المساعد الشخصي الرقمي

مشاهدة النسخة كاملة : انا في ورطة.... ؟


موب لازم
13-08-18, 09:59 PM
السلام عليكم
عندي مشكلة اطلب من الاخوة الاعضاء المشوره والرأي السديد... ولكم مني الدعاء...

قبل 13 سنة كان معاي سياره ماكسيما 97 وصار عليها حادث شنيع ونجوت بفضل الله ولكن اصابتني بعض الكسور بقيت على إثرها في المستشفى شهرين والحمد لله الذي قدر ولطف... المهم بعدما طلعت من المستشفى بفترة اتصلوا علي المرور وقالوا استلم سيارتك من حجز المرور ولكن قلت لهم ابغاكم تسقطوا لوحاتها لأنها تالفه.. فقالوا لا بد تجدد استمارتها عشان نسقط لوحاتها من الحاسب الآلي..
قلت كيف أجدد رخصة سياره تالفه صاحين انتم... (z)
فرفضت استلم السياره
'خصوصا اني في حينها عاطل عن العمل وماعندي فلوس اجدد الاستمارة

المهم طنشتهم سنوات أخرى وبعدها ..كان المرور يتصلوا على أكثر من مرة و في كل مرة اقول انا رجل مصاب في الفقرة القطنية الثانية عشر وغير قادر على الحركة الان
واسحب عليهم 3 سنوات وبعدها اتصل علي عقيد أو نقيب من المرور
وقال ليش ماتستلم سيارتك
قلت تبغي الصدق وإلا ابن عمه
قال الصدق
قلت ياطويل العمر انتم رفضتم تسقطون اللوحات لسيارة تالفه
والتشليح رفض يشتريها مني إلا بموافقة من المرور
والمرور يشترط تجديد الاستمارة عشان يسمح ببيعها تشليح
وكل واحد يرميني على الثاني (q104)

وغير كذا انا باختصار عاطل وماعندي رسوم تجديد
في ذمتك استلمها ليش؟ وفين اوديها؟!!

المهم قال ماعليك انت استلمها وبنسقط لوحاتها بدون ماتجدد الاستماره
المهم صدقته ومن الفرحة بغيت اطير؟!! :danc854:

رحت استلمت السياره و عرضتها على التشاليح فرفضوها لأنها تالفه تماما... فاضطرتي احطها في حوش البيت ونسيتها 6 سنوات اخرى
على أساس انتظر القى احد يشتريها....

قبل فتره تفاجئة انها لاتزال مسجله باسمي في نظام ابشر؟!!
واتضح أن المتصل من المرور كذب علي...
ولم يسقط لوحاتها من الحاسب الآلي(z)

والان يا اخوان اما متورط فيها ولا ادري كيف أسقط لوحاتها
وهل في رسوم على التأخير 13 سنة في عدم تجديد الاستمارة...
وكيف اجدد استمارة سياره تالفه عشان ابيعها تشليح؟؟؟؟؟؟
شوفو لي حل أو مخرج يا أهل الخبرة في المرور.

غريب الماضي
13-08-18, 10:03 PM
وعليكم السلام ورحمة الله وبركاته
أولاً: الحمدلله على السلامه ولاباس عليك
ثانياً: على كل سنة تأخير 100 ريال+ 300 ريال رسوم تجديد
ثالثاً: نصيحة جدد وسقط اللوحات بإي ثمن
وتخلص منها وريح نفسك
رابعاً: مافيه حل ولامخرج إلا التجديد بعدها تسقط اللوحات

متربع
13-08-18, 10:04 PM
بلغ فيها انها مسروقه واطلع بها في حدى الشعبان وولع بها اجعلها رماده
ولا تضيق صدرك ونفسك .

the lonely girl
13-08-18, 11:34 PM
بلغ فيها انها مسروقه واطلع بها في حدى الشعبان وولع بها اجعلها رماده
ولا تضيق صدرك ونفسك .




ههههههههههههههههههههه

عوذا


شهالتفكير المجرم 😂
هذي مثل الافلام 😂😂



صاحب الموضوع سلامتك


400*13= 5200 واوك ع سيارة قرمبع

لاتتهرب وسو الصح

موب لازم
14-08-18, 12:35 AM
وعليكم السلام ورحمة الله وبركاته
أولاً: الحمدلله على السلامه ولاباس عليك
ثانياً: على كل سنة تأخير 100 ريال+ 300 ريال رسوم تجديد
ثالثاً: نصيحة جدد وسقط اللوحات بإي ثمن
وتخلص منها وريح نفسك
رابعاً: مافيه حل ولامخرج إلا التجديد بعدها تسقط اللوحات

الله يسلمك ولايجيك البأس
اشكرك بارك إله فيك 100 معقوله كل سنه
ولكن لو فكرت اشتري سيارة الان باسمي هل يلزمني اجدد استمارات السياره التالفه..

والله هذه النكبه إذا صدق (q104).

موب لازم
14-08-18, 12:39 AM
بلغ فيها انها مسروقه واطلع بها في حدى الشعبان وولع بها اجعلها رماده
ولا تضيق صدرك ونفسك .


الله يسعدك ويحيك..

ولكن كذا اخاف أزيد الطين بله... وادخل السجن بتهمة بلاغ كاذب(q79)...

موب لازم
14-08-18, 12:44 AM
ههههههههههههههههههههه


صاحب الموضوع سلامتك


400*13= 5200 واوك ع سيارة قرمبع

لاتتهرب وسو الصح

يسلمك ربي

ولكن كيف صارت 5200 ريال

اخوي غريب يقول 100 ريال على كل سنة تأخير
يعني 100 في 13 تساوي المجموع 1300

لزام غير
14-08-18, 01:25 AM
أرى أن تذهب إلى شيخ المعارض أولجنة فك المنازعات في إدارة المرور أوتتفق مع معقب وبالتوفيق

داعي الشوق
14-08-18, 01:34 AM
حقين تشليح السكراب يشترونها منك وبسهوله ما تتخيلها ومكاتبة عقد ومختوم منهم رسمي

.. يعطونك لوحات موترك وياخذون الموتر بسطحه .. يشترونه حديد

المحــــارب **
15-08-18, 12:11 AM
1300 رسوم تاخير

والسيارة مطوفه كل 3 سنوات تجديده

12 سنه باربع تجديدات حول 1500 والرسوم 1300
مع التعقيب والانهاء كامل 3000 ريال وريح راسك يارجل

بلا ماتخلي فيه سياره تمشي عليك رسومها وهي حديده بالحوش :)


الصدمه ممكن المرور يسوي لك ايقاف خدمات جزئي حتى تراجعهم

مها
15-08-18, 12:47 AM
الخطأ منك مو في رجل المرور

إجرائيا يفترض أنك رحت للمرور يعطيك ورقه اسقاط لوحه او تالف

الآن كل ماعليك :

تسدد مخالفات السياره وهي على كل سنه 100 ريال

تسوي اسقاط للوحة من المرور وتشيلها بسطحه وعلى التشليح

اللي يبي يشتري السيارة يختمها لك وترجع للمرور

واذا على السيارة مخالفات لازم تسددها وتجدد الاستمارة و تأمن بعد وبعدين تسقطها

moneeeb
15-08-18, 01:02 AM
ذكرتني الله يذكرك بالشهادة
عندي سيارة ما سقطت لوحها (qq79)
الله يستر

فريد الحاج صبره
15-08-18, 01:36 AM
بالنسبة للتامين ان كان فيها تامين ترا من حقك تطالب باستراد قيمة التامين اللي امنت به السيارة بعد البيع مباشرة

طبعا هم بياخذون جزء وكل ما اسرعت كل ما كان هذا الجزء قليل .

موب لازم
15-08-18, 06:24 AM
أرى أن تذهب إلى شيخ المعارض أولجنة فك المنازعات في إدارة المرور أوتتفق مع معقب وبالتوفيق


المعقبين فكرة حلوه ولكن الإجراءات هي هي...

حياك الله

موب لازم
15-08-18, 06:27 AM
حقين تشليح السكراب يشترونها منك وبسهوله ما تتخيلها ومكاتبة عقد ومختوم منهم رسمي

.. يعطونك لوحات موترك وياخذون الموتر بسطحه .. يشترونه حديد

المشكلة موب في بيع الحديد... لو عليها بسيطة
.. المشكلة في لوحات الموتر....

منورني حياك

موب لازم
15-08-18, 06:35 AM
1300 رسوم تاخير

والسيارة مطوفه كل 3 سنوات تجديده

12 سنه باربع تجديدات حول 1500 والرسوم 1300
مع التعقيب والانهاء كامل 3000 ريال وريح راسك يارجل

بلا ماتخلي فيه سياره تمشي عليك رسومها وهي حديده بالحوش :)


الصدمه ممكن المرور يسوي لك ايقاف خدمات جزئي حتى تراجعهم

كلامك سليم...أظن مافي حل غير كذا

وانا علي كل حال ظروفي صارت مناسبة بحمد الله

ومستعد ادفع من 1000 إلى 10000 الالف.. المهم انفك من هذه المشكلة بحيث ماتتضاعف أكثر.

ولكن الذي قاهرني المفروض يكون عندهم قدر معين من العدل والإنسانية ويتغاضوا عن اي رسوم تجديد استمارة سيارة تالفه...

لأن في غيري من المواطنين ماراح يقدر يدفع وظروفه صعبه...
وانا قاعد احس فيهم لاني خرجت من رحم المعاناه والبطالة...

بحيث مثلا يكتفوا بمشهد أو تقرير من جهة مسوولية يفيد بتلف السياره.. وكذا خلاص يتسامحوا مع المواطن إنسانيا في التجديد وخصوصا أصحاب الحوادث اللي ذ كانت حياتهم على كف عفريت....

نورتني... حياك

الشيخـــــه شجـــــون
15-08-18, 06:38 AM
ارجع للتشليح او شوف لك اي واحد يعرف احد في التشليح
وقلهم انا ابغى منكم الورقه لااكثر لاتدفعولي شيئ الغرض انهي موضوعها

يعني يكتبوا مبلغ تافه من غير مايدفعوه لك

او انت ادفع لهم مبلغ ويدوك الورقه

موب لازم
15-08-18, 06:50 AM
الخطأ منك مو في رجل المرور

إجرائيا يفترض أنك رحت للمرور يعطيك ورقه اسقاط لوحه او تالف

الآن كل ماعليك :

تسدد مخالفات السياره وهي على كل سنه 100 ريال

تسوي اسقاط للوحة من المرور وتشيلها بسطحه وعلى التشليح

اللي يبي يشتري السيارة يختمها لك وترجع للمرور

واذا على السيارة مخالفات لازم تسددها وتجدد الاستمارة و تأمن بعد وبعدين تسقطها






انا كنت طالب جامعي وعاطل عن العمل في ذاك الوقت وظروفي المادية والأسرية غير مناسبة... وغير كذا أصبت بإصابة في الظهر كسر في الفقرة القطنية الثانية عشر.. وكسر في الحوض وكسر العضد.... وكنت قاب قوسين أو أدنى من الشلل لولا رحمة الله ولطفه....
فما كنت قادر اتحرك عشان أحل تبعات الحادث وكان همي اطلع من المستشفى...
وبهذه المناسبة راح اقول نصيحه في آخر الموضوع للذين تعرضوا لإصابات في الظهر
نتيجة الحوادث واختصرها في كلمتين والتفاصيل بعدين
1 لاتصدق كل طبيب مصري
2 لاتعمل مسامير لتثبيت الفقرات او استبدالها.

انا بحمد الله تشافيت بدون كل هذا الكلام.

حياك الله...

موب لازم
15-08-18, 06:56 AM
ارجع للتشليح او شوف لك اي واحد يعرف احد في التشليح
وقلهم انا ابغى منكم الورقه لااكثر لاتدفعولي شيئ الغرض انهي موضوعها

يعني يكتبوا مبلغ تافه من غير مايدفعوه لك

او انت ادفع لهم مبلغ ويدوك الورقه

سبق ورحت للتشليح واعطوني خطاب موجه للمرور طلب عدم ممانعة....

ولما رحت للمرور قالوا جدد الاستمارة وسقط اللوحات... نفس الموال


منورتني

موب لازم
15-08-18, 07:01 AM
بالنسبة للتامين ان كان فيها تامين ترا من حقك تطالب باستراد قيمة التامين اللي امنت به السيارة بعد البيع مباشرة

طبعا هم بياخذون جزء وكل ما اسرعت كل ما كان هذا الجزء قليل .


ذكرتني التأمين

تجديد وتأمين على سياره تالفه !!!!

ياليل ابو لمبه على قولتهم :ola854:(hjh)

موب لازم
15-08-18, 07:03 AM
بصور السياره وتشوفوها هنا..


اشكر حضوركم وتفاعلكم....

متربع
15-08-18, 08:13 AM
ههههههههههههههههههههه

عوذا


شهالتفكير المجرم 😂
هذي مثل الافلام 😂😂



صاحب الموضوع سلامتك


400*13= 5200 واوك ع سيارة قرمبع

لاتتهرب وسو الصح


لا اجرامي ولا شي رجل متورط في قرنبع ماتسوى ريال
ويبي يدفع فيها سته آلاف علشان يتخلص منها
اقرب شعيب شوري عليك وولع بها محد حولك لابلاغ كاذب ولاشي
ولاضريت احد ..

فريد الحاج صبره
15-08-18, 08:43 AM
ذكرتني التأمين

تجديد وتأمين على سياره تالفه !!!!

ياليل ابو لمبه على قولتهم :ola854:(hjh)


والله يبن الحلال القصة كلها مالها داعي

المفروض دفع غرامة ع كل سنه تاخير وع مرمى البلدية طالما ان التخلص منها هو قرارك الاخير

اما اني اجدد فحص وتامين شي ميت !!

تخيل لو انت تجدد تامين انسان ميت

مو هي نفسها

بعض القوانين والانظمة سلق بيض .

فريد الحاج صبره
15-08-18, 08:49 AM
البلدية جهة ريعية قطع غيار سيارتك تباع هناك والمبلغ المحصل منها كذا ولا كذا بيرجع لخزينة الدولة

انت كذا ممكن انك كسبتهم لو تم التخلص من السيارة في وقت قريب من سنة صنعها وفي نفس الوقت كسبت راحة بالك والمرور استفاد والشرطة استفادت من حيث ان السيارة لن تصبح وكرا لمن يريد ان يجعل منها مستودع او ثلاجة ممنوعات قوارير زحلاوي مثلا ههه

هنا الكل مستفيد .

غريب الماضي
15-08-18, 04:24 PM
http://www.qassimy.com/vb/images/misc/quotes/quot-top-left.gif اقتباس: http://www.qassimy.com/vb/images/misc/quotes/quot-top-right.gif
http://www.qassimy.com/vb/images/misc/quotes/quot-by-left.gif المشاركة الأصلية كتبت بواسطة متربع http://www.qassimy.com/vb/images/buttons/viewpost.gif (http://www.qassimy.com/vb/showthread.php?p=12128418#post12128418) http://www.qassimy.com/vb/images/misc/quotes/quot-by-right.gif
http://www.qassimy.com/vb/images/misc/quotes/quot-top-right-10.gif



لا اجرامي ولا شي رجل متورط في قرنبع ماتسوى ريال
ويبي يدفع فيها سته آلاف علشان يتخلص منها
اقرب شعيب شوري عليك وولع بها محد حولك لابلاغ كاذب ولاشي
ولاضريت احد ..
http://www.qassimy.com/vb/images/misc/quotes/quot-bot-left.gif
http://www.qassimy.com/vb/images/misc/quotes/quot-bot-right.gif حتى لو السيارة مسروقة ماتسقط من أسم صاحبها
ويجري عليها تجديد وغرامات تأخير
الطريقة اللي تتكلم عنها هي طريقة السيارة
المشتراه بعقد منتهي بالتمليك

موب لازم
15-08-18, 04:36 PM
لا اجرامي ولا شي رجل متورط في قرنبع ماتسوى ريال
ويبي يدفع فيها سته آلاف علشان يتخلص منها
اقرب شعيب شوري عليك وولع بها محد حولك لابلاغ كاذب ولاشي
ولاضريت احد ..

والله قهر يامتربع...
سياره ماعاد تسوى ريال..

موب لازم
15-08-18, 04:41 PM
والله يبن الحلال القصة كلها مالها داعي

المفروض دفع غرامة ع كل سنه تاخير وع مرمى البلدية طالما ان التخلص منها هو قرارك الاخير

اما اني اجدد فحص وتامين شي ميت !!

تخيل لو انت تجدد تامين انسان ميت

مو هي نفسها

بعض القوانين والانظمة سلق بيض .

لو عندنا مجلس شوري يشرع قوانين في مصلحة المواطن ويلغي كل قانون جائر وماله داعي

كان احنا متقدمين مثل العالم

ولكن الشكوى لله... هذا احنا وهذا حالنا...

تأمين وتجديد علي شي تالف أو عديم الفائدة.. .؟!!!

مها
15-08-18, 04:43 PM
انا كنت طالب جامعي وعاطل عن العمل في ذاك الوقت وظروفي المادية والأسرية غير مناسبة... وغير كذا أصبت بإصابة في الظهر كسر في الفقرة القطنية الثانية عشر.. وكسر في الحوض وكسر العضد.... وكنت قاب قوسين أو أدنى من الشلل لولا رحمة الله ولطفه....
فما كنت قادر اتحرك عشان أحل تبعات الحادث وكان همي اطلع من المستشفى...
وبهذه المناسبة راح اقول نصيحه في آخر الموضوع للذين تعرضوا لإصابات في الظهر
نتيجة الحوادث واختصرها في كلمتين والتفاصيل بعدين
1 لاتصدق كل طبيب مصري
2 لاتعمل مسامير لتثبيت الفقرات او استبدالها.

انا بحمد الله تشافيت بدون كل هذا الكلام.

حياك الله...



الحمدلله على سلامتك ، لكن لو وكلت أحد ينوب عنك في مراجعة إدارة المرور في ذاك الوقت افضل لك من الانتظار

جميع هذه الاعذار لاتعفي عن المسؤولية

لكنه درس تعلمته والحمدلله



راجع انظمة المرور ولوائحة ، الدولة ماشيه على انظمة ولايعفى الانسان على جهله

موب لازم
15-08-18, 04:44 PM
بنزل الصور الان واحكموا يامسلمين...

موب لازم
15-08-18, 04:58 PM
http://a.up-00.com/2018/08/153434061721551.jpg (http://www.up-00.com/)

http://d.up-00.com/2018/08/153434087341171.jpg (http://www.up-00.com/)

http://a.up-00.com/2018/08/153434105642671.jpg (http://www.up-00.com/)

http://c.up-00.com/2018/08/153434113778221.jpg (http://www.up-00.com/)

http://d.up-00.com/2018/08/153434120789711.jpg (http://www.up-00.com/)


حسبي الله ونعم الوكيل... والحمد لله الذي قدر ولطف بي

الان هذه على ايش نجدد استمارتها ونعمل تأمين لها!؟

وش بقى اصلا نأمن عليه!؟؟

موب لازم
15-08-18, 05:12 PM
الحمدلله على سلامتك ، لكن لو وكلت أحد ينوب عنك في مراجعة إدارة المرور في ذاك الوقت افضل لك من الانتظار

جميع هذه الاعذار لاتعفي عن المسؤولية

لكنه درس تعلمته والحمدلله



راجع انظمة المرور ولوائحة ، الدولة ماشيه على انظمة ولايعفى الانسان على جهله





من كان فاضي وقتها يامها...
المرور كان آخر اهتماماتي... كان همي انجو من الموت... وبعد ذالك من الشلل.. وانكتب لي عمر جديد بفضل الله...

عموما النظام الذي لايرأف بالانسان ماهو نظام...

صحيح ماشين عليه ولكن صدقيني هكذا أنظمة لن تحضي باحترام اي انسان عاقل.