المساعد الشخصي الرقمي

مشاهدة النسخة كاملة : جامعه الحب الأول تعلن عن موادها لهذا الترم ( اسرع للتسجيل المقاعد محدوده )


الحب الأول
05-04-04, 06:47 PM
هلا والله بالقدعان والقدعات :

اول شي طبعا واحد يسال وش ذي الجامعه ووشهي من خرابيطه

بس اقول لكم تراها جامعه معتمده دوليا وتبون تشوفون الاختام بنهايه الموضوع

المهم طبعا عندنا كم من ماده وجابين ننزلها للشعب علشان يسجلون بالجامعه وتراها ببلاش وغير كذا تراها اون لاين ( يعني على النت بس ) يعني مافي روحات وجيات ودور مواقف وخرابيط ولا تتاخر عن المحاضره بس انت سجل بالماده وماعليك تجيك الدورس لحد باب ماسنجرك

طبعا لزوم التسجيل بالجامعه مايلي :

اولا : اسمك الاول وعمرك اهم شي العمر لحد يورطنا باندر ايج

ثانيا : صوره من شهاده الميلاد مع اربع صور شمسيه 12 * 8 مع صوره من بطاقه الاحوال او بطاقه العائله

ثالثا : تنطل ماسنجرك علينا بالخاص وتعلمنا وش المواد الي تبي تنزلها :p

==============================================

التخصصات :

التخصصات للحين ماتحددت بس تحدد على المواد الي تبي تنزلها
وطبعا اذا سجلت تبي تفهم كل شي مانيب رايق اطلع كل شي للعامه لازم في شي سري


==============================================
المواد المتوفره :

للعلم عدد المقاعد لكل ماده 20 مقعد

خرب 101 3 ساعات دراسيه (لكلا الجنسين ) (19 مقعد شاغر)

الوصف : الماده هذي عباره عن اساسيات علم كيفيه تخرب الاشياء بطريفه علميه بحته جدا جدا جدا

صيع 101 3 ساعات دراسيه + معمل ( لكلا الجنسين ) (18 مقعد شاغر )

الوصف : اساسيات علم الصياعه الحقيقه وكيفيه تعلم طرق الصياعه من تحت لتحت وعلنا

اغراء 101 3 ساعات دراسيه + معمل ( للبنات فقط مع اماكنيه دخول الشباب اذا دعت الحاجه ) (19 مقعد شاغر )

الوصف : اساسيات علم الاغراء الحقيقي وكيفيه الوصول الى المتطلبات التي تريدها عن طريق الاغراء
مواد مطلوبه لهذه الماده ( تدرس مع الماده ) : ثقل 101 + نصب 101

ثقل 101 ساعتين دراسيه + معمل ( لكلا الجنسين ) (19 مقعد شاغر )

الوصف : اساسيات الثقل ومنع السعابيل من الخروج اثناء الاغراء او شي اخر

نصب 101 ساعتين دراسيه + معمل ( لكلا الجنسين ) ( 20 مقعد شاغر )

الوصف : تعليم اساسيات النصب وكيفيه انك تنصب بدون مايحس الي قدامك انك نصاب

دباب 101 3 ساعات دراسيه ( للشباب فقط مع امكانيه قبول البنات بواسطه ) (20 مقعد شاغر )
واخيرا وليس اخرا

عربجه 101 ساعتين دراسيه ( لكلا الجنسين ) (20 مقعد شاغر )

الوصف : اساسيات فن العربجه الحقيقه

===============================================

الجهات المعترفه بجامعه الحب الأول :

1 المعهد اليوناني للجامعات
2 المعهد الروسي للجامعات
3- المجلس البريطاني الاعلى للجامعات
4- الاتحاد الوطني الامريكي للجامعات
5- الاتحاد المريخي للجامعات
6- اتحاد الصين واليابان لجامعات الصياعه المنحرفه

وقريبا :
تعترف فينا وزاره التعليم العالي بالمملكه العربيه السعوديه
( طبعا شباب انا قلت لابن اخي الوزير انه يعترف بجامعتي بس مهناش يقول لي يا ابن اخي السالفه فيها طيران روس ومدري وشو وخرابيط قشرا وترى المنصب يبي له من يضمنه شوي خلهم يثبتوني 4 سنوات زياده وماعليك اعترف فيها )

على العموم يا طلابي الاعزاء بادروا بالتسجيل وترى في مواد زياده بس للحين مالقينا مدرسين متخصصين زياده
وترى في دروس خصوصيه للي يبي خاصه في الاغراء والصياعه


الحب الأول

فريق أول
05-04-04, 06:57 PM
مافهمت شيء !!!


هالجامعه مثل ستار أكاديمي والا وشلون (aqwa)

الحب الأول
05-04-04, 07:03 PM
لاا يارجال اي ستار اكاديمي واي خرابيط لا جامعه من تأليفي جامعه(ذبح حلال) مو زي ستار أكاديمي(ذبح حرام)


تحياتي لك فريق أول


الحب الأول

همس الشفايف
05-04-04, 10:42 PM
الحب الاول دار بي راسي والله:cl:


ياخي ذكرتني بدكتوره في جامعتنا تلف وتدور وماندري وش تبي :o


الزبده وانا اختك وشي (aqwa)

الحب الأول
05-04-04, 11:48 PM
ياالربع خربتوا طعمها هذي جامعه بالخيال من تأليفي خرابيط يعني عرفتووووووووووووواا




الحب الأول

المتحد
06-04-04, 12:17 AM
.
:o:o
والله أنك عبقريه ..
كذا الخيال وألا بلاش ..
مافيه أمكانيه ترم صيفي ..:p
:rolleyes:
.

فريق أول
06-04-04, 12:26 AM
كاتب الرسالة الأصلية المتحد
.
:o:o
والله أنك عبقريه ..
كذا الخيال وألا بلاش ..
مافيه أمكانيه ترم صيفي ..:p
:rolleyes:
.


هههههههههههه

أي عبقريه يا بو عابد ؟؟

شنب شنب

ما تشوف طوله


:o

المتحد
06-04-04, 12:54 AM
.
:o:o
كله محصل بعضه ..
يعني اللي يسمعك يقول فيه كاشف ..
الأتصال من كبينه ..:o
.
المعذره أخوي ..:eek:
.

الا خطبوط
06-04-04, 01:16 AM
انا ودي اسجل بكل الاقسام

عارفين ايادي في كل مكان

اوزعها بين الاقسام والمحا ضرات (aqwa)

تــــــالا
07-04-04, 02:14 PM
ما فيه مادة 101 صبر سا عتين و يكون لها متطلب 102 ملل
لأني عجزت أصبر عن هالمنتدى كل ما أتركه أرجع ثانيه

و لأني مليت من كثر الفراغ

فرفشه
21-04-07, 02:43 PM
ابي قسم الصياعه وين احصله لوسمحت وش اللي تبون اجببه

مــــس نيـــوتن
21-04-07, 05:32 PM
انا ابي اصير عندكم دختووووووووووووووووووره من اعضاء لجنة التطررريس وابن أمه ينجح عندي هههههههههههههاي

الـمـ فاروق ـلك
21-04-07, 05:37 PM
اذا فــيها أختلاط أنا أبفصل

مع أني ماسجلت
الى الان

الـمـ فاروق ـلك
21-04-07, 05:38 PM
انا ابي اصير عندكم دختووووووووووووووووووره من اعضاء لجنة التطررريس وابن أمه ينجح عندي هههههههههههههاي

طلاب شاطرين
نخش على جهازك ونسرق الاسئلة

الدبة المملوحة
21-04-07, 05:54 PM
ناتووش