المساعد الشخصي الرقمي

مشاهدة النسخة كاملة : كاس العالم 2006 ... بعيون ( مدمن شاهي ) !


مدمن شاهي
09-06-06, 04:41 PM
سلام علاكم

حيّالله التماسيح ( كلاً باسمه ) وحيالله الشبّاصات ( كل وحده بعيارتها :) ) !

كاس العالم بعيون ( مُدمن شاهي ) ..

الكل في الديره مستعد ... !

اللي فارش بساطه في الشارع .. وحاط تلفزيون لونين على بلكّه ! .. ويقول للعالم اللي تمرّ ( طزّ فيكم ) .. حلالي .. والشارع مزفلت ! :)

واللي رافع العلم الأخضر على السطح .. ( حج وقضيان حاجه ) .. عشان يؤازر المنتخب " السعوطي " .. ويرد الحمام لمردّه .. !

راشد الاقرع .. وزيد الملتوي .. وحمد الاثول ... مستعدين أتمّ الإستعداد .. ومستاجرين لهم ( عشّه ) وشارين لهم غلّايه خط : 220 .. وجايبين لهم عامل مُتخلّف نظام عشان ينظّف العشّه قبل مايجون يشوفون المباريات ! :)

المشكله أن كل هالاستعدادت .. وياليتهم يفوزون !

بيلطخونّا بثمانيه ( مثل العاده ) ثم يرجعون لبلدنا .. وكل واحد ( حاط راسه في الارض ) !

قاعد البارح أشوفهم ... واشوف اللاعبين مستانسين .. وكل واحد حاط على كتفه ( كميره ) وارزّ لي عمره .. وطاق الشورت الاخضر .. والكندره كبر راسه .. وعلى باله بيجيب نتيجه طيّبه ( ترفع راس الأمّه ) اللي هي في أشدّ الحاجه له !

بالأمس يموت ( بطل ) مُجاهد .. يُناضل وينافح عن دينه .. أذلّ الكافرين .. وجعلهم يخنعون على ثرى أرض الرافدين .. !

وبكره يجيك ( الخال الكويحه ) يطق الكوره براسه .. ثم يسوون معه لقاء .. ويالله يتنفس .. على باله " جايب نصر عظيم " .. ويدلّي يصرّح ( لابو مكرفون ) ويقول [ والله الحظ ماحالفنا .. وطويل العمر حالف علينا أننا نتعادل .. بس انت خابر ماغطينا الملعب مضبوط .. وتاليت الامر صقعونا بسبعه ! ] :)

العزّه حبيبي .. يوم أن المجاهد يرفع الراس .. ويقف هامه وعزّه لينصُر المسلمين ... !

العزّه حبيبي .. ماهي بطقّة " كوره " وجعل ( الرياضه ) همّ .. نُضيّع بِه أوقتنا .. !

العزّه حبيبي .. يوم اني أشوفك ( مواطن صالح ) .. تُصلح شأنك .. وترفع هِمّتك .. وتسمو بِها نحو العُلى !

لن أقول ( لا للريــاضه ) .. ولكن سأقول ( مالت عليكم .. ياللي خليتونا نفتخر بطقّة كوره عالميه .. نُحاور فيها أهل الكُفر في بِلاد العُهر ) !

سلام .. وكُل سنة والمنتخب ( خاسر بثمانيه ) !

مدمن شاهي 8 << أحسن :) !

الوافي3
09-06-06, 04:59 PM
وعلاكم السلام يامدمن شاهي

أخي الفاضل أنقلبت الموازين

اصبح البطل إرهابيا .......... ((( والرخمة بعيد عنك بطلاْ))

عموماْ نحن في ممر فلن يثبت إلا أصحاب الهمم

ولن يُطال إلا اصحاب الشموخ

عموماْ لست من محبي الكورة ولست متلهفاْ على هذا المونديال

وسأكتفي بوقت المباريات بالانشغال بأعمالي الخاصة ومتابعة النت

إذا مابينقلوها عندنا لن أجري خلفها :)

مدمن شاهي
10-06-06, 02:43 AM
الوافي 3

تستاهل خصومات في جميع فروعِنا تصل إلى 70% .. لأنك أوّل واحد يرد :) ... تستاهل !

الكوره .. طقّها والحقها .. الخاسر فيها ( مشهور ) .. والفايز فيها ( مقرش ) !

مالت عليهم ... وعلى أمانيّهِم !

الصواعق
10-06-06, 09:15 AM
مدمن ...
لعب الكورة مافيها مشكلة .. حتى لو نشارك بكأس العالم .. ماهو عيب أو عار

لكن إن الكورة تكون أكبر همنا .. وغايتنا وندفع كل الملايين عليها .. هنا المشكلة والعار
وياليت نطلع على شيء ...!

بنت الرعد
10-06-06, 10:46 AM
بارك الله فيك

وجعلها من العيون الساهرات الحارسات لبلاد المسلمين..

Qassimyvb
10-06-06, 12:16 PM
لن أقول ( لا للريــاضه ) .. ولكن سأقول ( مالت عليكم .. ياللي خليتونا نفتخر بطقّة كوره عالميه .. نُحاور فيها أهل الكُفر في بِلاد العُهر ) !



ليس لديهم تطوير سوا بالكورة فقط

مدمن شاهي
15-06-06, 04:24 PM
الصواعق

أخوك ( مُدمن ) يلعب الكوره وهو حافي .. وينطل فنيلته على الجمهور إذا دخّل هدف :) .. بس أن تكون الكوره ( همّ ) و ( تبذير أموال ) و ( طقّة مشوار ) على غير سنع .. فلا !

شكراً لمرورك .. ولي عوده مع بقايا نبض !

مجداف
15-06-06, 04:58 PM
الكورة جنون !!!

ابو شدق
16-06-06, 06:21 AM
ياخوي مالقينا شي نتابعه

حتى قناة السودان به كوره

نبي نرجع فديو شريط صغير