زوجة المُسـتقبل !

[مدمن شاهي]

سلام علاكم (qq115)


أنا داري أن بعض المشرفين أوّل مايشوف أسمي في المنتدى ويلقاني ( منزّل ) موضوع .. تلقاه يدخل براسه ويدحلب عيونه ويبدى يدقّقّ في كل حرف ويرفع كل كلمه يمكن يلقى تحتها بلوى ومصيبه .. أو ورقه صغيّره كاتب عليها رقمي وحاط أسمي ( نوّاف ) <<< والله انك شين يامُدمن لو تحط أسمك أحلى أسم ! (qq115)

عاد هالموضوع ( رومانسي ) ويمشي على كعب ويمتخطر في مشيته ولابس كمان ضيّق .. الله يضيّق عليك ياصدام يوم أنك زرقت على الكويت وروّعت اهلها (qq115) .. آمين


خلونا في المهم .. وبلاش سياسه وطحينيه !


الموضوع فيه طاري زواج .. وياشين مواضيعك يامُدمن خاصّه لما تكون مشفّره وتحتاج ( بروكسي ) !

صراحه نويت والله ( اعتمر ) واروح لمكه .. واعبد ربي زي الأوادم .. (qq115)

أروح أدعي ربي عشان أتزوج ويصير معي دفتر عائله وعقد نكاح لونه أخضر فيه أربعة تواقيع .. توقيعي وتوقيع أبو المدام وتوقيع الشهود ومكتوب تحت اسم ( القمر ) << ما أتوقع أنه بيكون قمر أدامك أنت المُدمن ! .. وأدلّي أحـــوم على الشقق المفروشه وأقول عندكم شقه لـ ( شخصين ) ؟ (qq115)

بروح لمكه وادعي ربي أنه يرزقني بزوجه طيّبه وقلبها أبيض وراعية صلاة وتعيني على الخير ..

بدعي ربي أنه يرزقني بوحده راعيه طبخ ونفخ .. تضبط تصليح المقلقل والتوست المقمّر ..

بدعي ربي أنه يرزقني بوحده تدلّك رجلي لين بغيت أنوم .. وتهمّزني لين أروح في سابع نومه !

بدعي ربي أنه يرزقني بوحده تدلي تضحك معي طول اليوم .. ماتكشّر في وجهي لين دخلت ... وتفرح لين شافتني داخل .. واشوف ( خشّتها ) متر في متر من الابتسامه ولو كانت ( صفرا ) !

بدعي ربي أنه يرزقني بوحده تصلّح لي القهوه والشاهي اذا شافتني قاعد في الصاله .. وتدلّي تعطيني الكلام الحلو بدال القرقه الزايده ..

بدعي ربي أنه يرزقني بوحده تخلي عنها التميلح الزايد .. وتسولف علي بالسوالف الزينه .. وماتجيب لي طاري خواتها .. ولاتشغلني كل يوم تقول ودني للسوق والا صديقتي عازمتني وابيك تنطقّ في الشارع تحتريني !

بدعي ربي أنه يرزقني بوحده تخلي عنها الموضه والتقليد .. اذا شافت صديقتها معها جوال ابو كميره قالت عطني أبو كمرتين وتراهم يسمونه الشيطان .. والله ماعاد عرفنا من الشيطان أنتي والا أبو كمرتين !

بدعي ربي أنه يرزقني بوحده مدرسه تعاوني على أجار البيت ... وتخليني أجمع راتبي عشان أعرس عليها بالثانيه .. اذا شفتها حملت وجابت لي كم ( طبّه ) (qq115) !

بدعي ربي أنه يرزقني بوحده شقرا صفرا حمرا .. اذا قابلتني تصير كنّها ( بردقانه ) واذا قفّت كنّها ( ليمونه مابعد استوت ) ..

بدعي ربي أنه يرزقني بوحده لسانها قصير وشعرها طويل (qq115)

بدعي ربي أنه يرزقني بوحده أخوانها واجد عشان يدلّون يودونها للسوق عني .. ويجيبونها من العزيمه بدال ما أروح أجيبها !

بدعي ربي أنه يرزقني بوحده تحب قناة المجد .. عشانها أرخص من قنوات ( الأوربت ) المشفشفشفشفره !

بدعي ربي أنه يرزقني بوحده تحب الشيون وتتحمّلهم .. عشان تعيش معي أطول فتره (qq115) !

بدعي ربي أنه يرزقني بوحده ماتحب تولد في المستشفيات الأهليه ... وتحب المستشيفات الحكوميه .. عشان توفّر علي دراهمي (qq115) !

بدعي ربي في سطح الحرم أنه يرزقني بوحده عصلا مصلا ... تكره رز أبو كاس .. وتحب الأندومي .. أوفر لراتبي ودراهمي (qq115) !

بدعي ربي أنه يرزقني بوحده بيت أهلها قريب من بيتي .. عشان أفتكّ منها اذا بغيت أسهر مع ربعي !

بدعي ربي أنه يرزقني بوحده ( ملحا قرحا ) .. دمها خفيف وعقلها أخف ! (qq115)

بدعي ربي أنه يرزقني بوحده تحب تاكل ( علك بالنعناع ) عشان أفتكّ من ريحة ثمها (qq115) !

بدعي ربي ... بدعيييييييه أنه يخليني أشوفها في أقرب وقت .. عشان أسافر أنا واياها للشرقيه ونركب ( لنش ) وأدفها في البحر اذا حانت الفرصه المناسبه ، ونجلس ناكل أنا واياها سمك على البحر وأقهر ( دحيّم ) ومرته الخبلا - بنت بن وريسان الأجرب -


يارب ترزقني ... يارب

عن أذنكم بروح أولّم حرامي حق العمره وآخذ معي مشط عشان كشّتي .. وصابونه وليفه وحلّاقة شعر << والله الوسخ اللي مايستحي .. وباخذ حصاة سودا خشنه عشان تقشرات رجلي اليمنى ... وباخذ معي مصحف صغيّر عشان أقرا في مصابيح الحرم وكتاب أذكار الصباح والمساء .. وكتاب ( عالم الحياة الزوجيه ! ) وبقفّل جوّالي وبحاول أنسى رقمه عشان أفتكّ من زملاي ورفقتي .. ! (q81)


خلاص أنا آلحين لازم أعرس .. زملاي كلها أعرسوا وانا قاعد زي الثور بين اخواني وخواتي .. بروح أدعي ربي .. وعسى الله يحقق أمنيتي ودعاي ! (qq1)


ياحظّك يادحيم ... خذت بنت بن رويسان الأجرب .. يارب تعوّضني


أخوكم : مُدمن شاهي

http://www.rayig.com/picture/funnypic6/pic/pic20.jpg

[وليد 1]

والله يا أنت طماع تبي كل ذولي به

[المتحد]

وعليكم السلام
الله يوفقك
لكن ماعرفنا سالفة الليمونه والبردقانه ممكن توضيح
<< غشيم
.

[بنت اهلي]

ربي أنه يرزقني بوحده أخوانها واجد عشان يدلّون يودونها للسوق عني .. ويجيبونها من العزيمه بدال ما أروح أجيبها !


مالت عليكم ذا همـــكمـ

مااقوووول غير الله يخلف علينا بس

وش نسوي لازم نتحملكم

<< شكلتس بتنجلدين

بالخير مدمن تسيف الحال تقبل الله ياحاج مقدما

وادع لي الله يعافيك

ت.ح.ي.ت.ي

[العنـــود]

http://www.rayig.com/picture/funnypic6/pic/pic20.jpg


الله يجعلك بعينه قمر..

[النجديه]

بدعي ربي أنه يرزقني بوحده تدلي تضحك معي طول اليوم .. ماتكشّر في وجهي لين دخلت ... وتفرح لين شافتني داخل .. واشوف ( خشّتها ) متر في متر من الابتسامه ولو كانت ( صفرا ) !

والله ما اظن انها بتضحك الا بتقول الحمد الله على الخلق الحسن دامك شين (ask) ههههههههههههههههههه

[زعبور]

اخشرني معك بالدعا مدمن شاهي وزد عليها

يا رب ترزقني بوحدة تعرف تسوي مساج << خربان هالزعبور

[نوره]

الظاهر على كتابتك لهالموضوع لو تجيك ريحة حرمه قبلت فيها
يا خي شد حيلك واعرس وفكنا ابي وابي وابي وهي تبي بعد:):)

[زهره بنفسجية]

كل هذاااااااااااا دعاااااااء
والله انك طماااااااااع
لا وآخرتها مدرسة وبعد بتاخذ عليها
ايه هذا وجهي ان لقيت وحدة
بهالمواصفات ارضى بنصيبك اللي
بيجيك ولا تشررررررررط>>>>>انواع التحطيم

[ابو شدق]

مدمن ماتبي احد يدعي معك لك

(( وجه يغمز ))

[مدمن شاهي]

والله أشوف الردود كلّها زهريــه !

يالله من فضلك ! :)

[ابو شدق]

8
8
8

اجحده عاد

[المُهرة]

ينقل لقسم العلاقي
بسبب البردقانه والليموونه (a14)

[اللطيفة]

تبي وحدة تساعدك وآخر شي تعرس عليها 0000والله انك اناني

[همس الأزاهير]

هذا وجهي ان قبلك احد..ادع ربك انه يملحك بوجهه..
ترااااااااااك شيفه...

[مدمن شاهي]

هذا الموضوع طرحته في خمسة منتديات ..

عاد شف أنواع الردود اللي " مرتفع ضغطها " :) ..

شوفوا الرد رقم ( 15 ) .. صراحه مزّعني ضحك .. تحسون أنه طالع من قلب :)

[أبوبدر القصيمي]

مدمن انتبه تروح تخطب مع أهلك خل أهلك يروحون لحالهم

ولا يشوفونك إلا وقت الملكة وإلا تراك تبي تصير عزوبي طول عمرك

تحياتي أخوي

[العنـــود]

اقترح عليك تخلي سيارة الصحة النفسية عند باب اللي تبي تخطبه..

احسها تبي تروح فيها الضعيفه..

[مدمن شاهي]

ولا واحد ( دعى لي ) .. !

طيّب أنا ( شين ) .. أدعوا لي بوحده ( شينه ) ! :)

[مدمن شاهي]

وليد 1

أيه طمّاع ونصف .. ليش مامليت عيونك :) !

= = =

المتحد

أنا مثلك غشيم .. بس اللي أعرفه أن طعمها " حلو " !

= = =

لي عوده ..

[وحيده في القمر]

يالله يارب ترزق المدمن زوجه مملوحة مزيونة<<<<<<>>>>....مثلي

[أبونديم]

شكلك رحت يامدمن ودعيت
عاد اذا جيت قلي وش صار عليك

[معتّق العود]

الله يرزقك اللي تسعدك وتريح بالك وتجي على خاطرك من الصالحات

[مدمن شاهي]

بنت اهلي

أجل " تسيف الحال " :) !

تقبل الله منّا ومنكم .. ومكه زحمه والناس وش كثرها - كثر شعر شوشتك :) - !

= = =

هايدي

أيه ( قمر ) .. !

غايره ؟ :)

[مدمن شاهي]

النجديه

بتضحك غصب .. وبتحمد ربها أن ربي خلقني زين :)

أجل حاطتن عمرس " راويه :) " ... خخخخ !

= = =

زعبور

المساج أروح أنا معه ( هوا ) .. !

يارب يرزقك بوحده تتفخ بطنك ليل نهار .. وتسوي لك مساج لين تصير حلاوة بين يديها .. هاه وش رايك :) ؟

[مدمن شاهي]

ومهما حصل عندي أمل << هذي كنّها سالفة وحده من العجز ! :)

عالعموم .. أنا أتشرّط . وبكره حاتشوفين مرتي " أد " الدُنيا :) !

[جليل]

وابوها رخمة عشان تطلع حلوة؟؟؟؟؟؟ّّّّّّّّّّّّ!!!!!

[مدمن شاهي]

زهره بنفسجيه

حيّاك أختي .. والطمع زين هالأيام .. خاصّه مع كثرت البنات .. وقلّة الشباب العاقل <<< شفتي كيف أنا عاقل ! :)

[مدمن شاهي]

ابو شدق

لا .. فكّني تكفا من دعاك :) .. أخاف تدعي لي .. وتصير لك !

[مدمن شاهي]

المُهره

والله ماهقا إلا أن هالقسم هو اللي يستقبل مثل هالمواضيع .. لأنها صريحه " نمره واستماره " وتفضح بعض البنات ..

:) .. لا أحد يفهمني غلط .. ثم يكفّرني .. ترى التكفير عند بعض الناس من تالي كنّه شربت مويه :) !

[فاتن عسيري]

انت ادعي ان البنت توافق اول خخخخخخخخخخخخخخخخخخخخخخ
بعدين ادعى الباقي معهاخخخخخخخخخخخخخخخخخخخخ
فتون

[د. جنط السفينة]

وجع وش هالمواصفات والله يا انت تبي تطول مالقيت لك مريه
بدعي ربي أنه يرزقني بوحده تدلّك رجلي لين بغيت أنوم .. وتهمّزني لين أروح في سابع نومه !


فاهمينك يا لعاب وش قال قال تهمزني (qq168)



بدعي ربي أنه يرزقني بوحده شقرا صفرا حمرا .. اذا قابلتني تصير كنّها ( بردقانه ) واذا قفّت كنّها ( ليمونه مابعد استوت ) ..


وشلون ليمونه ما بعد استوت يعني خضرا


لا تستحي خلك صريح



هههههههههه


لا تزعل اخوي والله امزح والله يشرفني اني اتعرف عليك

مد يدك



.

[مدمن شاهي]

اللطيفه

أيه بعرس عليها .. :) .. وش فيكم تزعلون من الحق ياهالحريم !

[مدمن شاهي]

همس الأزاهير

أقسم بالله أوّل مره أضحك ... خخخخخخخخ

رد في الصميم .. :)

شكراً لك .. وردّك عطاني فرصه أني أطلب مواصفات أتسود .. لأني فتنه .. وابغى البنت اللي على كيفي :)

[بنت الماضي]

الله يرزقك بنت الحلال عاد شينه وإلا زينه ((واللي من الله حياه الله))

[مدمن شاهي]

أبو بدر القصيمي

المشكله أني معروف في الديره .. يعني التمويه مايمشي :) !

شكراً لمرورك ياعمري ،،،،

[ملح البنات]

والله انك طماع اللي بتقرا شروطك ماهي عاجبتها زي ماانت تشرط بعد هي بتشرط الله يرزقنا واياك 0

[مدمن شاهي]

هايدي

اللي مايطول العنب .. يسدّه ويستريح !

:)

[مدمن شاهي]

وحيده في القمر .. !

خير إن شاء الله .. :) .. الأخت خرّبتها !

[مدمن شاهي]

أبو نديم

رجعت بِخُفيْ حُنين !

[مدمن شاهي]

مروض الناموس

آمين .. هذا الكلام ولا بلاش :) !

[الاميرة عنابة]

مدمن شاهي
لي اسبوع اشوف هالموضوع بعدين يختفي وماادخل مرة ثاني إلا وهو مرفوع
والله لو اعرف وحدة بها المواصفات كان دليتك
لكن معليش خلك قوي لاتحزن لو مالقيت وحدة ترضى بك ماهو لازم تزوج

[بازورا]

الله شوقتنا للعرس يووووووووووووو وووه متى يجيhttp://www.sweetim.com/simiebar/content/emoticons/0002006C.gif (http://www.sweetim.com/defaultie.asp?ref=2)

[مدمن شاهي]

المطنوخ السابع

وانا بعرس على ابوها !

[مدمن شاهي]

فاتن العسيري

أنا متأكد أنها بتوافق .. يكفي سُمعتي الحلوه في الديره :) !

[مدمن شاهي]

جنط السفينه

شرف لي أن أمُد يدي لك .. سلّها :)

والله يايدك كلّها حكاك .. نعنبوا بليسك وش مسوي فيها !

شكراً لك ياغالي .. وأسعدني مرورك :)

[الكونتيسة]

يا حول ياحبكم للعرس

الله يرزقك تستاهل(a26)

عساك تركد عاد عقب العرس

[مدمن شاهي]

بنت الحميضي

سليم كلام ... :)

إضافتك حلوه .. والله يجي من الله حياه الله