المساعد الشخصي الرقمي

مشاهدة النسخة كاملة : تفضلو على العشاء ...


مخزخز
07-10-20, 11:02 AM
السلام عليكم ..

جرت العاده عندنا اي مولود يأتي ولد او بنت
يذبح ابو المولود ذبيحتين
ويعزم ربعه وجماعته ويعلمهم انه جاه مولود وفرحه .
واجهت انتقادات من الاخوان والاخوات بعد ماسنيت
سنه جديده وطبعا بمشورة ام نوره ..
جبت لي خروفين كل واحد كنه عجل وذبحتهم
ووزعتهم هلى الرفاقه والاخوان والمحتاجين
واحتسبتها صدقه لوجه الله .. وصارت سالفه طويله
يسولفون بها العربان ...وطلعت اشاعات وعلومن واجده
انه مافرح ببنته وانه مايبي البنات ومن سوالف النسوان .
لكن يشهد علي الله ان النوري تسوا الدنيا ومافيها بقلبي ..
اعتقد ان العادات الباليه تنتصر دائما والدليل ما امر به من نكد ..
الناس مايعجبها شي ابدا مهما سويت ..
مدري ليش يأثر فينا كلامهم ويضيق صدورنا وينكد علينا
واحنا نعرف ان كلامهم لايقدم ولا يأخر ...
حاولت اتجاهل ماقدرت كل ماشفت وجه النوري احس بالذنب
ليش ماسويت لها عشا وحفله كلا يسولف بها ..

مخزخز
07-10-20, 11:08 AM
هناك عادات قبليه تجيب لك الحرج .

اذكرمره سافرت مع احد الاصدقاء لاهله
وبلغهم ان معي شخص من قبيله ثاني انا مادري انه مبلغهم
ويوم وصلنا الينهم مسوين عشا لي وعازمين ربعهم
وحاولت احلف واقلو لخويي يابن الحلال ماهي بيننا هالعلوم
نمون على بعض خل الامور بساط احمدي وترك الرسميات .
قال ابد هذولا اخواني وابوي وهذا سلمنا ..
ويوم قلطت هلى العشا اليني لحالي وخوي واقف على راسي ويرحب ويهلي
قلت ياولد اجلس معي ولا خل الناس تدخل تعشا
قال والله ان اي واحد ياكل مع الضيف عليه مدري وش قال
واجلس مثل الطير لحالي والله مدري انا تعشيت او ماتعشيت .
لاعاد الله عشا ..

وهنا تنتصر العادات الباليه على النفس ورغبتها .

مخزخز
07-10-20, 11:09 AM
بما اني من قبيله معروفه بتعصبها القبلي
كيف نقنع كبار القوم ان مايمارسونه خطأ عرفا ودينا .

السؤال جلست يوم كامل اصيغه وحفظته في الملاحظات علشان اسألكم
قدرو التعب والمجهود .. ليستفد منه الجيل القادم ..

نجمة المنتدى
07-10-20, 02:17 PM
هم البدو عندهم عادات تحوم التسبد😅
اجل الضيف ياكل لحاله ليش جايكم من الصومال؟؟


فعلا فيه عادات يجب انه تنقطع .. انا والله احاول ابتر كثير من خرافات الاولين بس عندي رجل يهوشن😏


مصيرنا نتغير ...


ليش ماحطيت عشا رسمي للنوري؟ انا التميمه ماحب اوزع قطع لحم تقل فقرا... اقوم عشا رسمي خل ياكلونه على عز ومعزه...

والتميمه عندي ثنين للبنات ماقدر احط وحده ماتواجه❤❤❤

عساس الحيا
07-10-20, 03:16 PM
بما اني من قبيله معروفه بتعصبها القبلي
كيف نقنع كبار القوم ان مايمارسونه خطأ عرفا ودينا .

السؤال جلست يوم كامل اصيغه وحفظته في الملاحظات علشان اسألكم
قدرو التعب والمجهود .. ليستفد منه الجيل القادم ..

وماهي قبيلتك حتى نصنف تلك العادات هل هي متجذرة او مجرد من فئات معينة

عساس الحيا
07-10-20, 03:19 PM
والتميمه عندي ثنين للبنات ماقدر احط وحده ماتواجه❤❤❤

تميمة البنت واحده وليست اثنتين (z)
ياحسين ياعلي يامهدي ياكاظمي (q104)(q104)

جامعي faisal
07-10-20, 03:31 PM
غريبه عاداتكم. اليوم لو تصخن والا تطير ماحد درا عن
مب يدرون عن خروفين ذبحتهن

روعة ملاكـ
07-10-20, 04:07 PM
بالعكس من فرحتك بها ذبحت لها خروفين ليه يضيق صدرك
بتحبي النوري وانحر لها ناقه
وبتطلع اسنانها واذبح لها اربع خرفان
وبتعرس وضيف العربان علي 50 راس
وبتسوق النوري وتشري لها اخر واطلق سياره
وبتدرس وتخرج وياما وياما من حفلات 🌹🎂
العمر قدامك والافراح كثيره الله يبلغك اياها
لاتفكر بكلام الناس استمتع ببنتك
وبيجيك عيال وبنات وبتسعد بهم وجعلهم من البارين بك
لو بترضي الناس من بترضي من بتخلي ووش يرضيهم
جعلهم مايرضون اهم شي سعادتك مع مملكتك الصغيره 🌺

روعة ملاكـ
07-10-20, 04:31 PM
<<<
عساس هي وحده ينويها تميمه
والثانيه زياده عشان تكفي الجماعه << تكون صدقه
بعضهم جماعتهم كثير
لو ماشملهم زعلوا ولو شملهم جابوا العذاريب
هذاهوا عطاهم ولا سلم منهم جعلهم مايرضون

الميسم
07-10-20, 05:10 PM
بما اني من قبيله معروفه بتعصبها القبلي
كيف نقنع كبار القوم ان مايمارسونه خطأ عرفا ودينا .

السؤال جلست يوم كامل اصيغه وحفظته في الملاحظات علشان اسألكم
قدرو التعب والمجهود .. ليستفد منه الجيل القادم ..

ماتقدر تقنعهم بالكلام لو قعدت تكلمهم دهر

أنا أقولك وش تسوي

كل فكرة وعاده وتقاليد أنت موب مقتنع فيها غيرها باللي مقتنع فيه فعل وليس قول

بتوصلك انتقادات وشرهات مثل ماصار هالمره بس ماعليك حاول بقدر المستطاع انك تتجاهل

بتتعب نفسيًا شوي مافيه شك لكن كل ما تجاهلتهم بتحس باستقلاليتك وبتسوي اللي مقتنع فيه وماعليك منهم

اهم شي اللي تسويه مايضر على دينك أما العادات والتقاليد اضرب بها الحائط دامها خانقتك وتسير عكس اتجاهك

عمر ما يسنه البشر يكون قانون وشرع وعلينا الإلتزام به

ولو التزمنا فحنا نتصف بالتبعيين !


الله يعينك أكيد بتكون التجارب عليك أصعب باعتبار أن مجتمعكم بدوي ومعروف البدو صعب يتخلون عن العادات مهما كانت خصوصًا كبار السن

في البداية بيخرجونك من الملة وصدقني مع الوقت ومع كثر ما يشوفون منك من تغيير لكل فكره وعاده ماتعجبك

بيعتادون هالشي منك وبعدين بتلاحظ فيه شباب بيتبعون طريقك لأنهم يبون كذا بس متدارين خلف العادات اللي يظنون الخروج منها خروج على الدين هههههه


ترى العادات من اسمها ( عاده ) يعني مع التوارث اعتادوا عليها

خلاص اكسر انت اللي ما يعجبك وتعود على غيرها وبيتعودون عليك وبتعجبهم مع الوقت



خلك على فكرك هذا والله صدقني أنت الصحّ 👍🏻

عساس الحيا
07-10-20, 05:15 PM
بالعكس من فرحتك بها ذبحت لها خروفين ليه يضيق صدرك
بتحبي النوري وانحر لها ناقه
وبتطلع اسنانها واذبح لها اربع خرفان
وبتعرس وضيف العربان علي 50 راس
وبتسوق النوري وتشري لها اخر واطلق سياره
وبتدرس وتخرج وياما وياما من حفلات 🌹🎂
العمر قدامك والافراح كثيره الله يبلغك اياها
لاتفكر بكلام الناس استمتع ببنتك
وبيجيك عيال وبنات وبتسعد بهم وجعلهم من البارين بك
لو بترضي الناس من بترضي من بتخلي ووش يرضيهم
جعلهم مايرضون اهم شي سعادتك مع مملكتك الصغيره 🌺

اللي فهمت من نجمة ان البنت يذبح لها ثنتين
لازم نصلي عليها صلاة الميت (z)

غريب الماضي
07-10-20, 05:55 PM
بيض الله وجهك أحسن ماسويت
وأنا مقتنع أوزع التمايم على الناس
والفقراء أحسن من أعزم ربعي
والله يبارك لك برزقك وذريتك

الشيخـــــه شجـــــون
07-10-20, 05:58 PM
طنش قول وزعتها عاللي بحاجتها
اذا الكل بيسير على نهج ربعه ماراح تندثر هالعادات
انت مخير في انك تعزم عليها او توزعها

اهم شي اذا جاك الولد تعدل في التصرف وماراح يلحقك ذنب ولا لوم

عساس الحيا
07-10-20, 06:31 PM
بما اني من قبيله معروفه بتعصبها القبلي
كيف نقنع كبار القوم ان مايمارسونه خطأ عرفا ودينا .

السؤال جلست يوم كامل اصيغه وحفظته في الملاحظات علشان اسألكم
قدرو التعب والمجهود .. ليستفد منه الجيل القادم ..

صعب تقنع كبار السن
ولكن الافضل تميمة تعزم عليها
وتميمة توزعها على الفقراء
واذا بنت الافضل تقطعها وتوزعها على الفقراء

سليمان١٣
07-10-20, 08:09 PM
زين ما سويت خيرها يعم كل بيت

الناس قدام بعض تعمل فيها لكن ف الحقيقة الود ودها كذا خصوصا ان الوضع الحين مايساعد

بالنسبة لي اخر همي الجماعة وكلامهم
للي يحشمني منهم الحشمة والتقدير واللي مسوي فيها اعتبره جني يشوفني ولا اشوفه

الحياة بنعيشها مره تبيني اضيعها ع خرابيط الجماعة ياعمي بقريح هم ووجهات نظرهم

انا اشوف ان اول تحرر للانسان هو تحرره من قيود الجماعة البالية

وقت اللزمة خلك اول واحد لكن حياتي مستحيل اخلى احد يفصلها لي مثل مايبي

وعلم وسلامتك .

سليمان١٣
07-10-20, 08:12 PM
صعب تقنع كبار السن
ولكن الافضل تميمة تعزم عليها
وتميمة توزعها على الفقراء
واذا بنت الافضل تقطعها وتوزعها على الفقراء

ماهو لازم يقتنع اعمل اللي فراسك مره مرتين يعرفون قانونك ويتجنبون الخوض معك في امورك الخاصه

الشياب بعضهم وده يقودك مثل قود المعيز ولو رايه اعوج مثل حنكه

لازم يكون لك رايك انت رجل مفروض تقدح من راسك خصوصا في امورك الخاصه

سليمان١٣
07-10-20, 08:16 PM
بيض الله وجهك أحسن ماسويت
وأنا مقتنع أوزع التمايم على الناس
والفقراء أحسن من أعزم ربعي
والله يبارك لك برزقك وذريتك

تبي الصدق ما احس بفضل اي وليمة ان ما اكل منها الفقير

عندنا في المآتم بعد نهاية كل يوم عزاء غالبا يكون فيه صدقة عشاء عن المريض

اكثر وجبة انبسط فيها من حيث الاجر لان الكل ياكل منها الكبار الصغار عمال النظافة اي واحد مار مع الشارع يدعو لها ...

المتحد
07-10-20, 10:36 PM
فعلك طيب
اذا كنت ذا رأياً فكن ذا عزيمة
ومن سن سنة حسنة فله اجرها واجر من عمل بها
.

الفرزدق الأخير
08-10-20, 12:58 AM
بما انك تساءلت يارعاك الله فلك اقول :

انت بن مجتمعك .. ومثل مايسوون الناس حولك سو مثلهم
واترك عنك اعتقادات المثقفين والملتزمين القدامى واني افكر واني
ارى واعتقد .. وتوفير واقتصاد
خلك على عروبتك وسلمك
شغلات اوزع الذبائح وش نفعتك فيه
مااحد درا عنك انت وباغاتك اللي وزعتها :)
ابراهيم عليه السلام ابو الناس كانت ناره مشبوبه يشوفها الركبان
وعلى عاداته وسلمه وكرمه ماقال اوزع العجل على جيراني

:)
ماادري منهو اللي فهم الاجيال ان سلوم اهلنا وكبار القوم
" اخطاء يجب تغييرها" ؟!

... بنت الجنوب ...
08-10-20, 03:24 AM
...

والله لو تموت بعد عمر طويل إن شآءالله
مآظنيت أحد يذكرك منهم ويقول الله يرحمه
وإلآ يتصدق عنك
إذاً
وش عليك منهم ومن كلآمهم ؟
صرآحه أستغرب لمن أقرآ كلآم إنه يأثر فيكم كلآم النآس
إللي فيه حشريه بـ أموركم الخآصه
لأنه طآلمآ إنت م أخطيت ع أحد منهم
مآلهم شيء عندك
محد يمشيك ع كيفه ويعطيك أوآمر وش تسوي ومآتسوي


.