عندك موقف طريف أدخل وقول الله يخليك

[حلاة الكون]

مراحب بناتيت
مراحب شياييب :o
اليوم جاني ايميل يقول فية عن مواقف طريفة
بحط لكم موقف حليووووو
وبقول موقف صار لي :o
مره أتمشى أنا وإثنين من الشباب في الفيصلية وحنا طالعين خلاص
ماعاد عندنا شي.... إلا وتجي وحده ما شاء الله عليها...

خويي حب يتميلح قدامها حط يده على بطنه وقال أي يابطني..
هو مامداه يقول هالكلمه إلا والبنت طاحت بنص السوق ا

الظاهر إنها داست على طرف العباة...أو إنها خافت..أو حاجه زي كذا...

المهم إلتفتت البنت يمه وهي في الأرض طايحه وقالت تعال يانضول
تعال..تعال تفّل يانضول...

أنا من هيستيريا الضحك اللي فيني ما مسكت نفسي إلتفتت يمي وقالت وإنت وراك تضحك..

ناظرت لخويي قلتله إذا خلصت تفال عليها أنا بالسياره وطلعت وأنا ميت

من الضحك...

تخيلوا موقف الولد وهو يتفل عليها بنص السوق عاد تعرفون بثارة شباب الرياض ولقافتهم....

مر الموقف بسلام وتبادل الأرقام بينهم علشان إذا صارلها شي تكلمه يجيها يتفل عليها...

وكل ما شفت خويي بعدها قلتله تعال تفّل تعال....

موقف طريف ومحرج بنفس الوقت.. (aqwa)

موقفي انا يافرخ عنيزة (qq)
كنت مسافرة برا السعودية...وفية بالفندق ثلاجة صغيرة وعليها سهم مكتوب (تحت بقول لكم وش مكتوب)
طبعا يالسعوديين حنا فاهمين ان اتجاه السهم يرمز ل اتجاة القبلة :rolleyes:
وطول فترة جلستنا بالفندق وحنا فارشين السجادة ونصلي قدام الثلاجة وقدام هالسهم (qq) الله يتقبل بس
آخر يوم ربطنا شناطنا وبنمشي وبنت خالي تصلي....
يوم سلمت جالسة تهوجس:o
واثاريها تقرا المكتوب اللي باتجاه السهم واثارية مكتوب (qq)








(ميني بار) _( mini bar)
وياحووووول حنا على نياااااتنا نحسب السهم اتجاه القبلة :eek:
هذا اللي مايقرا وش مكتوب بالجدارن....:p

*******
فية موقف ثاني لأمي بس بعدين بقولة لمين اشوف وش مواقفكم
سي يووووو

[سيف العداله]

وطول فترة جلستنا بالفندق وحنا فارشين السجادة ونصلي قدام الثلاجة وقدام هالسهم
:o:o:o:o

هههههههههههههههههههه

الله يخرب بيت شيطان سموك

اجل البار قبلتكم :p

تقبل الله (g)


اما ابو تفال شلاخ :o

[حلاة الكون]

سيف العداله
شفت وشلون
زين بعد مااتبعت اسهم الكمبيوتر واحط قبلتي الجهاز :o
الله بس يتوب علينا
شكر للمرور :)

[همس الشفايف]

حلووووووووووه يا حلات الكون

والله انكم مفهين:o



اما عن المواقف عدي واغلطي ..بحك رويسي وادور لتس واحد مزرركش:p


احتريني لا اوصيتس :eek:

[شيخة الكعبي]

هههههههههههههههه حلو الموضوووع والله .. واقول الله يتقبل منكم

فيه موقف صااار لي محرررج ومضحك شوووي

مرة كنت مااشيه واشوف بنية وهي تشوفني وانا ابتسم لها من بعيد الين قربت منها وهي بعد تبتسم لي ههههههه انا مشبهة عليهاا :pوهي بعد مشبهة علي وتقولي وشلونتس وسلام حاار بعدين انتبهت وقالت اووه اختي اسفة احسبك خويتي وانا امشي وميتة ضحك ههههههههههههههههههههه :o
*( على فكرة كل هذا صاير بالسكن الداخلي للبنات)

فيه مواقف كثيرة بس اتذكر اجيكم طووالي

سلامو عليكم :o

[الحب]

هلا.....
موضوع حلو...... وفكره جديده.......
يعطيكم العافيه......
بالنسبه لمواقف حق حفلات......
اختي الي صغر مني...... تدرس الحين في ثالث ثانوي......
ادبي طبعاااااااااااا خخخخخخخخخخ
المهم....
<<<<< تكفين ياتجاري
الفتره الماضيه كلها امتحانات ..... ولكل يبي يركز عشان النسبه...
وهي خلقه وحده كسوله......ودفترها ناقص مرررره<<<< الكلام ذا لاتشوفه مدرسه....
قالت لهم المدرسه تبي تجمع لدفاتر بكره....
واللي دفترها ناقص ياويلها.....
اختي في الليل تكلم بنت خالي وتقول......
:
بكره المعلمه تبغى تصلح الدفاتر.....
يربي.....
دفتري ناقص وش اسوي.....
تصدقين....
لو المعلمه تشوف دفتري..... موبس توديني الاداره......الا توديني الشرطه.........(q13)

الحب.......<<<< هنا صورة قلب.........

[الحب الأول]

السلام عليكم ورحمة الله وبركاته......

السالفه أني مره جاني أنتداب لدبي وأخذت أمي معاي المهم سكنا بفندق وجلسنا 3 أيام بفندق المهم كان في ثلاجه مليانه((خرابيط من اللي بالي بالك)) المهم طبعا أنا مادفع شيء كله على حساب الشركه ويوم رجعنا واستقبلونا اخواني واخواتي بالبيت وعيال اخوي وعيال اختي المهم جت امي وطلعت لهم من الشنطه حقتها بسكوت على حلاو على خرابيط المبزره ذي المهم وقامت توزع عليهم قوارير صغار أنا شفتها مع بنت اختي الصغيره قلت لها من وين ذي قلت عطتنيها جدتي قلت وريني واناظر الا انها قارورة بلاك(خمر) يوووو واجي لامي قلتلها وش ذا قالت لقيته بالثلاجه يومنا بالفندق وجبته مادامهم حاطين ذا العصيرات لنا قلت اجيبها للبزارين وعلمتها وشو ذا يوم اغمى عليها الا شوي واللي ستر على الموضوع انهم ذا المبزره محد عرف يفتح القاروره بحكم انها قويه وذا القوارير صغار مره يعني وش اقولك وذا البزارين فرحانين فكان موقف والله خيالي مايتصدق مررره وشلون فك الله ذا البزارين من الشرب كان والله قالبينها ديسكو



الحب الأول

[سيف العداله]

همس البراطم
الى هالحين تحكين رويسك :p

[همس الشفايف]

ايه والله حكيت رويسي وطلغت لي قملتن شهباء (q32)

قالت لي : اقول يالحبيبه ازعجتينا ترى فكنا الله من شباصاتس جيتنا انتي :o


هين الموقف كاتبته كاتبته ان شالله هماه فيه حتسي بس وهذره بس مافضيت اكتبه :p

[حلاة الكون]

لي نكسة مرّة ثانية
بس بطلع للسوق:o

[مستغرب]

الحب الأول

قوارير بلاك يا رجل وكل واحد من البزران معه قاروره

شنطة امك هذي وش كبيرها ....

ارنب نط جاب لي خط

[همس الشفايف]

طاااااااااااااااااااااااااااااااااااط :o

ايه اقولكم الموقف اللي صار لي:(

مرتن كنا رايحين لمكه بالرمضان

وانتم خابرينها وش تصير مكه ذيك الايام (tt)

انوااااااااع الزحمه وانواااااااااع التكارنه وانوااااااااع النشبات في الحلز (تراتيع ياخاله..هب حمام ياخاله..والا محرول منبطح بالشارع واذا جيته من وراه وقلت له بلديه تلقاه مهنا انشط منه ) :o

المهم قضينا انا وامي واختي من صلات التراويح

امي سبقتنا وحنا وراها ماسكين طرف عباتها لا نضيع >>>> امها تمشي مليون وحنا ماغير نتمطط :p

وحنا ماشين بالتوسعه وامي متقدمتن عنا شوي

مادريت الا اللي ذاك الشي اللي ناشب في ساقي (a)

وانا اللي ادنتز بشوف وشو

والقى ذيك اللي تسنها قمله متعنقطه بساقي ( تكرونيتن تبل اتبعي التغير ( لزوم التصغير ) ناششبتن فيني)

وانا اللي اناظرها وطايرتن بوهتي(a)
وهي اللي متعنقطه وماغير تمطخ ساقي

وانفضها ابيها تبعد وتنفض معي

وافكها منا وتنشب في الساق الثاني منا
وناااااااااااااااااشبتن فيني عيت تبعد

والناس تناظرني وتضحك علي

المهم اختي الدبيه فاطستن من الضحك ومافزعت ياجعل تحبها تكرونيه ماكلتن سبده نيه قولوا امين :p

ويالله يالله فكيتها من رجلي
وابعد عنها وتلحقني وانحاش بسرعه وهي اللي تركض وراي كنه محلوفن عليها انها تاخذ مني ريال

وماغير انا وياها بالتوسعه ملاحق كننا قطو وفار

والحريم اللي حولي يكركرن علي وقالن لي : طقيها بشنطتس وتروح

انا بغيت اطقها بالشنطه بس خفت اقصعها واتورط عاد بالديه :o

انا لو معي ريال ان كان عطيتها بس مامعي الا الضعوي (tt) ( اقول كم بيض الحمام )

وانا اللي ادور امي ابيها تفكني منها

والقاها وانصاها

وهالتكرونيه يوم وقفت وعلى طول تعلق في رجلي

شافتني متورطه وتجي تفزع فديتها

وهاك هوااااااااااااااش ( انتزلعي يالبصوه ..فارزي و.... ومن هالحتسي والهواش ) :o

ابشركم بعد جهد جهيد فكتني وفارزت عني بس عقب ويش عقب ماضحكوا علي الناس وتفشلت (kk)


ملاحظه :o
اكيد بتقولون ليش ماعطيتيها ريال وافتكيتي منها (qq)

بس بقول لكم اني من اشد المكافحين للتسول :p

وبسسسسسسسسسسسسسسسسسسسسسسسسسس

هموووووووووووووووووووووسه :eek:

[ماس]

موقف طريف ومحرج في الوقت نفسه مرة من المرات كنت ( كنت ولا مارلبورو) كنت مسافر الى ام الدنيا وجالس بالشقه او الشئه على قولتهم لوحدي في آخر الليل ( ماراح اقول لكم وين ربعي رايحين ) المهم اني جالس بحفظ الله وتدخل هذيك الوحده اللي ملونه وجهها خمسين لون وعمره قريب الخمسين وقالت انت 0000 وسمتني باسمي وقالت من القصيم وعندك ولد وبنت وسمتهم باساميهم قلت خير ان شاء الله وصارت تقول لي امور صحيحه بصراحه بدا الخوف يقرب مني وقلت الله يستر هذي اللي يقولوا عليها عرافه وش تبين مني قالت عاوزه الف قنبه ( جنيه ) قلت واذا ما دفعت قالت ابعقد لك ياسااااااتر تدرون وين رحت ؟؟؟؟ قلت لها لحظه اجيب لك فلوس ونزلت للبواب ولعنت اللي جابه ليشش تدخل المجنونه قل من هي قلت الحرمه قال هذي الشغاله !!!!! واخيرا اكتشفت انها لعبه من ربعي باتفاق مع الشغاله وعطوها المعلومات والسبب يقولون ليش ما تسهر معنا ؟؟؟؟؟؟؟؟؟؟ وش رأيكم

[مجنون الركب السود]

في شهر العسل اخذت رحله بحرية وكان مالنا متزوجين 3 ايام ... المهم وحنا في يخت كانت عروستي جالسة جنبي وكان معها نظاره شمسيه حاطتها في الجيب الخارجي لشنطه اليد ... قمت انا واخذت النظاره ولبستها وهي ماتدري وقلت لها ياعمري وش رأيك فيني؟؟؟( تعرفون نظامي نظام استراحات : اي شي تقدر تشوفه تقدر تستخدمة )
وش تتوقعون قالت العروس الي مالها الا 3 ايام؟؟؟؟؟؟؟
قالت عروستي : مافيه عن اذنك ... مافيه لو سمحي ... تراها حقتي .
انا طرطعت (عصبت) وبغيت انطلها من اليخت ... بس قلت هدي واذكر ربك وتراها عروس ومشي و... الخ
وطول الرحلة وانا اقول في نفسي حسبي الله عليها (لا تقولون حقود والله حزت في خاطري وتفشلت ) ،، المهم وصل اليخت لجزيره صغير بنتغداء فيها وبنكمل الرحله ،،، واول مانزلنا كانوا فية ناس متجمعين يرمون خبز للسمك ... (كان السمك موجود في شي زي البحيره الاصطناعية وكان السمك طويل ذراع تقريبا ) المهم القرويه اخذت خبز بترميه للسمك وبدل ماترمي الخبز رمت النظاره الي في اليد الثانية .
انا من الوناسة قعت اضحك ضحك الى درجة اني طحت على الارض ( بيني وبينكم كان شكلها يضحك لا ومن زود الهبال السمك تجمع على النظاره يحسبها خبز وعروستي قعدت تصارخ وتقولي محمد جب النظاره لا ياكلها السمك )
انا قلت في نفسي جت والله جابها قلت هذي نظارتك جيبيها انتي مالي دخل وبعدين انا اخاف السمك يأكل يدي ؟؟؟
قالت عروستي : لا السمك ماراح يأكل يدك ( وش رأيكم في العقل السمك يأكل النظاره ولا يأكل يد ؟؟؟) وبعد الحاح وازعاج قمت وجبت لها نظارتها بواسطة عصا خشبية وحلفت علي اني البسها طول الرحلة وابشررررركم مازالت استخدمها حتى الان ( 2 سنة زواج) .... آآآآآآآآآآسف جدا على الاطالة

[راع ألاوله]

بأختصار هذا وانا فى الثانوى كنت متأخر على المدرسه والطابور الصباحى المهم صحيت وغسلت وجهى وبسرعه لبست ثوبى وجرى على المدرسه وانا فى الطابور واحد اثنين ثلاث اربع واطالع عند رجولى واثرنى لبست الثوب على الفوطه (فوطه اندنوسيه خخخخ) ولونها ازرق غامق يعنى كلن شايفها وقعدت ارفعععععععع فيها لين انتهى الطابور وجرى على جدار المدرسه واحذفها فى الشارع خخخخخخخخخخخخخخخخ

[الــــجــحــوده]

في شهر العسل اخذت رحله بحرية وكان مالنا متزوجين 3 ايام ... المهم وحنا في يخت كانت عروستي جالسة جنبي وكان معها نظاره شمسيه حاطتها في الجيب الخارجي لشنطه اليد ... قمت انا واخذت النظاره ولبستها وهي ماتدري وقلت لها ياعمري وش رأيك فيني؟؟؟( تعرفون نظامي نظام استراحات : اي شي تقدر تشوفه تقدر تستخدمة )
وش تتوقعون قالت العروس الي مالها الا 3 ايام؟؟؟؟؟؟؟
قالت عروستي : مافيه عن اذنك ... مافيه لو سمحي ... تراها حقتي .
انا طرطعت (عصبت) وبغيت انطلها من اليخت ... بس قلت هدي واذكر ربك وتراها عروس ومشي و... الخ
وطول الرحلة وانا اقول في نفسي حسبي الله عليها (لا تقولون حقود والله حزت في خاطري وتفشلت ) ،، المهم وصل اليخت لجزيره صغير بنتغداء فيها وبنكمل الرحله ،،، واول مانزلنا كانوا فية ناس متجمعين يرمون خبز للسمك ... (كان السمك موجود في شي زي البحيره الاصطناعية وكان السمك طويل ذراع تقريبا ) المهم القرويه اخذت خبز بترميه للسمك وبدل ماترمي الخبز رمت النظاره الي في اليد الثانية .
انا من الوناسة قعت اضحك ضحك الى درجة اني طحت على الارض ( بيني وبينكم كان شكلها يضحك لا ومن زود الهبال السمك تجمع على النظاره يحسبها خبز وعروستي قعدت تصارخ وتقولي محمد جب النظاره لا ياكلها السمك )
انا قلت في نفسي جت والله جابها قلت هذي نظارتك جيبيها انتي مالي دخل وبعدين انا اخاف السمك يأكل يدي ؟؟؟
قالت عروستي : لا السمك ماراح يأكل يدك ( وش رأيكم في العقل السمك يأكل النظاره ولا يأكل يد ؟؟؟) وبعد الحاح وازعاج قمت وجبت لها نظارتها بواسطة عصا خشبية وحلفت علي اني البسها طول الرحلة وابشررررركم مازالت استخدمها حتى الان ( 2 سنة زواج) .... آآآآآآآآآآسف جدا على الاطالة
(vv) (vv) (vv) (vv) (vv)
السالفه كله مظارتك ومظارته
حلوه بس الاحلى انا درينا ان اسمك محمد
(asl) <<< بتذبحس الشرافه