كم مرة ركبت الدورية ؟؟؟

[عنيزاوي 2005]

سؤال يحتاج جواب صريح كم مرة ركبت سيارة الدورية ؟؟؟


أنا الحمد لله ماعمري ركبته وعساي ماأركبه من شر

لكن مرة ركبت دباب الدورية يوم كنت صغير مع ولد جيرننا عسكري

ركبن وراه وأخذنا دوره على الحارة وشغل السفتي .


وأنت كم مرة ركبتها ؟

[قاصد خير]

انا ركبته مره اول ما بديت اسوق
توي باز بالرخصه وقطعت الاشاره برتقاليه
وركبن وقعد يدوج بي ساعتين
وعقب حب خشوم اطلقن وقال رح لسيارك بتكسي
تكسي تكسي ولا الغرفه وتمت !

[لعزتي هيبة]

ههههه

ماعمري ركبت ولله الحمد

>======<

[حسن خليل]

اخوي الغالي عنيزاوي 2005

هل تقصد بالسؤال دورية الشرطة أم دورية المرور أم كلاهما؟

[@العريني@]

ولا مره الحمدلله

[جنيفر]

اهلين

اول شئ عارفه بتقولون وش جابها ويشين البنت اذا تلقفت فهالمواضيع

بس ماقدرت استحمل حسيت بيصير فيني شئ اذا مادخلت

اول كنت اخاف من سيارة الدوريه الحين اعتبرها زي سيارة الآيس كريم

بس الاسبوع الى فات في عز الحر شفت راعي دوريه مركب مجموعه وره ومن النذاله فاتح لهم الطاقه



طيب يصير اجاوب على السؤال

ولا مره ركبت اصلا في حريم يركبون

الله يكفينا شرها

[الجوكر الأكبر]

السلام عليكم :

هذي أول مشاركة لي في المنتدى أنا ماعمري ركبت الدورية لكن مره روكبت

لأني كنت أناظر التفاحيط بعد الإختبارات كنت رايح مع شباب الله لايردهم

بسيارة واحد منهم وحنا نازلين نناظر التفحيط وهو بالسيارة ما نزل يوم شاف الدورية

حط رجله وسحب علينا قال إيش ماودي تحجز السيارة بعدين يدري أبوي أنتم

قلعتكم (بقريح) ركبونا ورحنا للقسم ودخلنا التوقيف تغدينا عندهم ماقصروا والله

قالو مايدفع إلا حنا الغداء على حسابهم ووقعنا تعهدات . . . .. إلخ.


المره الثانية كنت أنا موصل واحد من عيال خالي صغير يعني يجيله 12سنه

لبيتهم طقينا صار البيت بالقطري ماحد قال أبقمز قلت كيفك رفعته ورقا على

السور قققققققاقاقاقا وإلا الدورية ماأدري وش جابه داخل الحارة قال حول

ياحرامي حول وركبونا للقسم دقنا على أبوه وطلعنا ......إلخ.

[noof1]

مشكور على الموضوع

انا الحمدلله ولا مره

[ღبـ ح ـر الكتـ م ـانღ]

ياهلاا والله بالدب عنيزاوي


وين الناس من طول الغيبات جاب الغنايم

مو سؤال كم ركبت الدورية نبي مواضيع زينة يالدوووب


<<< يتهرب عن الاجابة :)

[toho]

انا قبل شهر رايح اتعشي في مطعم شعبي في منفوحه (مسكة غلط ) وانا ساكن في النهضه وانا مديور والأشاره صفرا ... الا وفي دوريه مطفي كل شي وواقف ويمسك العالم وانا منهم وحصل خير بس 450 ريال ونوم في فندق الناصريه 14 ساعه ....والله لا يعيدها من يوم

[toho]

قبل شهر امسكة غلط وحبيت اتعشي انا وولد عمي في مطعم شعبي في المنفوحه (مسكة غلط) بس قدر ... وانا مديور من الاشاره صفرا الا في تفتيش 3دوريات بس ويمسكون العالم ورخصتك واركب .. يالطيب يالحبيب .. اركب والحمدالله حصل خير بس 450ريال ونوم في فندق الناصريه 14 ساعه ....

والسجن للرجاله ...

[ملاذ الروح]

شـف والله تبـي الصراحه والي الكـذب ههههههههههههه
انا عني ولد ومن الرياض وركبت الدوريه

حوالي 9 مرات

بس ابشرك كلها خفافي الا وحده ههههههههههه سجن 3 شهور بس عادي السجن ماخلق الا للرجال

تحياتي لك

[عنيزاوي 2005]

مشكوررررررررررررين يالربع ماقصرتوا جميعا

أبو ثامر عطنا اللي عندك كم مره ركبت هاه

ولا ترى يعلمنى إبنأخيك لعزتي هيبه .

[MaGNo0o0NK]

2ممممممممممممممممررررررررررررررره

الله يعطيك العافيه