المساعد الشخصي الرقمي

مشاهدة النسخة كاملة : انا والطفلة الراقصة


فتاة غير
10-09-20, 02:09 PM
لما كان عمري خمس سنوات ، كنا بحفل زفاف
وبنص الرقص فضوا المنصة عشان ترقص أخت العريس لوحدها
كانت بعمري

انا ببراءة الأطفال دخلت برقص
فجت الطقاقة طردتني بالعصى قدام الناس
وبعض أهلها نطوا علي يعني اطلعي

وقتها حسيت بخجل شديد وشعور صعب جدا ً جدا ً
لدرجة اني جلست خاملة ورى وبطلت ألعب او حتى اتكلم
كأنه مسكوب علي ماء حاار

حتى إن حرمة كبيرة شافت الموقف واستاءت
قالت لو مدخلين هذي أحلى من اللي ترقص "ذمت شكل فيها"

طبعا ً انا بطفولتي ماكنت عايشة عند امي
وبهذا الموقف ماكانت امي قريبة ابكي عندها وتراضيني


جلست ساعة اكل نفسي بنفسي ، ولوحدي جالسة
ابتعدت عن الناس ، وابعد عبرتي بصعوبة عشان مااحد يشوفني

واشوف صديقتي من قريباتي تروح وتجي لأمها
لما شفتها جالسة جمب امها رحت وجلست جمب امها مع الجهة الثانية
قلت لامها انا ماابغى اروح زواجات ابد ، قالت ليش
وابكي واقول لها السالفة
وتضمني وتقول انا اوريك فيهم بهاوشهم مايستحون
وهم غيرانين منك لانك حلوة وهم لاء
طبعا ً تقول هاالكلام عشان ترضيني كطفلة
والا ماراح تهاوشوهم ولا عليها منهم ،،

بعدها تحسن شعوري وحسيت بثقة وانتعاش وجلست اتبسم
وقمت ألعب وارجع طبيعي
وضلت طول اليوم تتضحك معاي وتحاول تضحكني


كان هذا الموقف الأول اللي عرفت فيه إن الأمومة تقدر تعطيها كل طفل حولك بحاجة لها
مش بس اطفالك
مو شرط يعيشون كل أطفال العالم عندك

بس تعطيهم الأمومة بموقف ، بكلمة ، باحساس ، بضحكة ، بحب
ماتدري كيف تأثيره عليهم ،،

روعة ملاكـ
10-09-20, 02:26 PM
ياحياتي انتي يافتاه ماحب هالمواقف ابدن ولا هالشعور


ً

صحيح الامومه ممكن تعطيها غير اطفالك
جميل شعور الامومه وجميل الي حولك يشعرون به منك
هذي اسميها رضي عن نفسك
الشخص الي راضي عن نفسه واثق بنفسه
قلبه طيب علي الاخرين
ويبقي اثر تعامله في نفوس الاخرين للابد

فتاة غير
10-09-20, 02:28 PM
لما كنت اطبق بالجامعة ع طالبات صغنونات
كنت اتعمد امدح هذي بشكلها
والثانية بأخلاقها
والثالثة بذكاءها
وانبسط ع ضحكتهن وشعورهن الجميل وقتها

لأني أعرف ان هاالشي بيبقى تأثيره للأبد عليهن ❤

فتاة غير
10-09-20, 04:38 PM
ياحياتي انتي يافتاه ماحب هالمواقف ابدن ولا هالشعور


ً

صحيح الامومه ممكن تعطيها غير اطفالك
جميل شعور الامومه وجميل الي حولك يشعرون به منك
هذي اسميها رضي عن نفسك
الشخص الي راضي عن نفسه واثق بنفسه
قلبه طيب علي الاخرين
ويبقي اثر تعامله في نفوس الاخرين للابد

وهاالاحساس يسعدك قبل يسعد الآخرين

سليمان١٣
10-09-20, 04:39 PM
دارت معي نفس القصة بس اذكر ماكان فيه انزواء ولا هبوط معنوي على العكس ازدت شراسة في الدفاع عن حقي الادبي بالاستماع الى اغاني الطقاقة مع العلم انها هي من تسببت بطردي في المره الاولى بزعمها ان هذا الطفل شقي ولا يستحق التواجد والاستماع لتكلم الصرخات التى كانت تظن بانها فن يستحق الاستماع له

اذكر ضربتتي كف وشدت شعري وحبستها في نفسي الي ان حانت لي الفرصة

وعندما حانت لم افوتها فعالجنت وجهها ببرتقالة كنت ادخرها لتلك الفرصه عندها هربت مسرعا من نفس المكان الذي قدمت لهم منه
مواصير المنور ( كانت حفلة زفاف صاخبة فوق سطوح بيت الجيران )
اصررت على ان اكون من الحاضرين لها رغم انه الدعوة لم توجه لي ولكن
الصخب الموسيقي والغناء الذي تصدح به تلك الطقاقة البائسة له الاثر الكبير في ذلك الاصرار الطفولي المتفهم على الاقل بالنسبة للضيف الغير مرغوب به .

فتاة غير
10-09-20, 04:47 PM
دارت معي نفس القصة بس اذكر ماكان فيه انزواء ولا هبوط معنوي على العكس ازدت شراسة في الدفاع عن حقي الادبي بالاستماع الى اغاني الطقاقة مع العلم انها هي من تسببت بطردي في المره الاولى بزعمها ان هذا الطفل شقي ولا يستحق التواجد والاستماع لتكلم الصرخات التى كانت تظن بانها فن يستحق الاستماع له

اذكر ضربتتي كف وشدت شعري وحبستها في نفسي الي ان حانت لي الفرصة

وعندما حانت لم افوتها فعالجنت وجهها ببرتقالة كنت ادخرها لتلك الفرصه عندها هربت مسرعا من نفس المكان الذي قدمت لهم منه
مواصير المنور ( كانت حفلة زفاف صاخبة فوق سطوح بيت الجيران )
اصررت على ان اكون من الحاضرين لها رغم انه الدعوة لم توجه لي ولكن
الصخب الموسيقي والغناء الذي تصدح به تلك الطقاقة البائسة له الاثر الكبير في ذلك الاصرار الطفولي .

ههههههه الأولاد غير
تلاقيكم من الأساس فايتين تخريب وشقاوة

انا فتت ع المنصة فرحانة برقص
واشوف نفسي حلوة ، فستان وطوق وردي



بس هالمخلوقة ماكان له داعي تمد يدها عليك
زين اللي سويته فيها

سليمان١٣
10-09-20, 05:05 PM
ههههههه الأولاد غير
تلاقيكم من الأساس فايتين تخريب وشقاوة

انا فتت ع المنصة فرحانة برقص
واشوف نفسي حلوة ، فستان وطوق وردي



بس هالمخلوقة ماكان له داعي تمد يدها عليك
زين اللي سويته فيها

طبعا هو الهدف الاساسي الاذيه والشقاوة وتحدي بعضنا اننا ندخل غصب عن حارس الحفلة (ولد من اهل العرس واقف ف المنتصف بين الطفولة والمراهقة )
وحده من كبار المدعوات لما طقشت من اذانا وشقاواتنا مع الدرج فلتت علينا صحون العشاء وتعالي شوفي كيف صرنا كاننا قوارير البولنج اخر الدرج هههه

بس عادي ولا اهتمينا ممكن لاننا اشقياء وتعودنا ع الضرب والمضروب
انت طفلة بريئة حابه تظهري شي من مواهبك فلقيتي لك طرده محترمه اثرت فيك لهلاء

ممكن لانها ما تكررت كثير مازلت تتذكرينا حنا وش نتذكر ووش نخلي

طووق الياسمين
10-09-20, 05:13 PM
ياعمري انتي والله خنقتني العبرة والله يسعد اللي أسعدتك بكلامها

اللطف ضروري وخاصه مع الأطفال لانهم مايتفهمون الاسباب الكبار اهون

طووق الياسمين
10-09-20, 05:20 PM
لما كنت اطبق بالجامعة ع طالبات صغنونات
كنت اتعمد امدح هذي بشكلها
والثانية بأخلاقها
والثالثة بذكاءها
وانبسط ع ضحكتهن وشعورهن الجميل وقتها

لأني أعرف ان هاالشي بيبقى تأثيره للأبد عليهن ❤

اذكررحت ندب لمدرسه ابتدائيه وقعدت عند فصل غايبه معلمته انتظار وسالوني الطالبات وش اسمك

يااستاذه قلت لهم اسمي قالت وحده من الطالبات اسم على مسمى قعدت اضحك على كلامها بعضهم

تقل كبار وهن صغنونات هههههههه

طووق الياسمين
10-09-20, 05:23 PM
ياحياتي انتي يافتاه ماحب هالمواقف ابدن ولا هالشعور


ً

صحيح الامومه ممكن تعطيها غير اطفالك
جميل شعور الامومه وجميل الي حولك يشعرون به منك
هذي اسميها رضي عن نفسك
الشخص الي راضي عن نفسه واثق بنفسه
قلبه طيب علي الاخرين
ويبقي اثر تعامله في نفوس الاخرين للابد

ملاك ترا والله قلت ياعمري انتي قبل اشوف كلامك ماقلدت هههههههههه

روعة ملاكـ
10-09-20, 06:03 PM
ملاك ترا والله قلت ياعمري انتي قبل اشوف كلامك ماقلدت هههههههههه

باقلبي انتي خذي راحتك << ولا فكرت اقول تقلدني

ومن الي ماقال ياعمري والله تنرحم موقف كلنا نمر فيه
ياعمري بس احنا وقلبي

اكسر خاطر نفسي اذا صار لي كذا 😭

غريب الماضي
10-09-20, 06:55 PM
الله يكتب اجرك ويجعلك أم حنونة على عيالك
كنت فاتح هذه الصفحة من الظهر أحس بعجز
بقراءة الموضوع بسبب طوله والآن قرأته والحمدلله
أني قرأته

المواقف بالطفولة تبدوا عادية ولكن للطفل قد
تكون عظيمة وقاسية ودليل ذلك أنك حتى الآن
تتذكرين هذا الموقف

فتاة غير
10-09-20, 07:15 PM
طبعا هو الهدف الاساسي الاذيه والشقاوة وتحدي بعضنا اننا ندخل غصب عن حارس الحفلة (ولد من اهل العرس واقف ف المنتصف بين الطفولة والمراهقة )
وحده من كبار المدعوات لما طقشت من اذانا وشقاواتنا مع الدرج فلتت علينا صحون العشاء وتعالي شوفي كيف صرنا كاننا قوارير البولنج اخر الدرج هههه

بس عادي ولا اهتمينا ممكن لاننا اشقياء وتعودنا ع الضرب والمضروب
انت طفلة بريئة حابه تظهري شي من مواهبك فلقيتي لك طرده محترمه اثرت فيك لهلاء

ممكن لانها ما تكررت كثير مازلت تتذكرينا حنا وش نتذكر ووش نخلي

ههههه احس طفولتك مغامرات وماخليت حدى ماجننته
اكيد مابتهتم لأنك تغديت فيهم قبل يتعشوا فيك (qq22)

أما اللي ترمي صحون ، قالت ماينفع معهم الا كذا :rofl951:

فتاة غير
10-09-20, 07:18 PM
ياعمري انتي والله خنقتني العبرة والله يسعد اللي أسعدتك بكلامها

اللطف ضروري وخاصه مع الأطفال لانهم مايتفهمون الاسباب الكبار اهون

آمين ، الله يسعدها ويوفقها دنيا وآخرة

فعلا ً ، مرات حتى الكلمة تدمر شخص كبير او تصنعه
فما بالك بالأطفال

فتاة غير
10-09-20, 07:24 PM
اذكررحت ندب لمدرسه ابتدائيه وقعدت عند فصل غايبه معلمته انتظار وسالوني الطالبات وش اسمك

يااستاذه قلت لهم اسمي قالت وحده من الطالبات اسم على مسمى قعدت اضحك على كلامها بعضهم

تقل كبار وهن صغنونات هههههههه

فديتهم كيوت (qq22) ❤

فتاة غير
10-09-20, 07:48 PM
الله يكتب اجرك ويجعلك أم حنونة على عيالك
كنت فاتح هذه الصفحة من الظهر أحس بعجز
بقراءة الموضوع بسبب طوله والآن قرأته والحمدلله
أني قرأته

المواقف بالطفولة تبدوا عادية ولكن للطفل قد
تكون عظيمة وقاسية ودليل ذلك أنك حتى الآن
تتذكرين هذا الموقف

آمين يارب

فعلا ً ، وبعض الناس للأسف ماينزل لمستوى شعور الطفل وكيف احساسه وتأثره وقتها

كلمااات
10-09-20, 11:22 PM
بعض مواقف الطفوله تبقي اثر في النفس
المطلوب ان لا نلتفت للخلف ونعوض كل شي سيئ في حياتنا للأجمل
الحمدلله ربي رزقك بولد عوضيه كل نقص عشتيه

من يقسى على الاطفال قلبه لا يعرف الرحمه

إرتكاز
11-09-20, 11:42 AM
ولايعادل كسرة الخاطر أي شيء خصوصا اذا كانت بين الناس
وتبقى ذكراها أبديه لاتنسى .

ياخافقي خل الهموم الدفينه
أدخل على الله خاطري تو ما راق

تبدلت زيف الليال ب يقينه
كسر الخواطر غير عن مكسر الساق.


بل أشد ألما .

والدليل فتاه بقي الموقف عالق ويعزف بحزن في ذاكرتها رغم كل السنين الطوال
اللي جات من بعد موقف..

( الراقصه والطبال )


(qq136)

روعة ملاكـ
11-09-20, 01:58 PM
https://l.top4top.io/p_1715cpz8m0.jpeg (https://top4top.io/)



جاتني وذكرتك يافتاه

فتاة غير
11-09-20, 06:59 PM
بعض مواقف الطفوله تبقي اثر في النفس
المطلوب ان لا نلتفت للخلف ونعوض كل شي سيئ في حياتنا للأجمل
الحمدلله ربي رزقك بولد عوضيه كل نقص عشتيه

من يقسى على الاطفال قلبه لا يعرف الرحمه

احنا نسترجع الماضي أحيانا ً
لنذكر مواقف تعلمنا منها ، واعطتنا دروس

فتاة غير
11-09-20, 07:15 PM
ولايعادل كسرة الخاطر أي شيء خصوصا اذا كانت بين الناس
وتبقى ذكراها أبديه لاتنسى .

ياخافقي خل الهموم الدفينه
أدخل على الله خاطري تو ما راق

تبدلت زيف الليال ب يقينه
كسر الخواطر غير عن مكسر الساق.


بل أشد ألما .

والدليل فتاه بقي الموقف عالق ويعزف بحزن في ذاكرتها رغم كل السنين الطوال
اللي جات من بعد موقف..

( الراقصه والطبال )


(qq136)

والجميل في المواقف المحزنة
انها تقوينا بعد فترة وتعلمنا وتعطينا دروس

الفرزدق الأخير
12-09-20, 01:11 AM
عشان هالموقف .. اقترح ان تتحولي الى قاتله مأجوره ..

تدخلين الزواجات .. تقطعين سلك الكهرب .. يعم الظلام

تخرجين مسدس مع كاتم للصوت .. تطلقين طلقتين

على الطقاقه .. وتطلعين بهدوء ..



فلم بعنوان :

dancing with sniper

الميسم
12-09-20, 03:12 AM
يا الله تخيلت المشهد

وصفك دقيق والشعور وصل للقلب والله

الراحمون يرحمهم الله

كيف بالرحمة لما تهدى لطفل تسعده كلمة وتشعره إبتسامة بالأمان

كل المواقف قد تتلاشى إلا مواقفًا حدثت في الطفولة

وانت من يختار إما أن يذكرك ويدعو لك

أو يذكرك ويدعو عليك


الأطفال أحباب الله

فكيف لا يكونوا أحبابنا ؟!


والله أنه لكل طفل محبة كبييرة في قلبي ورحمة أعرفه أو لا أعرفه

يكفي أنه طفل لأحبه وأرحمه


اللي ما يحب الأطفال

عليه أن يراجع قلبه وروحه

أنا متأكدة واقدر احلف ان روحه جاااافة وقلبه قاسٍ !

فتاة غير
12-09-20, 03:26 PM
https://l.top4top.io/p_1715cpz8m0.jpeg (https://top4top.io/)



جاتني وذكرتك يافتاه

هههه

فتاة غير
12-09-20, 03:29 PM
عشان هالموقف .. اقترح ان تتحولي الى قاتله مأجوره ..

تدخلين الزواجات .. تقطعين سلك الكهرب .. يعم الظلام

تخرجين مسدس مع كاتم للصوت .. تطلقين طلقتين

على الطقاقه .. وتطلعين بهدوء ..



فلم بعنوان :

dancing with sniper


ههههه يالطيف


(q77)

فتاة غير
12-09-20, 03:40 PM
يا الله تخيلت المشهد

وصفك دقيق والشعور وصل للقلب والله

الراحمون يرحمهم الله

كيف بالرحمة لما تهدى لطفل تسعده كلمة وتشعره إبتسامة بالأمان

كل المواقف قد تتلاشى إلا مواقفًا حدثت في الطفولة

وانت من يختار إما أن يذكرك ويدعو لك

أو يذكرك ويدعو عليك


الأطفال أحباب الله

فكيف لا يكونوا أحبابنا ؟!


والله أنه لكل طفل محبة كبييرة في قلبي ورحمة أعرفه أو لا أعرفه

يكفي أنه طفل لأحبه وأرحمه


اللي ما يحب الأطفال

عليه أن يراجع قلبه وروحه

أنا متأكدة واقدر احلف ان روحه جاااافة وقلبه قاسٍ !

ياجمال قلبك ياالميسم

أجمل صفة يتحلى فيها الإنسان هي الرحمة (love)

المتحد
13-09-20, 11:03 AM
سبحان الله الطفل ذاكرته قويه وتوثيق بعض المواقف يرسخ
انتبهي تبالغين بالتدليل كتعويض وشي مثل كذا
ضد القسوة وايضاً ضد بعض تصرفات الاسر اللي يسوونها
كتعويض لبعض تشوهات طفولتهم
لانها تدمر شخصية الطفل
.

فتاة غير
13-09-20, 02:34 PM
سبحان الله الطفل ذاكرته قويه وتوثيق بعض المواقف يرسخ
انتبهي تبالغين بالتدليل كتعويض وشي مثل كذا
ضد القسوة وايضاً ضد بعض تصرفات الاسر اللي يسوونها
كتعويض لبعض تشوهات طفولتهم
لانها تدمر شخصية الطفل
.

التدليل الزايد مو زيد
يصنع طفل اتكالي
ويبغى الناس ع كيفه او يتصادم معهم

بس شو نسوي قلوبنا ضعيفة لازم ندلعهم (qq22)

عساس الحيا
13-09-20, 04:11 PM
الطفوله لابد يحصل لها مثل هذه المواقف ولكن يتجاوزها الطفل

ولكن بعض الاطفال يقتل والدية امامه او تغتصب امه امامه مثل ماوقع في سوريا وفي العراق وفي بعض الدول وقعت تلك الجرائم من باب الجرائم الجنائية
وبعض الاطفال تقطع اجساد والديه امامه بسبب حادث مروري

انا ذكرت هذه الاحداث حتى اجعل مشكلتك هذي صغيره جداا امام ماذكرت

فتاة غير
13-09-20, 07:48 PM
الطفوله لابد يحصل لها مثل هذه المواقف ولكن يتجاوزها الطفل

ولكن بعض الاطفال يقتل والدية امامه او تغتصب امه امامه مثل ماوقع في سوريا وفي العراق وفي بعض الدول وقعت تلك الجرائم من باب الجرائم الجنائية
وبعض الاطفال تقطع اجساد والديه امامه بسبب حادث مروري

انا ذكرت هذه الاحداث حتى اجعل مشكلتك هذي صغيره جداا امام ماذكرت

الله يفرج هم المهمومين والمظلومين