المساعد الشخصي الرقمي

مشاهدة النسخة كاملة : مشكله كمبيوتري مع البلوتوث ..!! .. تستقبل وماترسل

][ الــــوافــــي ][
10-07-06, 03:57 AM
السلام عليكم ورحمة الله وبركاته

صباح الخيرات يا حلوين ,,

جيت اشرح لكم معاناتي مع قطع البلوتوث

اللي عقدتني وشيبت راسي :(

واللي بيحل المشكله اشهد انه عبقري

لان نص محلات الكمبيوتر ماعرفوا الحل ..!!

طبعاً جهازي مو لاب توب

لا عادي مكتبي ..

المهم

عندي قطعة بلوتوث من فتره استخدمها زي الحلاوه

وفجأه صارت تستقبل من الجوال

بس ما اقدر ارسل منها ..

يعني تاخذ وما تعطي ,,

وفي البدايه جلست اسوي تجارب عده

وللأسف بائت بالفشل :(

بعد ما خلصت تجاربي قلت يا ولد مالك الا

الفورمات هو الحل النهائي لكل المشاكل ,,

كان اجمع السيديات وابدا افرمت وانزل البرامج ,,

وانا فرحان واقول في خاطري ان جات على فورمات

مو مشكله :)

وافرمت وبعد ما اخلص وانزل تعريف قطعه البلوتوث

واركبها على شان اجرب ,,

واتفاجأ

انه ما تغير شي ابد ونفس المشكله ..!!

واجلس افكر لين اليوم الثاني

وطبعاً عندي عاده اني ما اوديه لمحل يصلحه

الا لين ايأس ..

قلت يمكن انه يتعارض مع احد البرامج على الجهاز

وكان ارفع الكموم وافرمته ثانيه ^_^

ولا نزلت ولا برنامج بس الاساسيه

واجرب ونفس الشي ما تغير :( ..!!

تستقبل بس ماترسل ,,

واشيل الكمبيوتر واطير عند اقرب محل

واعلمه بالسالفه كلها ,,

كان يقولي هالفلبيني ابو عيون صغار

هذا ويندوز مشكله ..!!

لازم فورمات ..

وهو ما يدري اني مفرمته مرتين من وسيديات

مختلفه لانه قبل لا يقترح جرب قبله :)

قلت له مو مشكله فرمت امرنا لله ..

وارجع له بعد ساعتين ويقولي جرب صديق ,,

واروح اجرب والاقيها نفس المشكله

تيتي تيتي ومثل مارحتي جيتي :(

قلت آبوها قطعه والنهايه يعني ,,

والغريب اني جربت عند المحل

اكثر من 6 انواع مختلفه للبلوتوث :(

وكلها نفس المشكله معي ,,

شكيت في usb

بس شغال زي الحلاوه وجربتها في مخارج مختلفه ,,

ونفس المشكله ,,

واللي يعرف لي حل لا يبخل علي ,,

انتظر منكم المساعده يا حلوين ,,

وهذا انا اناظــر وفاتح عيوني على هالموضوع

ونبي نشوف العبقري اللي يبي يحلها ,,
المُهرة
10-07-06, 04:07 AM
غريب أمر جهازك
وش رايك تشتري لاب توب وتخليه يموت حسرة << تقصد جهازك الأول (qq167)
][ الــــوافــــي ][
10-07-06, 04:09 AM
لا على بالك بعتقه كذا على طول ..!!

لازم اعذبه واعرف وشـ بلاه

لانه من جد قهرني :(
المُهرة
10-07-06, 04:12 AM
حتى أنا قهرني وهو مو جهازي
بس ماله الا تطق عليه جارة
خله يموت قهر
هههههههههههههههههه
][ الــــوافــــي ][
10-07-06, 04:15 AM
اصصصص لا يسمعنا تراني اكلمك منه

اذا على جهاز ثاني موجود كثير غيره

بس ماني تاركه الا لين اعرف له حل
جــيفارا
10-07-06, 04:28 AM
اسمع اخوي الوافي هناك نوعين من وصلات البلوتوث التي تركب في مخرج usb طبعاً كلها كلاس 1 تمام النوع الاول وهو الاكثر شيوعاً في المحلات يجي معه برنامج سوفت وير اسمه بلو سيل او زي هالاسم تقريباً لاني مو متأكد
هذا ولا ببصله على قوله اخواننا المصريين ..والسبب انه يحتاج تنصيب وبرنامجه معقد ويجيب الصرقعه لراسك ولازم عمل اقتران لاي جوال او بلوتوث تبي ترسل له ..وازيدك من الشعر بيت مايقدر يرسل لاجهزه PDA الكفيه الايميت وطقته حاولت فيه برسل لجوالي jam in ومافي فايده...
النوع الاخر من الوصلات يعمل على طول اول ماتشبكه على الكمبيوتر PLUG AND PLAY اول ماتشبكه يتعرف عليه الكمبيوتر ومايحتاج سوفت وير ولااقتران ولاخرابيط فقط زر الماوس الايمن وارسال الى وفيه نوع رهيب مره اسمه billionton حجمه مره صغير وروعه اشتره وتبي تدعي لي ............. وقيمتها 40 ريال
اتمنى حليت مشكلتك بدون تعقيد :)
][ الــــوافــــي ][
10-07-06, 04:32 AM
حبيب قلبي القطعه اللي عندي ترسل لاي

جهاز فيه بلوتوث ,,

واما القطعه اللي تتكلم عنها ما حصلت مثلها للأسف :(

وياريت تلقون ولا تفيدوني بحل بالقطعه اللي عندي

لان المشكله مو منها جربت قطع يختلفون عنها

لكن المشكله بجهازي

علشان كذا عرضت لكم مشكلتي يمكن

نحصل حل له :)

وحياك حبيبي وماقصرت
المُهرة
10-07-06, 04:34 AM
إن شاء الله تنحل مشكلتك مثل ماقال جيفارا :)
وخلاص بسكت لا يدعي جهازك علي (q29)
المُهرة
10-07-06, 04:35 AM
[ الــــوافــــي ][']



واما القطعه اللي تتكلم عنها ما حصلت مثلها للأسف :(






دورها باكسترا :)
جــيفارا
10-07-06, 04:49 AM
طيب جرب قطعه من linksys او اي نوع اخر بشريط يكون plug and play جرب على جهاز اخر اذا اشتغلت معناتو المشكله عندك من ال usb يلزمك تروح اداره البرامج وتتفحص مخارج usb وتسوي لها تحديث او غير القطعه بمخرج اخر وجرب
][ الــــوافــــي ][
10-07-06, 04:50 AM
المهره وينه فيه اكسترا ذا ..؟؟
][ الــــوافــــي ][
10-07-06, 04:53 AM
طيب جرب قطعه من linksys او اي نوع اخر بشريط يكون plug and play جرب على جهاز اخر اذا اشتغلت معناتو المشكله عندك من ال usb يلزمك تروح اداره البرامج وتتفحص مخارج usb وتسوي لها تحديث او غير القطعه بمخرج اخر وجرب






والله جربتها وعندي مركب 4 مخارج اضافيه

usb

و2 موجوين في الاصل ..

ونفس المشكله :(
المُهرة
10-07-06, 04:53 AM
عندنا بالرياض :)
][ الــــوافــــي ][
10-07-06, 04:56 AM
انا من الشرقيه الدمام ..

ضنك لو اضرب مشوار للرياض

ارجع فرحان
المُهرة
10-07-06, 05:15 AM
إن شاء الله تفرح بحل مشكلتك بـ هالموضوع :)
واكسترا محل كبير يتوفر فيه كل ما يخص الحاسب وغيره من اجهزة كهربائية
بإذن الله تلاقي هالقطعه فيه

اصبر لا تدق سلف
يمكن يجي احد يدلك على الحل الصحيح
<<< صدقت أنك بتضرب مشوار الحين (qq22) (http://www.qassimy.com/vb/misc.php?do=getsmilies&wysiwyg=1&forumid=0#)
][ الــــوافــــي ][
10-07-06, 05:24 AM
المشوار عادي يهون

عطله وفضاوه زايده وماعندنا شي ..

بس اللي شاغل بالي اذا شريتها بتشتغل او لا

مع اني جربت كذا قطعه مختلفه ونفس البلا ..!!

وحتى usb ركبت جديد

وبرضوا نفس الشي

يشغل كل شي من فلاش ميموري واي شي اشبكه

فيه الا اي قطع بلوتوث تركب عليه تستقبل وماترسل
المُهرة
10-07-06, 05:28 AM
من جد احترت مع جهازك الغريب
لكن إن شاء الله مشكلتك لها حل :)
][ الــــوافــــي ][
10-07-06, 05:32 AM
فعلاً

لكل داء دواء يستطب به ,,

وان شاء الله قريب نعرف له حل :)

وماقصرتي والله يالمهره على هالمتابعه

بصراحه خففتي عني من هالمعاناة
الفارس910
12-07-06, 05:18 PM
الله يعطيك العافيه