المساعد الشخصي الرقمي

مشاهدة النسخة كاملة : صفحـه للذكريـــــ&&&ـــــــــات والأماني .. ( محتاجين نفضفض ... )


المتحد
29-03-04, 07:06 AM
بسم الله الرحمن الرحيم

ما أن وضعت رأسي على المخده حتى تراقصت أمام مخيلتي مشاهد أعيشها
ومازلت أعيشها وياله من أجترار ..
& الأمنيات .. تتسول وسأعطيها OoOf مع وقف التنفيذ ..
.
& الذكريات ومشاهدها التي لاتنقضي :-
- نوره .. البنت الصغيره الأموره اللي تجي لجيران خوالي وكنت أحلم مثل الأطفال بالحب وهي
تشوفني وتستحي (براءة اطفال .. )
- أتذكر يوم ألعب كوره ذاك اليوم والقزازه تقطع رجلي والدم ينزل وأنا ألعب كوره ..!
- أمي .. يوم تجيب الفطور لنا وكان فيه بيض مسلوق .. وأكسر البيضه على رأس أخوي .
- بنت قرايبنا .. اللي أحجر لها لين تصيح .. وبعدين أخليها تمشي وانا أضحك ..!
- أمي الله يطول في عمرها يوم تنمرض .. وخالي يجيب لنا كباب ..
- خالي .. يوم يصفقني والسبب أني أخذ ورق الشجر اللي يتلزق على الثياب واذا مر واحد
من عندي لزقته فيه .
- المدرس الفلسطيني اللي طردتني من الفصل لأني أكل فصفص .
- ذكريات يوم أكتب على جدار بيت ...... بطل .
- يوم أدخل لغرفة أخوي وآخذ مفتاح سيارته وألف بالسياره ومعي العيال وأنا ماأعرف أسوق .
- أتذكر يوم أننا مسوين فيها أقوياء ونطيح في واحد يلعب كاراتيه ويضرب واحد من العيال .
- يوم ألبس دبله على يدي وأنا صغير وبلشت فيها .. وقال لي أخوي نبي نقطع أصبعك ..!
وطلعتها خالتي .

باقي ماخلصت .. ويامشرفين .. خلونا نفضفض .
ونتذكر .. وعلى قولة المصريين ( ماحدش واخد منها حاجه ...! )

المتحد .


.

مستغرب
29-03-04, 12:21 PM
اثرك نجس يوم انك صغير

والآن مبدع

تقبل تحياتي

الا خطبوط
29-03-04, 12:26 PM
اذكر مرة وحدة مدرس يعايرونة ب(( سنيورة )) قلنها وشردت الى الفصل

جاء زعلان مرة وضرب زميلي على اساس هو اللي قايلها

وانا طلعت منها برأة ولا من شاف ولا من دري

المتحد
30-03-04, 12:15 AM
.
مستغرب :-
هل أنقطع حديث الذكريات .
تذكر.
وننتظرك .

&

الأخطبوط :-
هذا يثبت أن يدك طويله .
وزي أسمك .
لكن ماأنتهينا .

.

ابو تميم
30-03-04, 12:20 AM
والله الذكريات يبيلها منتدى لوحدها وش تذكروش تخلي:)

لؤلؤة الخليج
30-03-04, 01:17 AM
اخي المتحد :
الذكريات صفحة من الماضي , قد انطوت بما فيها من اشياء جميلة واشياء سيئة , ونحن الان في عصر السرعة ولا يوجد عندنا الوقت الكافي للتفكير . ولكن سياتي اليوم الذي يكون كلامنا به عبارة عن ذكريات من الماضي . وهذا اليوم عندما يشيخ الشخص ويتفرغ من الاعمال . ولا يوجد عنده سوى الجلوس مع الاحفاد والابناء والحديث عن ذكرياته .
ولك تحياتي .....................!!(a23) (a23) (qq)(qq)

بياله
30-03-04, 02:20 AM
8
8
8

تقصد انك عجزت :o

ياحبببببببببببى لذكرياتنا يومنا بزران تهبببببببببببببببببببببببل

مهوب مثل هالحين مساكين مايطلعون للشارع ولايروحون للبقالات حافين

< مهيب تقصد احد

من جد فله

ياربيييييييييييه ياهمس البراطم تذكرين يوم نفلق ولد الجيران بالحصاة حصاة كبر براطمتس

ههههههههههههههههههههه

ياعمرى عليهم أتذكر انهم جايين من الخرج مسيرين على جيراننا

واستقبلناهم حنا وبنات عمى وهاك يامحالت وتفليق

لين فلقنا ولدهم وراحوا به للمستشفى والدمامين تصبصب وحالته حاله

وخيطوه ياربيييييييييييييييه من جد فشيله

المشكله انهم للحين جيراننا :eek:

أم أديم
30-03-04, 02:33 PM
الذكريات .......


تمر بنا الايام وتعبر السنين وتنقضي وكأن لم يكن شئ في تلك الايام من السعادة والشقاء


الذكريات الجميلة مع بنات الجيران ومع اخوياي الجذعان واللــــــــــه وناسة :)


والكل له شله ........... ياسلام أطفال براءة وقوبنا صافية وما فيه حقد ولا حسد


همنا هو اللعب والوناسة ......


ايام راحت بما فيها من وناسة وضيقة صدر


ذكريات ... مضت وفيها الجميل والقبيح ولكن فيها روعة وفيها حزن


فيها روعة تذكر الجميل فيها وتذكر ايام الطفولة وايام الصفا الخالي من الضغون


وفيها الحزن لان الايام عجلت بنا ورحلنا عن من نحب


المتحد يمكن ارجع وافضفض (g)

سيف العداله
30-03-04, 05:22 PM
لا تحرجونا (aqwa)

همس الشفايف
31-03-04, 02:36 PM
ايييييييييييه ياحسن الخاتمه >>>>>>>> وش عندتس ياعجوز قريح :o

بياله انا اصلن بريئه مافلقت معكم انا بس اجمع الحصى :p >>> بلاتس والله حولا والا بتصيرين الاوله في التفليق :o

اما يومي بزززززززززره محد سلم من شري انا وشلتي ( بياله وطقتها )

اذكر جيرانا السودانيين باطين سبدي بنتهم معي في المدرسه ودافوره وماغير امي تقارني بها تقول ورى ماتصيرين زيها ( هه وش جاب هموسه لمرزوقه :o )

وكنت كل يوم تقريبا اطلع في الشارع ( طبعا كالعاده حافيه اسهل للنحشه )

واجي ارتكز عند باب هالسودانيين واعلق على جرسهم وانحاااااااااااااااااااااااش :o

واصل للبيت واتغدى واتعشى وهالسوداني مابعد وصل للباب يفتحه :o

واعجبتني الحركه وصرت كل ابو دايم اسويها لدرجه اني مره كنت امشي في الشارع ومريت من عند بابهم الا ويدي لاصقتن في جرسهم تقول مغناطيس ساحبها (qq)

بس مرتن من المماريت وانا جايه اسوي الحركه ويطلع لي السوداني (a)

انا جتني ام الركب وخفت من وجهه اللي صاير من الصوله اسود باذنجاني

انا يوم شفته تذكرت الباذنجان واشتهيت مصقعه :o

وعلم ابوي عني وقام يهوش علي ولا انسى التصفيق طبعا اللي جاني (kk)

وتجي امي تحجرني في حمام الشغاله اللي بالسطح(g) >>>> هذي اخر متابعة سالي يا يمه

عاااااااااااد انا وبياله مسويين عصابه صايرين ثنائي ارهابي (aqwa)

وكنت انا وياها نروح للبقاله ونسرق منها توكس وسنكرس (والله كان غالي ذيك الايام وبتقطع قلوبنا نبي نذوقه ومالنا الا السرق الله لا يعاقبنا (tt) )

عاد لازم نخطط قبل السرقه
بياله تكلم راعي الدكان وتلهيه وتسأله بكم هذا وبكم ذاك

وانا منحشرتن في زاويه ماغير اعبي المخابي
وكنا متفقااااات قبل انها ماتعلم علي ولا اعلم عليها طبعا >>>> متبعات سياسه شدي لي واقطع لتس :o

والله ايااااااااااااااااام وراحت
وتكفوووووووون اللي يعرف راعي البقاله والا هالسوداني يقول له يحلحلنا ويبحبحنا (tt)

عارفه اني طولت حتسي بس بنات افكاري جتني هالحزه وش ازين لها :o

مشكوووووووووور المتحد على هيك موزوعااااااااااااااات :rolleyes:

بياله
31-03-04, 05:00 PM
هههههههههههههههههههههههههههههههههههههههه


اه يابطنى

ياربيه ياهمس مالقيتى الا سالفه السرق تفضحينا بها

الله يتوب علينا بس

همس الشفايف
07-04-04, 01:32 PM
:o

بياله عادي محد عارف ان البزرتين القشرات حنا :p

الا انتسان السوداني فيذا يمكن (tt)

أم أديم
08-04-04, 04:05 AM
هههههههههههههههه

ههههههههههههههههههههههه


حسبي الله على ابليسكن اوخياتي :o


الملح وبنت عمه السكر :rolleyes:

الحب
08-04-04, 05:54 AM
موضوع حلوووووووو مرره
مره
وزاده حلا ........
الانفعال الحلووووووووووو........
(a99)



ولي عوده اذا حبيتو.........

همس الشفايف
08-04-04, 11:39 PM
عاد انتي ياقصيميه البهارات:o


يعني نصير مع بعض عزبة بران :p

بس تعالي وين ذكرياتس حقت البزوره

كني اشوفتس بثره زي محاسيتس (tt)

أم أديم
18-11-05, 11:31 PM
ذكريات يالمتحد عام 2004


وذكريات همس البراطم


الله يذكرها بالخير :)


يرفع للذكريات


:)

ماتهـاب
27-04-07, 07:46 PM
وصار الموضوع من الذكرايات :)

:)

شبيـه الريـح
27-04-07, 09:20 PM
مواضيع زمان لها نكهه خاصه(qq6)

اللطيفة
28-04-07, 12:25 AM
ياخي يوم كنا صغار كان كل شي له طعم ماادري هي براءت الطفوله ولاالدنيا تغيرت !!!!!!!!!!
هم اللبزران هالحين يحسون بنفس الاحساس ولا لا؟؟

يوم كنت صغيره كنت اتابع المسلسات العربيه واذكر اني كنت اخذ من التوت اللي تسويه امي واحطه بكيس واربطه
واحطه داخل ملابسي واعطي السكين اختي واقولها اقتليني وتضرب الكيس وينفجر ويسيح التوت وكأنه دم واللطيفة ماتت
وتبكي اختي الممثله وانا مسويه نفسي ميته000هههههههههههه
اما الموقف الثاني كنت اشق اثم العروسه حقتي وارج حليب نيدو واحطه بأثم العروسه لحد ممتلت العروسه وطلع له ريحه لاتطاق000كنت مهبله باامي الله يصلح العطى ويغفرله00
اللطيفة00

متعب ابو عبدالله
28-04-07, 12:26 AM
ماودي ارجع ريوس للبعارين والغنم والحمار{الله يعزكم} اللي كل اخواني يركبونه عادي الا انا لازم يرميني
الظاهر فيه حزام امان وانا ماني عارف
مشكور المتحد على الموضوع الحلو