المساعد الشخصي الرقمي

مشاهدة النسخة كاملة : بغت اروح لستار اكاديمي بس الله ستر


بنت عنيزه
24-03-04, 08:17 PM
بغت اروح لستار اكاديمي بس الله ستر

صبحكم الله بالخير جميعاً

ترى هاذي هي بداياتي معاكم وأرجو انها تكون خفيفه على قلوبكم

حبيت اطرح (حلوه اطرح عسى ما عورت احد ) قصه صارت لي وتروعت منها وحلفت عقبها اني ما اتكلم لين اتاكد من مخارج الحروف <<<<<<<<قولى قصم

القصه بدون مقدمات <<<<<<< والى قبل وشو

ذات يوم من ايام الصيف عاد مدري وش التاريخ بس اذكر انه كان يتساقط الثلج
دخلت على ابوي في الصاله ولا حاط على الجزيره يطالع اخبار ,وانا داخله وخشتي على التلفزيون ,عاد ابوي وبكل حنيه هلا والله وغلا يقولي طبعاً هذا كله قبل لا اقوله الي عندي (يعني الاستنتاج ان ابوي يعزني مره )
المووووهم اني قلت يبه ممكن (ياحبي للمودبين ) ابروح لستار اكادمي <<<<<<<انا قلتها منا بالرموت في خشتي حتى اني بالعته من قوة الرميه (ومن هذا نستنتج اني كنت بعيده عن ابوي ولا كان برفسه في بطني ولا ني داخله بالجدار)
ابوي اهابس اسمعك تقولين كذا مره ثانيه ادفنك في فناء المنزل <<<<<صدق قال كذا
قلت يبه وش فيك صلى على النبي تراها جمعة بنات وانا وخوياتي ماني رايحه لحالي وش بنروح نسوي نجتمع هناك نلعب هالمره ما تحمل شال التلفزيون بكبره وعلى دمجتي الحسناء البهيه وطلعلي سعرور وش كبره اذكر
قال بعد بعد هماني اقولك لا تماشين رفقاء السوء لا وبعد نلعب انا داري من شفتك فاتحه خشتك عن التلفزون اربع وعشرين ساعه وانا غاسل يدي منك اثرهم لاعبين عليكي انتي وجهك
قلت يبه بلاش انفعال الانفعال مش كويس عشان صحتك <<<<<<<(متاثره بالمسلسلات ) بيبه صديقاتي كلهن حمولات طيبات وكلهم تعرفهم فلانه وفلانه وفلانه وماعندنا حركات بطاله حدنا الى نسويه ونحس انه عيب نشرب بيرة تفاح <<<<<<<اسماء خوياتي ..والتلفزيون وش اناضر فيه الاسبيس تون وديزني وروتانا بس

ابوي صكه واسه وقال لاحول ولا قوة الا بالله هذا الى يقولون عليه الغزو الفكري انا لله وانا اليه راجعون



عاد انا راسي يابس ومواعده صديقاتي العصر اننا نسري لستار اكادمي ونطت في دمجتي خطه يبه وش رايك اباخذ امي معي انا قلتها من هنا الا ابوي لاقطني بتلابيبي <<<<<<<<خطيره ذا الكلمه احس انها معبره الا وش معناها
وناطلني في الحوش ويصوت لاخوي جب شنطة السكاكين حقت الضحايا وتعال امسكها على ولاه موجهني للقبله وبسم الله والله اكبر <<<<<<<قضة القصه ومت ولا رحت






لا اصبرو باقي
:o




قلت بيه اصبر شوي نتفاهم يعني ما تسمع بتطبيع العلاقات والحي الدبلماسي ومناقشة الاوضاع الراهنه في ظل الظروف المحيطه وحتي لانلرمي بقرارات الاداره وخطة الحكم أديموس عرض الحائط والجدار الفاصل والقضيه المتمحوره خلف مدري امام الشارع العربي <<<<<<<<لين شفت ابوي داخ وماعاد يدري وش اقول

وشفت الوضع هدا قلت تعال باابي ونسوي جلست مفاوضات وحتي كانك تبي جيتلك ذاك كوفي عنان .هالحين وين المشكله ابروح لها مع خوياتي ولاهي بعيده على الدايري وجنب الحكيريعني فركة كعب عن الشمال لايعني بعيده شوي وحقت المعجل الي هي حموله طيبه وما اركب الاجالكسي والمقص وكانه على فورميلا اكس خلاص ماراح اركبه عشان ما تزعل
وكان المشكله في المكان اواعدهم في الخيمه ولا تضيق صدرك

ابوي طلع فاهم قلط ياحبيله ابوي الله يخليه لي ولا يحرمه مني <<<<<<<<<احلفي مو الشرهه على ابوكي الشرهه عليكي يالدبه الي ما تدرين وش تقوليه .بس بصراحه ما انلام من كثر ما تنقال عندي ذا الكلمه انقلب راسي وحتي البزر الي توه مولود قبل يقول بابا وماما صار يقول ستار اكادمي

المهم فائدة الكلام <<<<<<<ما تقول شي الا لازم بفائده
ان ذي القناة خذة اكبر من حجمها مو من التلفزيون ولا الصحافه بل حتى في المجتمع وفي كل منتدى حتى المنتديات الاسلاميه ما تدخل الاتلقى ستار اكادمي وفي كل جمعة حريم وفي كل حصه او محاضره او حتى فسحه الناس انهبلوا منه ما بين مؤيد ومعارض ومع اني نادر ما اشوف هاذي القناه وانها اول ما طلعت احسبها حقت زواج زي الهوى سوا الا اني صرت اعرف كل علومهم وكل تفاصيل برنامجهم



تقبلوا خالص تحياتي :rolleyes::rolleyes:

منقولللللللللللل نقلا مبرحااااااااااااا

الزاحف
26-03-04, 01:08 AM
وين تروحين مهبوله انتي

واحد مصدق السالفه !!!!!!!!!!!!!

ناوي ابعاد
26-03-04, 02:06 AM
يوم جيت بكتب كني شايف الموضوع

لكن بسيطه الي هذي اعلومك تبين تروحين لستار
المره الثانيه مو الريموت بيجيك الكيبورد

لكن حلوه خاصه (انا قلتها منا بالرموت في خشتي حتى اني بالعته من قوة الرميه )

وردة الرياض
26-03-04, 02:12 AM
هههههههههههههههههههه

الله يرجك

بس حلوه اسكاكين حقت الضحايا

مشكوره والله يضحك سنك

حلاة الكون
26-03-04, 02:50 PM
اقووووووول
سلميلي على بهاء
والله ياعليها ركب ونصاع وبياض يخرش القلللللب بس
زي ركبنا بالزببببببط :o

أم أديم
26-03-04, 03:57 PM
واخزياه :p

حسام الخفاجي
27-03-04, 12:35 AM
:o:p:p:o:rolleyes::rolleyes::rolleyes:
:rolleyes::rolleyes:

MEME
27-03-04, 05:25 AM
ههههههههههههههههههههههههههه

فقعتي قلبي من الضحك

ورجيتيني

والله انتي خطيرة

تبين ستار اكاديمي

وحدة ذكية

تقول اني بروح ستار

بس هذا المايك معلقينه اربع وعشرين ساعة مظايقني

انا بحتال عليهم بفصل السلك

عشان ما حد يسمع شنو يدو يدوفي (((((((((((((( ............ ))))))))) في الحمام

سامحوني عاد

ما قصدي

بس والله تفاهة

والله قلفة عقل

والله لعب بعقول الناس

والعجيب

انهم ردو منهم خمسة الحين

ليش عشان تعود الاثارة وقلة الحيا

الله يستر

مستغرب
27-03-04, 07:16 AM
قطعن يقطع دابركن بنات وخزياه وخزياه

ما بقى الا اتتن بعد

ندى المطيري
27-03-04, 10:04 AM
هههههههههههههه ..
يا حبني لكم ..
والله أثاريكم وناسة ..
أول مرة أشوف وناسة كذا ..
تسلمين حبيبتي عنيزاوية ..
تحياتي ..
قمورة

همس الشفايف
27-03-04, 10:56 AM
ياااااااااحبيلتس يابنت عنيزه اجل بتروحين لستار ستي:o

بس راح تلقين هناك ستار اكادمي صزز مو سذب:md:


بتقولين وشلون ؟؟؟؟؟؟

اقولتس يابعدي

راح تلقين بنات رابطين يدينهم بإيشارب >>>>>>>> هذولا ربع احمد :(


وراح تلقين بنات مطلعات بطونهم >>>>>>>>>>> هذولا ربع بهاء :(


وراح تلقين بنات لابسات تي شيرت فيه صور هالمزبله اللي في ستار اكاديمي (g)


واخررررررر شي راح تدخلين المطعم وبتلقين شلل من هالبنات يغنون اغنيه ستار اللي ابشعونا بها :cl:


يعني ما الوم ابوتس يوم فهمتس غلط :p

مشكووووووره اختي على هيك موضوع :rolleyes:

شكولاته
19-09-04, 06:16 AM
(qq51) ها البرنامج اخذ اكثر من حقه

نانا
19-09-04, 12:36 PM
بدي افهم رحتي والا لالالاءءءءء(q7)

بنت اهلي
19-09-04, 08:46 PM
هههههههههههههههههههههههههههه

هههههههههههههههههههههههه

بنت عنيزه لاتتهورين امسكي ارضتس

الله يرجتس على هالموضوع

يعطيك العافيه

ت.ح.ي.ا.ت.ي

الدكــ7ـتور
20-09-04, 12:46 PM
مشكوره(qq28)