المساعد الشخصي الرقمي

مشاهدة النسخة كاملة : سلسلة مواقف وذكريات : (6) يا عمليات .. فيه سيارة محترقة ..!!!


الســياســي
09-07-06, 06:29 PM
قصتي مع يا عمليات .. فيه سياره محترقه ....!!!

بسم الله والحمد لله والصلاة والسلام على رسول الله وعلى آله وصحبه ومن والاه ... ,,

أما بعد ..

فبعد العصر بمدة ..
يعني عقب العصر ..

اتصل علي أحد الأصدقاء العزاء وهو ..
ما يحتاج اقول اسمه .. وش دخلكم اصلا ... ؟؟

لقبه هنا (( تنيسة )) .. ربما يعرفه بعضكم ..
كان يشارك سابقا ولكنه انقطع نوعا ما ,,
وفقه الله لكل خير ..

الشاهد انه دق علي وقال مشينا للمعارض ..
طبعا معارض النسيم ,,

مشينا وسولفنا شوي بالطريق ..
ويوم اخذنا يمين وحنا جايين مع خريص ..
دخلنا شارع المعارض ..
ثم أخذنا يمين ثانية لوسط المعارض ..
والشارع معروف انه سرررراااا وزحمه وقلق ..

المهم اننا نشبنا بالزحمة .. وياله ياله نمشي ...

وفجأة ..
وبدون مقدمات ..

صار فيه حركة ..
واضطراب ..
وشوشرة قدامنا ...
مع شوي دخان ..


قال تنيسة : شب ..!! شب الموتر نار .. !

افااااا وشو ...
وش تقول يا ولد ؟؟
انت صاز ..

فعلا ً ..
فهناك موتر من نوع جمس قديم نوعا ما في وسط الزحمة قد اشتعل ..
من جهة المقدمة ..
يعني فيه نار بوسط الماكينة او حولها او بجنبها ...
ونحو ذلك ..

طبعا حركة السيارات صارت صعبة ...
وكل واحد يدق ريوس ويرجع على الثاني ..
.. مع الزحمة ..
والسيارة تحترق أمامهم ..
وربما تنفجر في أي لحظة ..

بدأ الناس يرجعون ,,
ويمرون بنا ذات اليمين وذات الشمال ...
يمشون على أقدامهم هربا وقد تلثموا وتلطموا ..
ارجع .. ارجع ..
حريقه يا مطوع .. ارجع ..
طاط .. طييييييط ... طووووط ..



أنا فكرت قلت لازم أسوي شيء ..
يا ولد بس ... لقيته ..
الآن ادق على الدفاع المدني ..
..

998 ..
الدفاع المدني .. السلام عليكم ..
وعليكم السلام ..
سم ..؟
يا اخوي فيه سياره محترقه بوسط السوق ..
وفيه زحمة والناس تلخبطوا و مدري وشو .. ايه ..

طيب طيب .. وين الموقع بالضبط ..
واعطيه الموقع بالضبط ..

واسكر الجوال ..

المهم ان الرياجيل -- أو الرجاجيل ,, بس الأولى أنسب بالمعارض ..
الرياجيل طفوا النار ... وجت سلامات .. ولا صار فيه أي إصابات ..

قلنا : الحمد لله ..

بس فكرت شوي ..
هاه ...
افاااا ...
لا ما يصير ...

هالحين تجي العمليات ما تلقى لا نار ولا حريقه ولا سيارة ...!!

اقووووووول تنيسة .... الهجه يا ولد .. حط رجلك ..

مشكلة .. !!!
أخاف يحسبونن أكذب .. ولا مسوي بلاغ كاذب ..

قال تنيسة ... لا ما عليك ..

شوي .. وانا اسمع
قاااااق
قااااااااااااااااق

وي وي وي وي
قااااااااااااااااق
قاااااااااااااااق
قق قق ...

افااااا
وش هالنشبه ..
تنيسه حرررررررررررررررررك ,,

لا ما عليك يا رجال لا يهمونك ..

شوي ويدق جوالي ..
>>> الو .. معك الدفاع المدني .. هاه .. وصلتكم الفرقه .. ؟؟
<<< هاه .. ايه وصلت هذي اسمع صوتهم ورانا ..
بس شف ترى الرياجيل طفوا النار ..
>>> قال: طيب ابيك تروح لو سمحت للفرقه وتوريهم السيارة اللي كانت شابه نار ..

<<< قلت له : سم ..
وسكرت الجوال ..

نزلت من الموتر ..
ورحت عندهم ..
وقلت : شفت هذاك الجمس اللي كبوته مفتوح هنااااااااااااك ....
هذا هو اللي شبت فيه نااار قبل شوي ..
قال لي : طيب خلاص ..

<< وش خلاصه يابو ,, لازم يعرفن علشان افتك ..

اقول .. ترى العمليات هو اللي قال لي رح قلهم وعلمهم مكان السيارة ..

قال لي :
طيب يعطيك العافية ..

آآآآآآآآآآآآآآآآه أشوا . ...

ارتحت ..

هانت ..

والحمد لله أولا وآخرا ..

وشكرا للجميع ..


الدروس المستفاده .. من هذا الموقف :
1- عدم التسرع في الابلاغ ..
2- التأكد من أي شيء دائما ..
3- الشجاعة والإقدام والتسرع أحيانا أمور مهمة وضرورية ...<< يعني مثلي ..
4- الصدق وعدم الكذب في نقل الأخبار والشائعات .. ومراقبة الله .. سبحانه وتعالى ..

هذا والله تعالى أعلم وصلى الله وسلم وبارك على نبينا محمد وعلى آله وصحبه أجمعين ..

والحمد لله رب العالمين ..


والسلام عليكم ورحمة الله وبركاته ..

الــنــوخــذة
09-07-06, 06:47 PM
بالعربي يخلك من اللقافة في هالديرة والا يجرونك على وجهك وتصير سالفة لهم والبلاء لو حجزوط يوم اربعاء والا ان تقطن وتدود في بالحجز واصبر الى السبت

باقي فرح
09-07-06, 06:51 PM
دايم الدفاع المدني آخر من يعلم

مالت عليهم السياره شبت وطفت وهم يقولون يعطيك العافيه

ابو شدق
09-07-06, 07:31 PM
ادع بسلامة الرياجيل

ولا تسان علوم

حياك الله يالسياسي

وبعدين وراك بطحت المواضيع كله بيوم

ياخوي وقتهن علينا علشان نمزمهن شوي شوي

ويامال الولكم

معتّق العود
09-07-06, 10:12 PM
انت تدري ان الدفاع المدني في المملكة ماخذين بطولة العالم في

7

7

7

7

7

7

الكــــــــــــــــــــــــــيــــــــــــــــــــ ــرم




ولا يشرفون حضراتهم الا عقب ما الناس يطفون الحريق


الله يعطيك العافية

ابوهتون
09-07-06, 10:27 PM
ههههههههههههههههههههههههههه

تدري لو انا محله لااخلص مويه الوايت فيك انت وبلاغك

جاين وزحمه وهيصه وزمبليطه واخرتها حريق طفاه هندي بتفله

خخخخخخخخخخخخخخخخخخخخخخخخخخخخخخخخخخخخخخخ

امزح معك يالمواطن الشريف ذكرني اتوسط لك عند المطافي ويعطونك وسام

باقي فرح
09-07-06, 10:56 PM
8

8


كنها تريقه يابو الهن ( وجه يناظر فوق )

الســياســي
13-07-06, 01:29 AM
مشكوووورين

يعطيكم العافية

دمتم بخير

علوووش
13-07-06, 02:03 AM
وش حنا بليا الدفاع التسذبي

الواحد منهم تسرشته تدودل قدامه

هذولا مايطفون وجار تبيهم يطفون بيوت ومصايب

الســياســي
09-05-08, 02:48 PM
هع هع هع !!

مشكلة !!