المساعد الشخصي الرقمي

مشاهدة النسخة كاملة : قوانين الدخيل ونواعه (يعني اذا غيت تزبن على البدو( تعال شف الشروط )


الحب الأول
03-04-04, 05:46 PM
اليوم جيتكم بسالوفه حلوه بالحيل

وهي عن الدخيل في عرف الباديه وانواعه وقوانينه

<<<< اثار الربيع وتكيه على "الضو" الله يمتعنا فيها في الدنيا ويكفينا شرها في الاخره قولو امين

الدخلا ثلاث انواع

الاول: الطريد

الطريد هو اذا وقع الشر بينك وبين خصيمك ولحقته
وفي اثاناء ملاحقه واتجه عل بيت او قطين بدو وهو يستفزع
هنا انت يجب عليك تمتنع عنه اذا دخل في حدود البيت وحدود البيت
عند البدو هي حذفة عصى من البيت <<< وهذا مقياس المسافه

واذا صوبته وهو حول البيت يجيبون رجال نشيط ويعطونه عصى تقارب عصى الراعي ويخلونه يرميها بكل قوته واذا تعدت المكان اللي صوبت فيها الطريد يركبك الحق ويستقضي منك راعي البيت على حسب العرف اذا ذبحته الرد يكون مربع يعني القضا اربعه الا اذا جا فيها صلحه
واذا هي طقة عصى وتصويب لها غرم مال او صلح

وهذا طريقة دخلته حلوه اذا كان راعي البيت غايب يدخل البيت وانت تلحقه ويقومن الحريم بطرح بيت الشعر عليه كنايه على انه صار من حرمة البيت

اما اذا اصابتك له كانت خارج حدود حذفة العصا فهو ما زبن وخصومته معك تبقى بينكم

الثاني : المنيع

المنيع هو اذا وقعت غزوه او معركه وقط خصمك سلاحه او صوبته وفقد قدرته على القتال هنا يستمنع عليك ولا يبقى له عندك الا حق الدخيل اللي هو الحمايه والعلاج اذا لزم وعقبها تطلقه بدون لا تضره

والثالث ولاخير واللي له انواع هو دخيل البيت او طريح البيت اللي يزبن عليك ويطيح في بيتك

اولها دخيلك وانت خصمه

هذا النوع من ابرز معاني الشهامه عند اهل الباديه
يعني اذا ذبح واحد احد عيالك تدخله من باقي ربعك وأولياء الدم ثلاث ايام يسمونها المهربات
تعطيه فرصه يهرب فيها الى ان يدخل على ناس يحمونه الى ان تنعقد جلسة القضاء وينحكم له او عليه

وثانيها دخيل" واقف شليل"

وهذا اذا صارت الخصمه بين عيال عمك وانت طرف ثالث يعني ما تقدر تميل مع احد ضد احد في هذه الحاله تدخله" واقف شليل "
وهو انك تدخله بوجهك وترافقه الى ان توصله ناس يزبنونه واذا وصل ينتهي دورك

والثالث طريح البيت وهذا النوع اشدها وطولها مده واكبرها قدر
وهو ان يدخل الدخيل ويطيح في البيت عند راعيه وبكذا يدخله ودايم الناس تدخل على اللي له قدر لان دخيل البيت يبغى غير الحمايه
يبي احد يتوسط ويسوق جاهه وماله ويحاول يحل الموضوع بالحكمه وتراضي او بلقضاء واذا صار الدخيل مظلوم وجايه جور ينصره وتصل للحروب


وهذي القوانين وضعت عشان لا تكون الدعوى متروكه لثورة الغضب وتصير اخطاء وتعالج باخطاء اكبر
ولم توضع لحماية الجاني بقدر ما وضعت لكي تهدء النفوس ويجدون الفرصه والوقت للحل الذي يكون عادل

--------------------------

الحب الأول

همس الشفايف
03-04-04, 08:58 PM
مشكور يالحب على هيك معلومات

والله ماقصرت الحين توني افهم التمثيليات البدويه:o

وانا من اول ادربي ها الراس ومدري وش السالفه :cl:

أم أديم
03-04-04, 11:07 PM
:rolleyes:


يعطيك العافيه يالحب :)

سيف العداله
04-04-04, 01:57 AM
تسلم يا بعدي :rolleyes:

مستغرب
04-04-04, 07:17 AM
ياشيخنا وانت الشخ

الا خطبوط
04-04-04, 11:47 PM
يسلمووووو

saad30
29-07-06, 02:14 PM
يعطيك العافيه

عميه تمشط مجنونه
29-07-06, 06:23 PM
مشكووووووووووور

المُهرة
29-07-06, 06:28 PM
سوعيدان
يا مااال الناتوووش

معتّق العود
30-07-06, 08:29 PM
بيض الله وجهك يا شيخ العربان



المهرة / شكلك داخلة بالريوس

خماش
30-07-06, 11:33 PM
حذفة عصى حذفة عصا عند البدوي خمسين كم،يركب معك
تقول له وين سنعك،يقول لك...هنا قريب حذفة عصا،وينتعك خمسين كم.:hgfyhg14k
الحب الأول...متشكرين.

شباصة قصيمية
31-07-06, 12:19 AM
كلهم يقولون مشكور باقول زيهم

مشكوووووووور