مابقا للمراجل في زمنا أمان.....

[غلا قحطان]

ياسعود لانشدوك وش قصته منطوي؟؟!

قل لهم مابقلبه للسعاده مكان..

أختلف من عقب ماهو شخص سوي..

وأنحرف عقب ماهو بقمة الأتزان..

من هم اللي يقولون البقاء للقوي..

لو تراهنت معهم قد كسبت الرهان..

والله أني قوي ولاشك ماتستوي..

قوةٍ مع خيانة من عطاك الأمان..

أمس طاح الوفاء من دون صوت ودوي..

طيحةًً ماسمعها إلا الزمن والمكان..

يوم جتني من أقرب صاحب تلتوي..

كل شيء تحطم في عيوني وهان..

طعنة من خوي في زمان فوضوي..

لا كتمها خفوق ولا نطقها لسان..

قبلها لي خفوقٍٍ صادقٍ يحتوي..

نص كله وفاء..والنص الآخر حنان..

وبعدها كن وسطه ذيب غدر يعوي..

منه بيض النوايا أستاحشن يافلان..

بيض الله وجه الموقف الملتوي..

يوم بين رفاع ويوم بين طمان..

يا سعود شفت طعنات الخوي للخوي..

مالها بالوصف إلا طعون الزمان..

آآآآه وإن جتك طعنه من يدين بدوي..

مابقي للمراجل في زمنا أمان..

[ولـــــه]

أمس طاح الوفاء من دون صوت ودوي..

طيحةًً ماسمعها إلا الزمن والمكان..


::::::::::::::::::::::

يسلم هالذوق العالي

عن جد استمتعت وانا اقراء

يعطيك الف عافيه حبيبتي

لاهنتي يالغلا

[غلا قحطان]

الله يعافيك يالغاليه
ونورتيني
ولا خلا ولا عدم

[المغادر]

الله على الكلمات الرائعه
ومشكوره الغلا ويعطيكي الف عافيه

[غلا قحطان]

الله يعافيك ويقويك عزيزي المغادر
ومشكور على هذا المرور
ولا خلا ولا عدم

[رهينـة]

والله أني قوي ولاشك ماتستوي..

قوةٍ مع خيانة من عطاك الأمان


آآآآه وإن جتك طعنه من يدين بدوي..

مابقي للمراجل في زمنا أمان..




هذي يبيلها تصفيق وتصفير ووقفه احترام
مشكوره ياكل الغلا على هذا النقل المتميز

[غلا قحطان]

والله أني قوي ولاشك ماتستوي..

قوةٍ مع خيانة من عطاك الأمان


آآآآه وإن جتك طعنه من يدين بدوي..

مابقي للمراجل في زمنا أمان..




هذي يبيلها تصفيق وتصفير ووقفه احترام
مشكوره ياكل الغلا على هذا النقل المتميز

مرسي ياحياتي يارائعه يارهينة الموت على هالمرور المتميز
ولا خلا ولا عدم

[مخلوق فضائي]

تسلمين أختي غلا قحطان على هذا النقل

الأكثر من راااااااااااااااااااااااائع

تقبلي مرور أخوك مخلوق فضائي

[غلا قحطان]

مشكوور عزيزي مخلوق فضائي على هالمرور
ولا خلا ولا عدم