المساعد الشخصي الرقمي

مشاهدة النسخة كاملة : الــنــظـرة الشــرعــية ...


عبادي نت
11-09-20, 03:28 AM
سلام عليكم

...

قبل بضعة ايام قرأت في برامج التواصل الاجتماعي حملة عن موضوع النظرة الشرعية

ومطالبات بإيقافها لما فيها من كسر خاطر الفتاة في حال الإعراض عنها رغم جمالها وزينتها

فمعروف عند بعض الرجال الخقه من اول نظرة لأنه سيأتي وهي ممدوحة محمودة

لكنه يعرض بعد النظرة الشرعية

وتعدد الكلام وتشعب في هذا الموضوع

فمما قرأت :

بعض الرجال يقول ماامداني اتمقل

وبعضهم اعجبته البنت وفتح فمه لكن هو ماأعجبها

فمعلوم ان النظرة للطرفين قالت كرشه قدامه مترين ماابغاه ..

وآخر يتردد ...

وآخر يُقدِم ...

وآخر يراعي المشاعر ويأخذها لأنها يتيمه

وكثير من الحالات التي قرأتها في تويتر

في الحقيقة ان النظرة انما شُرِعت واحلها الله وسنها رسول الله صلى الله عليه وسلم

ليس لرؤية جمالها وزينتها فقط لكن في الحديث ان المغيرة بن شعبه رضي الله عنه

خطب إمرأةً فقال له النبي صلى الله عليه وسلم انظر إليها فإنه احرى ان يؤدم بينكما )


ففي النظرة الشرعية توجد إشارة تآلف قلبي بين الطرفين 🕊🕊


لذلك على الفتاة التي لايحصل لها نصيب ان لاتجزع ولا تكسر نفسها بعد النظرة

فالخيره مااختاره الله

لو كان خيراً لبقى

والمزوج رب العالمين

يعوض الله بأبرك منه



كذلك على الشاب المقدم على الزواج والي قاعد يبصبص من بيت لبيت

ان لايحرص على نقطة الجمال والشكل والجسم بشكل اساسي

يحرص على نقطة الألفة والإشارة القلبيه اثناء النظرة

إذا آلفتها وآلفتك استخر وعط نفسك اسبوع وتوكل على الله

ماخاب من استخار



....

في الختام لابد من شيله توسع صدوركم في هذا الويكند الجميل

جعل الله ايامنا وايامكم كلها ويكندات ونحن وانتم بخير وصحة وسلامة :



ليت مالي عين تدمع ولا قلباً رهيف

ودي ان الزين والشين في عيوني سوى

مؤمناً أن الله تعالى وانا عبداً ضعيف

ناوياً بي خير لو كنت مدري وش نوى

فاقد علاجاً لروحي ليا جاها نزيف

هو صحيح انسان لكن على هيئة دوى

لعن ابو من هل دمعه على فرقا وليف

والله ان فرقا الرياجيل ملعون الثوى

آه ياباباً مصفح وياسوراً منيف

ماوراك الا سنافي وعالي مستوى

لو تعرفون انه انقى من الثوب النظيف

ماكسرتوا خاطر الذيب يوم انه عوى

طحت لأجله طيح الاوراق في فصل الخريف

يوم طاحت جف ماها وطيرها الهوى

الميسم
11-09-20, 04:04 AM
أتفق معك

النظرة الشرعية مهمة جدًا واخطأ من ظن أنها تقييم للجمال لو كانت كذلك لما تزوجت كل انثى متوسطة الجمال

ونفس الشيء بالنسبة للشاب

النظرة من اسمها ( نظرة ) برأيي أنّها تُشبه الرمي من أول مرة قد تُصيب الروح الروح

وقد تخطئ ويفترقا

هي لحظات تصاحبها مشاعر لا أحد يستطيع وصفها لأن المسؤول عنها الروح وكل ما كان من أمر الروح كان غامضًا

أنا ضد كل من يدعو لإيقافها حتى في المطالبة هنا نوع ما من الغباء

أيهما الأصح

أن تنظر له وينظر لها وإن لم تتفق روحهما يتفرقا قبل ما يكون بينهما بداية

أم يتم الزواج أو حتى مجرد ملكه ثم إذا التقى بها صارت له وجهة نظر مختلفة أو هي تختلف نظرتها له ثم يحدث طلاق قبل الزواج !

أنا برأيي النظرة الشرعية رحمة قد يحدث إرتباك لكن هذا أمر نادر ولو حصل وتم الرفض غير معقول أن التأثير سيقع سواءً على الفتاة أو الشاب

إلا معدوم الثقة في نفسه لأن الأمر متعلق بالإرتياح أكثر


الزواج كل ما كان يتم بشكل تدريجي فهو بإذن الله أقرب للنجاح

نظرة

ثم ملكة تطول

ثم زواج عن قناعة ومعرفه ولو ليست تامة





أما خذوه فغلوه فهذه الزواجات وإن تمت تظل بدون رضا ولا قناعة بين الزوجين حتى لو استمرت الحياة بينهما !


أتعجب ممن يُتيح له الشرع أمر ويُبيحه وهو بانغلاق تفكيره يُحرمه !




شكرًا عبادي .

الزنقب
11-09-20, 04:22 AM
وهي للجمال أيضا
في الحديث انظر إلى عينها فإن في أعين الأنصار شيئا
وفي حديث الواهبه فصعد فيها النظر وصوبه فكأنها لم تعجبه
فقال رجل زوجنيها ان لم يكن لك بها حاجه


فليست النظره للراحه النفسيه فقط
بل لاعجاب العين عند بعض الناس
ولراحه القلب عند الآخرين


على حسب نمط الشخصيه
الحسيون يركزون على العين والحواس
العقليون يركزون على المعلومات عنها
الحدسيون يركزون على توقعاتهم وقول قلوبهم لهم
العاطفيون يركزون على راحه قلوبهم


هذه الاربع أنماط لفهم العالم ذكرها العلامه كارل يونج السويسري
تلميذ أستاذنا فرويد

عبادي نت
11-09-20, 04:34 AM
أتفق معك

النظرة الشرعية مهمة جدًا واخطأ من ظن أنها تقييم للجمال لو كانت كذلك لما تزوجت كل انثى متوسطة الجمال

ونفس الشيء بالنسبة للشاب

النظرة من اسمها ( نظرة ) برأيي أنّها تُشبه الرمي من أول مرة قد تُصيب الروح الروح

وقد تخطئ ويفترقا

هي لحظات تصاحبها مشاعر لا أحد يستطيع وصفها لأن المسؤول عنها الروح وكل ما كان من أمر الروح كان غامضًا

أنا ضد كل من يدعو لإيقافها حتى في المطالبة هنا نوع ما من الغباء

أيهما الأصح

أن تنظر له وينظر لها وإن لم تتفق روحهما يتفرقا قبل ما يكون بينهما بداية

أم يتم الزواج أو حتى مجرد ملكه ثم إذا التقى بها صارت له وجهة نظر مختلفة أو هي تختلف نظرتها له ثم يحدث طلاق قبل الزواج !

أنا برأيي النظرة الشرعية رحمة قد يحدث إرتباك لكن هذا أمر نادر ولو حصل وتم الرفض غير معقول أن التأثير سيقع سواءً على الفتاة أو الشاب

إلا معدوم الثقة في نفسه لأن الأمر متعلق بالإرتياح أكثر


الزواج كل ما كان يتم بشكل تدريجي فهو بإذن الله أقرب للنجاح

نظرة

ثم ملكة تطول

ثم زواج عن قناعة ومعرفه ولو ليست تامة





أما خذوه فغلوه فهذه الزواجات وإن تمت تظل بدون رضا ولا قناعة بين الزوجين حتى لو استمرت الحياة بينهما !


أتعجب ممن يُتيح له الشرع أمر ويُبيحه وهو بانغلاق تفكيره يُحرمه !




شكرًا عبادي .



حياك الله اخت الميسم


الشيخ ابن باز الله يرحمه رغم انه عاش كفيفاً ومات كفيفاً يقول :

ان احد اهم اسباب الطلاق هو عدم النظرة الشرعية بين الطرفين قبل الزواج

فيما يُعرف عند اهل البلوت ( صن مغطى ) تشتري وانت ماشفت ورقك

ربما تصلح للأقارب والي يعرف بنت عمه وتعرفه من يوم كانوا صغار وكان يشوفها عند الغدير

ويصير بينهم حب وغرام عن بعد علشان كورونا وكذا


لكن امرأة ماتعرفها وشاب ماتعرفينه حتى لو كان الأسئلة اجوبتها إيجابية وماعليه خلاف والمعنى يبغى تركيبه

لابد من نظرة شرعية حتى يحصل التآلف




نقطة اخرى يجب الاشارة اليها

ارى ان المرأة في بداية النظرة تكون متسترة حتى بالحجاب والغطوه او النقاب

ماتخلي كل من هب ودب يشوفها

تشوفه هي في البداية واذا ارتاحت له تخليه يشوفها

تكشف نقابها وترفع طرفة الشيله عن سديم وعن شموس وكوكباً وهاج

الفرزدق الأخير
11-09-20, 06:51 AM
الشرع احلها ولم يوجبها
والناس على عاداتها وسلومها ... صراحه اني ما اقتنعت ولاني مقتنع
بالنظرة الشرعيه ( في ظروف زمننا هذا )

ولكل مجتمع نمطه ونظرته للامور
::::::
معلومه عن الاختلافات الاجتماعيه :
جابوا تقرير عن احد الشعوب المسلمه في روسيا
عندهم الزواج من بنت العم ( عيب جدا ) واذا قلت
للشخص تزوج بنت عمك كأنك تشتمه :)



وصباحك خير يابشمهندس

كلمااات
11-09-20, 09:59 AM
النظرة الشرعيه اذا في حدود المعقول
ما فيها غش وتكلفه ومجاملات
ويحترم البيت واهله
مو كل يوم يدوج العصرية هو وامه من حاره لحاره
هنا تكون مقبوله شكلاً وكيفاً

روعة ملاكـ
11-09-20, 10:20 AM
صحيح كلامك اهم شي الموده والالفه بينهم

والنظره الشرعيه ضروريه جدا
لان كثير تزوجوا بدون مايشوفون بعض
ولمن دخلوا علي بعض تغيرت نظرتهم


وعادي شافني ولا قبلني وشفته ولا قبلت
ماشوف انه يكسر خاطر الطرفين ويأثر بالنفسيه


عموما غالباً سبحان الله
اذا الطرف رفض الطرف الثاني
تجد اصلا الطرف الثاني رافض الطرف الاول
سبحان الله هذا لان النظره الشرعيه تألف القلوب سبحان الله
والعكس


يوم النظره الشرعيه اعتبره يوم عالمي في تاريخ الطرفين
حتي الاهل يتحمسون لنظره ولدهم هاه بس عساها جازت لك << واذا صارت حلوه ولا عجبته يسفابها 😢
ولنظره بنتهم هاه عساه جاز لك 😂


واشين شي اذا مادقق الطرفين ببعض
ماتعجبني النظره السريعه على الماشي
تراهم مب ماكلين بعض خلو بنتكم تجلس يشوفها المعرس من جد
حتي يجي الولد يقول ماشفت شي عند الباب واقفه
لازم يشوفها من كل الاتجاهات
لان هي قازته قز اخوانها مصورينه من كل الاتجاهات 😂😂😂
ولا يكفيها تناظره مع دريشه الصاله وهو طالع
وتتفق لامن طلع عند للباب ياخواني سولفوا معه عشان يوفق اشوفه زين
هذا كله وقت الخطبه قبل الشوفه وهي شايفته
يعني عطوا المعرس فرصه يشوف بنتكم الي تقزقز😂
من وراء الدرايش 😂😂😂


ولازم تجلس معه ويكلمها ويشوف كيف كلامها واسلوبها هذا برضوا مهم
حتي هي تعرف كيف اسلوبه وحديثه .


والافضل البنت في النظره الشرعيه ماتحط مكياج يعني مكياج اخف من الخفيف
ولا ترفع شعرها
يعني لازم تبان لون بشرتها طبيعي مسموح بالروج وحمره الخدود وايلاينر
بس بدون فونديشن هذا افضل لانه جاي يشوف بنت علي طبيعتها
وانت بالمعرس لاتحط روج ولا ملمع الله يجزاك خير << تر عيب يبان

ومو حلو الي مايرد علي طول مسوي فيها ثقيل
مايحتاج تراه تفكير قلبك دليلك يرد في ساعتها
ماحب كلمه اصبروا اصبروا من تشاور ابليس

روعة ملاكـ
11-09-20, 10:30 AM
<<<<
علي طاري الخطبه علقت تعليق بتويتر
اوحى للمتابعين اني خطابه
جتني الي الان سبع رسايل علي الخاص
يقولون نبغي زواج مسيار
رديت علي واحد قلت وين اهلك مايخطبون لك نسيت اني حاطه تعليق عن الخطابات 😂
والباقي للحين مارديت عليهم افكر مب شينه
شكلي بسير خطابه << هاه النادل صامل ابدا بك 🤣
ياربيه ريحه الخطبه تطير بالعجه











شكلي برسلهم الحين هاتوا شروطكم نجرب المشروع

riiima
11-09-20, 10:31 AM
مفهوم النظرة الشرعية عندنا غير...غبيير خوولص

الا الصور للي يخاف ينرفض وجها لوجه
ما تعتبر حل يسير و نظرة شرعية للشكل ؟🤔

riiima
11-09-20, 10:35 AM
الا وين كنت غاطس عبادي ؟...شوي وكنا بنحط نعي على شانك كاحد ضحايا كورونا 😅🤣

روعة ملاكـ
11-09-20, 10:37 AM
<<< حتي ظغط عالي غاطس
حتي اسيه غاطسه
كثيررر غطسوا
بس هذولا الي اذكرهم

إرتكاز
11-09-20, 10:51 AM
النظره الشرعيه لم يوجبها الشرع الا لوجود الكثير من المشاكل
وعدم الانسجام والتوافق وكثرة الخلافات والطلاق نظرا لعدم اقتناع اي طرف منهم بالثاني .

لذلك كانت النظره الشرعيه الصادقه والبعيده عن التكلف واخذ الاحتياطات والغش
من اهم اسباب نجاح الزواج والأستقرار العاطفي بين الزوجين .

اذا تزوج الأثنان عن قناعه تامه بعيده عن الأطماع او النظره الماديه سيكون
بيتهم من انجح واسعد البيوت الزوجيه ..


الحياه حلوه بس نفهمها

عبادي نت
11-09-20, 02:17 PM
وهي للجمال أيضا
في الحديث انظر إلى عينها فإن في أعين الأنصار شيئا
وفي حديث الواهبه فصعد فيها النظر وصوبه فكأنها لم تعجبه
فقال رجل زوجنيها ان لم يكن لك بها حاجه


فليست النظره للراحه النفسيه فقط
بل لاعجاب العين عند بعض الناس
ولراحه القلب عند الآخرين


على حسب نمط الشخصيه
الحسيون يركزون على العين والحواس
العقليون يركزون على المعلومات عنها
الحدسيون يركزون على توقعاتهم وقول قلوبهم لهم
العاطفيون يركزون على راحه قلوبهم


هذه الاربع أنماط لفهم العالم ذكرها العلامه كارل يونج السويسري
تلميذ أستاذنا فرويد


حياك الله اخي الزنقب وبياك

اضافة مميزة كعاداتك دراسة انماط الشخصيات وتحليلها

لكن ياخي الزنبقاوي الي بيركز على الجمال والطبيعة بيضيع لأنك مستحيل تصل الى درجة الكمال

الكامل وجه الله

ولا ننسى عمليات التجميل والمكياج والعدسات والميكبات

فالمسألة عند من ينظرون اليها بهذه الطريقة تصبح تجارية بحته

والبعض هداه الله يشوف المسلسلات والسنابات ويبني آماله على وحده تشبه ليندا


وهناك خاصية في السناب تزين الي مايزين وتخلي المقشع احلى الحلوين

ويقول الشاعر والفلاتر تخدعك ياعمي اصحى رشرش ترشرش والزين شرف

عبادي نت
11-09-20, 02:50 PM
الشرع احلها ولم يوجبها
والناس على عاداتها وسلومها ... صراحه اني ما اقتنعت ولاني مقتنع
بالنظرة الشرعيه ( في ظروف زمننا هذا )

ولكل مجتمع نمطه ونظرته للامور
::::::
معلومه عن الاختلافات الاجتماعيه :
جابوا تقرير عن احد الشعوب المسلمه في روسيا
عندهم الزواج من بنت العم ( عيب جدا ) واذا قلت
للشخص تزوج بنت عمك كأنك تشتمه :)



وصباحك خير يابشمهندس



ارحب يالأمير حياك الله وبياك وسدد على الدرب خطانا وخطاك

يبدو انك من جيل صن مغطى (a26)

العادات والسلوم اذا كانت لاتتوافق مع الشريعة لسنا ملزمين بالسير عليها

وإنما شُرعت النظرة لتدوم العشرة والمحبة وليرى كل واحد مايرغبه في النكاح والتوفيق بيد رب العالمين




...

الروس هذولي لو يدرون عندنا ناس يحجرون بنت عمهم وهي ترضع كان انتحروا

وبدال لقاحهم ارسلوا لنا كيماوي

غريب الماضي
11-09-20, 03:04 PM
نصيحة : لاتتزوج/ين ، إلا بالنظرة الشرعية
مهما كلف الآمر لو ماقبلوا النظرة لاتتزوج/ ين
منهم غيرهم بدالهم


جمعية أصلاح ذات البين

سليمان١٣
11-09-20, 03:06 PM
حي الله الاستاذ عبادي اخبارك يارجل ووين كل هالغيبةها1


يا اخي ينكسر خاطرها يوم ولا ينكسر العمر كله

اكبر خطا ترتكبه في حق نفسك وفي حق الزوجه انك تاخذها عشان ما تكسر خاطرها

لانك الا ما توضح لها اما بالتصريح واما بالتلميح واما بالافعال

لذلك ان ما اعجبتك لا تاخذها

وحده دخلت عليها وشفتها مرتين اول مره كانت لابسه لبس شوي بيبرز مفاتنها فرحت معها ونسيت الوجه(a27)

بعدين راحت وقالت لي امها كيف قلت اممم والله لسه ياخاله احسني ما قدرت اخذ قراري فاذا ممكن😬

قالت طيب بس املى عينك زين ترى ماعاد فيه فرصه ثالثة🌝

عاد هذي المره تركت كل شي واتجهت للوجه ولاطراف

صراحه انها جميلة وحلوه لكن لاحظت شي هو اللي خلاني اتراجع انا متاكد كثير غيري ماراح يلاحظه

طبعا اعتذر عن قوله لاسبابي الخاصه

الشاهد اني بلغت الوسيط برساله فتعال شوف السب واللعن الموجه لي

بصراحه رحمتها كثير ولا زعلت منها ابد

لكن في نفس الوقت عرفت ان القرار اللي اتخذته هو الصحيح

الكلام هذا ممكن له خمس سنوات اكثر او اقل شوي


وفيه من اعرفه من يدخل ويخرج يدخل ويخرج ممكن ٣ الى ٤

وف الاخير حصل مطلوبه والحمد لله اهوه عايش في سبات ونبات ومخلف بنين وبنات .

عبادي نت
11-09-20, 03:12 PM
النظرة الشرعيه اذا في حدود المعقول
ما فيها غش وتكلفه ومجاملات
ويحترم البيت واهله
مو كل يوم يدوج العصرية هو وامه من حاره لحاره
هنا تكون مقبوله شكلاً وكيفاً



طبعاً الأحترام اساس كل علاقه

والمفروض اهل البنت مايسمحون بالنظرة حتى تتم الموافقة على الرجل ويسألون عنه

ومن ثم اذا جاهم البيت واخذوا وعطو معه يعرفون الرجال الصاحي من المجنون وهل هو كفو يخلونه يشوف بنتهم

وبعدين تأتي الألفة والراحه اثناء النظرة


وفيه بعضهم مايسأل عن الرجال يقول مايحتاج سيماهم في وجوههم

روعة ملاكـ
11-09-20, 03:13 PM
الروس هذولي لو يدرون عندنا ناس يحجرون بنت عمهم وهي ترضع كان انتحروا

وبدال لقاحهم ارسلوا لنا كيماوي





طبياً لاينصح بزواج الاقارب
يسبب تشوهات خلقيه بالاطفال
وش الله حادني اخذ ولد عم ولا ولد خال ولا عمه ولا خاله
اطلع من دائره وادخل في نفس الدائره


اجتماعياً اشوف اغلب زواجات الاقارب
الاهل يصفون حساباتهم من البغضاء في المعاريس << انتي ماتحبين ام المعرس ليه تزوجينه بنتك خلصوا الرجال
وانتي ماتحبين ام البنت ليه تاخذون بنتها خلصوا البنات
حتي لو بينكم حب لاتزوجينها بنتك ولا ولدك .

ولا فرضيه المجتمع المتخلف هي الي تسوقكم سواقه << تحجر وتخلف لو الرسول عايش بينا حرمه
اااخ بس وش اقول



ضد زواج الاقارب

سليمان١٣
11-09-20, 03:22 PM
أتفق معك

النظرة الشرعية مهمة جدًا واخطأ من ظن أنها تقييم للجمال لو كانت كذلك لما تزوجت كل انثى متوسطة الجمال

ونفس الشيء بالنسبة للشاب

النظرة من اسمها ( نظرة ) برأيي أنّها تُشبه الرمي من أول مرة قد تُصيب الروح الروح

وقد تخطئ ويفترقا

هي لحظات تصاحبها مشاعر لا أحد يستطيع وصفها لأن المسؤول عنها الروح وكل ما كان من أمر الروح كان غامضًا

أنا ضد كل من يدعو لإيقافها حتى في المطالبة هنا نوع ما من الغباء

أيهما الأصح

أن تنظر له وينظر لها وإن لم تتفق روحهما يتفرقا قبل ما يكون بينهما بداية

أم يتم الزواج أو حتى مجرد ملكه ثم إذا التقى بها صارت له وجهة نظر مختلفة أو هي تختلف نظرتها له ثم يحدث طلاق قبل الزواج !

أنا برأيي النظرة الشرعية رحمة قد يحدث إرتباك لكن هذا أمر نادر ولو حصل وتم الرفض غير معقول أن التأثير سيقع سواءً على الفتاة أو الشاب

إلا معدوم الثقة في نفسه لأن الأمر متعلق بالإرتياح أكثر


الزواج كل ما كان يتم بشكل تدريجي فهو بإذن الله أقرب للنجاح

نظرة

ثم ملكة تطول

ثم زواج عن قناعة ومعرفه ولو ليست تامة





أما خذوه فغلوه فهذه الزواجات وإن تمت تظل بدون رضا ولا قناعة بين الزوجين حتى لو استمرت الحياة بينهما !


أتعجب ممن يُتيح له الشرع أمر ويُبيحه وهو بانغلاق تفكيره يُحرمه !




شكرًا عبادي .

بودي اعلق ع نقطه هنا

ميسم وانت شفت اكثر مني بحكم انكم ترونا من حيث لانراكم(a27)

المتوسطات الجمال جميلات وان ما عحبتك انت بتعجب غيرك

فيه تركيبات كميائية ورسائل خفية وارث شخصي ودوافع مدفونه في داخل كل انسان هي اللي تحركه وتخليه يشوف هذي حلوه والثانية عاديه

حتى ملكات الجمال فيه من يختلف ع جمالهن هن بس لان الكثيرين بيتقفون ع جمالهن مايلاحظن

لذلك ودي انوه ع نقطه للي جمالها متوسط اوعك تظني انك مش حلوه انت فقط ما شافك اللي معجب فيك مسبقا
والدليل انت بتشوفين ناس متزوجين نساء من وجهة نظرك الصحيحة اقل منك جمال ومع هذا طايرين فيهم ازواجهم
هم نفس الفكره لقيوا فيهن اللي بكلمك عنه

لذلك لا تجزعين ولا تظنين بجمالك الظنون فانت جميلة ولكن المسالة محتاج لها وقت وعرض وطلب .

سليمان١٣
11-09-20, 03:30 PM
النظرة الشرعيه اذا في حدود المعقول
ما فيها غش وتكلفه ومجاملات
ويحترم البيت واهله
مو كل يوم يدوج العصرية هو وامه من حاره لحاره
هنا تكون مقبوله شكلاً وكيفاً


ههههه هذا وضع صاحبي اللي ماتزوج الا من بعد ماشاف نص بنات الجماعه:SmileyBunny:

الزنقب
11-09-20, 03:31 PM
حياك الله اخي الزنقب وبياك

اضافة مميزة كعاداتك دراسة انماط الشخصيات وتحليلها

لكن ياخي الزنبقاوي الي بيركز على الجمال والطبيعة بيضيع لأنك مستحيل تصل الى درجة الكمال

الكامل وجه الله

ولا ننسى عمليات التجميل والمكياج والعدسات والميكبات

فالمسألة عند من ينظرون اليها بهذه الطريقة تصبح تجارية بحته

والبعض هداه الله يشوف المسلسلات والسنابات ويبني آماله على وحده تشبه ليندا


وهناك خاصية في السناب تزين الي مايزين وتخلي المقشع احلى الحلوين

ويقول الشاعر والفلاتر تخدعك ياعمي اصحى رشرش ترشرش والزين شرف




صحيح كلامك أن الجمال ما يكمل
لكني ما اتكلم عن الذائقه الاجتماعيه للجمال اتكلم عن الذائقه الفرديه
بعبارة ثانيه فيه مثل مشهور يقول القرد بعين امه غزال
المعني أن كل واحد له نظره في الجمال والاعجاب به فالي تشوفه انت وسط
يشوفه غير زين وربما ما تشوفه شين يشوفه غيرك زين


هذا مقصد النظره الشرعيه
ولو كان المقصد الجمال الاجتماعي كان اكتفي الرجال بشوفه امه واخوته للحرمه
المقصد الجمال الي يتذوقه الفرد ..

عبادي نت
11-09-20, 03:49 PM
صحيح كلامك اهم شي الموده والالفه بينهم

والنظره الشرعيه ضروريه جدا
لان كثير تزوجوا بدون مايشوفون بعض
ولمن دخلوا علي بعض تغيرت نظرتهم


وعادي شافني ولا قبلني وشفته ولا قبلت
ماشوف انه يكسر خاطر الطرفين ويأثر بالنفسيه


عموما غالباً سبحان الله
اذا الطرف رفض الطرف الثاني
تجد اصلا الطرف الثاني رافض الطرف الاول
سبحان الله هذا لان النظره الشرعيه تألف القلوب سبحان الله
والعكس


يوم النظره الشرعيه اعتبره يوم عالمي في تاريخ الطرفين
حتي الاهل يتحمسون لنظره ولدهم هاه بس عساها جازت لك << واذا صارت حلوه ولا عجبته يسفابها 😢
ولنظره بنتهم هاه عساه جاز لك 😂


واشين شي اذا مادقق الطرفين ببعض
ماتعجبني النظره السريعه على الماشي
تراهم مب ماكلين بعض خلو بنتكم تجلس يشوفها المعرس من جد
حتي يجي الولد يقول ماشفت شي عند الباب واقفه
لازم يشوفها من كل الاتجاهات
لان هي قازته قز اخوانها مصورينه من كل الاتجاهات 😂😂😂
ولا يكفيها تناظره مع دريشه الصاله وهو طالع
وتتفق لامن طلع عند للباب ياخواني سولفوا معه عشان يوفق اشوفه زين
هذا كله وقت الخطبه قبل الشوفه وهي شايفته
يعني عطوا المعرس فرصه يشوف بنتكم الي تقزقز😂
من وراء الدرايش 😂😂😂


ولازم تجلس معه ويكلمها ويشوف كيف كلامها واسلوبها هذا برضوا مهم
حتي هي تعرف كيف اسلوبه وحديثه .


والافضل البنت في النظره الشرعيه ماتحط مكياج يعني مكياج اخف من الخفيف
ولا ترفع شعرها
يعني لازم تبان لون بشرتها طبيعي مسموح بالروج وحمره الخدود وايلاينر
بس بدون فونديشن هذا افضل لانه جاي يشوف بنت علي طبيعتها
وانت بالمعرس لاتحط روج ولا ملمع الله يجزاك خير << تر عيب يبان

ومو حلو الي مايرد علي طول مسوي فيها ثقيل
مايحتاج تراه تفكير قلبك دليلك يرد في ساعتها
ماحب كلمه اصبروا اصبروا من تشاور ابليس


سابقاً الأمهات هي الدليل

وبعضهم يركز على جوانب اخرى

لازم تكون ظفره وسنعه وراعية بيت تطبخ الذبايح

لكن حالياً دليلك هو النظرة الشرعية

وطبخ الذبايح مع نفسك زين سوت لك دجاجه في قدر الضغط الكهربائي ويطبخ نفسه بنفسه بعد


الفونديشن هذا وشنهو مانعرفه ؟

مثل ماقلتي لا ينبغي التكلف في هذه المسألة ماقل دلّ

اذا ارتاح القلب امتلأت العين

القرد في عين امه غزال

عبادي نت
11-09-20, 03:56 PM
<<<<
علي طاري الخطبه علقت تعليق بتويتر
اوحى للمتابعين اني خطابه
جتني الي الان سبع رسايل علي الخاص
يقولون نبغي زواج مسيار
رديت علي واحد قلت وين اهلك مايخطبون لك نسيت اني حاطه تعليق عن الخطابات 😂
والباقي للحين مارديت عليهم افكر مب شينه
شكلي بسير خطابه << هاه النادل صامل ابدا بك 🤣
ياربيه ريحه الخطبه تطير بالعجه











شكلي برسلهم الحين هاتوا شروطكم نجرب المشروع



شغل الخطابات شغل بزنس

بارك الله فيمن وفق بين رأسين بالحلال

بس مهب بالطريقة الي نسمع عنها حولي خمس الاف وادور لك


وين البركه فيه والخطابه تشاركها المهر

عبادي نت
11-09-20, 03:58 PM
مفهوم النظرة الشرعية عندنا غير...غبيير خوولص

الا الصور للي يخاف ينرفض وجها لوجه
ما تعتبر حل يسير و نظرة شرعية للشكل ؟🤔


الصور خداعه

مافيه مثل فيس تو فيس

الدعوة على نظرة العين وراحة القلب

عبادي نت
11-09-20, 04:01 PM
الا وين كنت غاطس عبادي ؟...شوي وكنا بنحط نعي على شانك كاحد ضحايا كورونا 😅🤣



اخوياي جاهم كلهم الا انا

الله العالم عندي اجسام مضاده

مرني ولا ضرني ياربي لك الحمد


والله خير الحافظين

عبادي نت
11-09-20, 04:09 PM
النظره الشرعيه لم يوجبها الشرع الا لوجود الكثير من المشاكل
وعدم الانسجام والتوافق وكثرة الخلافات والطلاق نظرا لعدم اقتناع اي طرف منهم بالثاني .

لذلك كانت النظره الشرعيه الصادقه والبعيده عن التكلف واخذ الاحتياطات والغش
من اهم اسباب نجاح الزواج والأستقرار العاطفي بين الزوجين .

اذا تزوج الأثنان عن قناعه تامه بعيده عن الأطماع او النظره الماديه سيكون
بيتهم من انجح واسعد البيوت الزوجيه ..


الحياه حلوه بس نفهمها



حياك الله ارتكاز

الشرع موجبها مادرى عن المشاكل

المشاكل موجودة حتى في بيت النبوة


الحكمة في النظرة هي الإشارة القلبية والراحة النفسية ماسمعت بحب من اول نظره

ويأتي الجمال والمحاسن الاخرى ثانياً من حيث الأهمية ومايرغبه في نكاحها

يمكن تكون نحيفه لكنه يقلبها في عقله اقدر اخليها تسمن بحيث انه يجيب لها حلاو طحينيه

روعة ملاكـ
11-09-20, 04:19 PM
شغل الخطابات شغل بزنس

بارك الله فيمن وفق بين رأسين بالحلال

بس مهب بالطريقة الي نسمع عنها حولي خمس الاف وادور لك


وين البركه فيه والخطابه تشاركها المهر






الا الان تجيني رسايل << بكلمه وحده قلتها عن الخطابه 😑
مارديت الا على رساله وحده
😂😂😂
والله انه بزنس جالسه اقلبها براسي
لا كل راس بالف خمس ميه ميخالف كبدايه بعدين نخليها بخمس تلاف
اشاور نفسي بعدين ارد عليهم << كني مشغوله بطلبات الراغبين بالزواج 🤣😝

روعة ملاكـ
11-09-20, 04:37 PM
الفونديشن هذا وشنهو مانعرفه ؟






شي يكره كل رجل علي وجه الارض
الي اسمه كريم اساس
والبعض يسميه بودر
والبعض يسميه مكياج << مايدخل بمسمي المكياج هنا الكحله والروج
وله مسميات كثيره

الحين عرفته عبادي صح

عبادي نت
11-09-20, 04:49 PM
نصيحة : لاتتزوج/ين ، إلا بالنظرة الشرعية
مهما كلف الآمر لو ماقبلوا النظرة لاتتزوج/ ين
منهم غيرهم بدالهم


جمعية أصلاح ذات البين



تصدق فيه ريجيل مايبون النظرة يقولون نظرة الأهل تكفي

لكن يجبرهم ابو الفتاة على النظرة لأنها مثل ماقلنا للطرفين

قد ترتاح لها ولكن هي ماارتاحت لك والعكس صحيح

لابد ان يكون التوافق والحب المتبادل

وفيه ناس يتشددون بالمسألة ويرفضون بنتهم تطلع للنظرة يقولون هذا ماكان عليه آباؤنا وأجدادنا

عبادي نت
11-09-20, 05:18 PM
حي الله الاستاذ عبادي اخبارك يارجل ووين كل هالغيبةها1


يا اخي ينكسر خاطرها يوم ولا ينكسر العمر كله

اكبر خطا ترتكبه في حق نفسك وفي حق الزوجه انك تاخذها عشان ما تكسر خاطرها

لانك الا ما توضح لها اما بالتصريح واما بالتلميح واما بالافعال

لذلك ان ما اعجبتك لا تاخذها

وحده دخلت عليها وشفتها مرتين اول مره كانت لابسه لبس شوي بيبرز مفاتنها فرحت معها ونسيت الوجه(a27)

بعدين راحت وقالت لي امها كيف قلت اممم والله لسه ياخاله احسني ما قدرت اخذ قراري فاذا ممكن😬

قالت طيب بس املى عينك زين ترى ماعاد فيه فرصه ثالثة🌝

عاد هذي المره تركت كل شي واتجهت للوجه ولاطراف

صراحه انها جميلة وحلوه لكن لاحظت شي هو اللي خلاني اتراجع انا متاكد كثير غيري ماراح يلاحظه

طبعا اعتذر عن قوله لاسبابي الخاصه

الشاهد اني بلغت الوسيط برساله فتعال شوف السب واللعن الموجه لي

بصراحه رحمتها كثير ولا زعلت منها ابد

لكن في نفس الوقت عرفت ان القرار اللي اتخذته هو الصحيح

الكلام هذا ممكن له خمس سنوات اكثر او اقل شوي


وفيه من اعرفه من يدخل ويخرج يدخل ويخرج ممكن 3 الى 4

وف الاخير حصل مطلوبه والحمد لله اهوه عايش في سبات ونبات ومخلف بنين وبنات .



ياهلا بالأخ سليمان ياالله حيه

ماشاءالله عليك تشوفها مرتين وثلاث وشلون سمحوا لك

الا انهم شارينك ورجالاً تنصفط دين و زين وجمال ومال وش عاد باقي


اعتقد النظرة من اول مره والعود من اول رمعه

لابد ان يأتيك الألهام


فيه حساب في تويتر يعرض مشاكل الناس واحد يقول مشكلته بعد الزواج ماهي في الوجه مشكلته في الصدر

يبغى حليب الله يجزاه خير

الظاهر اني عرفت اسبابك الخاصة يااخ سليمان )

واعتقد انه يرتبط بالمثل الشعبي هذا بلى ابوك ياعقاب (a26)

عبادي نت
11-09-20, 05:26 PM
طبياً لاينصح بزواج الاقارب
يسبب تشوهات خلقيه بالاطفال
وش الله حادني اخذ ولد عم ولا ولد خال ولا عمه ولا خاله
اطلع من دائره وادخل في نفس الدائره


اجتماعياً اشوف اغلب زواجات الاقارب
الاهل يصفون حساباتهم من البغضاء في المعاريس << انتي ماتحبين ام المعرس ليه تزوجينه بنتك خلصوا الرجال
وانتي ماتحبين ام البنت ليه تاخذون بنتها خلصوا البنات
حتي لو بينكم حب لاتزوجينها بنتك ولا ولدك .

ولا فرضيه المجتمع المتخلف هي الي تسوقكم سواقه << تحجر وتخلف لو الرسول عايش بينا حرمه
اااخ بس وش اقول



ضد زواج الاقارب



مما قرأته في علم الوراثة اذا كان الأب والأم ايضاً ابناء عمومه لزم

تأتي الامراض الوراثية والتشوهات الخلقيه للجنين

فيما بعد الاربعين من العمر


والله اعلم مافي الأرحام

وبالنسبة للمشاكل اعتقد انها محلولة اذا كبرت بين الاقارب

ولا تلتفوا لمن يقول الاقارب عقارب هؤلاء يدعون لقطيعة الرحم

والمشاكل عند الانساب البعيدين اذا كانت مشكلة كبيره نهايتها الطلاق لامحاله

والمفروض اي مشكلة زوجية ماتطلع برا البيت يحاولون احتواءها والاعراض عن الاخر فترة من الزمن

عملاً بقوله تعالى واهجروهن في المضاجع

حتى يتبين الحل والمخطئ من المصيب

روبى الحجاز
11-09-20, 06:24 PM
بصراحه كل رجل في العالم يشوف خطيبته قبل الزواج ويعرفها وتعرفه على الحقيقة الا في السعودية....

اخترعنا النظرة الشرعية وقاعدين نتفنن فيها وصارت ثقافة سعودية خاصه،
والان برضه في ماكياج للنظرة الشرعية هههههه

سليمان١٣
11-09-20, 06:42 PM
بصراحه كل رجل في العالم يشوف خطيبته قبل الزواج ويعرفها وتعرفه على الحقيقة الا في السعودية....

اخترعنا النظرة الشرعية وقاعدين نتفنن فيها وصارت ثقافة سعودية خاصه،
والان برضه في ماكياج للنظرة الشرعية هههههه

ليست اختراع انما منهاج نبوي

كثير من الزواجات برا ما تتم وكثير من بنات اللي برا فقدوا عذريتهن بسبب مايعرف با الحب

اندونسيا مثلا دوله مسلمة وين تحصل الابكار

وكله بسبه داني وشلته الله لايوفقهم

لذلك احمدي ربك ع النعمة اللي انت فيها واللي منت حاسه فيها وقولي يارب اتزوج واحد مثل سليمان١٣ شهم وكريم ومعدد(qq170)

الفرزدق الأخير
11-09-20, 10:54 PM
ماودي اقول شي :)

استمتعوا بس ..

عبادي نت
11-09-20, 11:32 PM
صحيح كلامك أن الجمال ما يكمل
لكني ما اتكلم عن الذائقه الاجتماعيه للجمال اتكلم عن الذائقه الفرديه
بعبارة ثانيه فيه مثل مشهور يقول القرد بعين امه غزال
المعني أن كل واحد له نظره في الجمال والاعجاب به فالي تشوفه انت وسط
يشوفه غير زين وربما ما تشوفه شين يشوفه غيرك زين


هذا مقصد النظره الشرعيه
ولو كان المقصد الجمال الاجتماعي كان اكتفي الرجال بشوفه امه واخوته للحرمه
المقصد الجمال الي يتذوقه الفرد ..



احسنت

لولا اختلاف الأذواق لبارت السلع

المهم مثل ماقلنا الآلفه والمودة واستحسان الشخص الي قدامك

والإشارة القلبيه اهم شيء الإشارة القلبيه

عبادي نت
11-09-20, 11:41 PM
ماودي اقول شي :)

استمتعوا بس ..



نسمعك ولا نسفهك يابو لجين

كلامك على العين والرأس والعادات والتقاليد راحت مع جدي وجدك

الحين روابي الحجاز تبغى تتعرف على خطيبها وتروح وتجي معه وتعرفه على حقيقته قبل الزواج

ومهيب هي لحالها هذا كلام كثير مثلها وبنات الجامعه قالوها صريحة للشيخ عايض القرني في احد المحاضرات



خلونا على النظرة الشرعية الله يرحم والدينكم

كلمااات
11-09-20, 11:56 PM
بصراحه كل رجل في العالم يشوف خطيبته قبل الزواج ويعرفها وتعرفه على الحقيقة الا في السعودية....

اخترعنا النظرة الشرعية وقاعدين نتفنن فيها وصارت ثقافة سعودية خاصه،
والان برضه في ماكياج للنظرة الشرعية هههههه

على اساس مافيه تعارف قبل الزواج !!!
الوقت الحالي كثرة الزواجات عن حب واغلبها انتهت بالفشل
ومشاهير السناب صايرين قدوات لا حسيب ولا رقيب

الشرع واضح وقنن الزواج بعقل سليم يضمن فيه حق المرأة قبل الرجل

اذا ما يناسبك عادي سوي الي براسك لا تجلسين تقولين الا السعوديه
تكلمي عن وجهة نظرك واتركي السعودية في حالها

الميسم
12-09-20, 02:37 AM
بودي اعلق ع نقطه هنا

ميسم وانت شفت اكثر مني بحكم انكم ترونا من حيث لانراكم(a27)

المتوسطات الجمال جميلات وان ما عحبتك انت بتعجب غيرك

فيه تركيبات كميائية ورسائل خفية وارث شخصي ودوافع مدفونه في داخل كل انسان هي اللي تحركه وتخليه يشوف هذي حلوه والثانية عاديه

حتى ملكات الجمال فيه من يختلف ع جمالهن هن بس لان الكثيرين بيتقفون ع جمالهن مايلاحظن

لذلك ودي انوه ع نقطه للي جمالها متوسط اوعك تظني انك مش حلوه انت فقط ما شافك اللي معجب فيك مسبقا
والدليل انت بتشوفين ناس متزوجين نساء من وجهة نظرك الصحيحة اقل منك جمال ومع هذا طايرين فيهم ازواجهم
هم نفس الفكره لقيوا فيهن اللي بكلمك عنه

لذلك لا تجزعين ولا تظنين بجمالك الظنون فانت جميلة ولكن المسالة محتاج لها وقت وعرض وطلب .


أكيد يظل لكل شخص وجهة نظر محددة

أنا أشوف اختلاف الجمال يُشبه اختلاف الذكاء

يعني مثل ما انه كل شخص يملك نقطة جمال في أي شيء معين كذلك الذكاء لكل شخص نقطة ذكاء معينة

المهم أنّه لا يوجد شخص خالٍ تمامًا من نقطة جمال ولا من نقطة ذكاء

لذلك تختلف الأذواق وكل يركز على ما يراه بالفعل جميل

حتى الرجال تختلف نظرة المرأة لهم لكل انثى وجهة نظر مختلفة

ماتراه هذه مهم تواجده الأخرى لا يعني لها شيئًا


لذلك فيه اللي تقبل مباشرة وفيه اللي ترفض مؤمنة بأنها ما راح تقبل إلا باللي يرضي غرورها


العرض والطلب للأثنين .

الميسم
12-09-20, 02:48 AM
بصراحه كل رجل في العالم يشوف خطيبته قبل الزواج ويعرفها وتعرفه على الحقيقة الا في السعودية....

اخترعنا النظرة الشرعية وقاعدين نتفنن فيها وصارت ثقافة سعودية خاصه،
والان برضه في ماكياج للنظرة الشرعية هههههه

مين يقول كل رجل في العالم ؟!

خلينا على الدول العربية والخليجية ماراح نشطح للعالم كله

العوائل ( المحافظة ) ماعندها شي اسمه تعارف قبل الخطبة

يجي العريس ويشوفها لأول مرة وتدرجات الزواج نفس طريقتنا اللهم أن العروسه تكون غير منقبة

والنظرة الشرعية ماهي اختراع هذا منهج من شرعنا وعليه أدلة كيف تقولين من اختراعنا ؟!


ثقافة سعودية خاصة !
يااا الهي !!


وعلى فكرة اختراع مكياج النظرة الشرعية
ارحم من اختراع مكياج العزاء !

يعني الدعوه شطحات فكريه نسائية بقيادة الغير واثقات الساذجات الموليات وراء كل فكرة غبيه 😎

موجه هادئه
12-09-20, 08:18 AM
وعليكم السلام ورحمة الله وبركاته


سؤال محيرني ،،
هل الأصل في النظرة الشرعية أن تدخل الفتاة كاشفة الرأس ولا فقط تكشف وجهها ؟!

قرأت عدة مرات عن دخول الفتاة كاشفة الرأس و بلبس معيّن ومكياج
استغربت بصراحة..

كنت أظن أن البنت المفروض تدخل محجبة طبيعي بعبائتها وكاشفة الوجه فقط..


،،،،،

جملة للأخت روبي
النظرة الشرعية هي مفهوم من مفاهيم الشريعة الاسلامية ،،
هي ليست اختراع ولا هي ثقافة عائدة لبلد ما..

أسد من ورق
12-09-20, 11:44 AM
بصراحه كل رجل في العالم يشوف خطيبته قبل الزواج ويعرفها وتعرفه على الحقيقة الا في السعودية....

اخترعنا النظرة الشرعية وقاعدين نتفنن فيها وصارت ثقافة سعودية خاصه،
والان برضه في ماكياج للنظرة الشرعية هههههه

روبى الحجاز , مع إني مو مقتنع بأنك أنثى من الأساس . (q39)

أولا . إستفزازك لنا بديننا وبأحكامه الربانية غبي ومكشوف .

ثانيا . الذي أمر بالنظرة الشرعية هو الله جل جلاله بعدما أمر النساء بتغطية وجوههن لأنه مكان الفتنه . وأمر به نبينا الكريم وحث أمته بتطبيقه عندما يريد الشاب المسلم أن يتزوج شابة مسلمة متمسكة بأمر ربها .

ثالثا . عيب اللي قاعد تسويه يابتاع الغنمات , فمغلف الأدب اللي تقدمه لنا لن يجعلنا نسكت عن ضرباتك لمنهجنا منهج أهل السنة والجماعة ... إلزم الأدب حتى تحظى بإحترام الجميع . :whwhwh:

روبى الحجاز
12-09-20, 02:12 PM
ليست اختراع انما منهاج نبوي

كثير من الزواجات برا ما تتم وكثير من بنات اللي برا فقدوا عذريتهن بسبب مايعرف با الحب

اندونسيا مثلا دوله مسلمة وين تحصل الابكار

وكله بسبه داني وشلته الله لايوفقهم

لذلك احمدي ربك ع النعمة اللي انت فيها واللي منت حاسه فيها وقولي يارب اتزوج واحد مثل سليمان١٣ شهم وكريم ومعدد(qq170)

انا قصدي ان النظره الشرعيه ماصارت تكفي عشان كل واحد يعرف عن الآخر ايجابياته وكمان عيوبه

النظره الشرعيه نفسها محدوده في الشكل ومو للتأكد من حواس الخاطب والخطيبه ولافكره ولاحتى حالتهم النفسية والعصبيه.

في كثير شباب سعوديين سافروا برا وتعرفوا على بنات من المغرب والشام واقتنعوا في بعض بدون نظره شرعيه وتزوجوا عن حب وحياتهم طبيعية.

و في بنات تزوجو واكتشفوا عريس نظره ضعيف او سمعه ضعيف أو عنده السكري او الضغط أو فاهم الدين بطريقه الغلط، وتطلقوا من بعض في أسبوعين.

النظره كانت برايي مناسبه زمان والان البنات صاروا يخطبوا لبعض، واي بنت ممكن تجيب صور أخوها، والنظره بس تحصيل حاصل هههه

وحتى البنات صاروا متعلمات واكثر وعي ومو اي احد تقبل فيه.

طبعا انا ضد التعارف عشان علاقه حرام وبتمني ماحد يفهمني
غلط.

روبى الحجاز
12-09-20, 02:29 PM
روبى الحجاز , مع إني مو مقتنع بأنك أنثى من الأساس . (q39)

أولا . إستفزازك لنا بديننا وبأحكامه الربانية غبي ومكشوف .

ثانيا . الذي أمر بالنظرة الشرعية هو الله جل جلاله بعدما أمر النساء بتغطية وجوههن لأنه مكان الفتنه . وأمر به نبينا الكريم وحث أمته بتطبيقه عندما يريد الشاب المسلم أن يتزوج شابة مسلمة متمسكة بأمر ربها .

ثالثا . عيب اللي قاعد تسويه يابتاع الغنمات , فمغلف الأدب اللي تقدمه لنا لن يجعلنا نسكت عن ضرباتك لمنهجنا منهج أهل السنة والجماعة ... إلزم الأدب حتى تحظى بإحترام الجميع . :whwhwh:

أسد سيب الاستفزاز

انا غلطت عمري اني سجلت صوتي في يوم من الايام عشان امشي مع المستفزين زيك واقنع الناس اني أنثى هههههه
ماراح تستفزني دحين بكلمتين
ولا تقنعني ولا اقنعك،

روح شوف معرفاتك التانيه يلي تدخل بيهم للأستفزاز
ذاموون وغيرو ويلي كل الاعضاء صاروا عارفينك،

خليك في حالك لأن النقاش معك بالذات مامنه اي فائده، وماراح نخلص، واي كلام تقوله انت صح هههههههه

روعة ملاكـ
12-09-20, 02:49 PM
<<<<
صازه روابي مسجله صوتك عشان تقنعينهم انك بنت
عمرهم ماقتنعوا من هم عشان اقنعهم
وش هم عشان يهمهم من انا
انا مشككيني في نوعي وكل ماشفت احد يشكك اطق اصبع واطلع هاك الضحكه الي تشق خشتي
واقول يابوووووي انتي ياروعه 🤣



ونزلت موضوع عن الحلاقه الرجاليه تزامن مع التشكيك بنوعي 😝

سليمان١٣
12-09-20, 02:56 PM
انا قصدي ان النظره الشرعيه ماصارت تكفي عشان كل واحد يعرف عن الآخر ايجابياته وكمان عيوبه

النظره الشرعيه نفسها محدوده في الشكل ومو للتأكد من حواس الخاطب والخطيبه ولافكره ولاحتى حالتهم النفسية والعصبيه.

في كثير شباب سعوديين سافروا برا وتعرفوا على بنات من المغرب والشام واقتنعوا في بعض بدون نظره شرعيه وتزوجوا عن حب وحياتهم طبيعية.

و في بنات تزوجو واكتشفوا عريس نظره ضعيف او سمعه ضعيف أو عنده السكري او الضغط أو فاهم الدين بطريقه الغلط، وتطلقوا من بعض في أسبوعين.

النظره كانت برايي مناسبه زمان والان البنات صاروا يخطبوا لبعض، واي بنت ممكن تجيب صور أخوها، والنظره بس تحصيل حاصل هههه

وحتى البنات صاروا متعلمات واكثر وعي ومو اي احد تقبل فيه.

طبعا انا ضد التعارف عشان علاقه حرام وبتمني ماحد يفهمني
غلط.



كلامك فيه جزء لاباس به من الصحة

ولكن هنا مفروض يكون دور الام والاب مو دورك انتي لانك اساسا حكمك بيكون مبني ع العاطفة غالبا اللي ماتتعدى ياااي وسيم ومعضل وبيدحكني على قول مدري ميين صبري المزة المصرية اللي تزوجت ابو هشيمه واشترى لها سيارة ب٩مليون جنية (هذا التضحيك اللي بيوصي عليه الدكتور) مو تضحيك سليمان١٣ اللي مايعقبه الا مطبق ولا شاورما دجاج وعلبه حمضيات🥴


الاب يمارس دوره في التقصي عن العريس والاخوان كانهم كبار يسالون عن كل تفاصيله
ويجلسون معه ويحاولون يفهمونه جيدا

والام تسال عن امه وتجلس معها ومع خواته ان كانت شيطانية الا ما يتاثر الولد منها لذلك بلاش منه ومن امه الله يقلعه هو وامه ههه

روبى الحجاز
12-09-20, 03:01 PM
<<<<
صازه روابي مسجله صوتك عشان تقنعينهم انك بنت
عمرهم ماقتنعوا من هم عشان اقنعهم
وش هم عشان يهمهم من انا
انا مشككيني في نوعي وكل ماشفت احد يشكك اطق اصبع واطلع هاك الضحكه الي تشق خشتي
واقول يابوووووي انتي ياروعه 🤣

هههههههه
ايوه للأسف اول ماسجلت في المنتدى قالوا اني رجل ههههه

طلعت غبيه وسجلت مقطع صوتي رد ونزلته في المنتدى
انصدموا وكأنهم اول مره يشوفوا بنت تكتب وتتكلم هههههه

اذكر شجون وقتها نصحتني ما ارد على الاستفزار.
َوهو الصح

روعه🌺

روبى الحجاز
12-09-20, 03:06 PM
مو تضحيك سليمان١٣ اللي مايعقبه الا مطبق ولا شاورما دجاج وعلبه حمضيات🥴


هههههههه

روعة ملاكـ
12-09-20, 03:13 PM
ياقلبي من طيبك والله ياروابي ❤
زين ماقالوا لك هذا صوت اختك ههههههه
تراهم فيهم مرض الشك الله لايبلانا
مافيه شي يقنعهم عشان كذا اسحبي عليهم
والحين من زمان ماحد قالي انتي ذكر ودي يرجعون يقولونها
عشان اضحك عليهم <<< البلاء اذا صار الشخص مضحكه عند البنت

انا اول مارجعت للمنتدي جتني رسايل احلفي انك بنت
وواحد قال علميني من انتي واعلمك من انا <<< هذا الله يخلف عليه من جد وش اقول بس خلني ساكته لاتنجرح عنده مشاعر الرجوله
😂😂😂😂😂😂
والله شي يضحك






ً
انبسط اذا شفتهم متدودهين فيني
وانا مشغلتهم شغل <<< لدرجه اكتشفت ان فيه اعضاء رجال يغارون منى تخيلي 😂😂مضحكه قسم بالله
واحدن يلاحق ردودي ملاحق ملاحق <<< ااااه بس ابوووووووووك ياروعه الي مشغلتهم شغل 🌺😝

أسد من ورق
12-09-20, 03:33 PM
أسد سيب الاستفزاز

انا غلطت عمري اني سجلت صوتي في يوم من الايام عشان امشي مع المستفزين زيك واقنع الناس اني أنثى هههههه
ماراح تستفزني دحين بكلمتين
ولا تقنعني ولا اقنعك،

روح شوف معرفاتك التانيه يلي تدخل بيهم للأستفزاز
ذاموون وغيرو ويلي كل الاعضاء صاروا عارفينك،

خليك في حالك لأن النقاش معك بالذات مامنه اي فائده، وماراح نخلص، واي كلام تقوله انت صح هههههههه




ماعندك مشكله أنا ذا مون الله يذكره بالخير .. وين العيب في هذا . وهل ذا مون إستهزأ بحكم شرعي ... وجاهر بالمعصيه !؟!؟ زي ماتسوي هنا .

لاتهرب وتختلق قصه وموال علشان تموع إعتداءاتك المتكرره على الأحكام الشرعية عيني عينك واللي فشلت فيها في معرفك الأول وباءت كل محاولاتك بالفشل .

أجل حنا يالسعوديين إخترعنا ( النظرة الشرعية ) !!!

هالكلام مايقوله ولا الخبل المجنون الرسمي ...

أنا ماعندي مشكله معك إنك تعلن إنك تؤيد التبرج ومخالطة المرأه للرجال ,, لكن تعتدي وتستهزيء بحكم شرعي هنا أقول لك ( توقف ) ... حياتكم المنفتحه والغير خاضعه لتعاليم الشرع تختلف عن طبيعة حياتنا نحن السعوديين المحافظين على تعاليم ديننا وشريعتنا والمتمثلين لها .

لكن تجي وتستهزئي بحكم شرعي أقره نبينا الكريم ..هنا أقول لك : توقف وأمسك لسانك وضبه بفمك أو بتسمع كلام ثاني .

وثوب الأدب اللي لابسه والإحترام مايمشي عندي أنا بالذات .

إلا الأحكام الشرعية .... خط أحمر .

مفهوم يابتاع الغنمات . ياعيب الشوم بس .

أسد من ورق
12-09-20, 03:40 PM
<<<<
صازه روابي مسجله صوتك عشان تقنعينهم انك بنت
عمرهم ماقتنعوا من هم عشان اقنعهم
وش هم عشان يهمهم من انا
انا مشككيني في نوعي وكل ماشفت احد يشكك اطق اصبع واطلع هاك الضحكه الي تشق خشتي
واقول يابوووووي انتي ياروعه 🤣



ونزلت موضوع عن الحلاقه الرجاليه تزامن مع التشكيك بنوعي 😝

هههه حلوه مسجله صوتها .

تعالي يا أختي روبي سجلي صوتك بقدمه للقصمان علشان يصدقون إني بنوته كيوت شكلهم كفشوني أو عطيني صوره ليكي علشان احطها رمزيه لي >> بتاع الغنمات لما تروط .

(a14)

روبى الحجاز
12-09-20, 04:47 PM
ماعندك مشكله أنا ذا مون الله يذكره بالخير .. وين العيب في هذا . وهل ذا مون إستهزأ بحكم شرعي ... وجاهر بالمعصيه !؟!؟ زي ماتسوي هنا .

لاتهرب وتختلق قصه وموال علشان تموع إعتداءاتك المتكرره على الأحكام الشرعية عيني عينك واللي فشلت فيها في معرفك الأول وباءت كل محاولاتك بالفشل .

أجل حنا يالسعوديين إخترعنا ( النظرة الشرعية ) !!!

هالكلام مايقوله ولا الخبل المجنون الرسمي ...

أنا ماعندي مشكله معك إنك تعلن إنك تؤيد التبرج ومخالطة المرأه للرجال ,, لكن تعتدي وتستهزيء بحكم شرعي هنا أقول لك ( توقف ) ... حياتكم المنفتحه والغير خاضعه لتعاليم الشرع تختلف عن طبيعة حياتنا نحن السعوديين المحافظين على تعاليم ديننا وشريعتنا والمتمثلين لها .

لكن تجي وتستهزئي بحكم شرعي أقره نبينا الكريم ..هنا أقول لك : توقف وأمسك لسانك وضبه بفمك أو بتسمع كلام ثاني .

وثوب الأدب اللي لابسه والإحترام مايمشي عندي أنا بالذات .

إلا الأحكام الشرعية .... خط أحمر .

مفهوم يابتاع الغنمات . ياعيب الشوم بس .


استغفر الله يارب

روبى الحجاز
12-09-20, 05:37 PM
ياقلبي من طيبك والله ياروابي ❤
زين ماقالوا لك هذا صوت اختك ههههههه
تراهم فيهم مرض الشك الله لايبلانا
مافيه شي يقنعهم عشان كذا اسحبي عليهم
والحين من زمان ماحد قالي انتي ذكر ودي يرجعون يقولونها
عشان اضحك عليهم <<< البلاء اذا صار الشخص مضحكه عند البنت

انا اول مارجعت للمنتدي جتني رسايل احلفي انك بنت
وواحد قال علميني من انتي واعلمك من انا <<< هذا الله يخلف عليه من جد وش اقول بس خلني ساكته لاتنجرح عنده مشاعر الرجوله
😂😂😂😂😂😂
والله شي يضحك
ً
انبسط اذا شفتهم متدودهين فيني
وانا مشغلتهم شغل <<< لدرجه اكتشفت ان فيه اعضاء رجال يغارون منى تخيلي 😂😂مضحكه قسم بالله
واحدن يلاحق ردودي ملاحق ملاحق <<< ااااه بس ابوووووووووك ياروعه الي مشغلتهم شغل 🌺😝

ياما قالوا وقالوا هههههه

المشكله البعض عامل حاله راجل و يكتب بمعرفين
لأنه خايف من الناس تضحك من أفكاره المتخلفه
وكمان مايقدر يكتب بمعرف واحد ولاحتى يطلع صوته،

على الأقل انا بنت وما خجلت من صوتي لاني واثقه من نفسي،
مع اني ندمت لان الموضوع ماكان يستحق ارد بصوتي

بس البعض هنا عامل نفسه راجل وهو خايف يكتب بمعرف واحد
لأنه خايف من الرجاله في المنتدى

ما اعرف ليش يتشطر على البنات بالتهديد على باله مهتمه لرايه ههههههههه

والله بجد عالم تضحك🌺

روعة ملاكـ
12-09-20, 06:10 PM
<<<<<
روابي اسمعي تكفين
انا حطيت واحد في سله المهملات
تخيلي يرسلي بالخاص روابط مواضيعه يقولي ادخلي
وهو في ردوده يشيل فيني ويحط واسلوبه غير محترم
عموما انا مارد عليه اسكت عنه ومحترمته لابعد حد
بس مره فجرت فيه وبعدها كنسلته من عندى
وكتب موضوع وارسلي يبغاني ادخل موضوعه واشارك
ترا بعضهم بمسمي رجل بس الافعال تختلف تماماً
عاد انتي شوفي منا وطنشي منا
بالعام يسوي فيها انه متكبر ولا يشوف الاعضاء شي وبالخاص يترجاهم ادخلوا مواضيعي وردوا
انت اصلا مسحوب عليك لاتتقرب خل بعيد يافيروس
يعني عيب تسوي عند الاعضاء انك مايهمك البنت وتكلم عليها كلام مايليق بك اولا واخيرا
وتتطلبها تناظر مواضيعك عيب اخجل ايها المريض اخجل علي شنبك عيب والله عيب


يعني وش اسميك مريض تحتاج علاج بس للاسف مالك علاج ولا حل
الله يصبر الارض الي تمشي عليها ويصبرنا الي جالسين معك بالمنتدي
بس كلها فتره ونفترق حيين او ميتين





ً



ودي احط موضوع اسميه الرسايل الخاصه
واحط فيه كل رساله تجي بالخاص مثل كذا
لاشخاص مسوين فيها يعنني بالعام
وهم بالخاص ذابين كرامتهم علي البنت
موثقه باسمه عشان يتأدب ويحترم الناس







كنت ساكته عنك بس افعالك خلتني اتكلم
ااخ بس منك الله يهديني ويشفيك

عساس الحيا
12-09-20, 06:18 PM
هدف النظرة الشرعية ليس جسدي
هدفها روحي ونفسي

التقارب الروحي بين الزوجين افضل من التقارب الجسدي او جمال الشكل
قبول الروح لروح اهم من قبول الشكل

روعة ملاكـ
12-09-20, 06:35 PM
لو اخذها وتوهق فيها طلع شعرها خشن مثلا وهو يبغاه ناعم
يكرها طول عمره او يطلقها ؟
استغرب من الى يقول تحجب البنت والله عاد ماتحجبنا
ولا مره سمعت البنت تتحجب بالنظره الشرعيه

ولا نقبل بزواجتنا اي وحده متستره علي شي في نفسها
تلبس ساتر ولا تلبس كعب وتفك شعرها
وتجلس مع المعرس يكلمها وتكلمه
يكون اخوها او ابوها معهم طبعا
هذي النظره الشرعيه عندنا



عموما احنا بالخطبه نعلم ام البنت
بنتك لاتمكيج ولا تلبس كعب ولا تبالغ بالزينه

وحتي بالنظره نقولهم بنتكم لاتزين

طُهـر
12-09-20, 07:19 PM
-



(الحمدُلله الذيّ عافانا من هذيّ المهزَلة)
ماهيّ عندنا من فضل ربيّ عليّنا ..
:)


في كثيّر يرددوُن كلام الشيخ أظن (إبن عثيميّن)
رحمة الله عليّه ،
إن أكثر الطّلاق يقعْ عند من يرفضوُن الشوّفة ،
بحجّة إنه ماشافها ولا إرتاحت نفسه اها و و و من هالسوالف البآسقه ،

أحب أعلّق على هذيّ الجُزئية :
أول شيءْ :
رحمة الله عليّه يبقى بشرْ (يُؤخذ منه و يُرد) وكلامه ماهو قُرآن يُؤمن ويُستدلْ به ،
ثانيّ شيءْ :
لو إنه رحمة الله عليّه لاحقٍ هالوَقت كان ماقال هـ الرأيّ ،
شوّفة وخطبة و مِلكة وحفلة وداع العزوُبيّة ،
وآخرتها :
هيّ تسويّ لها حفلَة طلاقْ
و
هو يتزوّج الثانيه
وتتكرر المهزَلة من شوّفة وخرابيّط :)



وفي الأخيّر :
الرجال مايملأ عيوُنهم غيّر (الترابْ) إلا مارَحم ربيّ
لو أنه يشوّفها (من إلى) عيّنه فااااارغه ..

هذا وهُم (يطالبوُن بالشوّفة ولايتزوّجوُن إلا بشوّفة )

مااغيّر يهذروُن بالتعدُد و فاكهة مجآلسهم النِسوآن و أوصافهن ،
وبعضهم وصل للحضيّض في مثل هذا الموضوُع ..

يعنيّ كِذا و إلا كِذا
(الشوّفة في هـ الزمن ماتحققْ الغاية منها)



لِذا حافظوُا على شوفاتكم من العيوُن الزآيّغة ��
الليّ مكتوّب لها نصيّب بتآخذه بدوُن ماتحرّجوُن عليّهن كل يوّم بوجهٍ كالِح ...



+

عوداً حميّداً عبآديّ

طُهـر
12-09-20, 07:30 PM
لو اخذها وتوهق فيها طلع شعرها خشن مثلا وهو يبغاه ناعم
يكرها طول عمره او يطلقها ؟
استغرب من الى يقول تحجب البنت والله عاد ماتحجبنا
ولا مره سمعت البنت تتحجب بالنظره الشرعيه

ولا نقبل بزواجتنا اي وحده متستره علي شي في نفسها
تلبس ساتر ولا تلبس كعب وتفك شعرها
وتجلس مع المعرس يكلمها وتكلمه
يكون اخوها او ابوها معهم طبعا
هذي النظره الشرعيه عندنا



عموما احنا بالخطبه نعلم ام البنت
بنتك لاتمكيج ولا تلبس كعب ولا تبالغ بالزينه

وحتي بالنظره نقولهم بنتكم لاتزين



-

إنتيّ من جدّك وإلا تمزحيّن روّعه !؟


آمنّا بالله إن الشوّفة مُبآحه ،
وبعضهم صدقْ يبنيّ حياته عليّها ،


لكِن على وصفك هذا ماعاد ناقصهم إلا يجيبوُن وِغدان ،
ويذبحوُن التمايّم مع ليّلة العقد ،


وش الليّ تفك شعرها وتلبس وتتكشخْ وتكلمه ويكلّمها !؟
خيّر إن شاءالله !!!!

هل هذا من شروُط الشوّفة الشرعيّة !؟
(ترى أجهل أحكامها ولا أعرف عنها إلا أنها مُباحة
+
ما أفكر أقرأْ عنها)
بس ما أتوَقع تصل شروُط بعض الأمور المُباحة في الديّن للمسخرَة هذيّ ...!



صدق إنتيّ تتكلميّن !؟
وإلا كآتبه ردكْ ملآهد بس ..



(رديّ على الموضوُع مع كااااامل إحتراميّ لِـ شخصك كـ زميّلة لها التقديّر و الإحترام)

عبادي نت
12-09-20, 07:32 PM
وعليكم السلام ورحمة الله وبركاته


سؤال محيرني ،،
هل الأصل في النظرة الشرعية أن تدخل الفتاة كاشفة الرأس ولا فقط تكشف وجهها ؟!

قرأت عدة مرات عن دخول الفتاة كاشفة الرأس و بلبس معيّن ومكياج
استغربت بصراحة..

كنت أظن أن البنت المفروض تدخل محجبة طبيعي بعبائتها وكاشفة الوجه فقط..


،،،،،

جملة للأخت روبي
النظرة الشرعية هي مفهوم من مفاهيم الشريعة الاسلامية ،،
هي ليست اختراع ولا هي ثقافة عائدة لبلد ما..



حياك الله اخت موجه

اختلف العلماء في حدود النظرة

الشافعية والمالكية يرون ان الوجه والكفين كافيه لرؤية الحسن والجسد

والنبي صلى الله عليه وسلم اذن في النظر إليها بغير علمها

لذلك عند الحنابلة يرون بجواز النظر الى ماظهر غالباً

يعني تطلع بشعرها عادي

روعة ملاكـ
12-09-20, 07:51 PM
<<<<
لا والله مو سياستي ملاهد ابدن
ترا والله الردود ماقريتها كلها مرور علي بعض السطور
ولا ادري من قال كذا وكذا مادقق بأسماء الاعضاء
بس اخذت فكره ان البعض يرفض النظره العميقه



ً
احنا كذا والله تجلس معه جلسه ام دقيقتين
وش يبغي فيها يشوفها واقفه عند الباب كنها تطلع معليش هذي مو شوفه
فيه بنات تطل طل مع الباب سلامات وينا فيه وش شاف من جد ماشاف شي

حق مشروع للطرفين
حتي البنت وش شافت اذا بتطل من الباب وخلاص
من حقي اشوف واكلمه ويكلمني



<< بس فيه عوايل يرفضون انها تدخل وتجلس
حتي لو حاولنا فيهم يرفضون خلاص مانفكر نخلي ولدنا يشوفها
شوفه الباب هذي مب شوفه

يووووه انا خبره في الخطبه والشوفات << والله اني اصلح خطابه 🤣

بس اتكلم عن واقعنا احنا كذا تدخل وتجلس مع ابوها او اخوها
لازم تشوف تفاصيله ويشوف تفاصيلها معليش هذا الصح




عموما احنا انفسنا اذا جينا نطلع نخطب مانبالغ بالزينه
حتي هم من حقهم يشوفون تفاصيلنا ولون البشره
بعيدا عن التكلف ابدا مانتزين ابدن
روج وكحله وحمره خدود بدون فونديشن
وهذا الصح


ً
ً

والله مبطيه عن الطلعات للخطبه
يارب يرزقنا خطبه قريبه ويتمم على خير يارب 🙏🏼

عبادي نت
12-09-20, 07:51 PM
-



(الحمدُلله الذيّ عافانا من هذيّ المهزَلة)
ماهيّ عندنا من فضل ربيّ عليّنا ..
:)


في كثيّر يرددوُن كلام الشيخ أظن (إبن عثيميّن)
رحمة الله عليّه ،
إن أكثر الطّلاق يقعْ عند من يرفضوُن الشوّفة ،
بحجّة إنه ماشافها ولا إرتاحت نفسه اها و و و من هالسوالف البآسقه ،

أحب أعلّق على هذيّ الجُزئية :
أول شيءْ :
رحمة الله عليّه يبقى بشرْ (يُؤخذ منه و يُرد) وكلامه ماهو قُرآن يُؤمن ويُستدلْ به ،
ثانيّ شيءْ :
لو إنه رحمة الله عليّه لاحقٍ هالوَقت كان ماقال هـ الرأيّ ،
شوّفة وخطبة و مِلكة وحفلة وداع العزوُبيّة ،
وآخرتها :
هيّ تسويّ لها حفلَة طلاقْ
و
هو يتزوّج الثانيه
وتتكرر المهزَلة من شوّفة وخرابيّط :)



وفي الأخيّر :
الرجال مايملأ عيوُنهم غيّر (الترابْ) إلا مارَحم ربيّ
لو أنه يشوّفها (من إلى) عيّنه فااااارغه ..

هذا وهُم (يطالبوُن بالشوّفة ولايتزوّجوُن إلا بشوّفة )

مااغيّر يهذروُن بالتعدُد و فاكهة مجآلسهم النِسوآن و أوصافهن ،
وبعضهم وصل للحضيّض في مثل هذا الموضوُع ..

يعنيّ كِذا و إلا كِذا
(الشوّفة في هـ الزمن ماتحققْ الغاية منها)



لِذا حافظوُا على شوفاتكم من العيوُن الزآيّغة ��
الليّ مكتوّب لها نصيّب بتآخذه بدوُن ماتحرّجوُن عليّهن كل يوّم بوجهٍ كالِح ...



+

عوداً حميّداً عبآديّ



حياك الله اخت طهر

اذا كنتي تشوفين شريعة رب العالمين مهزله فالله يخلف عليك


ابن عثيمين يؤخذ منه ويرد صحيح

ولكن محمد صلى الله عليه وسلم ماينطق عن الهوى

والاحاديث في جواز النظر الى المرأة بقصد الزواج منها كثيرة

وكانت الصحابيات يعرضن انفسهن على رسول الله صلى الله عليه وسلم

جاء في الشرح الكبير لابن قدامه : قال شيخنا :

لا نعلم بين أهل العلم في إباحة النظر إلى المرأة لمن أراد نكاحها خِلافًا ،

لِمَا روى جابر قال : قال رسول الله صلى الله عليه وسلم :

" إذا خطب أحدكم المرأة فان استطاع أن ينظر إلى ما يدعوه إلى نكاحها فليفعل "


هنا ترخيص

وش هو الافضل انه يواعدها علشان يشوفها بدون علم اهلها

والا يجي البيت من بيبانه ويواجه الريجيل ويخطب بنتهم

ان وافقوا عليه خلوه يشوفها وابوها والا اخوها موجودين

روبى الحجاز
12-09-20, 08:21 PM
عبادي بسالك سؤال...

النظره الشرعيه صح ومن الدين اوكي متفقين...

طيب هل كل الزواجات في العالم صارت بالنظره الشرعية؟
وهل النظره مقياس للزواج الناجح؟

هل تنكر أنو في سعوديين سافروا برا وشافوا بنات وتعرفوا عليهم وبعدين خطبوهم بدون شوفه ولابطيخه.

وبعدين البنت دحين آيش مستفيده من النظره؛؟

هل عشان جمال السعودي مثلا لا طبعا...
أو لطافته وطيبته،
برضه لا... لانه صعب نحكم على بني آدم في لقاء ٥ دقائق

طيب الرجل هو المستفيد بس وومكن يشوفها وبعدين يرفض
ويكسر خاطرها.

عشان كدا بقولك معلومه أغلب البنات دحين ترفض انها تطلع
لاي خاطب في الشوفه...

وقبلها لازم تتشرط عليه وتتاكد انه بني آدم وعنده فلوس ومو بخيل وكمان تتأكد انه ما عنده مشاكل أو أمه وإخواته مسيطرين عليه...


البنت مو طماطم عشان يجي راجل يشوفني وينقي على كيفه،
باسم الدين،

أنا كمان ماهمني شكله ولاتصنعه في الشوفه الشرعيه..

ابغى بني آدم ومتحضر وفاهم أن البنت مو شكل وبس،

ولكن انسانه لها كرامه وحقوق عليه...

ما احب رجل متشدد يجنني بقال الشيخ وقال العفريت..

الزواج حب وسعاده وابسط بكثير

روبى الحجاز
12-09-20, 08:28 PM
الرجل مايشوف عيوبه .. مع السلامه هههه

pHENcgcl2TU

... بنت الجنوب ...
13-09-20, 03:00 AM
...

النظره مآبتوريني فكره وعقليته إللي رآح أوآجهآ طول عمري
ممكن تفيد الرجل لأنه غآلباً يبحث عن الشكل
لكن المرأه مو مره في صآلحهآ الموضوع
.

طُهـر
13-09-20, 03:19 AM
<<<<
لا والله مو سياستي ملاهد ابدن
ترا والله الردود ماقريتها كلها مرور علي بعض السطور
ولا ادري من قال كذا وكذا مادقق بأسماء الاعضاء
بس اخذت فكره ان البعض يرفض النظره العميقه



ً
احنا كذا والله تجلس معه جلسه ام دقيقتين
وش يبغي فيها يشوفها واقفه عند الباب كنها تطلع معليش هذي مو شوفه
فيه بنات تطل طل مع الباب سلامات وينا فيه وش شاف من جد ماشاف شي

حق مشروع للطرفين
حتي البنت وش شافت اذا بتطل من الباب وخلاص
من حقي اشوف واكلمه ويكلمني



<< بس فيه عوايل يرفضون انها تدخل وتجلس
حتي لو حاولنا فيهم يرفضون خلاص مانفكر نخلي ولدنا يشوفها
شوفه الباب هذي مب شوفه

يووووه انا خبره في الخطبه والشوفات << والله اني اصلح خطابه 🤣

بس اتكلم عن واقعنا احنا كذا تدخل وتجلس مع ابوها او اخوها
لازم تشوف تفاصيله ويشوف تفاصيلها معليش هذا الصح




عموما احنا انفسنا اذا جينا نطلع نخطب مانبالغ بالزينه
حتي هم من حقهم يشوفون تفاصيلنا ولون البشره
بعيدا عن التكلف ابدا مانتزين ابدن
روج وكحله وحمره خدود بدون فونديشن
وهذا الصح


ً
ً

والله مبطيه عن الطلعات للخطبه
يارب يرزقنا خطبه قريبه ويتمم على خير يارب 🙏🏼




-


إذا الشعر مفكوُك ، الوجّه متزيّن ، والجسّم متفصل بالّلبس !؟
وأكيّد عِطرها المُفضل مغرّقها ~> أكيد بتتعطر لاتفوليّن ماتحط عِطر بعد
وش بقى له من تفآصيّل يحتآج إنها ترآكيّه ويتفحصها !؟


مدريّ ليّش تذكرت اللي يشتروُن الضحآيا لارم يتفحصها هيّ جزّله وتضحيّ و إلا لا !؟





الوِكاد الله يكفيّنا وإياكُم شرّ هـ الدنيَا وشرْ مهآزِلها وجدّها ..
🙏🏻

طُهـر
13-09-20, 03:46 AM
حياك الله اخت طهر

اذا كنتي تشوفين شريعة رب العالمين مهزله فالله يخلف عليك


ابن عثيمين يؤخذ منه ويرد صحيح

ولكن محمد صلى الله عليه وسلم ماينطق عن الهوى

والاحاديث في جواز النظر الى المرأة بقصد الزواج منها كثيرة

وكانت الصحابيات يعرضن انفسهن على رسول الله صلى الله عليه وسلم

جاء في الشرح الكبير لابن قدامه : قال شيخنا :

لا نعلم بين أهل العلم في إباحة النظر إلى المرأة لمن أراد نكاحها خِلافًا ،

لِمَا روى جابر قال : قال رسول الله صلى الله عليه وسلم :

" إذا خطب أحدكم المرأة فان استطاع أن ينظر إلى ما يدعوه إلى نكاحها فليفعل "


هنا ترخيص

وش هو الافضل انه يواعدها علشان يشوفها بدون علم اهلها

والا يجي البيت من بيبانه ويواجه الريجيل ويخطب بنتهم

ان وافقوا عليه خلوه يشوفها وابوها والا اخوها موجودين






-

الله يحييّك أخ عبآديّ ،


(مُؤمنه بالله و كُتُبُه و رُسله و بالقدرْ خيّرُه و شرّه )
+
اللهُم صلِ وسلِم على مُحمد عدد ماذكرهُ الذآكروُن وغفِل عن ذِكرهُ الغآفِلون ،
هذا أول شيءْ ،


ثآنيّ شيءْ :
الشوّفة (مُبآحة) ماهيّ من (أركان الإسلامْ) ،
ومع مانُشاهده من نتآئِج لِـ هذا الموضوّع
(يبقى مسخرَة ومهزلَة)
مهما حآولتوُا ترجعوّنها للديّن ،

نفّس التعدد الليّ ماخذيّنه كثيّر لِعب بالأعراضْ بإسم الديّن 🙃


ثآلث شيءْ :
ما تطرّقت في رديّ للحرام والخطبة من النآفذه
إرّجع و ركّز بِـ كلاميّ ،
يجيّ يخطبْ ويرّسل أمه و إلا خالته وإلا إن شاءالله من بنات إبليّس ترسم له تفآصيّلها ،

أما يجيّ يتمسمسْ و مايخليّ وجّه مستوّرة إلا يويّق فيّه بإسم الديّن ،
وإذا ماوآفقت هوى نفسه المريّضه تعذرْ بِـ (عدم الرآحه) !؟
مهزلَة و إلا مِش مهزلَة !؟


ياخيّ إذا يبحثْ عن الرآحة و الإرتيآح
(صلاة الإستخارة) تكفيّ وتوفيّ ..



صلاة الإستخآرة = الشوّفة الشرعيّة
وجهيّن لِـ عُملة وآحِدة ،
أيضاً (دُعاء الإستخارة) أرّجى بالخيّر والتوفيّق
من (إطالة النظرْ لِـ كيّلوات من المكيآج)




مافيّه حلْ وسطْ :
(ياتوآعده من ورى أهلّها) و إلا (ترآكيّه قدامهم) ..!
يع يع يع ~> بصوّت هذيّك البنيّه الليّ تنطط ع السريّر

روعة ملاكـ
13-09-20, 06:39 AM
-


إذا الشعر مفكوُك ، الوجّه متزيّن ، والجسّم متفصل بالّلبس !؟
وأكيّد عِطرها المُفضل مغرّقها ~> أكيد بتتعطر لاتفوليّن ماتحط عِطر بعد
وش بقى له من تفآصيّل يحتآج إنها ترآكيّه ويتفحصها !؟


مدريّ ليّش تذكرت اللي يشتروُن الضحآيا لارم يتفحصها هيّ جزّله وتضحيّ و إلا لا !؟





الوِكاد الله يكفيّنا وإياكُم شرّ هـ الدنيَا وشرْ مهآزِلها وجدّها ..
🙏🏻



ً


لو بتكلم عن نفسي انا ماتعطرت ولا تمكيجت
<< قابله فيه قبل الشوفه خازته مع الدريشه وهو طالع 😂😂
<<<. ومقطع فديوا بكل تفاصيله قلبت بالمقطع لين وافقت يوم وافقت قلت خلوه يشوفوني



والضحكه منا لمنا
<<< وابوي الله يخليه لي ماخلاني صامته بتعليقاته ماخلا شي ماعلق عليه << خشتي منا لمنا
والموافقه جت قبل لايطلع المعرس من المجلس 🤣


<
<
<

صراحه كان يوم جميل 🙈




والله بنات الناس ماشميتهم ولا حضرت شوفاتهم
بسالك الي شافهم عن العطر<<< وشهوله اسال الي شافوهم اسالهم هم
عساك متعطره في الشوفه 🤣
ولى عوده بموضوع






احنا ضد مكياج الخطبه والشوفه << كيف بتمكيج بشوفتي حتي بخطبتي ماتمكيجت
بالملكه والزواج صح لزوم 💄💅🏼
ودايم اذا بنخطب نخبرهم لاتمكيجون بس يتمكيجون ولا عندهم فينا 🤣
ولا اعطي رايي في بنت مبالغه بالمكياج حتي الخشم كنتور مو علي طبيعته 😢

روعة ملاكـ
13-09-20, 08:10 AM
انتبهوا ياشباب ويالرجال الي بتعددون
لايخدعونكم البنات من حقكم تشوفونها طبيعيه
راح فيها المتصل ماله الا اسبوع متزوج ومحتار ايش يسوي
ليه تخبين خلقه ربى وراء هالمكياج باسم خداع الزوج
<<< بصراحه اقدر الشاب الي يشرط بالشوفه انها ماتتمكيج
لو بغت تتمكيج لاتبالغين الله يصلحك هذا الصح ومن حقه
هو بيدفع ويتخسر وبيتكلف ليه ينخدع ويتوهق
ليه البنت تخبي مساؤئها بحله بعمرها تخاف مايوافق المعرس
من حقه مايوافق وانتي مايعجبك شي فيه من حقك ماتوافقين
ومن حقه يشوف كل شي بحدود الستر مو من حقك تخبين شي
هذي بدايه لحياه وعمر جديد



الرجل بالمقطع شاف البنت بس ماشافها طبيعيه اكبر غلط
ايش حققت لك الشوفه بعد صباحيتك كرهتها واحترت ايش تسوي فيها
هذي مو شوفه شرعيه <<< وانتي يالبنت ليه تحطين نفسك بهالموقف تخلين رجلك يحتار فيك بعد الزواج ويبحل بك
وش اسوي فيها ؟ غش هذا من غشنا فليس منا
بالتوفيق للجميع
حبيت اهديلكم هالمقطع


تكلم فيه عن كل شي قلته في ردودي
الي هو حق مشروع لكل رجل
بخصوص الممكياج والشعر والكعب العالي



قايله لكم اصلح خطابه وربي خبره عندي بخطبه البنات
وياما بنت فرضت وعطيت رايي وقلت ماتصلح
والي قلت تصلح فعلاً صلحت <<< اقول بس قررت خلاص لقيت لى وظيفه باركولي 🤣



https://youtu.be/aqOV4t6y_3Y





وبعدين اي اسره يشوفون الشوفه بمنظورهم لهم ربعهم الي يشوفونها بنفس المنظور
الي يدخلون بنتهم بالشوفه الشرعيه متغطيه يليق لهم ناس يدخلون علي عيالهم بالشوفه بنات متغطين
كلا ونظرته




وقفه
انتبه
لاتخدعك بنت
ولا يخدعك شاب
تراها حياه تستمر لبقيه العمر
👩‍❤‍👨



ً

ولا هي واهلها فالحين يشرطون بيوت ودراسه ووظيفه ومهر
وانت تاكلها تشوفها متغطيه وفي صباحيتك تنصدم فيها
<<< غالبا وسيعين الوجه الي يشرطون هو الي في بناتهم البلاء والجلاء
يضيقون علي المعرس بالخساير عشان اذا طلعت فضايح بنتهم يقول اتحملها متخسر
لهم وجهه يشرطون ويغطون بناتهم
الي مغطين بنتهم انحاشوا عنهم




ً

بندر الايداء
13-09-20, 09:04 AM
يالله حي اخوي عبادي نت

نور المنتدى بوجودك

عساك بخير ياوجه الخير

النظرة الشرعية من ناحية الحكم لاجدال ولا نقاش ولا اعتراض

سمعاً وطاعة ..

ولكن اصبح بعض الشباب ياخذ النظرة الشرعية طريق لدخول كل بيت
ويجعل من بنات خلق الله سلعة ليختار الاجمل والاحسن ..

ماراح اتكلم عن الناس عامة
اتكلم عن ناس اعرفهم
يتكلمون في وصف بنات الناس بعد رفضها من النظرة الشرعية
قزمة
دبة
الخ ..

وكل من يسمع الاوصاف لايمكن ان يتقدم لها
لكن مايمنع ان كان يعرف عن الرجل انه يخاف الله وجاد في زواجه
وتكون النظرة للاستئناس بزوجته ورؤيتها
لكن اللي معروفين في كل بيت
معصي ..


حفظك الله

المتحد
13-09-20, 10:46 AM
يالله حي اخوي عبادي نت

نور المنتدى بوجودك

عساك بخير ياوجه الخير

النظرة الشرعية من ناحية الحكم لاجدال ولا نقاش ولا اعتراض

سمعاً وطاعة ..

ولكن اصبح بعض الشباب ياخذ النظرة الشرعية طريق لدخول كل بيت
ويجعل من بنات خلق الله سلعة ليختار الاجمل والاحسن ..

ماراح اتكلم عن الناس عامة
اتكلم عن ناس اعرفهم
يتكلمون في وصف بنات الناس بعد رفضها من النظرة الشرعية
قزمة
دبة
الخ ..

وكل من يسمع الاوصاف لايمكن ان يتقدم لها
لكن مايمنع ان كان يعرف عن الرجل انه يخاف الله وجاد في زواجه
وتكون النظرة للاستئناس بزوجته ورؤيتها
لكن اللي معروفين في كل بيت
معصي ..


حفظك الله

اعرف كذا شخص اخ بندر فعلاً استحلوا السالفة
ماابي اتشمت لكن يذكرون انهم بالاخير ارتبطوا بما هو اقل
خارطة الطريق اصلاً واللي المفترض تاخذها مو كذا
الاغلب اللي نشوفه يحط الشكل خطوة اولى
وبعدين يفتش بالباقي وهذا من رأيي قلب للمعادلة
لازم تهتم رقم 1 بالشخصية العقل والتفكير😚
.

The-moon
13-09-20, 10:54 AM
اعرف كذا شخص اخ بندر فعلاً استحلوا السالفة
ماابي اتشمت لكن يذكرون انهم بالاخير ارتبطوا بما هو اقل
خارطة الطريق اصلاً واللي المفترض تاخذها مو كذا
الاغلب اللي نشوفه يحط الشكل خطوة اولى
وبعدين يفتش بالباقي وهذا من رأيي قلب للمعادلة
لازم تهتم رقم 1 بالشخصية العقل والتفكير😚
.



حبيبي . هذولا شواذ واصلا مو رجال بالمعنى الحقيقي اللي يسولفون بالبنات اللي شافوهم .

والغلط من رب الاسره بالاساس .... ليه نبينا الكريم شرط الخلق والدين باللي حنزوجه او نتزوجها .

لازم رب الاسره اذا جاه واحد يخطب . يسأل عنه وعن دينه واخلاقه ومرجلته .. لما تكون تمام يعطيه الضوء الاخضر للشوفه الشرعيه . فان حصل نصيب فالحمدلله , ماحصل نصيب هالنوع ماراح يتكلم بالبنت نهائي .

اذن الغلط مو على اللي شاف البنت . الغلط على ابوها اللي سمح لهالاشكال يشوفون بنته من غير ما يتأكد من دينهم واخلاقهم ورجولتهم .

المتحد
13-09-20, 11:30 AM
حبيبي . هذولا شواذ واصلا مو رجال بالمعنى الحقيقي اللي يسولفون بالبنات اللي شافوهم .

والغلط من رب الاسره بالاساس .... ليه نبينا الكريم شرط الخلق والدين باللي حنزوجه او نتزوجها .

لازم رب الاسره اذا جاه واحد يخطب . يسأل عنه وعن دينه واخلاقه ومرجلته .. لما تكون تمام يعطيه الضوء الاخضر للشوفه الشرعيه . فان حصل نصيب فالحمدلله , ماحصل نصيب هالنوع ماراح يتكلم بالبنت نهائي .

اذن الغلط مو على اللي شاف البنت . الغلط على ابوها اللي سمح لهالاشكال يشوفون بنته من غير ما يتأكد من دينهم واخلاقهم ورجولتهم .

اوافقك لكن ترا اوقات مثل هالشغلات ماتبين
ويمكن حتى الشخص يكون كويس
ويفضي لمقربين له بحسن نية اذا سألوه وهم ينشرون
ويعطون انطباع غير حسن عن عدم رضى
وهو خل نكون صريحين ممكن يشوه الصورة
الشوفة بطريقة استفتاحية ونشوف الباقي هذي غلط
المفترض مثل ماقلت تكون خطوة اخيرة
او على الاقل بعد التوافق الاولي
.

المتحد
13-09-20, 11:39 AM
الرجل مايشوف عيوبه .. مع السلامه هههه

phencgcl2tu

😂😂
ع قولة المصريين طلع عوقر
تشييك بنمبر بوك
.

بندر الايداء
13-09-20, 12:07 PM
اعرف كذا شخص اخ بندر فعلاً استحلوا السالفة
ماابي اتشمت لكن يذكرون انهم بالاخير ارتبطوا بما هو اقل
خارطة الطريق اصلاً واللي المفترض تاخذها مو كذا
الاغلب اللي نشوفه يحط الشكل خطوة اولى
وبعدين يفتش بالباقي وهذا من رأيي قلب للمعادلة
لازم تهتم رقم 1 بالشخصية العقل والتفكير😚
.



حياك الله اخوي المتحد

للاسف الحقيقة كما ذكرت

المعادلة مقلوبة

واتخذ جواز النظرة الشرعية من الكثير للاطلاع واختيار الاجمال

The-moon
13-09-20, 12:42 PM
اوافقك لكن ترا اوقات مثل هالشغلات ماتبين
ويمكن حتى الشخص يكون كويس
ويفضي لمقربين له بحسن نية اذا سألوه وهم ينشرون
ويعطون انطباع غير حسن عن عدم رضى
وهو خل نكون صريحين ممكن يشوه الصورة
الشوفة بطريقة استفتاحية ونشوف الباقي هذي غلط
المفترض مثل ماقلت تكون خطوة اخيرة
او على الاقل بعد التوافق الاولي
.

كلامك حلو . لكن يجب ان ندرك ان اللي يثيرون مثل هالقضايا عن النظره الشرعيه وغيرها مثل حكم الولايه وغيرها . هم ملاعين واعداء لملتنا الحنيفه ويخدمون اجنده خارجيه لتشويه احكام الدين الحنيف .

ماضيعنا غير ناس منحرفين فكريا ودينيا ابتلينا فيهم تركوا منهجنا الحنيف والتحقوا بجماعات ضاله ومنحرفه وهذا اللي جانا منهم . همز ولمز وطعن وتشكيك بثوابتنا الشرعيه

صاروا فرعون علينا وعلى ديننا الله لايكثر اجناسهم ويقطع بذرتهم

عبادي نت
13-09-20, 01:49 PM
يالله حي اخوي عبادي نت

نور المنتدى بوجودك

عساك بخير ياوجه الخير

النظرة الشرعية من ناحية الحكم لاجدال ولا نقاش ولا اعتراض

سمعاً وطاعة ..

ولكن اصبح بعض الشباب ياخذ النظرة الشرعية طريق لدخول كل بيت
ويجعل من بنات خلق الله سلعة ليختار الاجمل والاحسن ..

ماراح اتكلم عن الناس عامة
اتكلم عن ناس اعرفهم
يتكلمون في وصف بنات الناس بعد رفضها من النظرة الشرعية
قزمة
دبة
الخ ..

وكل من يسمع الاوصاف لايمكن ان يتقدم لها
لكن مايمنع ان كان يعرف عن الرجل انه يخاف الله وجاد في زواجه
وتكون النظرة للاستئناس بزوجته ورؤيتها
لكن اللي معروفين في كل بيت
معصي ..


حفظك الله


ارحب يالأمير ياالله حيه

النور بوجودك ووجود الأعضاء الاخرين الذين ياخذنا الحنين اليهم بين فترةً واخرى


النظرة ماتتم الا بعد رؤية اهل المتقدم واعجابهم بها

ومن ثم قبول الطرف الآخر الي هم البنت واهلها

يعني الي يجي يدربي راسه ماراح يسمحون له يشوفها الا وهم قابلين فيه وسائلين عنه

ومثل ماقلنا النظرة لاتحكم على الجمال والشكل فقط

النظرة للآلفة تآلف الشخص الي قدامك وليست للفرجه واطالة النظر

ومن يتحدث عن بنات الناس بسوء فهذا اعظم بلاء جمع بين الغيبة وقطع الرزق

اقفيت خلاص قل ماحصل نصيب والمفروض مااحد يدري عنه وعن خطبته ينثبر يسكت ويدور بنت الحلال بالسر

استعينوا على قضاء حوائجكم بالكتمان

والبنت اذا ماجازت لك قد تجوز لغيرك

فالواحد مايحكم على نفسه وعلى نظرته

عبادي نت
13-09-20, 02:01 PM
لقطة ختام


لقد بُلينا بأقوام يحسبون الله لم يهدي سواهم

تأخذهم العزة بالأثم ويبغضون ماأحل الله

أيبغض الله شيئاً أحله ؟

يحسبون انهم على شيء وهم على لاشيء

يرون من يريد العفاف مقرف

والمعدد يتلاعب بالأعراض


ولا حول ولا قوة الا بالله العلي العظيم


فمثل هؤلاء النقاش معهم مضيعة وقت ...