المساعد الشخصي الرقمي

مشاهدة النسخة كاملة : محتار وش أشتري من بين هذولي

السرساح
12-07-06, 09:27 AM
السلام عليكم

بصراحه ياجماعة الخير أنا رجال راعي خطوط. يعني يومياً عندي مشوار ثابت 100 كيلو رايح و 100 جاي
من الدوام للبيت وهذا هو الحل وأنا راضي فيه. على الأقل في الوقت الحالي

سؤالي: أنا عندي إختيارات ومحتار أي واحد فيهم يبي ينفع للمشاوير هذي وهل راح تكون السياره عمليه؟

السيارات هي: BMW 745Li والسياره الثانيه LEXUS 430 والسياره الثالثه MERCEDES S350

السيارات جميعها موديل 2004 ماعدا BMW موديلها 2003

أتمنى ممن يعرفون خواص هذه السيارات الإجابه ومشكورين مقدما
ღبـ ح ـر الكتـ م ـانღ
12-07-06, 06:28 PM
عليكم السلام


كلها تنفع للمشاوير


الموتر مايذبحه الا الدوران والدوجه :)


ومبروك مقدما
ابوهتون
13-07-06, 05:48 AM
اذا بتاخذ مستعمل

لاتقرب المرسديس

واللكزيس اضمنهن لانك تبي تكرف الموتر

واللكزيس ارخصهن من ناحيه الغيار ومتوفر بشكل كبير

والبي ام اكشخهن
غريب الماضي
14-07-06, 02:04 AM
مرحبا / السرساح

بصراحه أنا ماجربت ولا نوع من اللي ذكرتهم

لكن أعرف أن اللكزس تتحمل المشاوير

والتعب . . ..

وبالتوفيق أن شاء الله

الله يعطيكـ خيرها ويكفيكـ شرها
حبيب القلوب
14-07-06, 10:15 PM
والله رأيي الشخصي انه حرام تشتري موتر فخم وتكرفه في الخطوط

وش رايك تشتري لك فورد جراند ماركيز موديل 2006 تصلح للخطوط وموتر ترتاح وانت تسوقه لأنه جديد

وفي نفس الوقت مريح جداً وإذا انحلت مشكلة المشاوير ذيك الساعة اشتر السيارة الي تبي

والله يوفقك في السيارة المبروكة
السرساح
15-07-06, 01:35 PM
جزاكم الله خير على ردودكم وهذا ماهو بغريب عليكم، بصراحه ناس كثير نصحوني باللكزس

والله ياحبيب القلوب كلامك صحيح بس من ناحية السلامه من بعد الله الفورد ماياكل عيش بالخطوط
صعبه نقارن فياقرا والا لكزس بفورد من ناحية الأداء والفاعليه على الطرق السريعه، والا أنا غلطان؟
وأنا رجلي ثقيله بصراحه وهذي عادة ماهي بزينه

كل الشكر للإخوان المشاركين وعساكم على القوه قولوا آمين
غريب الماضي
15-07-06, 02:59 PM
" السرساح "

أذا أنت دايم تسرع فأنتبه من هالسيارات

تراهم بلمح البصر يطيرون ولا تحس أنكـ تسرع

أبـد لهذا لو تلاحظ أن أغلب اللي عندهم هالسيارات

على الخطوط تشوفهم يمرون عليكـ بسرعة جنونيه

لكن بالاساس هم مايدرون انهم يسرعو مايلاحظون ولا يحسون

لفخامة السيارة وراحتها .. أنصحكـ خذ بالكـ من الشغلة هذه ِ والله يوفقكـ
الفضاء
19-07-06, 12:20 AM
اي سيارة تودي وتجيب ..... بس اوصيك بالابيض>>> ( ابو ملف )
اتحدى الشوق
20-07-06, 11:51 PM
Bmw لاخربت خربت وقطع الغيار نار والخوف من القطعة بنص الخط