المساعد الشخصي الرقمي

مشاهدة النسخة كاملة : رسالة الى حصة ..!!


جني مزيون
15-06-06, 07:56 AM
والله لولا الحياء وأخشاء وأخاف الملامة .. لأمشي وراك وأتبعك وازرع في قلبي ابتسامة ..

آهـ يا حصة .. لو تعملين كم أحبك حب ماحبة قيس لليلاءُ .. ولا عنترة لعبلة ..
حصة .. تذكرين يومنا على جال الغدير ومغطسة رجلينك وتطلع شهبا عقب الطين .. تذكرين يوم كنا في بيت عماني الشعبي وكنتي لابسة قميص اصفر محبب من كثر الغسيل وشفاف غصب! .. وجيتيني وقلتي ياسعد قلت لك يالبية احسبك تبين تقولين لي كلمة حلوه في هالقايلة اخرتها صرتي تبيني احك ضهرك .!!

(qq83)

تذكرين يوم تنشبين لي في حوش بيتنا وتقولين خلني اركب السيكل واقولك مايصير عيب البنت تركب سياكل العيال .. قلتي ماعلي ابي العب يوم جلستي خمس ساعات على المرتبة.. ونزلتي الى المرتبة منعفطة .!! (a13)

تذكرين ايام ماكنت اجي وأطق عليكم الباب وردت علي امك انحشت من الخوف .. لانها دايم تطردني من بيتكم !! (a13)
تراني كنت اجي علشانك مهوب عشان أخوانك هالشيون اللي مايدرون وينها معه .!! (a13)

تذكرين يوم كنا نلعب كل ظهرية بعد المدرسة وانتي لابسة المريول الكحلي .. وأنا طاق الفنيلة العلاقي ومطلع عضلاتي .. يوم تشوفين اباطي مافيها شعر وتقولين ليه مهيب مثل اباط ابوي فيها شعر .!! في هذيك اللحظة حسيت انك نظجتي ياعمري وبديت ابكي من الفرح مثل بكاء طفل عجوز.!! (a13)


تذكرين يوم تلقيني منبطح بالحوش وقاعد احارش النمل .. وتقولين لعبني امزاكي وش عشاكي مريقيقة ولا كبدة حاشي .. يوم شقلتك وطقت عروقي وجاني مشع بظهري من سبتك .. تراني الحين امشي على جنبك كله من امزاكي ذاك اليوم .!! (a13)

تذكرين يوم كنا نجمع قفول الطبلون حقت العمارة اللي جنبنا ونقعد نلعب فيها كانها كاميرا .. وانتي تدفدفيني تقولين لا لا تطلع وجهي .!! (a13)

تذكرين يوم أكشخ قدامك ذاك اليوم وأحط السحلي داخل افمي يقالك فتوة ويعض لساني وتطقني اللتغه عقبها ليومك صرت انظق الراء هاء ..!! (a13)

تذكرين ياحصة يوم كنا نرن جرس بيتكم وننحاش نتوزا بالمستودع حق بيتنا .!! بغيت اقولك بس وش هالدلاخه ندخل البيت ونصك الباب وأنتهت المشكلة وشوله المستودع .. !! حصة تذكرين يومنا في المستودع كنت دايم اطيح طاقيتي وأنتي تدنقين تجيبينها !! ياعمري وانتي سبهه ماتدرين (a13)

تذكرين يوم ترسليني للبقالة عقب ماكبرتي وصرتي تلبسين مخنق وتقولين جبلي بفك وعصير طمام الساعه 4 الفجر يوم رجعت للبيت ويلعن ثواي أبوي .!! (a13)

أيام حلوة مرينا فيها ياحصة ماتنسي .. حصة مازلت الى هذا اليوم وأنا مغرم بك وبمفاتنك .. صدقيني لو بغيتي اشرطة بشير كلها مستعد اعطيك اياها .. بس ارجعي من العليا وتعالي لمرتعك الأساسي...

(a13)(a13)(a13)

مازال في مخليتي لك ياعزيزتي طعوس من الذكريات .. لايسعها لا ورقة ولا مرسم .. (a13)
ومازلت امتلك من الذكريات ذالك المنديل اللذي تبقى منه كثبانك اليابسه .. وسعابيلك المالحه .. ونخاريرك الشامخه ..!! (a13)

تذكرين ياحصة يوم تشترين لي كرتون حلاو بقر وعسكريم تلعبين علي حاطتلي كراش بكيس لحم وتقولين عسكريم أنا أول مره أشوف عسكريم سايح (برايفت البنز * وهـ بس )(a13)

تذكرين يوم نروح لملاهي الخيمة ويودينا أخوك على الجمس الأزرق وناطلنا بآخر المرتبه ومع طول الطريق من الشفا الين حي الورود نمت ونسيتوني ورا وأنتي نزلتي وخليتيني لحالي يالزلابة والعرق يصبصب ماقمت الا يوم الجمعه ..(a13)

تذكرين يوم تشترين لي كنادر كابتن ماجد وشراب الأتحاد وتذليني عليها حتا بالبيت تقولين خلك زي عيال الشيوخ...(a13)

(a13)(a13)(a13)

غاليتي ,,, ومقلة عيني... حصه انني أكتب لكي رسالتي المتواضعة واللتي تحمل أطلق معاني الحب الفاحش ..(a13)
معشوقتي هذا أنا من جديد أتوسل لك أن تعودي الى عشك الأحمر بالتنكلوجيا
وعلى قولة المثل الصيني ذكر الكنغر بعيالة يفتح جيبه(a13)

تذكرين يوم يجون بنات خالتك من الديرة وتتنيفشين عندهم يقالك انك بنت الرياض اللي مابعدها احد اللي في وقتنا الحالي طاقة اللثام والكحل ماخذ لفة كاملة على راسها ... (a13)
والشدو مختلط مع نص عينها .!! ويسئلونك وين تدرسين فيه قلتي لهم ادرس بالشيراتون .!! ماتدرين أن الشيراتون مدرسة عيال اصلا .!! (a13)

تذكرين يوم نطلع للبر ونقعد ناكل شري .. لين غدت بطونا كبر كيس الشعير عشان ننام في المستشفى وتتبرعين لين بكلية ولا اتبرعلك بطحال.!!
اخرتها كسرو عيني وسوولي غسيل معده لحالي وانتي ماحرك فيك ساكن اللهم طقك السهال ذاك اليوم ونظف بطنك بس...(a13)

تذكرين يوم تقول غط علي بعباتي خلني ازغل (a13)

(a13)(a13)(a13)

كم تمنيت اني اصير زي فريد شوتسي ولا بليغ حمدي واعيش زيهم لاكن لاحياة لمن تنادي .. (a13)

مازلت ابحث عنك ياحصة .. ليت اللذي وداك يازين جابك .. تشوف عقبك كيف الأيام سوت .. شرق مشيت وغرب وقتي مشالك .. والقلب ماله لايم فيك لأول ,,, (a13)

ومازلت على وعدي لك بالزواج العرفي مكتوب على مقفى كرتون منديل الملحق ... وشهر العسل اسبوع في جيان .. (a13)

لاكن للأسف ياحصة ... رحلتي ... ورحل كل الحب معكي ولكي ..
ذالك الحب العذري الطفولي القذر (a13)

حصة انني مازلت ابحث عنك في القلبان ولم أجدك ..(a13)
اخرجي عليك الأمان ايتها السبهه,,,





,,, انتهى ,,,

طايرتن بوهته
15-06-06, 09:31 AM
الصحاااااحه تدهر بمعنى الكلمه


ههههههههههههههههههههههههه

الــنــوخــذة
15-06-06, 09:46 AM
اقول الله يخلف على اهلك بس

ابو شدق
15-06-06, 01:23 PM
طيب رجعت من العليا ولا لا

شكلهم مطنايخ كخخخخخخخخ

وليد 1
15-06-06, 01:57 PM
كيف تبيه ترجع وكل هالصفات الشينة بكم

شباصة قصيمية
15-06-06, 03:09 PM
يا عيني على الحب والقلوب

اقالك رومنصي الحين خخخخخخخخخخخ

المُهرة
15-06-06, 03:26 PM
توني اطري أن الجن يعشقون
وأن البنت عيب تركب السيكل
<<< تدربق بحوش اهلها وهي على السيكل رايح جاي

معتّق العود
15-06-06, 06:25 PM
( ويسئلونك وين تدرسين فيه قلتي لهم ادرس بالشيراتون .!! ماتدرين أن الشيراتون مدرسة عيال اصلا .!! http://qassimy.com/vb/images/smilies/00kgq4.gif )


لا الظاهر ان الحرارة واصلة 250 كجم او كم


بصراحة خيالك رحب ، وقلمك رقراق ، ومشاعرك فياضة


وحبك عذري ، وقلبك رقيق ، ودمعتك قريبة ، وتضحياتك


كبيرة ، وتدل على هبالتك على ابنة عمك ، وانها لعوب بك


وانت دلخ بها ، اتمنى الا يكون بينكما زواج !!!!!!!


لان المجتمع ما هو ناقص خبلان !!!


وادري ان 90 % من كلامي سبب لك


صداع نصفي لانه استيعابك له متعب


تحياتي