دعــوه للشعراء فقط $$

[فارسه ما تهاب الغدر]

السلام عليكم ورحمة الله وبركاتة
مساء الشعر
أتيت وفي جعبتي
هذا الموضوع والذي أتمنى أن يكون
فيه الفائده والمتعه..
إخوتي
هذه المشاركه لشعراء هذ هذا المنتدى الشامخ
في هذا الموضوع بودي طرح أسأله يجيب عليها الشعراء من نظمهم
حيث أُريد أن أقف على شواطيء إبداعهم..
وأُبحرعبرحروفهم العذبة ..
وكلي أمل بأن أجد التفاعل من شعراءنا المبدعين
***
فكرة الموضوع تدور حول أسأله يجيب عليها الشاعر ببيت أو بيتين من
نظم الشاعر نفسه
أتمنى أن تعجبكم هذه الفكره البسيطه ...

نبدأ وبالله التوفيق...

1-من أنت ؟

2-من حبيبك؟

3-ماذا أعطتك الدنيا؟

4-مارأيك بالناس في الوقت الحالي؟

5-ماهو حلمك؟

6-هل مات الأمل لديك؟

7-من صديقك؟

8-من عدوك؟

9-عرف الكلمات التاليه:-

الشووق

الخيانه

الوفاء

الجرح

العطاء

الحزن

الإبتسامه

اتمنى التفاعل من شعرانااااااااااا المبدعين ....

[كاتم الونة]

انا لست بشاعر لكن احببت المشاركة..

1-من أنت ؟


أنا الذي.. كاتم عن الناس حزنه=والونة الونة بقلبي حزينة

2-من حبيبك؟


حبيبتي.. بنتٍ بها وصف مزنة=تروي ظمأ قلبٍ شكى من سنينه

3-ماذا أعطتك الدنيا؟


اعطتني الدنيا.. علاقة بخزنة=علاقة الخوه تراها ثمينة

4-مارأيك بالناس في الوقت الحالي؟


الناس من حولي.. وكلٌ ووزنه=فيهم غباء ويوجد أوادم ذهينة


////////////

5-ماهو حلمك؟


حلمي..يحل الخير في كل الاوطان=وبلادنا تنعم بخير وسعادة

6-هل مات الأمل لديك؟


أما الأمل..يالفارسة بين الاعيان=دايم نجيبه بالرضى والعبادة

7-من صديقك؟


وعندي صديقٍ مايقدر بالاثمان=شجاع وطيبة قابلٍ للزيادة

8-من عدوك؟


عدونا...واحد بلاشك شيطان=يفرح الى ضقنا وفرحنا حداده

////////

9-عرف الكلمات التاليه:-

الشووق


الشووق.. بركان الوله والمشاعر=يحس ابه من هو تغربل من الشووق

الخيانه


اما الخيانة...بـث حـي ومباشر=عن قسوة الانسان في حق مخلوق

الوفاء


اما الوفاء.. طبع الرجال الاكابر=ماهو تصنّع اونجيبه من السوق

الجرح


والجرح...مايبرى ولو كنت صابر=واصعب جروح الروح من شخص ماثوق

///////

العطاء


وبحر العطا وسطه جميع الجواهر=ياحظ من هو بالعطا صار مرزوق

الحزن


اما الحزن... واضح ولالا تكابر=طالع عيونك واضح القلب محروق

الإبتسامه


بختم كلامي بأبتسامة وأناظر=وتسلم يمينك يا وخيه على الذوق

:)

[عسّـاف]

هلاا بالفارســــــــه واحييك على موضوعك واعذريني مامعي خاتم سليمان والا كان ثبته

واسمحي لي ابدأ:

1-من أنت ؟


يابنت انا عسّاف معشوقتي الخيل=كم ذيل شقرا عاسفه في يميني
انا طموحي عارض الجدي وسهيل=والا النسا ماحركن رمش عيني





2-من حبيبك؟

سؤال حيرني ولا له اجــابه=اخاف اجاوب وابتلش في جــوابي


الحب اكبر من معاني الكتـابه=مثل المسافه بين ضحكي وعذابي




3-ماذا أعطتك الدنيا؟

مااعطتني الدنيا كثر ماعطيتــــــه=اقبلت له بالشوق جتني حزينـــه








اصغر جروحي لو لها اشتكيــته=عم الحزن بارجـاء كل المدينــه

















4-مارأيك بالناس في الوقت الحالي؟


الناس طبعه تغيّر بوقتنــا الحـــالي=الكل يطرد ورا الدنيا ولذتهـــا
يالله عسى بالنهـايه خير ياوالــــي=بعض البشر ضاع عزّه وبعض شيمتهـا






5-ماهو حلمك؟












حلمي!!اصلي ركعتين بفلسطــين=بالمسجد الاقصى واقبل ترابـه









ليت يتحقق من قبل موتي يحــين=وتهنى عيوني في رموز الصحابه





















6-هل مات الأمل لديك؟

الحقيقه ايه بي مات الامـــل=دام كل دروب قلبي في ســراب
التمني مايفيد بلا عمــل=والعمل بالعين من خلف النقــاب
doPoem(0)





7-من صديقك؟

في زمان الضيق ضيعت الصديـــق=وياكثر ماشفت منهم بالرخـــا
في زمان الضحك هو خوش الرفيق=واشهد انه بالمصــاعب ارتخــا



doPoem(0)





8-من عدوك؟

هناك مثل انجليزي يقول: بحثت عن صديقي فلم اجده, وبحثت عن عدوي فوجدته صديقي. وانا اكتفي بهذا المثل!!!!


////////

9-عرف الكلمات التاليه:-

الشووق


الشوق حاتم ينتظر يلفي الضيـــف=والضيف طول واحترق شوق حاتم
الشوق نبض القلب ومعانق الكيــف=دلة عزا في يوم اسود وكـــاتم



الخيانه

ابسط التعريف في معنى الخيـــانه=انها للقلب طعنه موجعــــــه
من رفيق ن كان له اغلى مكانــه=؟؟؟؟؟؟؟؟؟؟؟؟؟؟؟؟؟؟؟

doPoem(0)



الوفاء

الوفا صعبه حروفي توصفه=له معاني فوق شعري ساميـــه
لو كتبته الف مره ماانصفــه=لانه اكبر من قصيد وقـــافيه



الجرح

الجرح نزف الشوق في غيبة الذوق=نزف ن تخالط في دمعــه ودمــّه
مابه دوا للجـرح او طب للشوق=الا حبيب ن من هيامه تضمـــّه




العطاء

العطا يالفارسه لو جيت اوصّف لك مساره=مالقيت الا خفوق ن مد للعالم وريـــده


والخفوق اللي مساره للعطا اصبح شعــاره= مارضى ياخذ كثر مااعطى ولو دمه فقيـده

doPoem(0)



الحزن

الحزن يالفارسه درب ن وبيّن بانكســــــاره=والامل مقطوع والخطوه مشاويره بعيــده
دمعة ن في عين فارس ماقدر ياخذ بثــاره=والبشر مايرحمونه والليالي له عنيــــده

doPoem(0)



الإبتسامه

الابتسـامه شعور القلب بالفرحــه=لحظة توافق شعور القلب واحساسه
لاجاك خلك..حذف عن وجهه الطرحه=كذا تبسم من انفاسك لانفاســــه










لكي كل الحب والتقدير ومشكوره على الموضوع

[وافي]

خوش موضوع بيض الله وجهك


لي عودة اكيده



واااااافي

[نجــم الـقوافـي]

من انت
انا مجرد شخص من ضمن هالناس=لاكن حضوري سد كل القبيله
من حبيبك
حبيبتي مهره وفي حكم شايب=ولوهو يموت لعود ماشفت مهره
ماذا اعطتك الدنيا
عطتني الدنيا تجاريب ودروس=تعليم بمقابل حياة السعادة
الناس

الناس تنظرلك على راس مالك=من حجم راس المال يمكن تقيمك

حلمك
حلمي على توحيد كل الجزيرة=ويضمها الاسلام شرع وقوانين

هل مات الامل فيك


مات الامل فينا وضاعت فلسطين=ومات ذلحينه ترانا انتهانا


صديقك

صديقك الي لانخيته تعزوا=ابن الرجال الي تقدر الحاها

عدوك
عدونا موجود يالشرق الاوسط=ونبادله حب العداوه على الغير
الشوق

الشوق يدفعني ويسبق خطايه=لاكن نصيحه دوم لايدفعك شوق
... الخيانه

طعنة غبي والاجروح المحبين=لابد منها صار نفس الخيانه

الوفاء
دام الوفاء رمز الرجال الطحاطيح=والا الردي لاجالها محتملها
الجرح

الجرح لامنه على السطح يبرى=لاكن لامن صار بالقلب وش عاد

العطاء
خل العطاء لله كريم العطايا=الي عطاك القلب والسمع وشوف
الحزن

الحزن فقدناك حدا والدينك= وتموت بالحسرات من نظرة الناس
الابتسامه

الابتسامه ورد للعيون طفله=ولاتحسد البسمه على وجه شايب

وفي الختااااام
نجــــــــم القوافي

[برق و رعد]

[/size]
1-من أنت ؟







1-من أنت ؟

انا اللذي لاجيتكم جيت بالخير
برق ورعد وامطر على الخيمه امطار

2-من حبيبك؟

حبيبيتي ام العيون المحاوير
اللي معي وقت المدامع والاخطار

3-ماذا أعطتك الدنيا؟

عطتني الدنيا فراق ومخاسير
وناس تبادلني على الوصل باعذار

4-مارأيك بالناس في الوقت الحالي؟

لاشك بعض الناس ظالم وغدار
مايرحم امه والقرايب ولا الجار

5-ماهو حلمك؟

حلمي انام بخيمة الشعر واطير
وحلمي اكمل ديني ابنت الاخيار

6-هل مات الأمل لديك؟

امل زواجي ماتحقق مع الغير
حسبي على اللي بيننا شبو النار

7-من صديقك؟

صديقي اللي يكره السكر والبير
الطيب اللي بوالده دايم بار

8-من عدوك؟

عدوي جا وزيف معاذير
عدوي المغرور لو صار ماصار



الشووق

الشوق شوق امي وانا مطول السير
وبتاخيرتي هلة دموع كالامطار

الخيانه

خيانت اللي جت تسولف مع الغير
تحب تشعل نار بوجيه الاخيار

الوفاء

راح الوفا في وجه شعرن وتزوير
وصار الشويعر يدعي لك بلاشعار

الجرح

الجرج جرح ام العيون المحاجير
الجرح جرح اللي لها خد انوار

العطاء

منها العطا اللي فيه ورد مزاهير
مثل السحاب اللي تهامل والانهار

الحزن

الحزن حزني يوم ضيعة انا الطير
وجلست ادور عنه في كل الاقفار


الإبتسامه

الابتسامه يوم اصبحك بالخير
في خيمة الشعار واصدح بالاشعار

[برق و رعد]

فارسه ماتهاب الغدر


الف الف الف


شكر


انها عناصر وفكره قصيده




شجعتني حتى اصيغها لكم



اهدا لجميع الاعضاء



الف شكر

[فارسه ما تهاب الغدر]

1-من أنت ؟
أنا عزيزة النفس واهلي عزيزين00000لو الزمن يرمي علينا سهامه
2-من حبيبك؟
حبيبي اللي داخل القلب والعين00000 ماغيرها تاه الفكر في غرامه
3-ماذا أعطتك الدنيا؟
عطتني الدنيا من الهم والبين 0000 وانا عطيت الوقت كل إحترامه
4-مارأيك بالناس في الوقت الحالي؟
الناس بالدنيا بهم زين مع شين000 فيهم هل الطولات وأهل الندامه
5-ماهو حلمك؟
حلمي ياولد الناس ناديتله وين0000قال العفو ياأختي وأقبل ظلامه
6-هل مات الأمل لديك؟
مادامني متمسكه بعروة الدين 000 يبقى الامل في داخلي وإبتسامه
7-من صديقك؟
أنا صديقي يصنعه فاضل حسين000 عودٍ وصوته كامل ٍ في مقامه
8-من عدوك؟
عدوي اللي كم طعني بسكين 0000 وخلاَّ حياتي ماتجــيها السلامه






9-عرف الكلمات التاليه:-


الشووق
الشوق كافر ياعذاب المحبين 000 نار ٍ بوسط القلب تضوي عتامه
الخيانه
يضحك معاك وتحسب إن صاحبك زين00وأثره يبي جرحك وهذا مرامه
الوفاء
اللي وفى حطه على الراس والعين 000قليل تلقى وافي ٍ بالتــزامه
الجرح
الجرح جرح القلب لا جاء من يدين 00اللي تحبه يوم يــنــكــر غرامه
العطاء
تعطي حبيبك لو يجي منه الشين 0000 هو إهتمامك لو يقل إهتمامه
الحزن
الحزن نار نذوقها حين مع حين 0000 تظللت من فوقنا كالغــمامه
الإبتسامه
هاذي علاج الروح والقلب والعين00000 وصـَّى بها الاسلام دين الكرامه





....وسلامتكم .....

[الموسيقاري]

أسئلتك واجد....


تبي لها قعدة

أسير مرة ثانية على الموضوع بإذن الله

[فارسه ما تهاب الغدر]

لكل من رد او عطر صفحتي بمروره أقول لكم

كل معاني الابداع والجمال تجسدت بمروركم المضيء لصفحاتي

تقبلوا كل شكري وامتناني على تواجدكم العذب

وسلمت قلوبكم قبل اقلامكم

تحيه رقيقه وعذبه ابعثها لكل من

(q72) أخوي الغالي كاتم الونه

مشاعرك تنبض بعذب الكلام صح لسانك وسلم بنانك (q72)


(qq19) أخوي عساف

ابيات ورد جميل يعبر عن حس مرهف ومتميز يعطيك الف عافيه (qq19)


(j) (j) أخوي نجم القوافي

كلمات جميله من ينبوع مليء بالاحساس الصادق

كلمات رقيقه ومعبره واسلوب رائع ...(j) (j)


(j) (j) أخوي برق ورعد

كلمات رائعه واسلوب جميل قلمي يتوقف امام كلماتك التي ابهرتني بجمالها وعذوبتها ...(qq5) (qq5)


أخوي وافي

شكرا على مرورك وانتظر عودتك ومشاركتك بالموضوع (q53)


تسلموووووووووون لاهنتوا ولا عدمتكم

دمتم بكل الود والمحبه تقبلوا صادق تحياتي العذبه اليكم .................

(qq133)

[وافي]

ياحي الشيخه

وابشري بوافي

اسمعي طال عمرك

......
من انت ؟؟؟



انا من توّه الدرب لمرامه= وانا منهو سكن دنيا المحالي
وانا وسط الشمال اصبح مقامه = وانا من عزوةٍ تجعف عقالي



من حبيبك؟؟؟



حبيبي من عدل بالبيض كلّه= جمال ورقّه ولطف وحبابه
عروقه من ثرى نجدٍ متلّه= اصيلة جدّ يحفظ لي شبابه


ماذا اعطتك الدنيا؟؟؟



اعطتني الدنيا غثاه ونكدها= واعطتني الحظ الردي عن مرامي
واعطتني حمولٍ عظيمٍ لهدها= واصدق رجا بالله ربّ الانامي



مارايك بالناس الوقت الحالي؟؟؟



ياسائلي والناس عدّة فصايل= واطيبهم اللي ماسكٍ سلم جدّه
ومنهم رديّ ومنهم ابن القبايل= ومنهم تبيع ومنهم اللي تهدّه


ماهو حلمك ؟؟؟



حلمي وصول ارقى توافيق حضّي= واعظم حلُم لاعِقّد الكفّ باكفوف
اللي لها عودٍ رويٍ وغضّي= واللي بليّاها المقابيل بانكوف


هل مات الامل لديك؟؟؟



مات كود برحمةٍ يحييه ربّي = مات يوم انّه لغيري راح جنْوه
مات واظْهرْت المخبّا وسْط عبّي= وياعذاب القلب يامكْبرْه عنْوه


من صديقك ؟؟؟



صديقي ان صعْبت عليّ التساهيل= القاه حيدٍ يرتكي للثّقايل
اللي بنخواتي يمدّ التزاهيل= لاجيت له مضيوم شبّ الفتايل


من عدوّك؟؟؟



اللي وقف بيني وبين المراما = هذاك يالشيخه مجيّر عدوّي
ياليت لو بيدي شطير الحساما= لاقْطع لدابر من تسبّب بسوّي


الشوق؟؟



الشوق في حالي تبيّن معانيه= والشوق حرفي وضّحه وانهذا به
والشوق في قلبي محالٍ يضاهيه= شوق البشر كله ومنزل كتابه


الخيانه



الخيانه لعن ابو منهو سلكها= طبعٍ اقشر مير خلّي مامشابه
والخيانه كرهي لسكْنة فلكها= والخيانه لا حشا مالْكد ركابه


الوفاء



الوفا والله وشدّيت لركابه= والوفا طبعي الا يابعْد حيّا
الوفا سيمه قبل عهد الصحابه= والوفا قام السّمؤلله حميّا


الجـــــــرح



الجرح سيف وخلف الاضلاع مسطاه= والجرح ياكوده من كفوف غالي
والجرح يلعن جدّ جدّه من اقصاه= والجرح قتْل ولا يبي له سؤالي


العطاء



العطا لاهل العطا ماهو غرايب= والعطا من سيمة رجال المهابه
والعطا مدٍ يضاهي للوهايب= زينه من كفوف (...) مع (.......)


الحزن



الحزن قتّال السعاده والافراح = والحزن سيفٍ ظالمٍ لعن حيّه
والحزن غطّاني بعد غاليٍ راح= ويالله تبعد حزن من صاح بيّه


الابتسامه



ابتسامه وش حلاة الابتسامه= لاخلطْها نبرةٍ......... احبّك
زينها لاشكّ اسائل وش علامه؟= لاغمز لي صرت باشْباكه مشبّك




اتمنى ان اكون قد وفقت سيدتي

وافي

[سكري]

فارسه
نشكرك على هذا المجهود المميز
موضوع جداً جميل يثري الخيمه
وانا شحصياً اشكرك على هذا المجهود
وننتظر منك المزيد طال عمرك
اخوك سكري

[حنين المتيم]

كيف جعلتم الشعر بساط أخضر

قدر الشاعر أن يلملم كل هذا الشتات لنستمتع نحن

بعيد عن رتابة التعبير

رائع كل ما كتب هُنا

/

/

/

أعجبنـــــــــــــــــــــــــــــــي



وفاء . . . كاتم الونه

شوق . . . عسّاف

ابتسامة . . . نجم القوافي

صديق . . . رعد وبرق

عدم موت حلم الفارسة

حلم . . . الوافي



:

فارسة ما تهاب الغدر

شاكرة استنطقك لكل هذه الروعة