مدمن شاهي
14-07-06, 05:45 PM
سلام علاكم :)
مدري وش أقول لكم صراحه .. ! :)
هو أني أطقطق مصابعي واسحب نفسي شوي شوي على ورا .. لين معاد ماتشوفوني ؟ :)
أو أني أسلّم عليكم واسألكم عن بزر ضايع ؟
أو أني أقول لكم ( أنقطع بي البنزين .. ومعي عائلة وتراي جايكم من حفر الباطن .. وابيكم تعطوني حق البنزين وتكرموني كمان بثلاثين ريال ! )
صراحه .. الطاسه ضايعه .. واللي مضيّعها أكيد بيكون راشد .. حسبي الله على بليسه ! (q81)
المهم ...
حلومي .. أو أحلامي .. أو سموها اللي تبون ! (q104)
مجموعة خيالات رُبما تكون واقعاً صحيحاً في يوم من الأيام ! .. !
فيه أحد مايحلّم ؟
أكيد مافيه .. !
طيّب .. وش حلومك اللي تشوفها لما تنطل راسك على المخده ؟
أكيد .. خرابيط زي العاده !
ماعليش .. هذا هو الواقـــــــع !
أنا حلومي غير .. على وزن ( جده غير ) ! (q81)
على طاري ( جده ) .. واللي ياهي زحمه .. كأنك داخل حي البطحاء !
والله يافيها أشكال .. وألوان !
وعندهم شارع أتحداكم تلقون فيه واحد لونه أبيض !
دخلته مره .. وقعدوا يطالعون فيني .. مستغربين من لوني .. أشّر لي واحد منهم يبغاني أوقف .. ! .. قعدت أضحّك من داخلي لأني ( خوّاف ) وما أقدر أضحك في وجهه .. وقلت (( والله اللي ماوقفت لك ... شايفني بايع سويّر ببلاش ! )) (z) .. لا أحـــــــد يسألني من هي " سويّر " .. لأن هذي أسرار عائليه ... واللي يتكلّم هالايام في أسراره العائليه يُعتبر في مُعجم المراجل - الجزء الخامس - ماهو رجّال ولايورث ولا حتى بطيخه طايحه في شارع ( ولد أبو حدبه ) !
ياناس .. أنا وش قصتي من تالي مع الأحلام الورديه ؟
أحد يدري .. ؟
راكان تدري .. من هو راكان !
صرت من تالي وخاصه من يوم جيت من ذيك الديره اللي كل مالتفت في الشارع ، طلّ واحد في وجهي وقال ( أزيّك يابيه .. ماتدينا فرخه ) !
صرت كل مامحطت بعمري على الفراش .. تبدأ حياة جديده .. صراحه حياة حلوه .. لأني وانا أمشي برجولي على الأرض ( فنِش) و ( صفر من اليسار ) ! .. فما بالك بأني أعيش ببلاش ووناسه وسعة صدر ! :)
أشوف أحلام حلوه .. أقدر أسميها ( أحلام ورديه ) !
وكل ماقمت من النوم ضاق صدري .. وودي أدق ( ريوس ) وأرجع شوي لأحلامي عشان أحس بالوناسه وسعة الصدر .. !
بعطيكم حلم من الأحلام .. وانتوا أحكموا بنفسكم !
= = =
طلعت من البيت زي العاده
إلا واشوف تاكسي فيه رجّال مزيون يشر لي .. ويقول لي أركب بسرعه .. صراحه أنا تخوبصت وماقدرت أنطق بحرف ... سألت نفسي [ تصور يامُدمن أن الرجال خطفك ووداك للبر .. وانه صار مستغل هالتكسي أنه يلقّط الزيون من الشوارع ... وانت عارف أن الخطف هالأيام كاثر .. وصاروا الزيون معاد يطلعون من بيوتهم ! ] (z) .. والا [ تصوّر يامُدمن أن هالسوّاق صار أجنبي وانه يبي ياخذك لواحد من هالبيوت ويقطّع رجليك ويديك وينطلك مع مجموعة من الزُملاء المخطوفين عند الحرم من جهة باب الملك عبدالعزيز عشان تشحذ وتمد يدك للي رايح واللي جاي ] ! (q81) .. تصوّر هالأشياء كلها ... ! (a26)
أنا خفت .. هو أني أركب معه ... والا أنحاش وازرق في البيت مره ثانيه !
أخيراً .. أتخذت قرار أني أركب معه واشوف آخرتها معه .. يمكن بعد يسلّفني أو يوظفني في كبينة تلفونات عنده !
ركبت معه .. وعطاني عين .. قال لي أنت وش أسمك ... قلت ( مُدمن ) .. قال ونعم الأسم ... من أي قبيله ... قلت ( قحطاني ) .. قال أنت سعودي .. قلت وش رايك يعني ؟ قال ( بس أسأل ) ؟ .. قلت سعودي وانا اخوك ! (q81)
قال وين مشوارك .. ؟
قلت والله وانا أخوك ... أنت خبصتني واشرت لي وقلت أركب .. وانا أدوّر واحد أركب معه واسولف أنا واياه << على بالي مانيب ذال !
قال تخاويني ؟
قلت وين .. قال مشوار قريّب بيعجبك ؟
قلت فيه ( صندل ) قال فيه صندل << مدري وش هي صندل ذي .. بس في الحلم ( كل شي وراد ) !
رحت أنا واياه مشوار طويل .. أخيراً وقف عند بيت صغير بس شكله حلو من برا .. الباب وردي .. ومسّاكة الباب خضراء على معدني << شوفوا كيف اللون ياناس .. حسبي الله عليك يابوش !
قال : أدخل .. قلت أدخل أنت قبلي .. قال ترا ماقدامك إلا ( عود كبريت ) .. قلت براسك .. ! (z)
دخلت ..
كان البيت عباره عن غرفتين .. وحده نوم والثانيه بدون نوم !
وكان فيه مطبخ صغير .. يحتوي على ( فرن أربع عيون + ثلاجه بابها مخلوع + أربع سكاكين + منشفة صحون + صابون فيري حجم كبير ! )
وكانت فيه دورة مياه .. صراحه هي أحلى مافي البيت ... المغسله زهريه .. ولون الجدار بحري مخطط بأزرق غامق ... !
كانت الصاله عباره عن مجلس عربي .. وكان في النص ( طفّاية سجائر ) وعلبة دخّان وارد أمريكا ! (q104)
كانت قناة ( العالم اليوم ) اللي على بال قناة المجد يجاكرون بها ( قناة الجزيره ) مشغّله ومطوّل على صوتها .. وطالع واحد فيها يقول بصوت عالي [ سنُحارب الإرهاب ولو كان كمونيه منقعّه في موية زمزم ] !
جلست في طرف المجلس .. وجلس خوينا راعي التاكسي قدّامي .. شوي .. إلا ودخل واحد أحلى من الأول .. سلّم علي .. ودق تحيه لراعي التاكسي .. وجلس عند باب المطبخ وقال له ( فيه عصير كوكتيل ) ؟
قال له ( لا ) .. قال أجل بصلّح لكم !
جلست أنا وراعي التاكسي نسولف عن قصور الأفراح النسائيه وانها سبب تأخر الحُكم على صدام حسين وان عجلة التطور للإقتصاد السعودي ممكن يُثمر إذا شفنا أسهم ( مواشي المكيرش ) تصفق الألف وخمسمية ريال :) <<< أحلق شعر ظهر دحيّم إذا تعدت الميتين ريال !
سولفنا في كل شي ..
في السياسه والإقتصاد والرياضه .. حتى الأناشيد اللي بالدف واللي ماهي بدف تكلّمنا عنها ! (qq15)
شوي إلا وخوينا راعي الكوكتيل ماد لي كاس عصير بارد ..
قحنت كاس العصير وانا مبسوط واضحك .. !
شوي إلا [ أُم مُدمن ] صافقتني على وجهي .. وتقول قم [ قامت عصبك وتحنت ركبك يامُدمن ] .. قم صلْ .. وخل عنك الأربع .. حدّك وحده وتخب عليك !
سلام
[ مُدمن شاهي ]
:)
مدري وش أقول لكم صراحه .. ! :)
هو أني أطقطق مصابعي واسحب نفسي شوي شوي على ورا .. لين معاد ماتشوفوني ؟ :)
أو أني أسلّم عليكم واسألكم عن بزر ضايع ؟
أو أني أقول لكم ( أنقطع بي البنزين .. ومعي عائلة وتراي جايكم من حفر الباطن .. وابيكم تعطوني حق البنزين وتكرموني كمان بثلاثين ريال ! )
صراحه .. الطاسه ضايعه .. واللي مضيّعها أكيد بيكون راشد .. حسبي الله على بليسه ! (q81)
المهم ...
حلومي .. أو أحلامي .. أو سموها اللي تبون ! (q104)
مجموعة خيالات رُبما تكون واقعاً صحيحاً في يوم من الأيام ! .. !
فيه أحد مايحلّم ؟
أكيد مافيه .. !
طيّب .. وش حلومك اللي تشوفها لما تنطل راسك على المخده ؟
أكيد .. خرابيط زي العاده !
ماعليش .. هذا هو الواقـــــــع !
أنا حلومي غير .. على وزن ( جده غير ) ! (q81)
على طاري ( جده ) .. واللي ياهي زحمه .. كأنك داخل حي البطحاء !
والله يافيها أشكال .. وألوان !
وعندهم شارع أتحداكم تلقون فيه واحد لونه أبيض !
دخلته مره .. وقعدوا يطالعون فيني .. مستغربين من لوني .. أشّر لي واحد منهم يبغاني أوقف .. ! .. قعدت أضحّك من داخلي لأني ( خوّاف ) وما أقدر أضحك في وجهه .. وقلت (( والله اللي ماوقفت لك ... شايفني بايع سويّر ببلاش ! )) (z) .. لا أحـــــــد يسألني من هي " سويّر " .. لأن هذي أسرار عائليه ... واللي يتكلّم هالايام في أسراره العائليه يُعتبر في مُعجم المراجل - الجزء الخامس - ماهو رجّال ولايورث ولا حتى بطيخه طايحه في شارع ( ولد أبو حدبه ) !
ياناس .. أنا وش قصتي من تالي مع الأحلام الورديه ؟
أحد يدري .. ؟
راكان تدري .. من هو راكان !
صرت من تالي وخاصه من يوم جيت من ذيك الديره اللي كل مالتفت في الشارع ، طلّ واحد في وجهي وقال ( أزيّك يابيه .. ماتدينا فرخه ) !
صرت كل مامحطت بعمري على الفراش .. تبدأ حياة جديده .. صراحه حياة حلوه .. لأني وانا أمشي برجولي على الأرض ( فنِش) و ( صفر من اليسار ) ! .. فما بالك بأني أعيش ببلاش ووناسه وسعة صدر ! :)
أشوف أحلام حلوه .. أقدر أسميها ( أحلام ورديه ) !
وكل ماقمت من النوم ضاق صدري .. وودي أدق ( ريوس ) وأرجع شوي لأحلامي عشان أحس بالوناسه وسعة الصدر .. !
بعطيكم حلم من الأحلام .. وانتوا أحكموا بنفسكم !
= = =
طلعت من البيت زي العاده
إلا واشوف تاكسي فيه رجّال مزيون يشر لي .. ويقول لي أركب بسرعه .. صراحه أنا تخوبصت وماقدرت أنطق بحرف ... سألت نفسي [ تصور يامُدمن أن الرجال خطفك ووداك للبر .. وانه صار مستغل هالتكسي أنه يلقّط الزيون من الشوارع ... وانت عارف أن الخطف هالأيام كاثر .. وصاروا الزيون معاد يطلعون من بيوتهم ! ] (z) .. والا [ تصوّر يامُدمن أن هالسوّاق صار أجنبي وانه يبي ياخذك لواحد من هالبيوت ويقطّع رجليك ويديك وينطلك مع مجموعة من الزُملاء المخطوفين عند الحرم من جهة باب الملك عبدالعزيز عشان تشحذ وتمد يدك للي رايح واللي جاي ] ! (q81) .. تصوّر هالأشياء كلها ... ! (a26)
أنا خفت .. هو أني أركب معه ... والا أنحاش وازرق في البيت مره ثانيه !
أخيراً .. أتخذت قرار أني أركب معه واشوف آخرتها معه .. يمكن بعد يسلّفني أو يوظفني في كبينة تلفونات عنده !
ركبت معه .. وعطاني عين .. قال لي أنت وش أسمك ... قلت ( مُدمن ) .. قال ونعم الأسم ... من أي قبيله ... قلت ( قحطاني ) .. قال أنت سعودي .. قلت وش رايك يعني ؟ قال ( بس أسأل ) ؟ .. قلت سعودي وانا اخوك ! (q81)
قال وين مشوارك .. ؟
قلت والله وانا أخوك ... أنت خبصتني واشرت لي وقلت أركب .. وانا أدوّر واحد أركب معه واسولف أنا واياه << على بالي مانيب ذال !
قال تخاويني ؟
قلت وين .. قال مشوار قريّب بيعجبك ؟
قلت فيه ( صندل ) قال فيه صندل << مدري وش هي صندل ذي .. بس في الحلم ( كل شي وراد ) !
رحت أنا واياه مشوار طويل .. أخيراً وقف عند بيت صغير بس شكله حلو من برا .. الباب وردي .. ومسّاكة الباب خضراء على معدني << شوفوا كيف اللون ياناس .. حسبي الله عليك يابوش !
قال : أدخل .. قلت أدخل أنت قبلي .. قال ترا ماقدامك إلا ( عود كبريت ) .. قلت براسك .. ! (z)
دخلت ..
كان البيت عباره عن غرفتين .. وحده نوم والثانيه بدون نوم !
وكان فيه مطبخ صغير .. يحتوي على ( فرن أربع عيون + ثلاجه بابها مخلوع + أربع سكاكين + منشفة صحون + صابون فيري حجم كبير ! )
وكانت فيه دورة مياه .. صراحه هي أحلى مافي البيت ... المغسله زهريه .. ولون الجدار بحري مخطط بأزرق غامق ... !
كانت الصاله عباره عن مجلس عربي .. وكان في النص ( طفّاية سجائر ) وعلبة دخّان وارد أمريكا ! (q104)
كانت قناة ( العالم اليوم ) اللي على بال قناة المجد يجاكرون بها ( قناة الجزيره ) مشغّله ومطوّل على صوتها .. وطالع واحد فيها يقول بصوت عالي [ سنُحارب الإرهاب ولو كان كمونيه منقعّه في موية زمزم ] !
جلست في طرف المجلس .. وجلس خوينا راعي التاكسي قدّامي .. شوي .. إلا ودخل واحد أحلى من الأول .. سلّم علي .. ودق تحيه لراعي التاكسي .. وجلس عند باب المطبخ وقال له ( فيه عصير كوكتيل ) ؟
قال له ( لا ) .. قال أجل بصلّح لكم !
جلست أنا وراعي التاكسي نسولف عن قصور الأفراح النسائيه وانها سبب تأخر الحُكم على صدام حسين وان عجلة التطور للإقتصاد السعودي ممكن يُثمر إذا شفنا أسهم ( مواشي المكيرش ) تصفق الألف وخمسمية ريال :) <<< أحلق شعر ظهر دحيّم إذا تعدت الميتين ريال !
سولفنا في كل شي ..
في السياسه والإقتصاد والرياضه .. حتى الأناشيد اللي بالدف واللي ماهي بدف تكلّمنا عنها ! (qq15)
شوي إلا وخوينا راعي الكوكتيل ماد لي كاس عصير بارد ..
قحنت كاس العصير وانا مبسوط واضحك .. !
شوي إلا [ أُم مُدمن ] صافقتني على وجهي .. وتقول قم [ قامت عصبك وتحنت ركبك يامُدمن ] .. قم صلْ .. وخل عنك الأربع .. حدّك وحده وتخب عليك !
سلام
[ مُدمن شاهي ]
:)