شوفوا الموضوع السنع ؟؟؟؟؟؟

[فارسه ما تهاب الغدر]

السلام عليكم ورحمة الله وبركاته,,,,


وبعد,,,


موضوعي الله يسلمكم,,,,,,,,,,,,,,,


أقول بس الزبده وكل شي بإختصار,,,,,,,,,,,,,,,,


ماله داعي أطول عليكم وأقرق وأكثر من الحتسي الموضوع ومافيه كل واحد

يقول موقف طريف حصل معه أو سمع فيه او شافه اللي هو عشان نستانس ونوسع

صدورنا,,,,,,,,,,,,,,,

ويلا انا ببدا

مره بقاعه الأختبارات كنا قاعدين نختبر ومضى الوقت اللي تحل واللي خلصت
وقاعده تلعب بالقلم تفتح الغطا وتسكره مزعجتنا
واللي ناسيه الجواب وقاعده تفكر
واللي تدور الفرصه عشان تغش
فيه وحده كانت نايمه وبساااااااااابع نومه <<<<<مسكينه طول الوقت تذاكر
وما نامت ووحده ثانيه جمبي نايمه وتشخر وأزعجتني والبنات اللي بالقاعه
ضحك عليها وعلي أسد أذاني وعصبت ذاك اليوم وعلمت عليها المراقبه اللي
عندنا وصحتها خربت عليها نومتها ههههههههههههههههههه
المهم انا قاعده أحل ومندمجه بالحل وفجأه>>>>>>>>>>>

أسمع ذاك الصوت وذيك الصرخه
وقلبي قام يرقع ويرقع وخفت مت من الخوف

وش طلع الصوت؟؟؟

البنت اللي نايمه كانت تحلم ,,, بس امووووووت واعرف وش كانت تحلم فيه >>>>> الله من اللقافه

ههههههههههههههههههههههههههههههههههههههه


واتمنى تفاعلكم مع الموضوع ........

[شبيـه الريـح]

مرحبن بك بس حبيت ارفع الموضوع ولي عوده للبربسه

[المُهرة]

فيه وحده كانت نايمه وبساااااااااابع نومه <<<<<مسكينه طول الوقت تذاكر

8
8
8

رحمتها :(

[وليد 1]

من الطفاقة مرة ركبت سيارتي ولا فيها حرمة كبيرة تشر بيده وأنا ركب مستحية تتكلم تقول لا وأنا اركب ولا علي به سيارتي وأقوله من انتي أنزلي ياخالة وما أدري الا ولده مطوع يضحك ويقول أنزل وانا اناظر ولا سيارتي بجنبها وهذي السيارة تشبه سيارتي بايعها من مدة

موقف لا يشعر به الا من عايشة

[أنوثتي..طاغية]

انا
انا
بقولكم اشين موقف حصل لي..مره كان عندنا زواج بنت خالتي ومتحمسه وجايبه جهدتي مره في هذا الزواج..وكل بنات خالاتي يسألوني من وين جبتي فستانك؟ جاهز او خياط ؟ وش لونه؟ وش موديله؟ وهكذا....
وانا ساكته ماابي اعلمهم يقالك بسويها مفاجأه....
الله لايوريكم يوم دخلت الصاله والاقي 3 لابسين مثله.........
تخيلو الموقف بغيت اموت من القهر
البنات اللي في المنتدى اكيد بيحسون فيني

[العاذريه]

اول شي اسمك يهبل يافارسة
<<اعجبها بجد

ثاني شي بعذر صديقتس متروعه وتصارخ
تلقينه شايفتن ياعلووش يابوشدق وشنبة بالحلم
هههههههه

[همس الأزاهير]

وحدة قاالت لي عن موقف صراحة يفشل بس تستاهل...
وحدة بزواج متعرية جدا ومو محتشمة لدرجة ظهرها كله مكشوف...
حتى دخل اخوها وقت الزفة وعااااااادي تمرمر من عنده(يابرد لحمها)
وفجأة زلقت قدام العالم ...
موقف لاتحسد عليه..!!!

[كاتم الونة]

هلابك..اختي..فارسه

موضوع حلو..خليه يطلع الفضايح

/

منذ مبطي..كنا مجموعة طلاب..نحاول نهرب من المدرسة كان واحد يراقب باب الادارة

والاخر يراقب الحارس ..وانا في المقدمة للهروب يوم طلعنا للشارع..صار المدير بالسيارة

عند باب المدرسة كان يبحث عن اوراق وكفشنا كلنا ... وطبعا طلب الوالد..( وجه وارم)

ههههههههههههههههههههههههههههههههههههههههههه

تحياااتي:)

[المُهرة]

8
8

الله من القشارة والصعارير في الجبهه والراس <:o)

[كاتم الونة]

8
8
خخخخخخخخخخخخخخخ

لا ابشرك ماعرف الصعارير..!!؟؟







لان الراس كله فلوق مباشرة ههههههههههههههه

ههههههههههههههههههههه

واذا مريت من عند شيبان يتـنهتون تعرفين ليه؟؟







لان الوالدة .. تعبي الفلوق اللي في الراس قهوة ومسمار

والشيبان اذا شموا القهوة والمسمار يحسبوني توي متقهوي

مادروا ان السر يكمن في دحي الفلقة ههههههههههههههههه

ههههههههههههههههههههههه:)

[بوفهد الودعاني]

أما أنا العن موقف مر علي في حياتي هو فيه وحده كلمت وإنى مستلمين في الليل وكان صوتها موووت وأشر على خوي بيدي على خدي يعني ابي أقول له أن صوتها حلو وقالت لي فلان موجود أأأأأأأأأأأأأأأأأه دور وجهي تدرون من طلعت زوجت خوي

[شبيـه الريـح]

الله يوسع صدوركم والشكر موصول لمن أتاحت لنا هذا الموضوع الله يعطيها العافيه ،

أما الموقف اللي صارلي كان بيوم العيد قبل 10 سنوات وتقريبا كان عمري 10 سنوات << حلوه ذي

المهم وأنا رايح مع عيال عمي نصلي العيد وكنت كاشخ ومستانس على الأخر ،

وفجأه وأنا غارق بالسواليف وبدون شعور تعكرفت ببلكه وطار عقالي 20 متر

وتحولت أفراحي إلى أتراح :( وجلست الناس تضحك علي (g)

[فارسه ما تهاب الغدر]

(qq19) شكرا لكل من رد وتفاعل مع موضوعي والشكر موصول لكل من كاتم واختي المهر لمتابعتهم لمواضيعي شكرا الف شكرا لكم والله يعطيكم العافيه (qq19)


بس ابغى تفاعل اكثر وكل واحد يقولنا المستخبي ؟؟؟؟(a11) (a11) (a11) (a11) (a11) (a11) (a11)

[فارسه ما تهاب الغدر]

وانا بقولكم موقف حصل لي وانا بالعمره الله لا يوريكم ؟؟؟؟(gsggggg)

ومنذو مبطي رحنا ناخذ عمره وركبنا الاصنصير <الفت على قولت المايعين> وحنا جاين اخذين العمره وتافلين العافيه <<<< يعني تعبانين نبي نركب بالاصنصير وهو فيه داخل مرايه انا اشوف كومة حريم واقفات برى والمرايه عاكسه وامي تقول اركبي يالله وانا اقول اصبري ماتشوفينه زحمه تدرون من صار :leno524vi






















صرنا انا وامي وخواتي ههههههههههههههه

موقف لا احسد عليه (r55yty)

وانتظر المزيد من تفاعلكم ودمتم .............(qq140)

[بنوووته]

موقف

انا يوم الثلاثاء اللي فات جالسه بقاعة الإختبار ومتوهقه في سؤالين والبنات طلعوا ولا بقى في القاعه غير 3 بنات والمراقبه عاد انا مت من الطفش لأن اثقل شي عندي الصبر وقاعده افكر والكلام مافيه ما يطلع براسي شي شوي الا اشوف ياسر القحطاني يقول : كونوا معنا . انا انهبلت قلت اكيد انا انجنيت الى هذي الدرجه صرت اتخيله حتى في قاعة الاختبار المهم قعدت أفكر وكل ما تطلع كلمه من الاجابه يطلع لي انا عصبت ولا شعوري قلت بصوت عالي : خلاص اسكت . وشوي الا المراقبه فوق راسي تقول: بسم الله عليك صار لك شي فيه احد يكلمك من البنات؟ وأنا وجهي ألوان من الفشله .وقلت لها: لا لا ما فيه شي. وهي تطالع فيني بنظره كأنها تقول الحمد لله والشكر فيه بنت مهبوله بالمدرسه ، انا ما قدرت اتحمل نظراتها ونظرات البنات لي وسلمت الورق وأنا ما أشوف الطريق .

هذي أكبر فشله صارت لي بحياتي والسبب هالمونديال

وسلامتكم

[فارسه ما تهاب الغدر]

بنوته خلي عنتس هالمطامر ورى هالمونديال وخلي ياسر ينفعتس هههههههههههههههههههههههههههههه

بس الله يخلف على اميمتس ويثبت على اعقيلتس

تسلمين قلبي على هالموقف بس لاعمرتس تعودين له

والله يوفقتس يا قلبهم ....

دمتي بكل الود ......

[قصميه مملوحه]

انا سالفتي غبيه تدرون وش هي مره كان بمطعم انا خواتي وبنات عمي الزبده الربع كلهم بدون امهتنا المهم كان نبي نطلب وانا مسويه كشخه عندهم بنادي هذا الي ياخذ الطلبات المهم الناس يقولون قرسون انا قالت تعال كرسون ضحكوا علي قالول لها درجه المهم مسويه بصححها قالت تعال يا دركسون خلاص هم غشي عليهم من الضحك وبس وتفشلت وسكت

[دفى الوقت]

السلام عليكم احبتي

الاخت فارسه

مشكوره علي هالموضوع الحلو بس ترا بعض المواقف ماتنقال لكن بقول واحد هو اخفهم صار معي

مره ياطويله البقا والسلامه كنت بالملعب حاضر مباراه واشوف مقفى واحد من خوياي واجي طاير من ورا

وامسك يده واركض وهو معي شوي يوم قال وش فيك انهبلت يوم دققت الى الرجال ماهوب خويي ومير

يطيح وجهي طيحه الله لا يوريك المهم جلست اعتذر منه وقلت والله احسبك واحد من الشباب

تصدقون بعد ذاك اليوم الين الحين هو من اعز خوياي يعني تعرف علي ورقمني(q69)


دفــ الوقت ـــى