يقول المثل الدايتي{{تزوج من القصيم ولاتزوجهم}}؟؟؟؟

[قصيمي دايت]

:cgggg14d:مساكم الله بالخير ياحلوينات (ترى حلوينات هذي جمع نفر سالم (a26) خايف ينبط لي هالحين واحد مسوي نفسه فاهم ويقول هذا مؤنث والا مذكر ) (qq167) كيف أحوالكمينات عساكم مبسوطينات ومستانسينات (hjhjlj) أبد أبد استريحوا حلفت ماحد يقوم من مكانه (r50yty)

القصة وما فيها ياحلوينات إني ضايق صدري:() من طبعنا يالقصيميينات وبالخصوص ديرتي بريدة.

تدرون ليه ؟؟؟

أقولكم

بس اصبروا شوي لين أتعدى هالملف(qq46)



إيه أقولكم ضايق صدري على شأن هالمسيكينات حريِّمنا أحس أننا ظالمينهن وما نعرف قدرهن لين نشوف أطباع غيرهن !

تلقى الوحده من حريمنا ذابحتن رويحتها على شان زوجها ماتبيع ولا تشري فيه حتى لو كان شيفه(q5)

ساترتن عليه وقايمتن على بيته وعييله كان عنده عيال حتى أهلها مايدرون وش حاته مع رجيله؟

تلقاه أول عرسه مبسوطه مع هالرجال اللي مامثله بالرومانسية(q56) سفرات وطلعات(q18) وكلام يشرح النفس - ياهلا والله - وش هالزين - يابعد عمري- تصدقين اني ماني مصدق ان القمر هذا هي زوجتي - خلاص ابغى أحط بكل زاوية بالبيت صوره لس ونبي نشيل اللمبات يكفي نورس-
هذا غير الهدايا(dgdgdgdd) اللي يجيبه له .

سنتين بالكثير ثم تعال شف ---------------------------------------------------->

هي:الله يخليك قم ودن لاهلي أبشوف امي وخواتي مجتمعات اليوم (q48)

هو:أقول تراني مانب فاضي لس انتي واهلس(r61yty)

ــــــــــــــــــــــــــــــــــ


هي:حبيبي وش رايك اليوم نروح للملاهي نفرح العيال شوي(gsdgsgs)




هو:أقول ابلعي العافيه لاتشغلينا انتي وبزارينس تراي دايخ ابنام(sdfsfs)

ــــــــــــــــــــــــــــــــــــــــ



هي :اليوم عندي موعد اسنان أنا والعيال لاتنسى الله يخليك تودينا(qq20)


هو:أقول تراي اليوم عندي تمرين شوفي حدا اخوانس يوديس ماني فاضي(nn)


ـــــــــــــــــــــــــــــــــــ

هو: أنتي ترى اليوم نبي نروح لأهلي مجتمعين بالأستراحه(q96) يالله لبسي العيال.


هي:(r74yty) هماك مواعدن تودين لامي أشوفه بعد جيته من مكة وبعدين انا مكلمتن امي وقايلتله نجيسز اليوم ومعلمتن خواتي حتى نجتمع ونتشاوف !لنا شهر ماشفنا بعض(cry)


هو: أمسز بعدين تشوفينه اتصلي عليه هالحين وقولي جونا ناس وربطونا مانقدر نجي(sgsgs) يالله لانتأخر على أهلي

ــــــــــــــــــــــــــــ



هي: حبيبي وش تذكرك هالليلة (ggfgsg)

هو: تذكرن بمثل أمس هالحزة(r61yty)


هي: لالا أقصد ماتذكرك بمناسبة زينه (w99)


هو: لا تذكرن بمناسبة (نحُّول ) هاها. أقول قومي بس سكتي بزرانس ولايكثر هرجس (q35)

هي: ياشينك عاد صدق والله ماتذكرك بليلة زواجنا (gssfs)


هو : قصدس تذكرَّن يوم تصكين على روحس بالمقلط وتخليني لحالي بالغرفة ماسنَّه ليلة عرسنا (a12)


هي: خلاص خلاص ليتني ماقلتلك شئ أعوذبالله ماتَّذكر إلا هذي بس(r56yty)

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ








تبون الصدق ياجماعة أنا واحدن من عرضكم ياهل ديرتي مثلي مثلكم وما أبرء نفسي

الغالب منا هذا طبعه مع حريمته

يبيه تقوم بواجبه هو واهله

وهو مايقوم بواجبه وبواجب أهلها


صدقوني ماراح نلقى مثل حريَّمنا يصبرن علينا وما راح ينفعنا غيرهن

بنات حمايل ساترات ومستورات ودودات مع رجالهن

لاجيت للدين والى مامثلهن وان جيت للطبخ والاهن طباخات وخبازات وراعيات ذوق


والعيب اللي عندهن يغطيه الزين اللي فيهن

بس يبن منا كم كلمة حلوة ويطيرن من الفرح وما هي كثيرة عليهن


وأنا الصراحة ماخفي عليكم سر حسيت بمعانات حريمتي يوم اني شفت معانات اخيياتي مع ارجالهن

الواحد منهم كنَّه ضب مايتعدى جحرة

نفسه شينه مع مرته وعياله دايم ماله خلق يوديهم ويجيبهم

ومع غيرهم ياسلام سلم

هذا هو عيبنا يالرجال!







هالحين عرفتوا ليه أنا زهكان

وعرفتوا ليه أنا أقول
((تزوج من القصيم ولا تزوجهم))))))

[شباصة قصيمية]

هي:حبيبي وش رايك اليوم نروح للملاهي نفرح العيال شوي




هو:أقول ابلعي العافيه لاتشغلينا انتي وبزارينس تراي دايخ ابنام

هذا جزاي تقل بزاريني لحالي












ايه الله يجزاك خير

غاثيننا عيال هالمنتدى يا السعوديات يا اللي ركبكن سود ما عندهم غير هالعلثه وليتوه صدق بعد ههههههههههه

ويدورون من هالسوريات واللبنانيات يا ليتهم ياخذون منهن ويورونهم الويل عشان يقولون الركب السود ولا بيض

يعطيك العاااااافيه

تستاهل خمس نجوم

<<<أنواع الطفه

[وحيده في القمر]

اي والله انك صادق.....
يا حبيلنا...صابرين عليهم....

[شباصة قصيمية]

صح كلامك اخوي

الموضوع يستاهل التثبيت
يثبت لحين

[طايرتن بوهته]

مشكووووووووور عالموضوع

ولاجت الحقيقه المره مظلومه ياويلي يكفي الحمل 9 شهور والرجال اتحدا يتحملون مخدتن يربطونه على بطونهم بس ساعتين والمره بزر بوسط البطن مب قطن وزياده على تسذا الطلوووووق والولاده والرجل لا نام بالغرفه وصاح البزر (qq79) قام وطرد المره هي وبزره والمره بعد تتنزعج المفروض يتحمل الصياح مثل ماتحملت المره الحمل والطلوق والولاده والطبخ والضف والتسبيع والتربيه والتدريس ووو.................الخ

قال الرسول صلى الله عليه وسلم (( خيركم خيركم لأهله وانا خيركم لأهلي ))

من أكرم النساء فها هو الكريم وما أهانهن يوما إلا اللئيم

وأنا ما أخص بس هذا المعروف والرجال مافيهم قاااااصر الله يعطيهم العافيه

وشكرااااااا عالموضوع

يستاهل 5 نجوم لا حباً بنا ولا كن رحمةً فينا

[العنـــود]

تبون الصدق ياجماعة أنا واحدن من عرضكم ياهل ديرتي مثلي مثلكم وما أبرء نفسي

الغالب منا هذا طبعه مع حريمته

يبيه تقوم بواجبه هو واهله

وهو مايقوم بواجبه وبواجب أهلها


ذكرن كلامك بوحدة اتصلت على الشيخ عبدالله المطلق وهي تشتكي من زوجه.. قال لها اصبري على قردك لا يجيك أقرد منه!!

صدق الشيخ..

[أنوثتي..طاغية]

(z) انتو صحيح كذا؟؟؟؟

جتني روعه...اتخيل نفسي بعد سنتين ...معقول بكون كذا!!!

[شباصة قصيمية]

8
8
8
بسم الله عليك لا تفاولين على نفسك كذا .. تفاءلوا بالخير تجدوه

يا قلبي ادعي هالدعاء دائماً

(((اللهم ارزقني الرجل الطيب الصالح واجعله سكناً لي)))

[الدبدوبة]

بعد عمري يارجالنا...................... (اهل جده و ضواحيها)

[آفاق الساحه]

والله إنك صادق ,, جزاك الله خير ....
واحد من الشباب ماتنشاف سنونه إلا بالإستراحه ,,, وفي البيت كن ميت له ميت !!!!

[الصواعق]

أنت خاين لمعشر الرجال .. وتستحق الصلب والرجم بالطماط
فضحتنا يالدب (a24)


بعد عمري يارجالنا...................... (اهل جده و ضواحيها)

أحم أحم

[الجنيه المحكحك]

هي: حبيبي وش تذكرك هالليلة

هو: تذكرن بمثل أمس هالحزة

هههههههههههههه الرومنسيه مقطعته ..



واحد من الشباب ماتنشاف سنونه إلا بالإستراحه ,,, وفي البيت كن ميت له ميت !!!!
ههههههههههههههههههههههههههه كلام صحيح ..




قانون دايت .
((تزوج من القصيم ولا تزوجهم))))))



تحيااات ـــــــــــــــــــي .

[الجنيه المحكحك]

الصوااااعق ..
أنت خاين لمعشر الرجال .. وتستحق الصلب والرجم بالطماط
فضحتنا يالدب
(a26) (a26) (a26) (a26) (a26) (a26) (a26) (a26)

[أبونديم]

حرام عليك ظلمت القصمان

شف الاسواق والملاهي والاستراحات والحدائق
الاستراحات وصلتنا بالقصيعه وماغير كب من الحريم والبزران
وانت تقول مايودون عيالهم
يارجل عجزنا نلقى محل يالشباب نقعد به منهم
ماغير مرتزين بالنفد تقل جن
والا السفر حدث ولا حرج اتحداك تروح محل ماتلقى قصمان

[على وضح النقا]

الله العالم إنك تسمع مرتك هالحتسي تبيها تقول ياحليله صاير حليل وانت اقشرررررررررررررررررر
يعني الدعوا تشبيك <<< كشفناك بس اوجه رساله لمرتك واقول ابو طبيع مايجوز عن طبعه يعني انت انت مأنت بصاير لبناني ياحظي اشهبن من عرض هالشهبان كنايه عنا يالسعوديين

[乀م.ـِـَلاّكـَ.آلــرٍوٍح 乀]

الحمدلله .. انا بأخذ كولن .. كابتن طيار أد الدنيا .. ياحبي لسياتل إذا انتم كذا :D

[عالية المقام]

صدقوني ماراح نلقى مثل حريَّمنا يصبرن علينا وما راح ينفعنا غيرهن

بنات حمايل ساترات ومستورات ودودات مع رجالهن



والله انك صااااادق اول مررة يعترف رجاال بعيوبه والله انك زاحف

اكيد انت شفت خواتك وكسرة خاطرك بنت الناس

الله يصخركم لنا غصبا عنكم وزينا بيعونكم

مشكووووور على الجراة والاعتراف بحقنا بسجلها بالتاريخ اعتراف اول رجل لصالحنا

[ابو شدق]

قصيمي دايت <<<< يعني خفيف انت

اسمع عاد لاجاء وقت الجد يطلع للحرب رجال

حريمنا مانبيع ولا نشري بهن ونعطيهم الي يبون

ونوديهن للي يبن بس المفروض هن يقدرن شوي بعد

الرجال يقوم من فجور الله ويكد ويتعب واذا جاء ينام بالليل

قالت اقعد معنا طيب انا وراي قومه من الفجور

ومثل ماقال ابونديم هالحين بالعطله ركز على السيارات عقب العصر

تلقاهن كلهن متكيات على هالمراتب مدبتسات يا لاستراحه ولا لاهله

ولا لملاهي ولا غيروه

لانظلم الرجال ولا نظلم الحريم وكلن وضروفه

[خماش]

اللي حاب أقوله.....مع العلم ان ما انا بقصيمي<<<واتشرف انتسب لهم.

ان الشخصيات السلبيه من الرجال مهم من القصيم وبس،من كل مكان،
كذلك النساء.

[عالي المستوى]

لا وازيدكم بعد الابو ماينادي الام الى ( يـــــــــا هيش ) تدرون وشو الهيش ؟؟؟

والله ثم والله ثم والله اطيب انثى على الارض هي السعوديه


لكم تحياتي

[النجديه]

هو: تذكرن بمثل أمس هالحزة

هههههههههههههههههههههههههههههههههههههههههههههههههه هههه

هههههههههههههههههههههههههههههههههههههههههههههههههه هههه

يقطع بليس الاحساس اللي عنده

يعطيك العافيه على هالموضوع الرائع

[أبونديم]

بعد عمري يارجالنا...................... (اهل جده و ضواحيها)

مشاء الله عليكن ياحريم جده وضواحيها
كل شي يدزنعكن لو يجيب لتس معصوب تسنه جايب لتس الدنيا

[الدبدوبة]

^
^
^
طبعا المهم افتكرني وضحك بوجهي,,,,,,,,,,,,,,,,,, اللهم لا حسد

[O.o°"مـ ـلـ ــكـ ـه"°o.O]

والله انك صادق

مع اني ما جربت

بس كل الناس يتكلمون
مساكين الحريم وخصوصا بنات القصيم
طيبه وسنع وحشيمه فيهم لو وزعوها على اهل الأرض كان كفتهم وزياده

هههههههههههههه
وحده واثقه

______________
مشكوررررررررررررررر
يعيك الف مليون عافيه

[الصواعق]

بعد عمري يارجالنا...................... (اهل جده و ضواحيها)

مشاء الله عليكن ياحريم جده وضواحيها
كل شي يدزنعكن لو يجيب لتس معصوب تسنه جايب لتس الدنيا

هههههههههههههههههههههههههههههههههههههههههههههههههه ههههه
والله إنك مقلع

ايو واالله ياخي تحس بهن بسيطات ... حتى لو جبت لهن سندوتش طعمية من أمس مايخالفون

لكن شف القصيميات ؟.... لو جبت لهن طلي تقول (( ايييييييييه وشو عقبه ))

[كونتيستا7]

الحمد لله والشكر ..هاذا شؤون عائلية
تراكم فضحتو اعماركم

يلا وانا ويش دخلني ..هوشة قصيمية


أقو اختي مشكووورة , والله يعطيك العافية

[أبونديم]

هههههههههههههههههههههههههههههههههههههههههههههههههه ههههه
والله إنك مقلع

ايو واالله ياخي تحس بهن بسيطات ... حتى لو جبت لهن سندوتش طعمية من أمس مايخالفون

لكن شف القصيميات ؟.... لو جبت لهن طلي تقول (( ايييييييييه وشو عقبه ))

واقول وش الحفر بشوارع جده
اثرهم يدورون كنز القناعة
تصدز يالصواعق حمستن اذا بغيت اعرس اخذ منهم
تسم ياصل المهر >> خشت براسي

[المُهرة]

وصاجينا
حريمنا ما فيهن رومانصية
حريمنا وحريمنا
>>>> فضحكم واحد من بني جلدتكم يا السلنتح


قصيمي بلا سعرات حرارية
لا شلت يمينك التي كتبت لنا هالدرر

:)

[%القناصه%]

ماشاءالله عليهن حريم القصيم سنعات وقرمات