المساعد الشخصي الرقمي

مشاهدة النسخة كاملة : راعية الذود ....


مخزخز
10-10-20, 08:43 PM
انتشرت اخبار لسيده
اكتسحت سوق الجمال والمزاينات ونافست
مربين الابل في البيع والشراء ...
بحثت في النت عن هذا الامر
وبعد ماشفت مقاطع فيديو لها ومزاحمتها للرجال
وتصويرهم وهم يصورونها ... ويلاحقونها في اي مزاد ..


تذكرت بيت لرشيد الزلامي الله يغفر له ..
يقول ::

عسى الله يستر لاتصير النياق فحول ..
تظلي تهادر والجمل رافع ذيله ..
كلامي صحيح ويشهد الله على ماقول ...
اشوف الهوايل مير مافي يدي حيله ...

المتحد
10-10-20, 08:52 PM
الروس نامت
😝
.

عساس الحيا
10-10-20, 09:21 PM
غير صحيح ليست راعية ابل ولاشيء
وتراها اعلامية وطبيبة

والهدف اعلامي

انتظر كم شهر او اسبوع وبتجيك مثلها

تذكر راعية الصقر الهرر نفس المسرحية
ولكن طوروها شوي وجابوا قبيلية

غريب الماضي
10-10-20, 09:44 PM
صح لسان الشاعر والله يرحمه
قال وصدق

وشنقول وشنبقي

سليمان١٣
10-10-20, 10:18 PM
هههه البارح اخر الليل بغيت انزل موضوع عنها

لما شفت لها مقطع

البنت يتيمة وماعندها خوان يقفون حائل بينها وبين الذهاب لهذي المواقع


اللي لفت نظري اكثر تجمهر الناس حولها

طيب ان سقط بعض الحياء منها وين المروءة عند هؤلاء !

اعتقد ان المشهد كله يستحق النقد

الحاجة اللي تحزن ان الحياء عند البعض لم يكن بسبب قناعات داخلية بقدر انه ماكان خوف من العقوبة !

طبعا لعشرين فالمية اشوف انه طبيعي ومتفهم ف النهاية الناس لازم يظهر بينهم شواذ ...

سليمان١٣
10-10-20, 10:21 PM
غير صحيح ليست راعية ابل ولاشيء
وتراها اعلامية وطبيبة

والهدف اعلامي

انتظر كم شهر او اسبوع وبتجيك مثلها

تذكر راعية الصقر الهرر نفس المسرحية
ولكن طوروها شوي وجابوا قبيلية

مش طبيبه هذا اللي متاكد منه

اخصائية تخطيط قلب


بقية الامور نبي نشوف وش يحصل في الحلقة القادمة ..

سليمان١٣
10-10-20, 10:39 PM
https://vm.tiktok.com/ZS9Me8vq/

moneeeb
10-10-20, 10:51 PM
و النعم بها
بنت رجال

الفرزدق الأخير
10-10-20, 11:13 PM
http://www.qassimy.com/vb/images/misc/quotes/quot-top-left.gif اقتباس: http://www.qassimy.com/vb/images/misc/quotes/quot-top-right.gif
http://www.qassimy.com/vb/images/misc/quotes/quot-by-left.gif المشاركة الأصلية كتبت بواسطة moneeeb http://www.qassimy.com/vb/images/buttons/viewpost.gif (http://www.qassimy.com/vb/showthread.php?p=12464533#post12464533) http://www.qassimy.com/vb/images/misc/quotes/quot-by-right.gif
http://www.qassimy.com/vb/images/misc/quotes/quot-top-right-10.gif



و النعم بها
بنت رجال
http://www.qassimy.com/vb/images/misc/quotes/quot-bot-left.gif
http://www.qassimy.com/vb/images/misc/quotes/quot-bot-right.gif

رد متوقع :)
يعني ماشفت بهالمنظر اي شي يزعجك ؟

عساس الحيا
10-10-20, 11:15 PM
https://vm.tiktok.com/zs9me8vq/

الله يشفيها

عساس الحيا
10-10-20, 11:24 PM
و النعم بها
بنت رجال

ايه بنت رجال ولكن لم تقدر مرجلة ابوها رحمه الله
والله لو ابوها حي ان ماتسوي هالامور عشان ترضي حثالة تركي الحمد وشلته
اخصائية قلب ومغنيها الله وتجي تبحث عن الشهرة بهذه الطريقة القبيحه
والمصيبة انها تصور وتستفز

الحريم من عشرات السنين يبيعن ويشترن بالغنم وفي سوق الغنم بكل منطقه
حتى سوق الحمام .. ولم ينتقدهن احد او يستغرب تصرفهن احد

سليمان١٣
10-10-20, 11:24 PM
الله يشفيها

ويصلحها ويزوجها برجال تنتحر امام قدميه مظاهر وفعاليات كل هذا الطيش .

كلمااات
10-10-20, 11:33 PM
جمال المرأه في حياءها
كيف ما خافت !!
وهي داخله على بعارين اوادم
اشكالهم تخرع

مهما حاولت المرأة تقليد الرجل يطلع شكلها شاذ ومقزز
اذا مررره لها في النياق تبيع وتشتري توكل عنها واحد
يناطح الرجال وتروق على قهوتها في بيتها

عساس الحيا
10-10-20, 11:39 PM
DaLETAS3u5A



طبعا الدلالين شكو في وضعها لان انكبت عليهم ناس بشكل غريب
يقولون لها اطلعي من الزحمه هذي والدوشه بنخلص البيعه ورافضه تبي بالزحمه
طبعا جايبه معها علم ورابطته ومجهزةالشيلات
الغبي اللي مايفهم انها مسرحية
حتى عمر الناقه ماتدري وش

الاشكال هذي يجب كشف حقيقتهم
الدين والوطن مافيه مجامله
لعنة الله على اللي وراها واللي شجعها ولاهي ضعيفة وضحية

ماخلصنا من كارثة كورونا وغلاء المعيشه ثم تجي هالحثالة الفسقانه وتبختر في قباحتها

سليمان١٣
10-10-20, 11:59 PM
daletas3u5a



طبعا الدلالين شكو في وضعها لان انكبت عليهم ناس بشكل غريب
يقولون لها اطلعي من الزحمه هذي والدوشه بنخلص البيعه ورافضه تبي بالزحمه
طبعا جايبه معها علم ورابطته ومجهزةالشيلات
الغبي اللي مايفهم انها مسرحية
حتى عمر الناقه ماتدري وش

الاشكال هذي يجب كشف حقيقتهم
الدين والوطن مافيه مجامله
لعنة الله على اللي وراها واللي شجعها ولاهي ضعيفة وضحية

ماخلصنا من كارثة كورونا وغلاء المعيشه ثم تجي هالحثالة الفسقانه وتبختر في قباحتها

ما وراها احد لا من الدفاع ولا من الهجوم

هي تقدح من راسها تبي الشهرة لتحقيق غايات في نفسها اما مال اما شهرة لمجرد الشهرة

ممكن تستمر ممكن لا الامر راجع لنا نحن المتلقين

لو لقت صدى صوت لصوتها اكيد راح تستمر لو ماحصلت وانا استبعد هذا صراحه راح تستمر وممكن تتطور الى وتيرة اقوى

البنت في المجمل اشوفها احسن من غيرها كثير

مافيه اكثر من جنان نصره الحربي

بعد ماتزوجت انسحبت من المشهد تماما

هذي نفس الشي اتوقع بس اهم شي رجال عليه القيمة لاني اشوف ان اللي تعمله طيش اكثر من اي شي اخر ...

نجمة المنتدى
11-10-20, 12:23 AM
😆تصدقون مادري وشي ولامرت علي

خلاص الحريم يبن كذا ليش تنقدون؟؟


هذي على كلامكم بين بعارين

ترا نفسها الي بين سيارات بلمعارض .. يفتخررن بهالشي طز بهن وبلي يأيدهن..

روبى الحجاز
11-10-20, 12:43 AM
ما اشوف في أي حاجه بالموضوع
بنت منقبه و محترمه ونزلت سوق الجمال أو مدري ايش تسموه عشان تشتري جمل،
ايش صار لها عشان تتهجموا عليها وتشككوا في ادبها
راحت ورجعت بالسلامه.

العيب انو الرجال يتجمعوا عليها بالطريقه دي ويحاولوا يلفتوا الأنظار لها

هذا تخلف ويدل كمان على كمية التخلف والتوجس من المرآه حتى لو كانت منقبه ومحترمه في كلامها.

مها
11-10-20, 12:53 AM
ماعجبني التجمهر كذا

يعني احس انه شاذ وعالم مجتمعة علشان ناقة

ياليت العادة هذي تنقطع

عساس الحيا
11-10-20, 01:53 AM
ما اشوف في أي حاجه بالموضوع
بنت منقبه و محترمه ونزلت سوق الجمال أو مدري ايش تسموه عشان تشتري جمل،
ايش صار لها عشان تتهجموا عليها وتشككوا في ادبها
راحت ورجعت بالسلامه.

العيب انو الرجال يتجمعوا عليها بالطريقه دي ويحاولوا يلفتوا الأنظار لها

هذا تخلف ويدل كمان على كمية التخلف والتوجس من المرآه حتى لو كانت منقبه ومحترمه في كلامها.


طيب ممكن سؤال
وش هدفها مجمعه فانزاته خرفان البثوث لسوق الابل
مشهورة بثوث مسحبه الخرفان للسوق الابل وجايبه ناقه مدري منين جايبتها

وين الابل اللي اخذه منها الناقه

الشيخـــــه شجـــــون
11-10-20, 03:21 AM
يالله الدنيا ايش سار فيها

جرأتها تخوف
الله يقرفها كانها رجال منقب

لكن اللي لفتني لمة كل هالرجال حولها ويصورون !!!
الرجال ايش صاير فيهم ؟!!
حرمه وحده تلم كل هالاشناب حولها ؟؟!!!

فين الرجوله والنخوه والدين مالت عليهم الله يفرق جمعهم المخيس
اتفوووو على كذا ذكور

إرتكاز
11-10-20, 08:27 AM
الخرفنه انتقلت للشغل الثقيل

اصحاب الأبل مايتكلمون الا بعشرات الملايين ثمن ناقه ماتسوى خمسمية ريال

لذلك الفلوس عندهم زي الرز .


اذا بتخرفن مفلس بكوب قهوه بعشرين ريال اوشحن بطاقة سوا بخمسين ريال فالأفضل تخرفن
راعي الذود بمئات الآلاف واطقم ذهب وألماس.

كلمااات
11-10-20, 08:53 AM
يالله الدنيا ايش سار فيها

جرأتها تخوف
الله يقرفها كانها رجال منقب

لكن اللي لفتني لمة كل هالرجال حولها ويصورون !!!
الرجال ايش صاير فيهم ؟!!
حرمه وحده تلم كل هالاشناب حولها ؟؟!!!

فين الرجوله والنخوه والدين مالت عليهم الله يفرق جمعهم المخيس
اتفوووو على كذا ذكور

الرجال الي متجمعين حولها كلهم ملثمين
مادري هم خايفين من كورونا ولا من حريمهم :SmileyBunny:

إرتكاز
11-10-20, 08:54 AM
الرجال الي متجمعين حولها كلهم ملثمين
مادري هم خايفين من كورونا ولا من حريمهم :SmileyBunny:

(q39)

... بنت الجنوب ...
11-10-20, 10:00 AM
...


وآآآآآآآآآآآآآآآآو


https://a.top4top.io/p_17458ksno1.jpg




أقول عسآس

مآتعرف نآقه أشتريهآ بـ 50 ريآل
وأروح أبيعهآ عليهم بـ 500 ألف


https://b.top4top.io/p_1745gm3rq2.jpg

مخزخز
11-10-20, 11:28 AM
الموضوع لسنا ضد عمل المرأه كما يعتقد البعض
امهاتنا باعو وشرو في كل شي ماشفنا التجمهر هذا عليهم
واخواتنا باعو وشرو ماصار اللي صار .
الشرهه ماهي على المسكينه المغرر بها
الشرهه على الجباوه اللي متلطمين ويلاحقونها
كنهم ماشافو حرمه بحياتهم .
الحمد لله على كل حال والله يعافيها ولايبلانا .

الشيخـــــه شجـــــون
11-10-20, 06:41 PM
الرجال الي متجمعين حولها كلهم ملثمين
مادري هم خايفين من كورونا ولا من حريمهم :SmileyBunny:

هالاشكال تحتار فيهم كورونا اكيد من الفضايح من شافوا العبايه

نسيوا كورونا وحظر التجمع والناقه نفسها :SmileyBunny:

riiima
12-10-20, 12:58 AM
الرجال الي متجمعين حولها كلهم ملثمين
مادري هم خايفين من كورونا ولا من حريمهم :smileybunny:

🤣

riiima
12-10-20, 12:59 AM
...


وآآآآآآآآآآآآآآآآو


https://a.top4top.io/p_17458ksno1.jpg




أقول عسآس

مآتعرف نآقه أشتريهآ بـ 50 ريآل
وأروح أبيعهآ عليهم بـ 500 ألف


https://b.top4top.io/p_1745gm3rq2.jpg





كاني بديت اطمع مثلك 😅

الميسم
12-10-20, 02:51 AM
الموضوع لسنا ضد عمل المرأه كما يعتقد البعض
امهاتنا باعو وشرو في كل شي ماشفنا التجمهر هذا عليهم
واخواتنا باعو وشرو ماصار اللي صار .
الشرهه ماهي على المسكينه المغرر بها
الشرهه على الجباوه اللي متلطمين ويلاحقونها
كنهم ماشافو حرمه بحياتهم .
الحمد لله على كل حال والله يعافيها ولايبلانا .

محد عليه شرهه هنا لا هالمغرر بها ولا هالذكور اللي تلطموا وحاموا حولها !

الدعوه كلها تجيب الاحباط !


هي لو ما جت وسط مكان معروف انه للرجال وبس كان محد اضطر يتلطم عشان يخوض مع الخائضين

وهم لو ما شافوا هالمنظر المستنكر كان محد التفت ولا احتاجوا يتلطمون عشان يدارون خيبتهم عن الكاميرا اللي بتصيدهم

الغريب انهم يصورون مع ان المشهد مخزي للكل !!


والغريب بعد انه فيه ناس تدافع عنها !

أنا ما اظن فيها اي شي ولا اتهمها باي شي وحاشا لله

لكن المرأة اللي تكون في وسط عدد مهول من الرجال وعادي عندها بصراحه شي يثير الاستغراب

فطرة المرأة وطبيعتها تخليها تخجل من أنها تخترق صفوف رجال حتى تعبر من خلالهم

فكيف تكون وسطهم وتاخذ وتعطي معهم ؟!

هالشي مستنكر عندنا جدًا جدًا بغض النظر عن اي شي ثاني !