أشعارك تذكرني ب ( نوره )

[غلا قحطان]

قلبي الوافي زرع أجمل زهوره..

في ثرى دفتر بأقلام السوايل..

في دفيتر وحدتي خبا شعوره..

مخلص الدفتر لحمل القلب شايل..

كلما ضاق الفضاء بعيني أزوره..

وأكتب الأحلام مع عطر الرسايل..

وأتصفح دفتري وأبكي سطوره..

ذي أماني العمر في الصفحة تمايل..

ذكرياتن صارت بأرض مهجوره..

والعزا دمعن على الوجنات سايل..

أذكر أني كل ما أكتب أشوره..

لو كتبت بويت سويت الهوايل..

وأذكر أني كنت في دربي صبوره..

كل ما أكتب..يقول الخط مايل!!

وأذكر أنه مرني وكنت مأسوره..

في متاهاتي وأنواع النكايل..

قال لي وش بك حزينة وكسوره؟؟

قلت له للحزن شديت الرحايل...

قال وش لك بالحزن؟؟ هذي مشوره..

أنسي الأحزان هذا الكون زايل..

المهم آخر قصيدك وش بحوره؟؟

قلت له ممكن تمعن بالدلايل..

قال أشعارك تذكرني بنوره...

نوره اللي ساكنه بأرض الخمايل..

نوره اللي ماخذه من البدر نوره...

بنت بس غير عن كل الأصايل..

قلت له أسمع ترا ماني غيوره...

لي وليف مالك قلبي وطايل..

أنحبس قلبي في بستانه وسوره..

وأنحبس مابين روحي والنحايل..

قال شاعر؟؟؟..قلت يطربني شعوره..

شاعرا ماقال لي غير المثايل..

كل هذا الكون غايب في حضوره..

في عيوني شاعري يسوى قبايل..

قمت أمثل والبطل أتقنت دوره...

لين شاف نجوم ليله بالقوايل..

قلت أسمع ياولد بأعطيك صوره..

شاعري يشبهك في كل الخصايل..

قال لي يا بنت والله معذوره..

كان يشبهني أجل للطيب نايل..

قلت له الله على قلبك وجوره..

ما فهمت اللغز والا ما انت قايل؟؟!!!

**********************

[أبوصفوان]

كلما ضاق الفضاء بعيني أزوره..

وأكتب الأحلام مع عطر الرسايل


الله يلبسك العافيه على هذه البويتات الرائعه

[غلا قحطان]

الله يعافيك
مشكور أخوي أبو صفوان على مرورك اللي نور الصفحه
ولا خلا ولاعدم

[ولـــــه]

قلت له الله على قلبك وجوره..

ما فهمت اللغز والا ما انت قايل؟؟!!!

::::::::::::::::::::::::::::

الله الله الله

كلمااااااااااااااااااااااات تفوق الروعه والخيال

تسلم اناملك الذهبيه يالغلا على هيك نقل

لاهنتي حبيبتي

[المغادر]

الله على الكلمات الروووووووووووووعة

مشكوره ياغلا والله يعطيكي الف عافيه

[حبيبتي والمطر]

في دفيتر وحدتي خبا شعوره..

مخلص الدفتر لحمل القلب شايل..

كلما ضاق الفضاء بعيني أزوره..

وأكتب الأحلام مع عطر الرسايل..





الله يخليك ويعافيك ياغلا قحطان على النقل المتميزجدا

والله يعطيك الف الف عاااافيه


تحياااتي
؛؛حبيبتي و المطر؛؛

[غلا قحطان]

مشكووووووره غاليتي وله
وتسلمين على مرورك
ولاغلا ولاعدم

[غلا قحطان]

الله يعافيك اخوي المغادر
نورت الصفحه
ولاخلا ولاعدم

[غلا قحطان]

الله يسلمك يا حبيبتي والمطر
ومشكوره على هذا الأطراء العذب
ولاخلا ولاعدم