المساعد الشخصي الرقمي

مشاهدة النسخة كاملة : هل شخصيتك بالواقع نفس شخصيتك بالنت ؟


ضايق وحزين
14-09-17, 08:28 AM
هل الواقع الافتراضي ينقل صورة حقيقية عن الشخص


مثلا العضو او المغرد الفلاني خفيف دم وجدعاته حلوه
يكون بالواقع فعلا هكذا .....
او يكون هادي ورايق ولا يعصب
ويكون بالواقع فعلا هكذا .....


انا اشوف نفسي نوعا ما قريبة شخصيتي واقعيا وافتراضيا
بس بالواقع الافتراضي يمكن رسمي اكثر بحكم اني اكلم ناس مااعرفهم


شفت حسابات ناس ولاحضت اسلوبهم بتويتر وغيره
يختلف جذريا عن اسلوبهم بالواقع .....


وش تشوف نفسك انت
هل شخصيتك بالواقع والعالم الافتراضي قريبة لبعضها

واذا مختلفة ما السبب ؟

حنين*
14-09-17, 08:36 AM
لا طبعا مختلفة كليا

هنا متصنعة البس قناع ..و في الواقع بكايه.

الشيخـــــه شجـــــون
14-09-17, 08:36 AM
نفس الشخصيه ولا اجيد التصنع ولا ارغب فيه اصلا

واتوقع فاي موقع اسجل راح اكون مكشوفه لاني على طبيعتي على طول

ضايق وحزين
14-09-17, 08:53 AM
لا طبعا مختلفة كليا

هنا متصنعة البس قناع ..و في الواقع بكايه.

تحاولين تكونين افضل بالعالم الافتراضي

ضايق وحزين
14-09-17, 09:00 AM
نفس الشخصيه ولا اجيد التصنع ولا ارغب فيه اصلا

واتوقع فاي موقع اسجل راح اكون مكشوفه لاني على طبيعتي على طول

انا نوعا ما مهتم بالقراءة عن الشخصيات والنفسية
اشوف شخصيتك واضحة .. نقية
عندك مبادئ وقيم
مب من الناس اللي غامضين ومتناقضين ولا تدرين وش يبي هههههه

لكن انتبهي لاتخلين البعض يستغل سرعة استفزازك

آسيه
14-09-17, 09:03 AM
الناس اللي تتصنع بتقول لك ابد الكل لابس قناع

والا ماخذ راحته بزياده بيقول لك الناس هنا اوضح بالواقع يجاملون ومسوين فيها مامثلنا وبالنت ياخذ راحته ويطلع على حقيقته

المهم عني كشخصية إيه نفس الواقع

وإن كنت هنا أخفف من صراحتي
تعرف هنا الحوار يكون كتابي ويحسبوني زعلانه وجالسة أهاوش


وممكن مايتقبلون لاني ماعرفهم
ههههههه
عكس الواقع اقول اللي أبي ماحد يزعل اخذه جوي

احيانا انسى نفسي هنا خصوصا إذا جيت من خوالي اللي هم ( بنات خالاتي )

يعطوني وجه بزياده آسيه كل شيء تسويه حلال وعسل على قلبهم

وانا عاد مانعطى وجه ابد(vv)

واجي هنا وانسى نفسي ويزعلون وش فيها معصبه هههههه

ا
انسى إنكم مو حلوين زي خوالي :ro258es:
أصلا خوالي أطلق شيء(q39)

حنين*
14-09-17, 09:05 AM
تحاولين تكونين افضل بالعالم الافتراضي

نوعا ما ، أنا في الواقع هشه تجرحني الكلمات عواطفي تسيطر علي
وغير مستعدة لمواجهة صدمات الحياة بقلب قوي وارادة قوية ،
لأني تعودت على وجود الناس من حولي لمساعدتي ومدارات خاطري
والطبطبه علي .(qq115)

ضايق وحزين
14-09-17, 09:09 AM
نوعا ما ، أنا في الواقع هشه تجرحني الكلمات عواطفي تسيطر علي
وغير مستعدة لمواجهة صدمات الحياة بقلب قوي وارادة قوية ،
لأني تعودت على وجود الناس من حولي لمساعدتي ومدارات خاطري
والطبطبه علي .(qq115)

هذي برضه مشكله .... ودك الانسان يتعود على الاختلاط مع الناس وتصير له مواقف تقويه وتعلمه وتعطيه دروس

ممكن موقف واحد يخليك تتعلم مالا تتعلمه من قراءة كتاب كامل

ضايق وحزين
14-09-17, 09:12 AM
الناس اللي تتصنع بتقول لك ابد الكل لابس قناع

والا ماخذ راحته بزياده بيقول لك الناس هنا اوضح بالواقع يجاملون ومسوين فيها مامثلنا وبالنت ياخذ راحته ويطلع على حقيقته

المهم عني كشخصية إيه نفس الواقع

وإن كنت هنا أخفف من صراحتي
تعرف هنا الحوار يكون كتابي ويحسبوني زعلانه وجالسة أهاوش


وممكن مايتقبلون لاني ماعرفهم
ههههههه
عكس الواقع اقول اللي أبي ماحد يزعل اخذه جوي

احيانا انسى نفسي هنا خصوصا إذا جيت من خوالي اللي هم ( بنات خالاتي )

يعطوني وجه بزياده آسيه كل شيء تسويه حلال وعسل على قلبهم

وانا عاد مانعطى وجه ابد(vv)

واجي هنا وانسى نفسي ويزعلون وش فيها معصبه هههههه

ا
انسى إنكم مو حلوين زي خوالي :ro258es:
أصلا خوالي أطلق شيء(q39)

انتي واضحة
تعبرين عن عما بداخلك بأريحية وبساطة



اجل انتبهي لاجيتي من خوالك لاتدخلين علينا
اقعدي لك يومين وادخلي ههههههه

آسيه
14-09-17, 09:14 AM
انتي واضحة
تعبرين عن عما بداخلك بأريحية وبساطة



اجل انتبهي لاجيتي من خوالك لاتدخلين علينا
اقعدي لك يومين وادخلي ههههههه

ههههه
والله فكره

حنين*
14-09-17, 09:18 AM
هذي برضه مشكله .... ودك الانسان يتعود على الاختلاط مع الناس وتصير له مواقف تقويه وتعلمه وتعطيه دروس

ممكن موقف واحد يخليك تتعلم مالا تتعلمه من قراءة كتاب كامل

بالضبط ، ولأن في الواقع دائما ما أجد من يحيطني برعايته ، لجأت للعالم الافتراضي
وهنا صدمت من نفسي لأَنِّي وجدتني اهرب بمشاعري خشية أن يؤذيها احد .
لكن مازلت احاول وهذا جيد .

ضايق وحزين
14-09-17, 09:32 AM
بالضبط ، ولأن في الواقع دائما ما أجد من يحيطني برعايته ، لجأت للعالم الافتراضي
وهنا صدمت من نفسي لأَنِّي وجدتني اهرب بمشاعري خشية أن يؤذيها احد .
لكن مازلت احاول وهذا جيد .

زين اللي عارف نفسه ويبتعد عن الشي اللي يزعجه
بعضهم يصادم وهو لا يتقبل النقد او حتى المزح

غريب الماضي
14-09-17, 10:08 AM
والله بعد هالعمر ماحنا فاضيين للأقنعه والتصنع
أنت كما أنت وزمن المثاليات الزائفة ولت ، رغم أني
لا أعتقد بإن هنالك أحد بقصيمي نت يتصنع لو فيه
لخلت الساحة من الهوشات والردود النارية

على فكرة أول ما إلتحقت بنا ( أنت ) وشاهدنا صورتك
أعتقدنا أنك على سياق فكر " فراس " بينما والله صورتك
مختلفة عن أطروحاتك بكثير ماشاء الله عليك

ودق ،،
14-09-17, 10:25 AM
تقريباً.. أغلبنا يرى التوافق بين شخصيته في الواقع والعالم الافتراضي
لكن التناقض الحقيقي ماراح يلاحظه الإ شخص آخر يعرفك في الوسطين ../






وحدة من خواتي .. في تويتر .. حسابها نشط جداً ..
ويقدم فكرها بصورة كاملة
والله لولا معرفة - اسمها الصريح - لشككت في أنها أختي ...!!!

الشيخـــــه شجـــــون
14-09-17, 10:29 AM
والله بعد هالعمر ماحنا فاضيين للأقنعه والتصنع
أنت كما أنت وزمن المثاليات الزائفة ولت ، رغم أني
لا أعتقد بإن هنالك أحد بقصيمي نت يتصنع لو فيه
لخلت الساحة من الهوشات والردود النارية

على فكرة أول ما إلتحقت بنا ( أنت ) وشاهدنا صورتك
أعتقدنا أنك على سياق فكر " فراس " بينما والله صورتك
مختلفة عن أطروحاتك بكثير ماشاء الله عليك



فعلا فيه اللي شككوا انه فراس

مع انه مختلف تماما وجذريا عنه

بس لو يغير هالصور بيكون افضل

ايش رايك يااخ العرب تغير الصور بالذات اللي فالتوقيع مره مالها داعي (qq115)

الشيخـــــه شجـــــون
14-09-17, 10:32 AM
تقريباً.. أغلبنا يرى التوافق بين شخصيته في الواقع والعالم الافتراضي
لكن التناقض الحقيقي ماراح يلاحظه الإ شخص آخر يعرفك في الوسطين ../






وحدة من خواتي .. في تويتر .. حسابها نشط جداً ..
ويقدم فكرها بصورة كاملة
والله لولا معرفة - اسمها الصريح - لشككت في أنها أختي ...!!!



هذي هي الفئه اللي اسلوبهم بالنت عكس الواقع (qq115)

بروفين
14-09-17, 10:36 AM
تقريباً.. أغلبنا يرى التوافق بين شخصيته في الواقع والعالم الافتراضي
لكن التناقض الحقيقي ماراح يلاحظه الإ شخص آخر يعرفك في الوسطين ../






وحدة من خواتي .. في تويتر .. حسابها نشط جداً ..
ويقدم فكرها بصورة كاملة
والله لولا معرفة - اسمها الصريح - لشككت في أنها أختي ...!!!

يعني معها شخصيتين عايشه بها هنا وهناك ؟

بروفين
14-09-17, 10:37 AM
فعلا فيه اللي شككوا انه فراس

مع انه مختلف تماما وجذريا عنه

بس لو يغير هالصور بيكون افضل

ايش رايك يااخ العرب تغير الصور بالذات اللي فالتوقيع مره مالها داعي (qq115)

الصوره معطيه انطباع غير عن فكره وطرحه سبق وبغيت اوضح له وخفت تصير هوشه ونا مسالم مالي في الهواش (qq115)

بروفين
14-09-17, 10:38 AM
هذي هي الفئه اللي اسلوبهم بالنت عكس الواقع (qq115)

احيانا احس فيهم فصام ونا احيانا احس فيني هالفصام :rofl951:
في الطبيعه اجلس في صدر المجلس وعندكم هنا متماسكين بالشوش
هذا الفصام بعينه (qq168)

بروفين
14-09-17, 10:39 AM
يالله بروح افرغ الطاقه في موضوع ثاني

دانه السبيعي
14-09-17, 10:41 AM
انا انا ..نفس الفكر والتوجه والشخصيه
بس يفرق في الواقع اخذ راحتي اكثر ..
اكثر انطلاق ونقاش ..هنا فيه تحفظ بكل شي تقريبا
بالرغم اني ممكن انطلق وانسى نفسي احيانا بعد:876564:

آسيه
14-09-17, 10:41 AM
تقريباً.. أغلبنا يرى التوافق بين شخصيته في الواقع والعالم الافتراضي
لكن التناقض الحقيقي ماراح يلاحظه الإ شخص آخر يعرفك في الوسطين ../






وحدة من خواتي .. في تويتر .. حسابها نشط جداً ..
ويقدم فكرها بصورة كاملة
والله لولا معرفة - اسمها الصريح - لشككت في أنها أختي ...!!!


عندما نفقد حاسة البصر

تقوى حاسة السمع

وهكذا نحن مع الأشخاص
بالنت مانشوفهم نقرأ حروفهم فقط

الصورة عندنا تتذبذب نوعا ما

مانقدر نوازن

ضايق وحزين
14-09-17, 10:42 AM
والله بعد هالعمر ماحنا فاضيين للأقنعه والتصنع
أنت كما أنت وزمن المثاليات الزائفة ولت ، رغم أني
لا أعتقد بإن هنالك أحد بقصيمي نت يتصنع لو فيه
لخلت الساحة من الهوشات والردود النارية

على فكرة أول ما إلتحقت بنا ( أنت ) وشاهدنا صورتك
أعتقدنا أنك على سياق فكر " فراس " بينما والله صورتك
مختلفة عن أطروحاتك بكثير ماشاء الله عليك



مب شرط انه يختلف يتصنع
بعضهم يكون اكثر اريحية بالعالم الافتراضي مثلا
او يكون شكاي ويفضفض وبالواقع صامت
والعكس


الله يسلمك ويحفظك تسلم
وان شاء الله اني عند حسن ضنك .....

آسيه
14-09-17, 10:43 AM
انا انا ..نفس الفكر والتوجه والشخصيه
بس يفرق في الواقع اخذ راحتي اكثر ..
اكثر انطلاق ونقاش ..هنا فيه تحفظ بكل شي تقريبا
بالرغم اني ممكن انطلق وانسى نفسي احيانا بعد:876564:

ههههه لاتكونين جايه من خوالك بعد انت ههههه

نفس حالتي هنا اتحفظ شوي واحيانا أنسى نفسي

ودق ،،
14-09-17, 10:45 AM
وصلت لقناعة
ان التعمق في وسايل التواصل يفرض علينا التناقض قسراً
نحن نقدم الجزء الذي نريد تقديمه ويجمّل فكرنا فقط ..!
ننظر للكم من انضمامنا لقروبات التواصل في برنامج ( الواتس ) مثلاً ..
وكمية الافكار الايجابية التي نقرأها ونتداولها .. ما معدل تطبيقها في الواقع ..!
مامعدل تواصلنا الاجتماعي الحقيقي ..!!!

جيلنا - على الأقل - عاش واقع .. وعاش التواصل الافتراضي
لكن الجيل الناشئ اي واقع عاش .!؟؟
لذا ربطهم بالواقع أولى من ربطهم بالتقنية
- بالأمس كنت أناقش هذا مع احداهنّ ..
كيف انه ممكن يختفي حضور الحلقات ومجالس الذكر في المساجد لوجود بديل تقني والاكتفاء بسماعها .!!!!

ضايق وحزين
14-09-17, 10:45 AM
تقريباً.. أغلبنا يرى التوافق بين شخصيته في الواقع والعالم الافتراضي
لكن التناقض الحقيقي ماراح يلاحظه الإ شخص آخر يعرفك في الوسطين ../






وحدة من خواتي .. في تويتر .. حسابها نشط جداً ..
ويقدم فكرها بصورة كاملة
والله لولا معرفة - اسمها الصريح - لشككت في أنها أختي ...!!!

يمكن حنا مانلاحض اننا مختلفين
الا لو احد يعرفنا يلاحض الفرق ههههههه


اختك هل هي تختلف بالاسلوب او نفس اراءها مختلفة ؟

ضايق وحزين
14-09-17, 10:47 AM
فعلا فيه اللي شككوا انه فراس

مع انه مختلف تماما وجذريا عنه

بس لو يغير هالصور بيكون افضل

ايش رايك يااخ العرب تغير الصور بالذات اللي فالتوقيع مره مالها داعي (qq115)

شطحتوا بالتشبيه هههههههه

مازعلن الا اني تخيلتن راجع لمقاعد الدراسة والمتوسط (vv)

دانه السبيعي
14-09-17, 10:47 AM
http://www.qassimy.com/vb/images/misc/quotes/quot-top-left.gifاقتباس:http://www.qassimy.com/vb/images/misc/quotes/quot-top-right.gifhttp://www.qassimy.com/vb/images/misc/quotes/quot-by-left.gifالمشاركة الأصلية كتبت بواسطة آسيه http://www.qassimy.com/vb/images/buttons/viewpost.gif (http://www.qassimy.com/vb/showthread.php?p=11898372#post11898372) http://www.qassimy.com/vb/images/misc/quotes/quot-by-right.gifhttp://www.qassimy.com/vb/images/misc/quotes/quot-top-right-10.gif ههههه لاتكونين جايه من خوالك بعد انت ههههه

نفس حالتي هنا اتحفظ شوي واحيانا أنسى نفسي
http://www.qassimy.com/vb/images/misc/quotes/quot-bot-left.gifhttp://www.qassimy.com/vb/images/misc/quotes/quot-bot-right.gifهههههههههه لا ابشرك دايم (ghqv)

ضايق وحزين
14-09-17, 10:53 AM
احيانا احس فيهم فصام ونا احيانا احس فيني هالفصام :rofl951:
في الطبيعه اجلس في صدر المجلس وعندكم هنا متماسكين بالشوش
هذا الفصام بعينه (qq168)

خلنا من صدر المجلس والفصام



الحين انت وشجون تكتبوب واسمكم غير متصل شلون
ههههههههههه

ضايق وحزين
14-09-17, 10:57 AM
انا انا ..نفس الفكر والتوجه والشخصيه
بس يفرق في الواقع اخذ راحتي اكثر ..
اكثر انطلاق ونقاش ..هنا فيه تحفظ بكل شي تقريبا
بالرغم اني ممكن انطلق وانسى نفسي احيانا بعد:876564:

مثلي انتي
واكيد بالعالم الافتراضي بتكونين اكثر رسمية وتحفظ
السبب ان اللي بالواقع تعرفينهم وتمونين عليهم ...

عاد من يوم اسجل ماشفتك منطلقة
اببدى الاحض واذا انطلقتي ابقول اركدي (vv)

الشيخـــــه شجـــــون
14-09-17, 10:58 AM
احيانا احس فيهم فصام ونا احيانا احس فيني هالفصام :rofl951:
في الطبيعه اجلس في صدر المجلس وعندكم هنا متماسكين بالشوش
هذا الفصام بعينه (qq168)

لانهم بيستخدموا العاميه فواقعهم وبيتحفظوا فبعض امورهم

وفالمواقع بيتفلسفوا باساليب علميه ويتكلموا بالفصحى وبيعبروا براحتهم

عكسنا دوغريين وواضحين وواخذينها ببساطه مطابقه لواقعنا

الشيخـــــه شجـــــون
14-09-17, 11:01 AM
شطحتوا بالتشبيه هههههههه

مازعلن الا اني تخيلتن راجع لمقاعد الدراسة والمتوسط (vv)


لا ركز فردي قلت فيه اللي شككوا بس مو انا

انا ملاحظه اختلاف جذري وفرق شاسع

ضايق وحزين
14-09-17, 11:03 AM
وصلت لقناعة
ان التعمق في وسايل التواصل يفرض علينا التناقض قسراً
نحن نقدم الجزء الذي نريد تقديمه ويجمّل فكرنا فقط ..!
ننظر للكم من انضمامنا لقروبات التواصل في برنامج ( الواتس ) مثلاً ..
وكمية الافكار الايجابية التي نقرأها ونتداولها .. ما معدل تطبيقها في الواقع ..!
مامعدل تواصلنا الاجتماعي الحقيقي ..!!!

جيلنا - على الأقل - عاش واقع .. وعاش التواصل الافتراضي
لكن الجيل الناشئ اي واقع عاش .!؟؟
لذا ربطهم بالواقع أولى من ربطهم بالتقنية
- بالأمس كنت أناقش هذا مع احداهنّ ..
كيف انه ممكن يختفي حضور الحلقات ومجالس الذكر في المساجد لوجود بديل تقني والاكتفاء بسماعها .!!!!

التناقض خووووذي وخلي
تلقينه حاط الحالة طول بعرض (رضى امي فوق الجميع)
وهو مطير وشره براس امه هههههههه

الشيخـــــه شجـــــون
14-09-17, 11:03 AM
خلنا من صدر المجلس والفصام



الحين انت وشجون تكتوب واسمكم غير متصل شلون
ههههههههههه

هذا سر من اسرار الواضحين :rofl951:

ضايق وحزين
14-09-17, 11:24 AM
هذا سر من اسرار الواضحين :rofl951:

الواضحين مايصلح يصير عندهم اسرار
ياالله علمين وماانب معلم احد (vv)

الشيخـــــه شجـــــون
14-09-17, 12:11 PM
الواضحين مايصلح يصير عندهم اسرار
ياالله علمين وماانب معلم احد (vv)

الاسرار شي والوضوح شي
بس يالله بعلمك لانك اول مره تطلبني واها لاتعلم احد :secret25:

عندك فووق ع اليمين تلاقي مكتوب لوحة تحكم اضغط عليها
بجيك خيارات عاليمين من ضمنهم تعديل الخيارات اضغطه

بتلاقي خيار الوضع الخفي اختاره
وبكذا بتصير النمر المقنع (qq115)

ودق ،،
14-09-17, 01:02 PM
فكرة أخرى استدعاها تفكيري في هذا الطرح :
هوس مواقع التواصل .. وتناقضها مع الواقع الحقيقي ./

هنا - واجمالاً في مواقع التواصل الافتراضية
نحن نقدم مانريد- والجزء الذي نختاره في شخصياتنا -
بل وانفعالاتنا تظهر بالصورة المهذبة لبعدها عن المواقف الحقيقية
.. ونظهر الأجمل فينا .. فطبيعي الاعجاب والتقدير
وقد يزيد منسوب الظهور بالأكمل والاجمل والأمثل ما يحصد قبولاً وتأييدا من نظر من يقرأنا من المتابعين
لكن نصل لمرحلة صعوبة التعايش مع الواقع الحقيقي- بل ورفضه - لعدم وجود ذات التقدير والاعجاب والتأييد ..!

الــــدانة
14-09-17, 01:51 PM
عن نفسي بين وبين
لكن الأغلب نفس شخصيتي
واضحة حد الغموض ، وغامضة حد الوضوح

فيه قلبة راس أقوى من كذا ؟ :ro258es:

لكن لابد من الاختلاف ، فكون الأمر مرئي يختلف عنه مرئي وسمعي
كوني لا أعرفكم شخصيا ، يختلف عن الأهل ، الصديقات ، زميلات دراسة أو عمل ... إلى آخره. ..

طعامك وشرابك
14-09-17, 01:59 PM
بالضبط ، ولأن في الواقع دائما ما أجد من يحيطني برعايته ، لجأت للعالم الافتراضي
وهنا صدمت من نفسي لأَنِّي وجدتني اهرب بمشاعري خشية أن يؤذيها احد .
لكن مازلت احاول وهذا جيد .


كويس انك قلتي لنا

اسوا شي انك تجرح مشاعر احد من دون ماتشعر

الاحد هنا لا يشمل الاربعينيات😡

طعامك وشرابك
14-09-17, 02:00 PM
عن نفسي بين وبين
لكن الأغلب نفس شخصيتي
واضحة حد الغموض ، وغامضة حد الوضوح

فيه قلبة راس أقوى من كذا ؟ :ro258es:

لكن لابد من الاختلاف ، فكون الأمر مرئي يختلف عنه مرئي وسمعي
كوني لا أعرفكم شخصيا ، يختلف عن الأهل ، الصديقات ، زميلات دراسة أو عمل ... إلى آخره. ..

صادقه

ضايق وحزين
14-09-17, 02:17 PM
الاسرار شي والوضوح شي
بس يالله بعلمك لانك اول مره تطلبني واها لاتعلم احد :secret25:

عندك فووق ع اليمين تلاقي مكتوب لوحة تحكم اضغط عليها
بجيك خيارات عاليمين من ضمنهم تعديل الخيارات اضغطه

بتلاقي خيار الوضع الخفي اختاره
وبكذا بتصير النمر المقنع (qq115)

اهاا اقدر اسويه
احسبه لازم من عند المشرفين هههه

شكرا ... وسرك في بيرر (vv)

ضايق وحزين
14-09-17, 02:22 PM
فكرة أخرى استدعاها تفكيري في هذا الطرح :
هوس مواقع التواصل .. وتناقضها مع الواقع الحقيقي ./

هنا - واجمالاً في مواقع التواصل الافتراضية
نحن نقدم مانريد- والجزء الذي نختاره في شخصياتنا -
بل وانفعالاتنا تظهر بالصورة المهذبة لبعدها عن المواقف الحقيقية
.. ونظهر الأجمل فينا .. فطبيعي الاعجاب والتقدير
وقد يزيد منسوب الظهور بالأكمل والاجمل والأمثل ما يحصد قبولاً وتأييدا من نظر من يقرأنا من المتابعين
لكن نصل لمرحلة صعوبة التعايش مع الواقع الحقيقي- بل ورفضه - لعدم وجود ذات التقدير والاعجاب والتأييد ..!

غلط اللي يبني ع مواقع التواصل الاجتماعية مثل الواقع
يتاثر بردود الفعل مثل الاعجاب والمدح وغيره ويعيش جو
لانه مجرد كلمات واراء ونقاش ... لاتعرفهم ولا يعرفونك

والقبيح جدا اللي يتجاوز ع الناس بالالفاض وغيره لانه مايعرفهم ولا يعرفون
وهؤلاء قلة

ضايق وحزين
14-09-17, 02:24 PM
عن نفسي بين وبين
لكن الأغلب نفس شخصيتي
واضحة حد الغموض ، وغامضة حد الوضوح

فيه قلبة راس أقوى من كذا ؟ :ro258es:

لكن لابد من الاختلاف ، فكون الأمر مرئي يختلف عنه مرئي وسمعي
كوني لا أعرفكم شخصيا ، يختلف عن الأهل ، الصديقات ، زميلات دراسة أو عمل ... إلى آخره. ..

اي والله قلبة راس ههههه
وشلون غامضة وواضحة (vv)


اكيد يختلف الواقع جذريا مع ناحية الاريحية

... بنت الجنوب ...
14-09-17, 06:02 PM
...

فكري إيه هو نفسه
نقآشي عن أي موضوع
هو نفسه لو بنآقشه مع أهلي
.

الــــدانة
14-09-17, 10:55 PM
اي والله قلبة راس ههههه
وشلون غامضة وواضحة (vv)


اكيد يختلف الواقع جذريا مع ناحية الاريحية

فن مايتقنه الا النادرين أمثالي <~ دنو برا (vv)

فراس #ثاني متوسط
15-09-17, 01:06 PM
(zm)

المتحد
15-09-17, 02:03 PM
تقريباً.. أغلبنا يرى التوافق بين شخصيته في الواقع والعالم الافتراضي
لكن التناقض الحقيقي ماراح يلاحظه الإ شخص آخر يعرفك في الوسطين ../






وحدة من خواتي .. في تويتر .. حسابها نشط جداً ..
ويقدم فكرها بصورة كاملة
والله لولا معرفة - اسمها الصريح - لشككت في أنها أختي ...!!!
بالفعل
لاحظت ذلك في شخصية مقربة مني
تفاجئت بحجم فكره وعمقه وقوة مفرداته بتويتر
واقعيا شخص حضوره خجول وعادي جدا (z)
سبحان الله
.

طعامك وشرابك
15-09-17, 02:16 PM
بالفعل
لاحظت ذلك في شخصية مقربة مني
تفاجئت بحجم فكره وعمقه وقوة مفرداته بتويتر
واقعيا شخص حضوره خجول وعادي جدا (z)
سبحان الله
.


خلي بالك الشخص الخجول ذكي جدا

المتحد
15-09-17, 02:23 PM
خلي بالك الشخص الخجول ذكي جدا
يجوز
لكن خلني اقول لك سبق تناقشت معاه كثير
ماكان له حضور وثقة مفردات واقناع ككاريزما
كلام عادي جدا وتحس كأنه غير متعلم او تعليم اولي
وهو جامعي متخرج وثلاثيني ذهلت بعد استعراض
تغريداته (z) ماادري هل الخجل له دور
او تعبيره كتابيا اقوى ربما
ومثل ماقالت ودق لو مو بأسمه يكتب
وتأكدت انه هو بالمضافين كان مااصدق نهائي
.

فراس #ثاني متوسط
15-09-17, 02:25 PM
يجوز
لكن خلني اقول لك سبق تناقشت معاه كثير
ماكان له حضور وثقة مفردات واقناع ككاريزما
كلام عادي جدا وتحس كأنه غير متعلم او تعليم اولي
وهو جامعي متخرج وثلاثيني ذهلت بعد استعراض
تغريداته (z) ماادري هل الخجل له دور
او تعبيره كتابيا اقوى ربما
ومثل ماقالت ودق لو مو بأسمه يكتب
وتأكدت انه هو بالمضافين كان مااصدق نهائي
.

يمكنن لاطشهن خخخخ

المتحد
15-09-17, 02:26 PM
يمكنن لاطشهن خخخخ
صح كلامك
بس هو مو بوح فقط
ياخذ ويعطي
يبين
.

لالـه
15-09-17, 10:10 PM
نعم بالضبط ☠