المساعد الشخصي الرقمي

مشاهدة النسخة كاملة : الأمانه


مها
13-10-20, 02:56 PM
قبل اسبوعين كنت في رحلة عمل للرياض استغرقت خمسة أيام ، أقمت في فندق هيلتون

وبعد أن وصلت للفندق بعد رحلة السفر الشاقة والتي استغرقت ساعتين فيها بالجناح ماحسيت فيهابضياع شي


تفاجاءت بجوالي يرن وأرفع السماعة اقول : الو الا صوت هندي يتكلم معي يقول انتي مين ؟

قلت نعم ؟

قال انا لقيت شيء ضايع لك عند سيارتك ؟

قلت وش سيارتي ؟

اتذكريوم وقفت ماكان عند سيارتي أحد

قال : مو انتي صاحبة السيارة المازدا

قلت الا وش فيه ؟

قال كم رقم لوحة سيارتك ؟

قلت : كذا وكذا

قال : وش انتي مضيعه ؟

وافتش الشنطة وأطالع في يديني ومفتاح السيارة قلت ماادري مافي شي ؟

قال تأكدي ؟

تفقدي البوك حقك

البوك حقي كبير وفيه جميع أوراقي الثبوتية ورخصة العمل والسيارة والاستمارة

ومبلغ يمكن الفين ريال

المهم طالعت في شنطتي الا وألقى البوك مو موجود

اوووف كيف مانتبهت !!

تذكرت ان البوك طلعت منه اثباتي يوم جيت أدخل للبوابة الخارجية للسيكورتي والظاهر اني خليته في حجري وطاح بعد مانزلت للفندق

وهو يسألني كم المبلغ اللي فيه ؟

وكم رقم اثباتك ؟

واسمك الرباعي

ويطابقه عليها

قال انزلي عند السيارة وبتلقيني عندها حتى اعطيك اياه

وانا انزل

وليس النزول كالصعود ؟(ask)

ضيعت سيارتي في المواقف :SmileyBunny:

يبي لي سيارة حتى القى سيارتي

يالهوي وش بسوي ؟

واتصل عليه قلت عند اي عامود ؟

قال : ماتدرين وين وقفتي سيارتك ؟ يمكن موسيارتك ؟

قلت لا لكن الاعمدة كثيرة أمممممممممممم أتذكرها عند عمود C

لكن عامود سي صار ماشاء الله كل المواقف

المهم مشيت ثلاثة كيلو الا والقى الهندي عند السيارة وفي يده البوك ويعطيني اياه

قال هذي سيارتك قلت اي هذي

المهم سلمني البوك وشكرته على هالموقف النبيل وفتحت البوك

الا هو مثل ماكان

وانا اطلع للأوتيل واحمد الله على تيسير الأمر :sh652:

سليمان١٣
13-10-20, 03:15 PM
شفتي لما اقولك امس ان الناس فيهم خير يا اخت مها لكن انت مش واخذه بالك

(a21)

غريب الماضي
13-10-20, 03:22 PM
خذتي البوك ورجعتي الاوتيل وماعطيتيه 500 ريال
أو 200 أو 100 دخيل الله ؟

سليمان١٣
13-10-20, 03:33 PM
خذتي البوك ورجعتي الاوتيل وماعطيتيه 500 ريال
أو 200 أو 100 دخيل الله ؟



مستحيل ما اعطيهم اول شي من باب المكافئة
وثاني شي عشان تشجعه ع غيرها

ممكن يكون محتاج وانت في امس الحاجة للي ضاع منك مثل جوال

لو بتروح تشتري غير بيكلفك اكثر بكثير من قيمة المكافئة اللي بتعطيها اللي وجد لك ضالتك

نقطة اخيره

الله لا يجعل رزقك في يد مره هههه

riiima
13-10-20, 04:09 PM
الله يجزاه الخير ...قل امثاله صراحة

The-moon
13-10-20, 04:20 PM
زبدة الموضوع : اقمت في فندق الهيلتون . >> شكلك نمتي عند خالتك منيره بحي لبن .

لحالك او معك محرم .

يادي النيله ياولااااد ... البلد قرى فيها ايه .

غريب الماضي
13-10-20, 04:21 PM
مستحيل ما اعطيهم اول شي من باب المكافئة
وثاني شي عشان تشجعه ع غيرها

ممكن يكون محتاج وانت في امس الحاجة للي ضاع منك مثل جوال

لو بتروح تشتري غير بيكلفك اكثر بكثير من قيمة المكافئة اللي بتعطيها اللي وجد لك ضالتك

نقطة اخيره

الله لا يجعل رزقك في يد مره هههه

أكيد عطته المقسوم أنتظر التفاصيل

سليمان١٣
13-10-20, 04:43 PM
اذكر مره كنت راكب دباب وجالس افرفر فيه في المدينة اللي مسافر لها
في ازقه وشوارع ضيقه واحياء فقيرة سقط مني الجوال

ولما بلغت مسافة تفقدته ولم اجده فاضطررت ارجلع لنفس الخط

عند البقالة اذكر اني وقفت بشتري ماء واشياء خفيفه

بس دخلت البقالة وخرجت من بعد مافقدت الامل ولا يطلع لي شاب من السماء ويقولي لي ضاع لك شي قلت له جوال قال هذا

فرحت فرح كبير لان فيه صور ومعلوماتي الخاصه كلها ارقام سريه ووو

المهم واخذه منه وانا اتشكر فيه شوي ببوس راسه

واطلع المقسوم واديلوا هو ولافرحه يعادل فرحي واكثر

فشعرت ان الضياع فقط من اجل يسترزق ذلك الشاب الامين من خلالي ....

كلمااات
14-10-20, 12:07 AM
مازال الخير موجود في الناس

غريب امره
14-10-20, 12:08 AM
لأنك تملكين قلبآ ابيضآ يسر الله امرك

غريب امره
14-10-20, 12:21 AM
زبدة الموضوع : اقمت في فندق الهيلتون . >> شكلك نمتي عند خالتك منيره بحي لبن .

لحالك او معك محرم .

يادي النيله ياولااااد ... البلد قرى فيها ايه .

سؤال : ليه انت على طول هجوم ما فيه جس نبض

نجمة المنتدى
14-10-20, 12:48 AM
حلو الي رجعه


طيب جد ماعطيتيه شي🥱😆

روعة ملاكـ
14-10-20, 07:49 AM
وشلون عرف رقم جوالك ؟

روعة ملاكـ
14-10-20, 07:54 AM
انا اذا وقفت مواقف لازم اصور رقم العامود بحوالي
لاني اعرف نفسي وقت الرجعه ابنسي المكان

غريب الماضي
14-10-20, 09:15 PM
وشلون عرف رقم جوالك ؟

لقافة : لا أعلم جواب ( مها )
ولكن عن نفسي حاط رقم جوالي في بوكي
لو ضاع وطاح بيد ولد حلال يتصل بي
دخيل الله يعطيني بطاقاتي الرسمية
ولا الدراهم مامن دراهم

مها
14-10-20, 09:16 PM
لاواخده بالي (q83)(q83)

مها
14-10-20, 09:21 PM
خذتي البوك ورجعتي الاوتيل وماعطيتيه 500 ريال
أو 200 أو 100 دخيل الله ؟





الا عطيته المقسوم رغم انه من العاملين المسؤولين عن المكان هو ومجموعة

لكن برضوه عجبني حرصة حتى وهو يسلمني البوك

وهو يخبيه حتى في آخر لحظة ويقول وش لون البوك ؟

وانا اقول براون ويمده بكل حذر (qq15)

مها
14-10-20, 09:23 PM
مستحيل ما اعطيهم اول شي من باب المكافئة
وثاني شي عشان تشجعه ع غيرها

ممكن يكون محتاج وانت في امس الحاجة للي ضاع منك مثل جوال

لو بتروح تشتري غير بيكلفك اكثر بكثير من قيمة المكافئة اللي بتعطيها اللي وجد لك ضالتك

نقطة اخيره

الله لا يجعل رزقك في يد مره هههه



انا من الحريم الجزلة الكريمة اطلق من الف شنب (gfp)

مها
14-10-20, 09:25 PM
الله يجزاه الخير ...قل امثاله صراحة



اعجبني في ذكاءه وحرصة وحذره حتى وهو يسلمه لصاحبة

تحس أنك أمام محقق في المباحث (q83)

مها
14-10-20, 09:28 PM
زبدة الموضوع : اقمت في فندق الهيلتون . >> شكلك نمتي عند خالتك منيره بحي لبن .

لحالك او معك محرم .

يادي النيله ياولااااد ... البلد قرى فيها ايه .



ومادام انت تعتقد هالشيء ليش تسألني معي محرم

مادام تكذبني ماراح تصدق لو قلت لك معي محرم

لإني في نظرك ليبرالية ياراعي الفراخ نلعب على بعض ليش وانا اعرف انك ماتحسن الظن فيني لو اتعلق بأستار الكعبة :)

مها
14-10-20, 09:32 PM
أكيد عطته المقسوم أنتظر التفاصيل



بنت شيخ :)

المتحد
14-10-20, 09:58 PM
مواقف السيارات ذي اوقات تدوخك قبل كم شهر
اضطريت ادور اقرب مول بطريقي باخذ شي كنت ابيه
اضغط قوقل ماب المهم وقفت فيه زحمة ومواقفه ارضية
وحوسة لين رجعت للسيارة لاني دخلت مع بوابة وطلعت مع ثانية
تدرين عاد اني اقول الله يعين الحريم
اذا معهم اغراض وشنطة وجوال واكياس ومفاتيح وقش😞
عرفتها لاني صرت من سنتين اخذ معي شنطة يد
مستلزمات خاصه بي جهاز وشاحن وسماعات
وكل شوي احط فيها شي مع تقادم الزمن 🤓
صارت مخزن وعطورات ومشط صغير ومقص ظفور وبنادول😂
فانزل احيانا وانساها بالسيارة وارجع اجيبها
اخاف تنكسر القزازة يحسبون فيها فلوس😢
فطبيعي الحوسة تكون معك وانك تفقدين او يطيح شي
5 ثواني قبل النزول او الانتقال لشي كافية للتشييك
ومااتوقع الا انك تكرمينه لان موقفه جميل
لو غيره فك البوك واخذ الالفين راتب شهر له ورمى المحفظة
ولامن شاف ولا من دري
.

سليمان١٣
14-10-20, 10:33 PM
انا من الحريم الجزلة الكريمة اطلق من الف شنب (gfp)

بصراحه ماعندي شك في هذي الجزئية بالذات النقاط الاخرى قد نحتاج لمفاوضات مارثونية لاثباتها او نفيها

مها
14-10-20, 10:44 PM
اذكر مره كنت راكب دباب وجالس افرفر فيه في المدينة اللي مسافر لها
في ازقه وشوارع ضيقه واحياء فقيرة سقط مني الجوال

ولما بلغت مسافة تفقدته ولم اجده فاضطررت ارجلع لنفس الخط

عند البقالة اذكر اني وقفت بشتري ماء واشياء خفيفه

بس دخلت البقالة وخرجت من بعد مافقدت الامل ولا يطلع لي شاب من السماء ويقولي لي ضاع لك شي قلت له جوال قال هذا

فرحت فرح كبير لان فيه صور ومعلوماتي الخاصه كلها ارقام سريه ووو

المهم واخذه منه وانا اتشكر فيه شوي ببوس راسه

واطلع المقسوم واديلوا هو ولافرحه يعادل فرحي واكثر

فشعرت ان الضياع فقط من اجل يسترزق ذلك الشاب الامين من خلالي ....



اكيد على الجبل الأخضر في اندونيسيا :)

الرجل يستحق المكافأة

الرسول صلى الله عليه وسلم يقول :

من أتى اليكم معروفا فكافئوه

السطر الأخير في كلامك حول شعورك

الرجل في حقيقة الأمر مافكر في الكافأة كثر مافكر في إعادة الأمانة لأصحابها

وقد تكون قيمة جوالك اكبر من مكافأتك ، لكن هذي خصلة في حقيقتها من افضل الخصال

الرسول صلى الله عليه وسلم حين أرسل ابي سفيان قال له هرقل


سألتُك عن ماذا يأمركم فزعمت أنه يأمُر بالصلاة والصدق والعفاف والوفاءبالعهد وأداء الأمانة، وهذه صفه نبي

مها
14-10-20, 10:47 PM
مازال الخير موجود في الناس



اي والله :)

مها
14-10-20, 10:53 PM
لأنك تملكين قلبآ ابيضآ يسر الله امرك



الله يبيض وجهك ، ويرفع قدرك :)

روعة ملاكـ
14-10-20, 10:56 PM
لقافة : لا أعلم جواب ( مها )
ولكن عن نفسي حاط رقم جوالي في بوكي
لو ضاع وطاح بيد ولد حلال يتصل بي
دخيل الله يعطيني بطاقاتي الرسمية
ولا الدراهم مامن دراهم



لو حاطه في البوك
وجاها اتصال وش مضيعه علي طول بيجي ببالها البوك
لان الرقم بالبوك علي طول بيجي ببالها عرف رقمي من البوك
لاكن هي تتفقد وش هي مضيعه !!!!!

مها
14-10-20, 10:56 PM
سؤال : ليه انت على طول هجوم ما فيه جس نبض



اممممم

الجواب ببساطة لإنه مايحسن الظن :)

مها
14-10-20, 10:57 PM
حلو الي رجعه


طيب جد ماعطيتيه شي🥱😆



الا ياحلوك يانجمة (a14)

سليمان١٣
14-10-20, 10:58 PM
اكيد على الجبل الأخضر في اندونيسيا :)

الرجل يستحق المكافأة

الرسول صلى الله عليه وسلم يقول :

من أتى اليكم معروفا فكافئوه

السطر الأخير في كلامك حول شعورك

الرجل في حقيقة الأمر مافكر في الكافأة كثر مافكر في إعادة الأمانة لأصحابها

وقد تكون قيمة جوالك اكبر من مكافأتك ، لكن هذي خصلة في حقيقتها من افضل الخصال

الرسول صلى الله عليه وسلم حين أرسل ابي سفيان قال له هرقل


سألتُك عن ماذا يأمركم فزعمت أنه يأمُر بالصلاة والصدق والعفاف والوفاءبالعهد وأداء الأمانة، وهذه صفه نبي


ممكن فكر انه ياخذها بالحلال وفرحة متفهم وطبيعي بما انه محتاج

الحرام لذته وقتيه بينما الحلال لذته دائمة هنا اتوقع الفرق ...

مها
14-10-20, 11:02 PM
وشلون عرف رقم جوالك ؟



سؤال وجيه وذكي

أقول لك شلون :)

هو عامل في الفندق ، وسأل الرسيبشن واعطاهم بياناتي

واعطوه رقمي واتصل علي :)

The-moon
14-10-20, 11:04 PM
ومادام انت تعتقد هالشيء ليش تسألني معي محرم

مادام تكذبني ماراح تصدق لو قلت لك معي محرم

لإني في نظرك ليبرالية ياراعي الفراخ نلعب على بعض ليش وانا اعرف انك ماتحسن الظن فيني لو اتعلق بأستار الكعبة :)

ههههه ومين جاب حكاية اللبرله ياست خانوم .

وبعدين ع قولة المصريين : مبروم ع مبروم مابيلفش .

مادري ليه . عندي احساس انك دايم مرهقه جسديا وذهنيا ومتعبه ومصدعه ونفسك براس خشمك .

روعة ملاكـ
14-10-20, 11:05 PM
سؤال وجيه وذكي

أقول لك شلون :)

هو عامل في الفندق ، وسأل الرسيبشن واعطاهم بياناتي

واعطوه رقمي واتصل علي :)





:SmileyBunny::SmileyBunny:

مها
14-10-20, 11:10 PM
انا اذا وقفت مواقف لازم اصور رقم العامود بحوالي
لاني اعرف نفسي وقت الرجعه ابنسي المكان



لا عاد ذيك المواقف كأنك في متاهات :)

مها
14-10-20, 11:21 PM
مواقف السيارات ذي اوقات تدوخك قبل كم شهر
اضطريت ادور اقرب مول بطريقي باخذ شي كنت ابيه
اضغط قوقل ماب المهم وقفت فيه زحمة ومواقفه ارضية
وحوسة لين رجعت للسيارة لاني دخلت مع بوابة وطلعت مع ثانية
تدرين عاد اني اقول الله يعين الحريم
اذا معهم اغراض وشنطة وجوال واكياس ومفاتيح وقش😞
عرفتها لاني صرت من سنتين اخذ معي شنطة يد
مستلزمات خاصه بي جهاز وشاحن وسماعات
وكل شوي احط فيها شي مع تقادم الزمن 🤓
صارت مخزن وعطورات ومشط صغير ومقص ظفور وبنادول😂
فانزل احيانا وانساها بالسيارة وارجع اجيبها
اخاف تنكسر القزازة يحسبون فيها فلوس😢
فطبيعي الحوسة تكون معك وانك تفقدين او يطيح شي
5 ثواني قبل النزول او الانتقال لشي كافية للتشييك
ومااتوقع الا انك تكرمينه لان موقفه جميل
لو غيره فك البوك واخذ الالفين راتب شهر له ورمى المحفظة
ولامن شاف ولا من دري
.




والله يابومحمد من جد اذا جيت انزل المحل ادوخ وأشيل

الشنطة يمكن وزنها طن تخلع كتفي ومااتحملها

البوك اكبر من الشنطة :SmileyBunny:

وكل مانزلت من السيارة طاحت النظارة ، أوطاح شيء ، أواذا ماطاح يتهيء لي انه طاح :SmileyBunny:

شكوك وخصوصاً لاشلت كم كيس احس اني ضيعت شيء

لدرجة اني اتمنى اني ماسقت سيارة

والتركيز صار ياخذ مني جهد وتركيز موطبيعي :SmileyBunny:

احيانا اجيب معي احد يروح يجيب الغرض وانا انتظر في السيارة مثل الدريول :SmileyBunny:

مها
14-10-20, 11:26 PM
ممكن فكر انه ياخذها بالحلال وفرحة متفهم وطبيعي بما انه محتاج

الحرام لذته وقتيه بينما الحلال لذته دائمة هنا اتوقع الفرق ...



بعض الناس يتلذذ في الحرام

هي خصلة نبيلة متجذرة داخل النفس

مها
14-10-20, 11:31 PM
ههههه ومين جاب حكاية اللبرله ياست خانوم .

وبعدين ع قولة المصريين : مبروم ع مبروم مابيلفش .

مادري ليه . عندي احساس انك دايم مرهقه جسديا وذهنيا ومتعبه ومصدعه ونفسك براس خشمك .




انت ابخص في نفسك

ع العموم الحياة متعبة

وانا بالعكس عندي سعة صدر ، وباردة شوي ، ومتفهمة :)

سليمان١٣
15-10-20, 12:16 AM
بعض الناس يتلذذ في الحرام

هي خصلة نبيلة متجذرة داخل النفس

التلذذ بالحرام شعور طردي يبدا صغيرا ثم يكبر

ولكن لا شفت حافي قول ياكافي

الفرزدق الأخير
16-10-20, 01:53 AM
في مولات دبي يعرفون ان الناس تضيع فعند كل عمود جهاز ارقام
تسحب منه رقم وانت نازل متوجه للبوابه .. هالرقم لو ضيع سماحتك
سيارته تستدل بها على المنطقه والرقم .
الهندي رجل محترم جدا اذا تحدثنا عن الارقام وان الفين ريال بالنسبه له تساوي
الكثير

::::
اتخيل شعور الفرحه " وانتي تاخذين بوكك "

اللي لو ضاع كان سالفه طويله

:
اخر ماضيعت البوك قبل يومين ورجعت لقيته عند كاشير دومينوز بيتزا
لكن ماقدرت اقيس امانته لان مافيه كاش (qq15)

/
نكته :

سنة من السنين ضاع بوكي وفيه بطاقات الراجحي والاهلي وبطاقه العمل

وبطاقتي الشخصيه .. المهم ايست منه وطلعت بطاقات بديله خلال

وبعدما اكتملت البطاقات معي بايام ..
يتصل علي احد الزملاء من احد المكاتب الفرعيه .. انت

مضيع بوكك قلت ايه .. قال مرني مواطن واعطاني البوك يقول لقيت هالبوك وبه بطاقه العمل وقلت اكيد تعرفونه (qq15)

يقول له عده ايام معي في السياره

قلت بايمان عميق :

الله يجزاه خير ويعطيه الوجعه لو جابه بدري كان افتكينا (q30)

داعي الشوق
16-10-20, 02:10 PM
الحمدلله على السلامه

زين طاح في يد امين وابن حلال