يانوره تركني خلي.....

[غلا قحطان]

يانوره تركني خلي...وتخبرينه أكيد..
ذاك الغلا اللي في ضلوعي ما تحملت أجهله..

يا نوره تركني وأدري غرامه مستبيد..

فجأه تملكني غلاه..وما تجرأت أسئله..

لاهي سنه..ولاهي ثلاث..سادس سنه حبه يزيد..

هو اللي علمني الوفاء..وأنا اللي علمته الوله..

ياما فرحت بشوفته كني طفل في يوم عيد..

قلت أنخلق ليه... أنا والناس ماهم مشكله...

ماكنت أظن أن الحبيب قاسي وقلبه من حديد..

كنت أعتبر كل البشر عذال وأولهم هله..

يا لايمي صعبه علي أسكت وأنا حظي عنيد..

أسكت وأنا اللي دمعتي تحتاج له..تحتاج له..

يالايمي كثر الحكي ما يهون الجرح الجديد..

يالايمي ليه العيون اللي بكت تشتاق له..

يالغاليه أسألك قولي لي الراي السديد..

وين الوفاء وين الغلا..وين العلوم الأوله..

وين القصيد أبغي أحرقه يمكن يذوب هالجليد..

وين الحنين وين الصبر اللي كثير اتأمله..

يالغاليه صدمتي عظيمه..وأثر حلمي بعيد..

أبعد..وأبعدني لقاه وطعون الحظ مقبله...
***********************
تحياتي للجميع : غلا قحطان

[ولـــــه]

كلمااااااات قليله فحقها إن قلت روعه

بل تفوق الروعه والجمال

يسلم لنا هالذوووق العالي

يعطيك الف عافيه يالغلا

لاهنتي يالذوق

[saiaf5]

أختى غلا صراحه شى لايوصف

فوق الخيال وصفك
وتسلمين ياالغلا
ونبى نسمع الجديد وألا أمام

[أبوصفوان]

كلمات رائعه وتسلمين

[برساوي]

مشكووووووووووور

[غلا قحطان]

ياهلا بعزيزتي وله
أسعدتيني ونورتيني يالغاليه
ولاخـــــــلا ولاعــــــدم

[غلا قحطان]

مشكووورsaiaf5
نورت الصفحه
ولاخلا ولاعدم

[غلا قحطان]

مرحبا اخوي ابوصفوان
ويعطيك العافيه ولاتحرمنا من هالطله

[غلا قحطان]

أهلا وسهلا ب barcawi
أسعدتني بمرورك