المساعد الشخصي الرقمي

مشاهدة النسخة كاملة : قطع الله هالماركة


سليمان١٣
29-09-20, 11:37 AM
من اكثر الاشياء التى امقتها وتصيبني بالقرف والاشمئزاز الاستهتار واللامبالة وبالذات عندما يتعلق الامر بحقوق الاخرين

وللاسف هذا الامر مشاهد لدينا وبكثرة واني لاظن بل وازعم ان الغلاء الفاحش والمرهق الذي نعيشه من احد اسبابة اللامبالة والاستهتار المعيشي الذي يعيشه الكثير منا


عموما ان الله لايغير مابقوم حتى يغيروا مابانفسهم


مناسبة هذا الحديث

المناسبات واجد ولا حصر لها ولكن لفت نظري هذا الاستهتار الاحمق والغير مسؤول في الارواح والممتلكات من قبل هذه الفتاة الحمقاء

مالكم بالطويلة اتركم مع هذا المقطع ولكم حرية التعليق فيمابعد

https://youtu.be/KJNZaWURB9A

الميسم
29-09-20, 01:26 PM
معقوله بتكون قاصده تسوي كذا ؟!

شكلها ماتعرف تسوق والشرهه موب عليها على اللي معاها شلوون يخاطرون بحياتهم كذا !

هذي مين مصرح لها تمسك السياره مين معطيها الرخصه !

المفروض العقاب يبدا من اعلى الهرم

مو كل البنات اللي ساقوا يتقنون القيادة وأرواح العالم قبل الممتلكات ماهي لعبه

هذي قياده !!

بيجيبونها وبتلاقي جزاها وبيجيها درس يعلمها شلون تخاطر بروحها وارواح العالم !


شي غريب والله !

داعي الشوق
29-09-20, 01:31 PM
وش استهتاره وحماقته الله يهديك !!
الحمدلله على سلامتهم

انك تتعلم قيادة السيارة مو سهل لهدرجة
ولايكون بيوم وليله

والبنت ماتنلام .. شكلها ارتبكت، ويمكن ما امّنت السيارة زين وجت رجلها ع الدواسة من الربكه ..

او اللي راكبين معها خرشوها وفقدت التركيز ..
سواقة توه متعلم .. ولانسميها او نحكم عليها بحماقة او عدم مبالاة

سليمان١٣
29-09-20, 02:28 PM
وش استهتاره وحماقته الله يهديك !!
الحمدلله على سلامتهم

انك تتعلم قيادة السيارة مو سهل لهدرجة
ولايكون بيوم وليله

والبنت ماتنلام .. شكلها ارتبكت، ويمكن ما امّنت السيارة زين وجت رجلها ع الدواسة من الربكه ..

او اللي راكبين معها خرشوها وفقدت التركيز ..
سواقة توه متعلم .. ولانسميها او نحكم عليها بحماقة او عدم مبالاة
استهتار ونص

هي ماخبطت في جدار ولا سيارة متحركة

داخله محطه يعني بشويش تمشي (الهوينا)

هذا يسمونها روعنة وحماقة واستهتار منها ومن اللي مكانها من القيادة اين كان

حياة الناس ماهي لعبة عشان تتعلم فيهم انفجار محطة لا قدر الله تعرف وش اضراراه ؟!!

مافيه اي داعي للتبرير لها

مافيه شي اسمه شكلها ارتبكت الارتباط مايجي الا من السائق الغشيم وبهذي الصدمة واضح انها ماتعرف تسوق ابد

السؤال الابرز

ليش تعرض حياة الاخرين للخطر بالنسبة لها طز فيها هي وحياتها .

لذلك لا تبرر لها لانك بتبريرك البسيط والجاهل هذا تشاركها نفس الاستهتار والعجلة تدور ولا احد يتعض ويتعلم والمشافي تمتلي من مصابين الحوادث والدولة تخسر على اثر هذه التصرفات الهوجاء مليارات واللي يموت ترمونه ع القضاء والقدر واللي بعده ويلا ...

سليمان١٣
29-09-20, 02:45 PM
معقوله بتكون قاصده تسوي كذا ؟!

شكلها ماتعرف تسوق والشرهه موب عليها على اللي معاها شلوون يخاطرون بحياتهم كذا !

هذي مين مصرح لها تمسك السياره مين معطيها الرخصه !

المفروض العقاب يبدا من اعلى الهرم

مو كل البنات اللي ساقوا يتقنون القيادة وأرواح العالم قبل الممتلكات ماهي لعبه

هذي قياده !!

بيجيبونها وبتلاقي جزاها وبيجيها درس يعلمها شلون تخاطر بروحها وارواح العالم !


شي غريب والله !

لا طبعا هي مو قاصده لكن الجاهل يجيب لك نفس نتيجة المتقصد

والله هذا المفروض حياة الناس مو لعبة

لازم تتحاسب هي واللي صرح لها وش ذنبي امشي في امان الله وتجي وحده جاهله مثل هذي وتفقدني حياتي او صحتي او حياة وصحة من معي او حتى تخسرني ماليا

نسافر بلدان ونجلس فيها بالاسابيع وتمر الايام ولا تشوف حادث واحد لان الكل ملتزم و وعارف حدوده الا هنا

كل واحد يحسب ان الخط خط ابوه يمشي متى مابغي يمشي ويوقف متى مابغي يوقف ويتجاوز متى مابغي بدون اي احترام لحقوق الاخرين

ويجونك السواقين ماعرف في بلده الا الدراجة واسبوع ولاهو ماسك خط والحين ابتلينا بالحريم وكان شوارعنا ناقصة مجانين ومهسترين !

والمرور شغال حصالة للاسف وجرد نفسه من جل مسئولياته

المفروض كل الظواهر السلبية في القيادة تتابع ويعاقب عليها اي مستهتر

مو تجلس لي جنب بركسي وتجلس تصيد في الخلق هذا رخصته منتهيه وهذا استمارته ماجددها وهذا ماعنده تامين

فعل البوليس السري في كل الاوقات شغل الشباب العاطل بنظام الساعات ومن القسايم المحصلة تصرف لهم راوتبهم

نظم الشوارع راقب المواقف خطوط المارة عند الاسواق المساجد والاماكن المزدحمة بالذات هذي فيها ملايين تقدر تحصلها من وراء المستهترين اللي يرمي سيارات فنص الطريق ولا يبالي باحقية الطريق
وكله بالساعات وشباب جدد مو تجيب لي من الشياب المنتيهن العسكر المتقاعدين وترجع تتعاقد معاهم من جديد !

المتحد
29-09-20, 02:49 PM
اتوقع تعلم وحدة معها وصارت الكارثة
المفروض يكون برا بمكان مفتوح
.

سليمان١٣
29-09-20, 02:59 PM
اتوقع تعلم وحدة معها وصارت الكارثة
المفروض يكون برا بمكان مفتوح
.

شكلها كذا وهذا من قوة الاستهتار لان اساسا هي مو متعلمة

قبل كم يوم شايف وحده خارجه من محطه وداخله ع المسار الثاني عدل تركت اليمين مع انه مو من حقها تدخل الا بعد ماتوقف
هذي عدل دخلت لاني شايفها امامي شايف حتى نظراتها وين هههه

والله بس ربك ستر لان الشارع خلقه مزدحم وسريع

والله انا الحين امشي واهتم بالخلف مثل ما اهتم للامام

ماعاد تدري كيف ترجع لبيتك سالم من قوة الاستهتار الموجود ف الشوارع

عساس الحيا
29-09-20, 03:58 PM
وللاسف هذا الامر مشاهد لدينا وبكثرة واني لاظن بل وازعم ان الغلاء الفاحش والمرهق الذي نعيشه من احد اسبابة اللامبالة والاستهتار المعيشي الذي يعيشه الكثير منا
https://youtu.be/KJNZaWURB9A
وش دخل الغلاء الفاحش والمرهق في سيارة تدخل في محطه
دائما شجاعتنا على المجتمع

الحرمه من فتح لها المجال قبل التدريب التطويل والدقيق في القيادة
ترى الرخصة ليست دليل على تمكن الشخص من القيادة

حنا اول ماتعلمنا سنه على ونيت تعشيق
بالبر نسوق في كل كشته ثم سنه بالحاره مانطلع منها .. من البقاله للبيت
وحبه حبه حتى دخلنا الزحمه داخل المدينه
سنتين نتعلم قبل ندخل الزحمه والمدن

اما بعض الحريم تعلم خلال اسبوع واسبوعين دراسة في دله ثم دق القير في D وحرك

بعدين انت لو كلامك هذا في التويتر كان اتهموك بالفكر الاخواني اللي اشغلتنا فيه بالمنتدى(asj)

كلمااات
29-09-20, 04:14 PM
مادري هو لأنها بنت هذا الهجوم ؟؟؟
شفت كذا مقطع لسيارة يسوقها رجل يمشي وخرطوم البنزين في السيارة
باقي العامل ما سحبه هذا من اي ماركة ؟؟

الحمدلله ربي سلمهم

جامعي faisal
29-09-20, 04:59 PM
وش استهتاره وحماقته الله يهديك !!
الحمدلله على سلامتهم

انك تتعلم قيادة السيارة مو سهل لهدرجة
ولايكون بيوم وليله

والبنت ماتنلام .. شكلها ارتبكت، ويمكن ما امّنت السيارة زين وجت رجلها ع الدواسة من الربكه ..

او اللي راكبين معها خرشوها وفقدت التركيز ..
سواقة توه متعلم .. ولانسميها او نحكم عليها بحماقة او عدم مبالاة

تتعلم تروح بمخطط او مكان فاضي. مب عند محطه وقود

سليمان١٣
29-09-20, 05:02 PM
مادري هو لأنها بنت هذا الهجوم ؟؟؟
شفت كذا مقطع لسيارة يسوقها رجل يمشي وخرطوم البنزين في السيارة
باقي العامل ما سحبه هذا من اي ماركة ؟؟

الحمدلله ربي سلمهم


ماعندي مشكلة مع قيادة الحريم ولا عمري كتبت حرف ضدهم في هذا

بستناء تخوفي من زيادة اعداد المستهترين وهذا ما حصل للاسف والدليل هذا الحادث البدائي جدا والذي يثبت ان الطارة كان خلفها حمارة وليس انسانه

بالنسبة للي شفتيه هذا نوع من انواع الاستهتار ويستحق صاحبه اشد انواع العقاب

قبل كم ركب معي ولد اختي وهو فعمري تقريبا

المهم لما وصلت عن المحطة كالعادة طفيت المكيف ومن بعده طفيت السيارة
الجو كان حار عشان كذا استغرب من حركتي بغضب انه ليش تطفيها

قلت له من عرفت القيادة وانا اطفيها زاد استغرابه استغراب وغضب

وانت موسوس ومدري وش قلت له السلامة اولا وكلها كم دقيقة ونشغل ماراح تموت يعني

الدفاع المدني عند كل محطة يقولك طفي المحرك عند التعبئة

الخطاء نادر الحدوث ولكنه قد يحدث في مره من المليون واكثر

انا من الناس اللي اهتم لادق تفاصيل السلامة

بتقولين عني موسوس مثله بكيفك هذا انا وما راح اتغير باذن الله لاني اكره الاستهتار واللامبالة عشان كذا ممكن تشوفين حرفي حار ع هذي السائقة الحمقاء .

سليمان١٣
29-09-20, 05:03 PM
تتعلم تروح بمخطط او مكان فاضي. مب عند محطه وقود

احسنت ان شاء الله تروح صحراء مو مشكلة اهم شي ما تتسبب في ضرر نفسها والاخرين

سليمان١٣
29-09-20, 05:18 PM
وش دخل الغلاء الفاحش والمرهق في سيارة تدخل في محطه
دائما شجاعتنا على المجتمع

الحرمه من فتح لها المجال قبل التدريب التطويل والدقيق في القيادة
ترى الرخصة ليست دليل على تمكن الشخص من القيادة

حنا اول ماتعلمنا سنه على ونيت تعشيق
بالبر نسوق في كل كشته ثم سنه بالحاره مانطلع منها .. من البقاله للبيت
وحبه حبه حتى دخلنا الزحمه داخل المدينه
سنتين نتعلم قبل ندخل الزحمه والمدن

اما بعض الحريم تعلم خلال اسبوع واسبوعين دراسة في دله ثم دق القير في d وحرك

بعدين انت لو كلامك هذا في التويتر كان اتهموك بالفكر الاخواني اللي اشغلتنا فيه بالمنتدى(asj)

يعني لازم نغلط ع الحكومة عشان نظهر في نظر امثالك ابطال !

ياحببيي اقولها لك مو كبر والله العظيم لكن انت تفكيرك بسيط وصعب انه يفهم امور متشعبة زي كذا ولو حاولت تفهمه ماراح يفهم لانه راضي بعقله مثل كثير مثله

عموما الامر تراكمي لا تحسب ان الامور تجي اعتباط ولا فجاة
فكر فيها زين ولعلها تضبط معك

بالنسبة لكلامك هذا يسري على الجميع ماله علاقة بحريم حتى السواويق يجون ماهم عارفين شي وياخذون رخصه بعد 10 ايام بالكثير

الشباب نفس الشي

الغلط في الالية المتبعه مو ف الفئة

وفي هذي انا اتفق معك تماما انه مفروض مايخذ الرخصة الا من بعد مايتكمن تماما من القيادة ومن حفظ وفهم كل مايتعلق بها
ان شاء الله يرسب الف مره مو مشكله .

كلمااات
29-09-20, 05:31 PM
ماعندي مشكلة مع قيادة الحريم ولا عمري كتبت حرف ضدهم في هذا

بستناء تخوفي من زيادة اعداد المستهترين وهذا ما حصل للاسف والدليل هذا الحادث البدائي جدا والذي يثبت ان الطارة كان خلفها حمارة وليس انسانه

بالنسبة للي شفتيه هذا نوع من انواع الاستهتار ويستحق صاحبه اشد انواع العقاب

قبل كم ركب معي ولد اختي وهو فعمري تقريبا

المهم لما وصلت عن المحطة كالعادة طفيت المكيف ومن بعده طفيت السيارة
الجو كان حار عشان كذا استغرب من حركتي بغضب انه ليش تطفيها

قلت له من عرفت القيادة وانا اطفيها زاد استغرابه استغراب وغضب

وانت موسوس ومدري وش قلت له السلامة اولا وكلها كم دقيقة ونشغل ماراح تموت يعني

الدفاع المدني عند كل محطة يقولك طفي المحرك عند التعبئة

الخطاء نادر الحدوث ولكنه قد يحدث في مره من المليون واكثر

انا من الناس اللي اهتم لادق تفاصيل السلامة

بتقولين عني موسوس مثله بكيفك هذا انا وما راح اتغير باذن الله لاني اكره الاستهتار واللامبالة عشان كذا ممكن تشوفين حرفي حار ع هذي السائقة الحمقاء .

كلهم مستهترين ومع هذا
كتبت عن البنت : خلف الطاره حماره
وعن الرجل : صاحب

هههههههههههههه ولا عمرك كتبت حرف ضدهم لكن تتعنصر عليهم


تصرف سليم تطفي السيارة كل البنات الي اروح معهم يطفون السيارة اذا بيعبون بنزين
شاطرات ويطبقن الأمن والسلامه
اما انت احتمال موسوس

سليمان١٣
29-09-20, 05:42 PM
كلهم مستهترين ومع هذا
كتبت عن البنت : خلف الطاره حماره
وعن الرجل : صاحب

هههههههههههههه ولا عمرك كتبت حرف ضدهم لكن تتعنصر عليهم


تصرف سليم تطفي السيارة كل البنات الي اروح معهم يطفون السيارة اذا بيعبون بنزين
شاطرات ويطبقن الأمن والسلامه
اما انت احتمال موسوس

ههههه لا ماني موسوس انا بس انسان احب الدقة وعمل الشى باتقان حتى في مجال عملي ولو كنت مو مقتنع فيه اعمله زي ماهو مطلوب مني

كذا قناعتي وكذا متعود عشان كذا بشوفها عاديه وانت مستغربه وتميلي لرميي بالوسوسه هههه

لا بس انا اشوف بعضهن فيهن دلاخة ع عدم مبالة ع صفاقة

مثال
شفت مقطع لوحده تسب وتلعن ف اللي واقف جنبها في المواقف

مع انها موقفه بشكل خطا داخله ع الموقف الخاص بسيارة الشخص اللي تسبه

شفتي عبط واستهتار اكثر من كذا🤣

عساس الحيا
29-09-20, 05:52 PM
يعني لازم نغلط ع الحكومة عشان نظهر في نظر امثالك ابطال !

ياحببيي اقولها لك مو كبر والله العظيم لكن انت تفكيرك بسيط وصعب انه يفهم امور متشعبة زي كذا ولو حاولت تفهمه ماراح يفهم لانه راضي بعقله مثل كثير مثله

عموما الامر تراكمي لا تحسب ان الامور تجي اعتباط ولا فجاة
فكر فيها زين ولعلها تضبط معك

بالنسبة لكلامك هذا يسري على الجميع ماله علاقة بحريم حتى السواويق يجون ماهم عارفين شي وياخذون رخصه بعد 10 ايام بالكثير

الشباب نفس الشي

الغلط في الالية المتبعه مو ف الفئة

وفي هذي انا اتفق معك تماما انه مفروض مايخذ الرخصة الا من بعد مايتكمن تماما من القيادة ومن حفظ وفهم كل مايتعلق بها
ان شاء الله يرسب الف مره مو مشكله .
المسؤول اذا اخطا يتحمل خطاه ويجق لك نقده ولا ماوصل الفساد بالميارات الا مجاملتك انت وامثالك لبعض المسؤولين
اخرها قبل اسبوعين ثلاث او اربع مسؤولين من البلدية حصلوا عندهم ملايين كاش بالمنازل وفساد مالي وعقارات تفوق الوصف
من اوصل هؤلاء الفاسدين الى هذه المرحله ياسليمان باشه

انت همك قيادة المراه حتى تقضي حوائجها او همك المصلحه الماليه من ورى المراه من تأمين وزيادة شراء السيارات وغيرها من المصالح
اذا هذا فكرك ياسليمان ماراح نقضي على الفساد ولا نقضي على الاخطاء الادارية الفادحه

انا افهمك ياسليمان
لو اللي بالفديو عشرينيات كان حطيت الخطأ على المحطة !!
بس لانهن اربيعينات صرت ضدهن


hmAiNWlXmE4
شكلك تبيهم يوقفون عند المحطه كذا

داعي الشوق
29-09-20, 11:18 PM
استهتار ونص

هي ماخبطت في جدار ولا سيارة متحركة

داخله محطه يعني بشويش تمشي (الهوينا)

هذا يسمونها روعنة وحماقة واستهتار منها ومن اللي مكانها من القيادة اين كان

حياة الناس ماهي لعبة عشان تتعلم فيهم انفجار محطة لا قدر الله تعرف وش اضراراه ؟!!

مافيه اي داعي للتبرير لها

مافيه شي اسمه شكلها ارتبكت الارتباط مايجي الا من السائق الغشيم وبهذي الصدمة واضح انها ماتعرف تسوق ابد

السؤال الابرز

ليش تعرض حياة الاخرين للخطر بالنسبة لها طز فيها هي وحياتها .

لذلك لا تبرر لها لانك بتبريرك البسيط والجاهل هذا تشاركها نفس الاستهتار والعجلة تدور ولا احد يتعض ويتعلم والمشافي تمتلي من مصابين الحوادث والدولة تخسر على اثر هذه التصرفات الهوجاء مليارات واللي يموت ترمونه ع القضاء والقدر واللي بعده ويلا ...



نقول حماقة وقرف واشمئزاز واستهتار ولامبالة، هذا اذا صار اللي يسوق انت زاتو .
.. نشره عليك لأنك منت جديد على السواقه .. ومنت غشيم نعذرك

لكن اذا حصل من شخص توه ماخذ الرخصة امس .. لاتلومه

اللوم على اللي علمه ودرسه واختبره وعطاه النتيجة ناجح .

اتمنى المعلومه وصلتك وفهمت .

سليمان١٣
29-09-20, 11:59 PM
نقول حماقة وقرف واشمئزاز واستهتار ولامبالة، هذا اذا صار اللي يسوق انت زاتو .
.. نشره عليك لأنك منت جديد على السواقه .. ومنت غشيم نعذرك

لكن اذا حصل من شخص توه ماخذ الرخصة امس .. لاتلومه

اللوم على اللي علمه ودرسه واختبره وعطاه النتيجة ناجح .

اتمنى المعلومه وصلتك وفهمت .
ابشرك وصلت ههه

ياحبيبي مع احترامي منطقك غير مسؤول ولو بيني وبينك سفراء كان سحبتهم للتشاور هههه

يارجل الشوارع ماهي مكان لتعلم مثل ماقال لك الجامعي تروح مخطط فاضي مليان صبات وعواميد وتعلم فيهم ع اقل من مهلها

الشوارع الرئيسية للناس المتعلمه الي ماشيه في حال سبيلها تبي توصل لاماكنها في امن وامان مو خارجه عشان تتوتر وتقلقل وتتلفت مثل المجانين مع كل سيارة ماره ...

سليمان١٣
30-09-20, 12:20 AM
المسؤول اذا اخطا يتحمل خطاه ويجق لك نقده ولا ماوصل الفساد بالميارات الا مجاملتك انت وامثالك لبعض المسؤولين
اخرها قبل اسبوعين ثلاث او اربع مسؤولين من البلدية حصلوا عندهم ملايين كاش بالمنازل وفساد مالي وعقارات تفوق الوصف
من اوصل هؤلاء الفاسدين الى هذه المرحله ياسليمان باشه

انت همك قيادة المراه حتى تقضي حوائجها او همك المصلحه الماليه من ورى المراه من تأمين وزيادة شراء السيارات وغيرها من المصالح
اذا هذا فكرك ياسليمان ماراح نقضي على الفساد ولا نقضي على الاخطاء الادارية الفادحه

انا افهمك ياسليمان
لو اللي بالفديو عشرينيات كان حطيت الخطأ على المحطة !!
بس لانهن اربيعينات صرت ضدهن


hmainwlxme4
شكلك تبيهم يوقفون عند المحطه كذا


كتبت لك رد وطار


عموما اربعينية ولا عشريتية مع السلامة ياروح مابعدك روح🤓