المساعد الشخصي الرقمي

مشاهدة النسخة كاملة : شعبان عبد الرحيم 000 واسرائيل


kareem rashad
17-08-06, 12:32 AM
http://3arabstar.info/upload/uploads/a16e88b391.jpg (http://3arabstar.info/upload)

المطرب الشعبي شعبان عبد الرحيم


عندما تجلس معه وتستمع إلي تعليقاته لا تملك إلا أن تحبه بجد نعم قد تضحك قليلا من أسلوبه الساخر وآرائه الغريبة إلا انك في النهاية لا تملك سوي أن تحترمه فكلامه العفوي الجميل وأغانيه السياسية الجريئة التي أخرجت ما في الصدور

شعبان كان دائما وابدأ صوت الشعب وبصرف النظر عن الهجوم الكاسح والنقد اللاذع الذي تعرض له إلا انه يبقي لشعبولا طريقته وأدائه الذي يشكل حالة خاصة .

شعبولا الذي أعاد من جديد الطرق علي " دماغ "إسرائيل بعد أغنيته الأخيرة اتنين عساكر والتي بسببها رفعت السفارة الإسرائيلية بالقاهرة مذكِّرة اعتراض شديدة اللهجة إلى وزارة الخارجية المصرية ..وطالبت المذكّرة السلطات المصرية بضرورة سحب هذا الشريط من الأسواق المصرية بشكل فوري حتى لا تقوم السفارة برفع دعاوى قضائية على الجهات المختصة والمطرب؛ وخصوصاً أن هذه ليست الواقعة الأولى التي يتناول فيها شخصيات إسرائيلية.

سألنا شعبولا : سمعنا أن السفارة الإسرائيلية سوف تقاضيك بسبب أغنيتك الأخيرة 'اتنين عساكر'؟
أنا اللي هقاضيهم إذا قاضوني وإذا هم عملوا لي محضر أنا اللي حاعمل لهم 10 محاضر ومافيش حد أحسن من حد وبعدين هم هيقاضوني علشان خاطر أغنية أنا هقاضيهم علي المدابح اللي هم عاملينها في الدنيا كلها..

ما رأيك في حسن نصر الله ؟
"أموت فيه" وأنا حسيت إني لم أعطه حقه في الأغنية وناوي اعمله أغنية مخصوص اليومين دول بعد وقف إطلاق النار مع إني غنيت مقطعاً من أغنية لبنان لحسن نصر الله قلت فيه: لو أي حد قوي..تقول تسلم ايديه ..من غدر الصهاينة ..بدل ما نلوم عليه.

ولكنك كنت بتحب عمرو موسي فهل أخذ نصر الله مكانة موسي في قلبك؟
لا موسي الأول علشان أنا وأخويا علي ابن عمي وأنا وابن عمي علي الغريب وفي الآخر المحبة من عند ربنا وحسن نصر الله بطل خلي اليهود »لموا« الدور ودخلوا الجحر وإنشاء الله يخلص عليهم وأنا كنت بقعد طول الليل قدام الدش علشان أشوف حسن نصر الله بيعمل ايه. فيهم، بس أنا صعبان عليّ العيال الصغيرة في لبنان.. أنا بحب لبنان وناس لبنان ولما رحت السنة اللي فاتت كان اللبنانيون بيعرفوني زي مصر بالضبط.

وانته مش ناوي تجيب حراسة معاك ؟!
الحارس ربنا حراسة إيه وتشديد حراسة إيه أنا لما كنت بغنى بكره إسرائيل مكنتش خايف وهفضل أغنيها وأنا مش خايف علشان أنا فعلاً بكره إسرائيل وعمايلها السودة فى الفلسطينين واللبنانيين ولاد البلد المجدع وبعدين حتى لو عملوا فيا حاجة هو أنا أحسن من اللى بيقتلوهم كل يوم زائد أن مفيش أصلاً حراسة عليا علشان تزيد وكمان معنديش " بونى جاردن" زى باقى الفنانين أصحابي إنما أنا راجل من الشعب والشعب بيحبنى وربنا يحمينى .

تفتكر الإسرائيليين ممكن يقتلوك؟!
ايوة علشان الأغاني اللى أنا غنتها عنيهم وعلشان أنا بينى وبين شارون واولمرت بتاعهم تتش من زمان وعلشان غنيت لعمرو موسى وهما بيكرهوه وغنيت لمحمد الدرة وهما اللى قتلوه . وهغنى عن شارون وأعماله وعن اولمرت وبلاويه.

وإيه حكاية التتش اللى بينك وبين شارون؟
"شارون كان دايما يولعها نار وفي الاخر هو فين دلوقتي مرمي في المستشفي بقاله شهور وكنت بحسب اللي بعده كويس عنه طلع أسوأ وأضل علشان كده لازم حد يوقفوهم عند حدهم ويقولهم وأنا هغنى فى أغانى جاية علشان يسمعوا ويفهموا ويبطلوا بلطجة علشان أنا عارف انهم بيسمعوا شرايطى كلها.

موقف حدث له في لبنان ومازال عالقاً في ذهنك ؟
وأنا راكب الطيارة نزلت المطرة وعملت الطيارة مطب.. أنا اترعبت ومن ساعتها مش ماسك نفسي!!

أقرب اللبنانيين إلي قلبك ؟
جورج وسوف هو راجل جدع وله مواقف حلوة الراجل ساعة ما أنا كنت هناك فسحني في لبنان وسهرني وأنا عاوز اطمئن عليه بس للأسف مش معايا تليفونه!!

وإيه رأيك في الحكام العرب ؟
بصراحة الناس دول بين نارين.. الجماعة الأمريكان دول ناس "صايعة" فخلاص الحكام العرب مفيش قدامهم غير أنهم يتلموا مع بعض، ويدعوا علي أمريكا أن يحصلها زلزال ويخلصنا منها.

أنت قلت في آخر هذه الأغنية إنك زهقت خلاص.. زهقت من إيه يا شعبولا؟
لأني كل مرة أقول وأحذر من إسرائيل ومحدش بيسمع كلامي فقلت أنا زهقت خلاص..

ماذا يستطيع أن يقدم شعبان عبد الرحيم في هذا التوقيت إلي لبنان؟
أنا عندي استعداد أعمل أي حاجة علشان لبنان وممكن أعمل حفلة وأهدي فلوسها لشعب لبنان. لأن دول ناس حبايبنا يعني..


لماذا لم تفكر في السفر إلي لبنان ضمن قوافل الفنانين التي سافرت إلي لبنان؟
بعد ما الجو يهدا حاروح وأغنيلهم ونشوف إيه اللي حصل هناك بس يستمر وقف الضرب لاني خايف اسرائيل تولع الدنيا تاني أصلهم غدارين.




ألم تفكر في عمل دويتو عاطفي مع مطربة؟
أغني دويتو مع بت.. شكلي ما يسمحش إني أغني مع بت وكمان كرامتي ما تسمحش إزاي الناس تشوفني وأنا بتمايل وهي بتتمايل عليا إحنا ناس صعايدة يا عم.

منقووووووووووووول

باقي فرح
17-08-06, 12:46 AM
العرب لايجيدون سوى الشجب والاستنكار

وشعبولا ....نموذج واضح

اللطيفة
17-08-06, 02:35 AM
طيب وش سوت ياخوي اغاني شعبوله ؛؛؛وش فادت المسلمين

cardiac
17-08-06, 07:23 PM
والله ما احقر من شعبولا الا الي يسمعله