والله قهر

[جنيفر]

السلام عليكم ورحمة الله وبركاته



موضوع رافع ضغطي وحبيت اناقشه معاكم(qq167)

احنا امة وسطا صح مو امة واسطه

يعنى الى ماعنده فيتامين واو او كوسه بالمصري ما يعيش

1. طالب خريج ثانوي مايدخل كليه الى يبغاها رغم ان نسبته 96
والثاني نسبته 89 ويدخل الى يبي
-ويقابلني ابو 89 اذا مشي بدراسته لان الى مو فالح عمره ماراح يفلح --وحده حاقده-

2. وظايف ارامكو والخطوط السعوديه حلم الشباب السعودي
والى ابوه مايعرف واسطه فيها يبل شهادته ويشرب مويتها

3. شركة الاتصالات تسدد تطلع روحك اذا رجعوا خطك
ولازم في كل شله يكون واحد بالاتصالات عشان يرجع خط اصحابه وحاجات ثانيه

4.اي معامله في دائره حكوميه
لازم تصير تداوم عندهم عشان تتمشى امورك واذا عندك واسطه ارسلها بالبريد

5.حتى مواعيد المستشفيات
موعدك بعد 3شهور الله في ناس صابرين اكثر منك


الحين حنا ايش المطلوب مننا عشان تتمشى امورنا
1. نجمع العائله ونوظف كل واحد بمكان عشان اذا بغينا واسطه تكون موجوده

2. نصير نمشى بالشيكات والكاش

3. ولا نأكل هواء ونصبر


ملحوظه

الى ماعنده واسطه لايقرأ الموضوع عشان ماتتعب نفسيته

[فهدالسعودية]

وراتس ضيقتي صدورنا الله يهديتس هذا منتدى توسعة الصدر<<طيب كل تراب!!!

بالنسبة للواسطة خل عنتس لو عندتس واسطة ماخليتها بالنسبة الي نسبتها96

ومادخل هذي تسذبه وانا اختس الي عنده نسبة 95 ومافوق هذا يدخل الي يبي حتى

قسم اللغة العربية يدخلها<<ايه هذا حدك

لعد اشوفتس تحتسين عن هالاشياء وتضيقين صدورنا

[جنيفر]

فهد بشويش وانا اختك

حنا هنا بالسراء والضراء

وبعدين


اقسم بالله العلى العظيم ان وحده من صديقاتي نسبتها 96 وما دخلت طب عشان ما عندها واسطه

والبنت الى الان حيه

انت لا تخلى تفكيرك بسيط انا اقصد في اماكن بالواسطه

طيب دامي خاربتها خاربتها

انا لولا الله ثم الواسطه ماكنت راح ادرس بالقسم الي ابغاه على الرغم ان نسبتي عاليه

وقبلوني بالدفعه الثانيه بعد مادخلت الواسطه

بس انا اتكلم من حرقة اعصاب مو على نفسي على الى حطونا بذا الشئ


وانا آسفه ان كان ضيقت خلقك

بس
هذا الى صار

[شباصة قصيمية]

ما فهمت يمكن عشان ما عندي واسطه

[شباصة قصيمية]

خلاص فهمت فهمتن بنية خالتي الله يسلمه

[طايرتن بوهته]

والله انتس صادزه ياجنيفر مايمشي الشي الا بالواسطه

[شباصة قصيمية]

صح كلامتس يا جنيفر وطايرتن بوهته

[جنيفر]

شباصه قصيميه

الله يسعدك انتي وبنت خالتك

[همس الأزاهير]

ايه والله عذبتنا الواسطة..

ليش حنا معنا اعلى شهادات ولا نوظف اللي يوظف بس اللي معه واسطة..

والله قهرررررر

[على وضح النقا]

وبس الواسطه تسوي السوايا هذا طالب اسمه سلطان بن حسن الشويمسي الحربي تخرج من قسم لغه إنجليزيه بمعدل 5 يعني المعدل كامل وتقدير ممتاز قدم يصير معيد ويكمل دراسات عليا ماقبلوه وطردوه شر طرده وقبلوا طالب تقديره جيد جدا هذا ماهو شي يطقق التسبد عاد ووين في جامعه الامام محمد بن سعود الاسلاميه "جامعه القصيم حاليا" امحق إسلاميه

[ابو شدق]

ساده وراه مايصير عنده واسطه

<<<< من الناس الي تعذبوا من قل الواسطه

9 سنين برا بريده يتردد مع هالخطوط

وعبرنا يالله لك الحمد

واعرف واحد ماعنده اي واسطه وقدم على كلية الملك فهد الامنيه

وقبلوه من دون واسطه ومعدله عادي

بس انه التجا لله سبحانه

الناس نسيت الله واتكلت على الواسطه