المساعد الشخصي الرقمي

مشاهدة النسخة كاملة : لوووووووووولووووو -في عرس


جنيفر
03-07-06, 09:41 PM
لووووووووووووووووووووولوووووووووووووووووووووووووو
لووووووووووووووووووووولوووووووووووووووووووووووو

الله يحيكم بعرس جنيفر وفي روايه زواج جنيفر-لغير الناطقين بالعربيه-
لان كانت عندي صديقه كل ما اتكلم لازم يكون بينا مترجم
وكل ما اقول بنروح عرس تقول ايش عرس -خربت كلام البنت(q20)
اذكر مره
كانت اختي بنفس مدرستي واذا شفتها جنب المقصف ياويلها -تعرفون اكلنا من البيت يعني المقصف لازم مانمره الا اذا كان في زحمه بالخط السريع نأخذ خط الخدمات
عاد انا شفت اختي كأنها طالعه ومعها عسكريم-آيس كريم عشان ماتتعقد صديقتي-فقلت لصديقتي صيحي على اختي
(q78)
الا البنت تقول ليش اصيح عليها
وانا متحمسه اقول صيحي بسرعه لا تروح
ولا تختفي اختي
ولا البنت تقول ليش اختك صار فيها شئ نصيح عليها - قلت لها شوفي يا اماتمشين مع بنت المديره او تنقلين من المدرسه(q85)

وارجع البيت طفشانه وادقها نومه الا امي تصحيني يالله ياجنيفر ترى تأخرنا -عاد انا اروح طايره والبس مريولي واصيح ادور شنطتي وقول وين الحليب-تعرفون مجتهده لازم اشرب الحليب-الا اشوف اخواني صاحين ونشاط واقول اظن ذي من علامات الساعه(q77)

والا امي تقول يامال الرجه
اليوم الاربعاء والحين العصر -
عاد انا اسو ي نفسي عادي-واقول اصلا حولت محو اميه(a14)
وتقول امي انتي مامشيتي الصبح نحطك ليلي
ولا يكثر هرجك جهزي عمرك ورانا عرس
عاد انا اقول ويش عرس متى الحين(q77)
ماني رايحه حتى لو كان العرس عرس ابوي ماني رايحه
الا النعله الطايره الى تم هبوطها في جبهتي
عاد انا اجي طايره واحب راس امي
واقولها الله يخليك لى هذي نعلت المدرسه الى ضايعه (ask)

قالت الحين بتروحين العرس وانتي ماتشوفين الدرب
قلت لها في خيارات
قالت ايه عندك لين الساعه تسع ان ماخلصتي راح تروحين بقميصك(q77)
-عاد اهلى عندهم حركات مايقولون لك متى العرس الا في يومه عشان مانبلشهم بالسوق(q84)

واطلع فستاني واعطيه الشغاله واقول اكويه زين مازين وانا بروح اتسبح
واحس نفسي في برنامج مسابقات والوقت محدد

والا المغرب يمر علينا خالي وبناته عاد تقول امي يالله دامنا خلصنا بنروح معك انا وسعديه وخلي عليان والشغاله مع جنيفر-الحين طلعوا الفروق السبعه بين اسمي واسم اخواني
انا عشان ولدت بكندا وهم جو بمنفوحه-ولكل مقال مقام
ذنبهم مو ذنبي(a14)
عاد خالي حسني-عشانه انولد بمصر وثقافته صعيديه
قال ها الجنيفر عله -
قلت له الوقت المحدد لم ينتهي يعني بتكون احسن من المخرج-الى هو طبعا امي عسى الله لا يحرمني منها تعاملني بنظام الاوقات بحكم اني ثقافه اجنبيه-اقول لايكثر
قالت امي خذي مفاتيح البيت وابوك بيمرك الساعه9ولا تتأخرين
عاد انا يوم امي عطتني المفاتيح بلا شعور احب راسها اقولها الله يستر عليكم-عاد اسوي نفسي راعية واجب
قال خالي حسني الحين انتي ماراح تلحقينها على العرس والله انك مخفه
قلت الحين انت ماتعرف الاصول وتوكل على الله بس ترى انت ضيعت وقتي وترى بأخذ وقت زياده
واقول لعليان خمس دقايق واتجهز
والا اسمع صيحه -ذي المره صيحه يعني صرخه
واركض بلا شعور الا انا بوسط الشارع -وانتظر بيتنا يقب-تحب الافلام(a21)
الا عليان يقول جنيفر ارجعي لا تخلينا ارجوكي لن ازعجك بعد اليوم -حشا شامبو مو اخو
عاد انا ارجعي واسوي نفسي كووووووووووووووووووول
وادخل الا كوماره شغالتنا شايله ثوبي حق العرس وتبكي -واسحب ثوبي منها واقول الحين البيت مافيه مناديل يوم تمسحين بثوبي-والا الحرمه يوم شهقت -قلت خلاص امسحي بس آخر مسحه
الا يوم زاد صياحها
الا عليان يقول يا الدبشه تبكي عشانها حارقه ثوبك
الا يوم اقول قلبي واطيح واصيح صياح يقطع القلب
وادور في البيت واطلع السطح واطالع بالقمر واقوله

ياقمر قلبي زادت ناره وحظي اتعبني حاله
وفستاني احرقته كوماره لاتلوم عقلي بهباله

والا عليان يجي السطح ويقول ترى ابوي دق ويقول عشر دقايق ويكون عندنا
عاد انا اطبح من السطح واقول لعليان عطني ديو خليني اقوي قلبي
واطلع تنوره من تنانير سعديه عشان تطلع قصيره تعرفون عرس ولازم فيه حركات

الا طاااااااااااااااااااااااااط طااااااااااااااااااااااااااااااط
وتطمر كوماره بلا شعورواقول الحين انتي وجهك مغسول بمرق تحرقين ثوبي ولك وجه تركبين قبلي ماعليه كله من راتبك

وادور عبايه مالقيت عبايتي وانادي كوماره الا الحرمه مسنتره بالسياره
عاد انا اذكر ان في عبايه امي معلقتها بالحوش لزوم طلعاتها-حركات عند امي-:ro258es:
وتقولون سوبر مان
وافتح السياره واركب وانتظر الا السياره ماتحركت
ولا ابوي قال ياالاميره في كرسي فاضي قدام -ولاتبين تفضحينا عند العرب
قلت لا متعوده اسمع الراديو من بعيد عشان عندي طول نظر

ولا اسمع الى يقول فكه(q85)
والتفت على كوماره واقولهاترى بيجيك شئ طاير تعرفين معه اعراب فكه
وننزل عند باب القصر
واحس بروده الا اطالع زين واسمع البنات الصغيرات يقولون مسكينه عبايتها مقطوعه
وادعس 180 ولا انا بوسط الصاله
واحاول اسوي نفسي عادي واصفط جنب عجيز
وبلا شعور اسلم عليها وسوالف يعني معرفه

ولا اركز في الي يرقصون واشوف سعديه وهي مندمجه بالرقص واجي ها طايره واقعد اسلم عليها وتقلب الطقاقه وتغني يا اخوي وينك عاد تجي اخت المعرس-دايم اخوات المعرس اشر من في العرس-وتقول ماهو جسر المحبه انزلي انتي واختك وان ركبتوا حشيت رجولكم(ekaj)

عاد انا بغيت اطلع العجره واوريها شغل الله بس عشان الميك اب لا يخرب
وننزل انا وسعديه وهي تقعد تصيح وانا احاول اهديها على بالى تبكي من اشتياقها لي
ولا تقول ليش تلبسين تنورتي والحين تجيبينها
والله يا النشبه قلت الحين نروح للحمامات-الله يكرم السامعين-
واعطيك بس ابي اسلم على امي-وتودين عند امي
ولا امي تقول يالتعبانه وش لابسه انتي ما انتي وجه نعمه
قلت الحين
خلينا نروح نتعشى وبعدها نتفاهم بالبيت ترى مايصير صرنا مسرحيه بالعرس حتى الاضاءه صاروا يحطونها على -ترى بكره اصير مشهوره لا احد يكلمني(q41)
ونروح العشاء وتجلس جنبي عجيز وكل شوي عطيني عصير عطيني ملعقه -عاد انا قلت قومي انفعي نفسك ترى انا جايه اتعشى واروح ماراح اكون معك طول العمر(a14)

وانا قلت خلاص بروح اغسل ماتبغيني اخذ يدينك بعد =الا تقول الله لا يبلانا

وانا اغسل اسمع الى تقول ياجزر ياججنجر -واركز الا ام سعود صديقتي اول مادخلت الصاله واسلم عليها مره ثانيه
واقول تعالى اعرفك على امي
وتسلم عليها امي ووسوالف
ولا ام سعود تقول ابي رقمكم وانا حبيتكم
عاد انا متعوده على الترقيم قلت افتحي البلوتوث وارسل رقمي ببطاقه من الى يحبها قلبي
الا احس قرصه (q85)
وحنا طالعين تقول ا مي وصلي ام سعود للباب عاد انا راعية واجب-
ويوم جيت عند الباب واشوف عباية العجيز ام لمعه اقول لها تبدلين
واحس الكف الطاير من امي واقول ترى ام سعود صديقتي ونمون على بعض
واطلع معها عند الباب
ويمر ونيت واطير فيها ابغى اركبها الا ام سعود تقول لا لا تخطفيني وديني عند وليدي
قلت ترى الحركات هذي ماتعجبني لا اوقف لك دينا الحين
واشوف اللكزس الى وقف جنبنا قالت هذا سعود
وينزل واحد عاد انا طار عقلي واركز واقول ياخاله ايش رايك اروح معك اوصلك للبيت
ترى عندنا توصيل منازل(ask)
الا كوماره تقول ماما ابغى روح بيت خلاص زواج خلاص سرعه سرعه

قلت كوماره سامحتك على كل شئ وابشري ماعاد في مشاكل

ويوم جاء الخميس
الا كوماره جت طايره وتصحيني كسرت ضلوعي
تقول صديقك تحت ماما سعود
وابوس راس كوماره واقول ساعديني البس
وانزل وادخل عليها واقول هلا صديقتي يالله مشينا (a14)
الا امي تقول وين يا مال 0000000000000000
قلت صديقتي وبوديها غرفتي وعندنا كلام مايصلح الا لشباب
قلت خلاص
اذا يوم بتجين دقي على انا اشوف امي في ولا لا
ونفلها
قالت امي والله الا هجت الحرمه
قلت ولا يهمك انا خلاص شبكتها (q84)

قلت الحلو ايش يبي يشرب ترى عندنا الى نفسك فيه

والا هي استحت (wtg) ماتعودت على دلع

واروح اعمل لها فربتشينوا

والا يوم دخلت اسمع امي تقول عطونا فرصه نسأل جنيفر
قالت
ام سعود هلا بعروستنا

ولا ما احس الا الغبار الى وراي وانا في غرفتي

تعرفون -مؤدبه-وتطلع كوماره وتقول ماما ابغى انت كلاص ماما سعود راح
وانزل واقول لامي احلفي ماتعلمين احد
لا تقولين لخالاتي ترى استحي
قالت جي جي-اسم الدلع -اذا كانت عندنا مناسبه يدلعوني
ايش رايك بالموضوع
قلت الى تشوفين
وام سعود عشرة عرس واتا اعرف اخلاقها



خـــــــــــــــــــــــــــــــــــــــــــــــــ ــــــــــــــــــــلاص

الحين بوقف هنا واذا شفت التفاعل
بكمل قصة عرسي
والمشاكل يوم رحت بيت ام سعود


ويارب اني اكون وسعت صدوركم

مستغرب
03-07-06, 09:46 PM
الحين كل هالحكي

ولا بعد رحتي للعرس

ننتظر لين تروحين للعرس

نبي نشوف وش صار عقب الطق والطقطه

مستغرب
03-07-06, 09:47 PM
واروح اعمل لها فربتشينوا

اي نوع من الفواكه هذا

بنوووته
03-07-06, 10:37 PM
هاهاهاها
تسلمين والله صراحه موتيني ضحك

زعبور
03-07-06, 10:45 PM
والا يوم دخلت اسمع امي تقول عطونا فرصه نسأل جنيفر
قالت
ام سعود هلا بعروستنا




ام سعود وجينفر ماهوب تسنه ما تركب

وليد 1
03-07-06, 11:14 PM
موضوع جميل

المرة الجاية عطين الخلاصة لحالي

ملاحظة إذا كان الموضوع طويل زي ذا كبري الخط شوي

توتة
04-07-06, 02:34 AM
ههههههههه حلوة حكايتك أختي جنيفر

وأنا بأنتظـــــــــــــــــــــــــــــارك

تحياتي

ابو شدق
04-07-06, 11:41 AM
وينزل واحد عاد انا طار عقلي واركز واقول ياخاله ايش رايك اروح معك اوصلك للبيت
ترى عندنا توصيل منازل(ask)


هههههههههههههههههههههه

الله يرجك

نحتري العرس عاد وترا مايمنع فديو

<<< تقل مستبسل اليوم

عنتـرة
04-07-06, 11:44 AM
حجازيه صديقك

ترى اهل الحجاز ما يعرفون وش معنى عرس

نستنى تكملة القصه بكل حماس

معتّق العود
04-07-06, 12:14 PM
واروح اعمل لها فربتشينوا






يا MS جنيفر


اللي قلتيه فوق هذا طحينية عندكم في كندا ؟؟؟


والا يباع في البنشر ؟؟؟

ضي تبوك
04-07-06, 01:18 PM
ههههههههههههههههههههههههههههههههههههههه
هههههههههههههههههههههههههههههههههه
ههههههههههههههههههههههههههههههه

جنيفر
04-07-06, 06:07 PM
اس اس اس السلام عليكم

خليكم حماس وتفاعلوا معي وابشروا بعزكم
بس انا زعلانه شوي ما احد قال تسلم يدينك
وحتى كلمة مشكوره تجبرون بها خاطري

مستغرب -------ثانكس والعرس جاي
بنوته-دوم ان شاء الله الضحكه

زعبور--مشي حالك وتسلم

وليد-آمرني لو تبي القصه سطر
بس ماننحرم من الطله

بنوته توته-انتي احلى ياقلب اختك

ابو شدق-الفيديو مايصلح لك
مانبي نخربك
ومشكور

عنترة- اشبك على صحبتي
دحين هي تزعل وي يا امي

وربنا يسعدك وجده غيررررررررررر
هههههههههههههههههههههه

مروض الناموس-
انت تبي مفك رقم كم
ترى مفك رقم 15 خطيررررررررررررر

ومشكور يابعدي


ضي تبوك--يسعدلي ها الضحكه انا

ومشكورين

معتّق العود
05-07-06, 07:17 PM
تسلم رجلينك وخشمك والله يعطيك العافية والمازولا وكل الزيوت


نحتري العرس ولا تنسين تعزميننا ، تراي عزوبي هاليومين ما عندي احد


يطبخ والا ينفخ ، وافرح الاعراس الزواجات ، مصيبة والله واحد


متزوج ثنتين وعزوبي ، الشكوى لله

دلوعة القصمان
05-07-06, 07:55 PM
هااااااااي اختي جنيفر ...

حلوة قصتك و تسلم اناملك الرائعة ...

و نستنى العرس ...

يلا عجلي ...

جنيفر
06-07-06, 04:11 AM
مروض الناموس

ياهوووووووووووو ياعزوبي 2006
اجل بالثالثه بتكون خاطب

والرابعه هي العروس

والله يسلمك

دلوعة القصمان
آمريني ياقلب اختك

وانتي معزومه