المساعد الشخصي الرقمي

مشاهدة النسخة كاملة : الشرطي وخفه دمه ..!!!


روعة ملاكـ
19-10-20, 09:47 PM
اخباركم 🌺

لي اسبوع ماسقت بسبب ظروف صحيه <<< عفاني الله وياكم
طلعت اليوم ودي افرفر كل مكان
رحت للحوطه واجي ابطلع من الحوطه لخطامه
واهون هالشارع كل مامريت منه فيه تفتيش
واتذكر سالفه الشرطي خفيف الدم 🥰 <<< قلت لارجعت للبيت بقولها لكم 🌹
العام الماضي فاز الهلال انا غير مشجعه لاي نادي الحمد الله مالي في الرياضه ابدن
لو خمتني اشجع اكون ضد باقي المشجعين الي اشوف معهم المباراه
المهم فاز الهلال كانت مباره كبيره بس نسيت وش هي <<< وكانها هلال مع نصر والله نسيت المهم

خمتني اطلع اتمشي واشوف المشجعين
وربطت علي مرايه سيارتي يمين ويسار شال الهلال
وافرفر كل بقعه مريت من طريق الحوطه الخطامه
ويوقفني الشرطي قال ايووووووووووووووه
وسمعه الشرطي الثاني ويلتفت ويجي بسرعه ويقول بصوت عالى والله ان ماتوقفها 🙈🤣🤣🤣
ويبعد الشرطي مع كتفه ويجي لم سيارتي ويبارك لي بالفوز
ويقول لي امشي امشي قال الاول امشي امشي عشانه بس 🤣🤣🤣

كان الموقف جدا مضحك << حسيت بروعه وخفه دم الشرطي 😍😍
يبدوا لي الشرطي الاول نصراوي والثاني هلالي هذا الي فهمت من الموقف
الزبده ماتلاحظون ان الشرطه غالباً خفيفين دم وفيهم رحمه وحنيه ❤


<<< عشان كذا تخمني اسجل في القطاع العسكري احس وظيفه فله وسعه صدر
وش رايكم في هالشغله <<< ودي تعطوني رايكم
ماحبيت شغله الدوريه والمرور يمكن افضل في مركز يكون مكيف وهدوا ولا ازعاج سيارات ولا وقفه شمس


مادري يبدوا لي الهبه والوظايف الجايه النسائيه كلها عسكريه !!!
الله يكتب الي فيه الخير يارب 🙏🏼
محتاره 🤔

عساس الحيا
20-10-20, 01:06 AM
مروقين عشان فريقهم فايز ههههههههه

روعة ملاكـ
20-10-20, 10:49 AM
الي فهمته واحدن نصراوي مو مروق والثاني هلالي مروق
هههههههههههههههه
والله الموقف كان جدا مضحك ههههههههههههههههههه
��

المتحد
20-10-20, 12:33 PM
تراها مشكله اللي بيطبق النظام
وفق مزاجه وحالته المعنوية ظلم
وكورة بعد !
نفس العسكري ذا بكرا بيصلخ له واحد
اذا فريقه انهزم 😣
.

روعة ملاكـ
20-10-20, 05:59 PM
<<<<<
عشان كذا اقول انا غير مشجعه لاي نادي ولله الحمد
وبعدين مبداء الحاله النفسيه الي يدير بها الشخص عمله
موجوده عند كل الموظفين وفي كل القطاعات
نفسيتك تمام انت امور مراجعينك تمام نفسيتك زفت الله يعين من بيقابلك


والصراحه احمد ربي ان فيه عسكري هلالي
كان الحين مسجل علي مخالفه 🥴