايام قلت قصيده خمسين بيت مير تنشف القريحه وهذاي من امس احاول ازعب لي بيتن واحد ماقدرت
قلت مافيه الارفيدزنا جروح موادع وادقدق عليه ولا يرد يوم قعدت شوي الاويرسل لي رساله جوال يقول انا ناسين الجوال بالبيت ! ! ! <<<<قلت بنفسي هالخبل دايم ينسى الجوال بالبيت (انواع الفهاوه)
http://www.graaam.com/up/Pic5/5756498936.gif
رسمه متخيله للاخ جروح موادع بريشه الفنان البلغاري فيكتور طاحت لغاليغه
http://www.graaam.com/up/Pic5/2abaf662b3.jpg
الفنان التشكيلي المبدع فيكتور طاحت لغاليغه
المهم قلت مالي الا اجتهد والحمد لله على كل حال
الزبده مالكم بالطويله اقضبوا الموضوع
مساكم الله بالخير ايها الزاحفون والزاحفات
وقبل الموضوع دوكم شروط القرايه :
1-هالموضوع تفاعلي يعني ابعطيك تجربتي وتعطين تجربتك ونتبادل الخبرات واعتبره دوره في تطوير الذات وزبدة الموضوع اني ابعطيكم ثلاث تجارب تصفقت فيها يعني ناس توطوا في بطني والقصص صدزيه من الواقع والهدف من ذلك اني ودي ابين لبعض الي ودهم يصيرون عرابجه ان البدايات لابد لها من العثرات فالله الله بالتفاعل <<<< وين يا ابو الشباب مختبر ذا مهوب موضوع
2-خاص بالمشرفين : قبل شوي ما دق علي مسؤول موسوعة جينس للارقام القياسيه ولا قالي ولا تسلمه ولا حاتسان بأي موضوع <<< عشان مايزعلون بعض الناس همن يكزكزون لي رسايل بالخاص كله تهديد (a14)
هذا الموضوع اهداء خاص للبش مهندس استاذ قلق والاخت سونونو ولا يهونون الباقين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
هاك اليوم هدان الله ونمت بعد صلاة الاخير بعد ماضربت لي صحن مرقوق بالشطه وانا بغرقة النوم مادريت الا امي تقومن لصلاة الفجر قمت ورحت صليت ويوم رجعت الا النوم طاير والبيت خلي ولابه احدن ينفس كلهم يشخرون قعدت شوي بالغرفة لكن مليت مير يهضل ابليس قال دام مابه احد قم شغل النت وتصفح مواقع المصارعه ! !
:Sugarw004
قلت والله الفكرة وانتم تخبرون ان رفيدزي علي ابو رجل مسلوخة جايبن لي ثلاثت اخياش كروكسيات ملياناتن لما روسهن (والي مايخبر يراجع موضوعي الي بهالفايت الي اسمه: صورة وتعليق . . . خفايف لطايف مع جنط السفينه وتسانك عجاز دوك الرابط اقضبhttp://www.qassimy.com/vb/showthread.php?t=79813 (http://www.qassimy.com/vb/showthread.php?t=79813)) لكن يوم عطانياهن ابوحنش تخبرون انا احب الخير واقوم واوزعهن على الناس لما مابقى شي واجي افتش الخياش الاه خلي مابه شي مير اتذكر اني قبل اوزعهن اخذت لي قحشه كروكسيات وحطيتهن تحت الفرشه لوقت العازه يوم جيت ادورهن الا الفيران اكلاتنهن وما خلن شي الا يوم احبطت وشلت الفكره من راسي
واقعد شوي الا يوم ذبحن الفراغ والفضاوه حتى اني حسيت اني افضى من الربع الخالي بشوي قلت مابدهاش اطلع دورلك شي تشتغل به يالجنط واقوم واطلع للحوش والقى العدة عند الملحق واخذ المفكات قلت ابدور لي شي اشتغل به قلت مافيه الا البراده واروح لمه يوم بديت افكك الا الوالده دزد (قد) قامت تصلح الفطور الا وتطب علي
قالت : وش تسوي
قلت : اصلح البرادة
قالت : عساك للبلش ما لنا الا اسبوع شارينه والا تبي تخربه مثل هاك المكيف جديد ورحت تفككه و تخليه
قلت : يمه المكيف ذاك ما عنده سالفه والا تراي بس فكيت (الكمبرشر) وحلته بالزباله (z) لوي بمكانه تسان ما خربت
قالت : اها بس اذلف وتسانك فاضي رح للحوش الي ورى واخرف البرحيه القصيا
يوم قالته قلت والله فكره ورى ما اروح للحوش و اتمدد وانبسط بهاك البراد وانطلدز للحوش الي كله نخل وبه سادزي (ساقي) تسبير بالوسط واروح وادخل الحوش الا مابه احد واروح لم هاك النخله وافصخ ثوبي واعلدزه عليه ويبقى علي فنيله علاقي وسروال سنه (قصير) وانجطل بجنب السادزي والقي قفاي الهوى ويقوم الهوى يتسثح (يكثح) علي من هالبراد وبينما انا تسذا قعدت اناظر السما وتارة اخرى اناظر النخل حسيت بشوي حنان قلت خل اسوي مثل الافلام لاصار الواحد ضايقن صدره قعد عند الماء وبدا يناظر صورته همن ياخذ حصاة ويحلته بالماء همن تصير دويره همن يناظر صورته وهاتسذا قلت بعد فرصة اشوف وجهي من مبطي ما شفته
http://www.graaam.com/up/Pic5/597ff6c5fa.jpg
صوره توضيحيه لمعنى انجطل والعرب تقول انجطل ينجطل انجطالا وهو منجطل وهي منجطله
قال الشاعر قيس بن الملوح يصف محبوبته :
ولقد رأيتها وهي في فراشها . . . . كهيئة الكنغر المنجطلِ
يوم ودزت بالماء الاوش اشوف
هاك الشيفه الي يروع تصدقون بغيت اهج واقوم اتلفت قلت يمكنه صورة واحدن جالسن بجنبي وانا ما دريت واتلفت واتلفت واتلفت
الا مابه الا انا
ميرانصدم قلت معقوله هذا انا لالالالالالالالالالالا ماني مصدق وين البياض وين الوسامه وين الملاحه وين الشعر الناعم وين راحن
ومنين جت هالبلاوي الي بوجهي ثلاث طعش فلقه بالراس وتسع مخوش بالوجه وسنين مكسورات
وقعد افكر قلت بس مافيه الا المضاربات هي السبب لكن
بالمضاربات دايم انا الي اصطر <<<< بكسر الطاء
http://www.graaam.com/up/Pic5/c34f9a1271.jpg
الجنط قبل عوامل التعريه
http://www.graaam.com/up/Pic5/68504012a7.jpg
الجنط بعد عوامل التعريه
واقعد افكر قلت كم مرة تصطرت يالجنط
واقعد احسب المضاربات الي تصطرت به
وحدة زايد وحدة زايد وحدة همن يطلع الناتج سبعه (z) <<<<<لو يدري فيثاغورس تسان فقع وجهي همن زدنالهن وحده
واحسبه مرة ثانيه ويطلع الناتج تسعه
قلت الارقام ماتهم اهم شي الاخلاق
قلت ابعلمكم بهن وتراهن صدز :
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
التصطيره الاولى
كان عمري يمكن اربع طعش وعندي اخو اكبر مني ملقوف صدز كنا هاك اليوم نلعب كوره بالحارة ومعنا واحد طويل اسمه محمد كبر اخوي تحارش هو واخوي جاك اخوي وياخذ حصاة ويشق راسه قعد يصيح الولد وهو عمره ست او سبع طعش و راح لبيتهم
يوم جاء من باتسر الظهر كنت ادوج بعز القايله حافي القدمين طبعا يوم دريت الا يوم طلع لي محمد ومعه واحد من عيال عمه اسمه فهد دب وعمره يمكن تسع طعش وبيده خشبه طويله شوي
قال فهد : وين اخوك فلان
قلت : ما ادري
قالوا : امش معنا طلعه ندري انك تعرف الاماكن الي يروح له
رحت معهم اخذنا فره على الحاره مالقيناه يوم قربنا حول بيتنا الا يوم هدَّوا شوي وخلون اتقدم عليهم بكم خطوه وانا اقول الحمد لله قربنا للبيت مادريت
الا يوم محطن بأقوى حيله بالخشبه مع وسط الظهر من قو الضربه انكسرت الخشبه نصين
(as15j)
انا تفاجئت ماكنت متوقعه ابد
واقعد اصيح على طول :Sugarwa03
والله ماهوب من الوجع بس من الخوف يمكن والمفاجأة
انتهت الاولى
ملاحظه :
فهد هذا توفي الله يرحمه بعده بفتره بسيطه بالسرطان اسأل الله انه يبيحه ويحلله ويسكنه فسيح جناته
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
التصطيره الثانيه
كنا نلعب طائره برمضان بمكان يبعد عن بيتنا يمكن كيلو وتجتمع فيه كم حاره المهم فيه واحد من الحاره الثانيه رفيدزن لي عبد (وكلنا عبيدن لله) اسمه متعب وله ولد خاله توه جاي من منطقه ثانيه طويل وعليه براطم ابد تسنك شايفن ( تورام لاعب فرنسا ) هالتكروني لا شفته بس تحس ان خدك يوجعك المهم وحنا نلعب وما عندنا من الشيطان طاري صار بيني وبين متعب كلام دايم يصير بيننا تدخلوا الشباب بيننا وانا اتكلم عليه وبيننا الشباب ما دريت الا الي جاني هالتكروني من ورى يوم التفت الا ويمسكني ويعطيني ركبه مع المتسان الي انتم خابرينه اشوى وادنق بسرعه وتجي الضربه مع البطن ويفكوننا الشباب واروح للبيت مكسور الخاطر <<<<< لو الضربه جايتن صح تسان انا هالحين سطل وضايعن مستقبلي بس الله فكنا من هالتكروني
http://www.graaam.com/up/Pic5/30e21cfd48.jpg
متعب وولد خالته وهم يحاولون الامساك بالجنط وهو شاقن الشعيب
http://www.graaam.com/up/Pic5/232e714dd5.jpg
ابو نديم تهقى لو هي جايتن صح تسان لما هالحين محتفظ برجولتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
فاصل :
على طاري التكرن يقولك فيه اثنين تكرن تضاربوا طلعت ريحة كفرات .....
وعلى طار الكفرات يقولك واحد غبي شرى كابرس قطع رجله اليسرى <<<<<<< اذا فيه بنت فهمت هالنكته له جائزة قيمه وهي كابرس موديل واحد وثمانين مكتوب عليه من ورى الطايف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
التصطيرة الثالثة
مره رحنا للقصيم عند خوالي وكنا انا واخوي مصيطرين على كل عيال خوالي كانوا يخافون منا من جد
المهم لي خال عنده عيال كثار بس اخوياي منهم واحد اسمه عادل (كبري) والثاني هشام (اصغر من بسنه)
<<<<<<< مع احترامي لخالي ما عنده ذوق عاد هذي اسامي يالله لك الحمد لا وبعد من زين الاشكال دببتن ما يدخلون مع الباب
كنا نطلع نصيع بالشوارع ومعنا عيال خوالي الثانين لما اخر الليل وفي ذاك اليوم الاسود قمت اتكلم عليهم واذب عليهم ذبات قويه واهزئهم قدام العيال وهم ساكتين بس فجأه والله ماتفقوا ولا شي قاموا علي وغسلوا شراعي :be22222at ويالله افك نفسي مير تنكسر عيني ولا عاد اتعرضهم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
اسباب التصطيرات (والله اعلم):
1- بجميع التصطيرات كانوا الاعداء اثنين
2- عنصر المفجأه لعب دور كبير بجميع الهزايم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
ختاما
هالتصطيرات صدزيه وارجو منكم التفاعل ولا احد يجي ويقول ما عمري تصطرت ترى ما حنا مصدزين
حتى السحالي لا يحسبننا ما ندري عن جرجرت الشوش
.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
موضوعم خاطم:
امس اختي جابت ولد ... سمته عبد الصمد ... ركبته المشايه ....
والمشايه ملعونه .... قطعت راس الليمونه
امس الصبح انولد جنط جديد توه بقراطيسه
هذي صورته
http://www.graaam.com/up/Pic5/0448a02baa.JPG
والله يا انا اكره البزر لاصار مطاريس توه مولود
بس قهر انولد بدون شنب ولا يعرف يحتسي ولا يدخن
كل امس ادقدق على علي ابو رجل مسلوخة نبيه يجي يذن باذنه مير مالله قسم
ان شاء الله الجنط القادم
.