المساعد الشخصي الرقمي

مشاهدة النسخة كاملة : انا وابوي وبرج التيس


عبد العزيز
04-08-06, 11:31 PM
البارح نمت بسطح بيتنا آبي البراد مقدر اشغل المكيف الكهرب غالي وبعدين النوم بالسطح صحي المهم وأنا أبحلق عيوني بالنجوم آبى أشوف برج التيس متى يطلع طبعا كانوا يسمونه الجدي قبل 15 سنه يوم عرفناه .
أكيد كبر الان وصار تيس لان الوالد صاير يحسب قريشا ته لطلع البرج هذا وصرت أفكر كم يبي يقولنا أبوي ها لسنه كسب وكم يبي يوفر من دخله ..

طبعا الوالد عنده شيب ماء . إنتاج الماء يتم حسب أيام الدراسة( طبعا هذى عشان أحاول اعذر لأبوي وإلا الإنتاج ما يتوقف ادري إن الشق اكبر من الرقعة لكن ما باليد حيله) وهي 8 اشهر في ألسنه محذوف ألا جازه الأسبوعي يكون المجموع 224 يوما 10000000برميل في ليوم* سعر البرميل 70 دولار بتحويل المجموع إلى الريال بسعر صرف 3.74 يكون مجموع الحسبة 586432000000 ريال يوه اخصم 2 مليار تبرع فيها لناس يقربون لنا من بعيد بس عيالهم دايم يكتبون على الجدران يحشون أبوي وأهلي وهي تساوي 7480000000 ريال الباقي =578952000000 ريال اخصم 3مليار دولار قيمة طرأطيع وشروخ طبعا ما نلعبها بس يخليها أبوي عنده بالتجوري لما تآكلها الارضه تساوي 10500000000 ريال الباقي 568452000000 ريال بس هذى دخل الماء . راجعوا معي لا أكون ناسي صفر ولا مزود صفر ترا يطقني أبوي .. طيب يبه وين الباقي مسكنا بإيجار لنا 30 سنه أخواني ما عندهم شئ حتى الحليب والملابس نقولك نبي ارض نبني بيت زي جيرانا ألي يجونا دائم بالمجلس كل شهر نجتمع معهم بمجلس الحارة ونستحي هم متكشخين وبعضهم يتنطزون بنا بعد . صحيح عيالك اكثر طبعا أبوي عياله 16 وجيرانا اكثر واحد عنده3 أولاد لكن دخله عشرة اضعافهم تقول ما معي علي ديون من 17 سنه إلى متى وآنت ما شاء الله عندك شيب ماء وعندك شركات و جالس دخلك يزود ومصاريفنا ما زادت وإذا جاء آخر السنة ما نشوف إلا نصف المبلغ .. شكلك متزوج وحده ثانيه وحنا ما ندري طيب ما نقول شئ بس اعدل لو شوي معنا وصحبت من النوم على صلاة الفجر قلت فعلا لقالوا حلوم أهل نجد هذاري قلوبها طبعا في الحلم نسيت محلات بيع الغاز و مصانع للذهب في كل مكان و مكتب الاستقدام ألي عنده يأخذ آلفين على العامل ومكتب تعقيب جوازات يأخذ خمسميه ريال على العامل وعنده معرض سيارات يأخذ على السيارات ألي تنباع والي تمر من عند الباب يختلف عاد نوع السيارة وعنده محافظ استثمار اسهم وعنده خير ولله الحمد الغريب انه مطوع مره وما يكذب عشان كذا هو ساكن قلوبنا بس ما شفع عنده حبنا له وأنا خايف إخواني يبدون يكرهونه ويدعون عليه لأنه مايبي إخواني يشتغلون عنده ويزعل إذا اشتغلوا عند جيرانا والشيخ يقول ما يجوز تدعون على أبوكم ..

وش الرائي يا جماعة الربع أحد ينصحه يدور شغل لعياله بشركاته

ويصير سمننا في دقيقنا ويزيد رواتب إخواني إلي يشتغلون عنده ترا الراتب ألي يعطيهم ما يغطي تكاليف معيشتهم إلى غليت أسعارها على الأقل يزودهم 70% بس ما نبي 15% ما تسوي شئ ....؟؟؟

عاقل لكن مرجوج
05-08-06, 01:10 PM
اخي عبد العزيز
برجعلك فقط تسجيل حضور سلمت يداك

الصواعق
05-08-06, 01:57 PM
تم التعديل من قبل الصواعق

ابو شدق
05-08-06, 02:04 PM
كم رد يروح يمين ويسار

من غير القروش

ومهنو الي يزود ابوك بالكفرات حقت الوايتات <<<< مصدق

الله يصلح الحال

عبد العزيز
06-08-06, 11:18 PM
خل الردود الي يمين ويسار هذي ماحسبناها
عطنا الي يبيعها كاش هذا الي اسال عنه