للي يحبون التجديد ......

[المُهرة]

كلنا عارفين ان الاجازة قربت , و مع بداية الاجازة تكثر الحفلات , من حفلات تخرج و زواجات و مناسبات مختلفة .
فيه بعض الناس يفضلون انهم يسوون حفلاتهم هذي في البيت , و ساعتها الواحد يضطر انه يقلب البيت فوق
تحت علشان يطلع بشكل يناسب مع الثيم العام للحفله ...

أول شي راح اتكلم عن اضافات بسيطه ممكن اننا نحطها فوق الطاولات عند المغاسل يعني في اماكن صغيره
بس علشان تعطينا منظر حلو (ممكن انها تكون بشكل دائم ماهو وقت الحفله و بس)

http://www.eqla3.com/vb/attachment.php?attachmentid=154268&stc=1&thumb=1&d=1147446704
عندنا أول شي مزهريه صغيره ينحط في وسطها مويه و ورده , ممكن اننا نحط مجموعها منها بأحجام و حتى الوان مختلفه عند المغاسل راحي تعطي شكل مره حلو..

http://www.eqla3.com/vb/attachment.php?attachmentid=154269&stc=1&thumb=1&d=1147446704
عندنا الشموع تعطي شكل حلو و رومنسي بس اذا ترتبت بشكل حلو, عندنا هذي الطريقة البسيطه , فازة قزاز
(موجوده عند محلات ابو ريالين ) ينحط تحت كرستالات أو احجار (بعد عند ابو ريالين ) و مويه و شمعه , شكلها مره حلو و بسيطه في تنفيذها


http://www.eqla3.com/vb/attachment.php?attachmentid=154270&stc=1&thumb=1&d=1147446704

هنا جمعنا بين أكثر من شي, عندنا الفازات القزاز (نفس الاشكال بالضبط عند ايكيا) و احجار (نفس الشي عند ايكيا)
و شموع ونباتات

http://www.eqla3.com/vb/attachment.php?attachmentid=154271&stc=1&thumb=1&d=1147446704

نرجع للشموع اللي في وسط الفازة , بس هنا بدال ما نحط كرستالات حطينا ورده , و نفس الشمعه صغيره , شوفو كيف محطوطه فوق الطاوله ممكن في الصاله و ممكن في المجلس, تنحط فوق مفرش بسيط بيكون شكلها خطيير

http://www.eqla3.com/vb/attachment.php?attachmentid=154272&stc=1&thumb=1&d=1147446704

هذي حسيت فيها تغيير شوي, لأن في اسفل الصحن موجود حجر صغار , فمعطي شكل جديد

http://www.eqla3.com/vb/attachment.php?attachmentid=154278&stc=1&thumb=1&d=1147447142

هذي الحركه تنفع للطاولات في الحفلات , بحيث تكون الحركة هذي في وسط الطاوله و ننثر ورد على الطاوله نفسها بيكون شكلها رايق

http://www.eqla3.com/vb/attachment.php?attachmentid=154279&stc=1&thumb=1&d=1147447142

الحركه هذي مره بسيطه و رايقه و تعطي منظر حلو , ممكن انها تتسوا في أي زاويه من زوايا البيت , إضاءة الشموع راح تعطي شكل رومنسي للزاوية هذي




صلحنا البيت و رتبنا المكان اللي راح يجلسون فيه الضيوف , الحين نجي و نرتب غرفة الأكل
ممكن بدمج بسيط للألوان و مع تغيير بسيط في الترتيب المعتاد للسفرة راح يعطيك شكل جديد و غريب

http://www.eqla3.com/vb/attachment.php?attachmentid=154281&stc=1&thumb=1&d=1147447316

عندنا هنا اللون البنفسجي مع الأخضر و البرتقالي , معطي شكل رايق للطاوله

http://www.eqla3.com/vb/attachment.php?attachmentid=154282&stc=1&thumb=1&d=1147447316

و هنا الوفشي و الوردي و الابيض مره رايق , خاصه مع الورد المنثور على الطاوله

http://www.eqla3.com/vb/attachment.php?attachmentid=154283&stc=1&d=1147447316

في الغالب اختيار اللون الاصفر يعتبر مجازفه , بس هنا كان اللون خطيير , خاصه مع سفر الخوص تحت الصحن , و الشموع الصغيره طلع مره رايق

http://www.eqla3.com/vb/attachment.php?attachmentid=154284&stc=1&d=1147447316

هنا المفرش عامل عميلو , و زاد جمال المفرش الورد اللي في الوسط . طبعا مع مفرش زحمه مثل هذا ما راح نحتاج لدمج كثير في الوان الصحون علشان ما نغطي على جمال المفرش, حتى لو تلاحظون ان المزهريه اللي في الوسط لونها ابيض ساده , فاتوقع ان الصحون تكون لونها ابيض مع حركه بسيطه في مناديل السفرة بتكون الطاوله خطيره

http://www.eqla3.com/vb/attachment.php?attachmentid=154285&stc=1&thumb=1&d=1147447316

طبعا الذهبي و العنابي قمة الفخامه و هذا ما يبغاله كلام

http://www.eqla3.com/vb/attachment.php?attachmentid=154287&stc=1&d=1147447465

هذي تنفع مع حركة الشموع اللي على شكل ورد (الصوره قبل الأخيره في الشموع)

http://www.eqla3.com/vb/attachment.php?attachmentid=154288&stc=1&thumb=1&d=1147447465

حركه مره بسيطه , تعتمد على دمج الألوان مع بعض و اضافان بسيطه بس للي يبغى تغير بسيط في طاولة الأكل




و بما اننا نتكلم عن طاولة الأكل , فحبيت أضيف مجموعه من صور مناديل السفره مع اكسسوار بسيط لها

http://www.eqla3.com/vb/attachment.php?attachmentid=154290&stc=1&thumb=1&d=1147447688

حركه بسيطه و حلوه , أهم شي فيها اللعب بالألوان و دمجها بطريقة متناسقة

http://www.eqla3.com/vb/attachment.php?attachmentid=154291&stc=1&d=1147447688

حركة ناعمه , و ممكن ان الواحد ينعنشها شوي و يحط الوان فرفوشيه

http://www.eqla3.com/vb/attachment.php?attachmentid=154292&stc=1&thumb=1&d=1147447688

مع اني ما احب الأصداف بس شوفوا كيف شكلها حلو هنا , اكسسوار المنديل فيه صدفه كبيره و كسر الأصداف على حواف السفره

http://www.eqla3.com/vb/attachment.php?attachmentid=154293&stc=1&thumb=1&d=1147447688

قد شريت بروش نفس هذا بالضبط , يعني طريقة تنفيذ هذي المسكه مره بسيطه تشوفين أي بروش يعجبك ممكن تاخذين نفس الشكل بس بألوان مختلفه و تلصقينها على المسكه بصمغ عادي

http://www.eqla3.com/vb/attachment.php?attachmentid=154294&stc=1&thumb=1&d=1147447688

هذي ما عجبتني مره بس قلت بحطها يمكن تجوز لأحد

http://www.eqla3.com/vb/attachment.php?attachmentid=154295&stc=1&thumb=1&d=1147447913

هذي ماخذه ستايل هندي , ماهيب شينه

http://www.eqla3.com/vb/attachment.php?attachmentid=154296&stc=1&thumb=1&d=1147447913

هذي حركة فراشه بس بشكل ثاني , الحلو فيها حركة الصدف اللي مسوين منه السفره اللي تحت الصحن

http://www.eqla3.com/vb/attachment.php?attachmentid=154297&stc=1&thumb=1&d=1147447913

هنا نرجع للألوان , المناديل صايره بمجموعة مختلفه من الوان بس متناسقه مع بعض , و المسكه مثل الورده من الريش ,شكلها حلو بس ما احسها عمليه ابد , حقت استخدام واحد بس




و بما اننا نتكلم عن الديكورات , فحبيت اضيف كذا شكل شفتهم و عجبوني لجلسات ممكن تكون كصالة او زاوية في البيت

http://www.eqla3.com/vb/attachment.php?attachmentid=154356&stc=1&thumb=1&d=1147451245

نشوف الكنبه خوص عادي, بس الحلو في الموضوع الاكسسوارات اللي ضايفينها , المخدات على الشموع و تحطين كم مخده على الارض بأحجام مختلفه تعطي شكل حلو

http://www.eqla3.com/vb/attachment.php?attachmentid=154357&stc=1&thumb=1&d=1147451245

احسها تنفع لغرفة نوم , الستاره ناعمه , و حركة الورد عند الشباك معطيه شكل حلو

http://www.eqla3.com/vb/attachment.php?attachmentid=154358&stc=1&thumb=1&d=1147451245

هذي سطلت عليها , الحركه مره بسيطه و سهل تنفيذها , ممكن أي واحد منجد يسويها لك , بس تعتمد على دمج قماشين مع بعض و طريقة التريب

http://www.eqla3.com/vb/attachment.php?attachmentid=154359&stc=1&thumb=1&d=1147451245

نرجع للون الاصفر, دمج الاصفر مع الخوص يعطي شكل حلو,مع اضافة مخدات بالوان مختلفه و زرعه (لون أخضر) يعطي منظر مره حلو , بس لاحظو ان لون الكنبه قوي و المخدات بعد فحطو سجاه بلون ابيض علشان يكسر حدة هذي الألوان

http://www.eqla3.com/vb/attachment.php?attachmentid=154360&stc=1&thumb=1&d=1147451245

اللي عجبني بالصوره هذي دمج الالوان مع بعض , أزرق و ابيض شي عادي ممكن اني ادمجهم بس ما راح يجي في بالي ابد اني اضيفلهم سجاه لونها بني
بس شوفو الصوره و احكموا , احسها طالعه حركه حلو و معطيه الغرفه نظره غير




و سوينالنا جلسات , بس حسينا انه لسا فيه زوايا فاضيه في البيت , و هذي مشكله تواجه كثيرين في ترتيب الديكور , فجبتلكم مجموعه صور ممكن تساعد بحل هذي المشكله

http://www.eqla3.com/vb/attachment.php?attachmentid=154367&stc=1&thumb=1&d=1147451999

صندوق كبير مع مرايه مشغوله بالحديد , و مع اضافة تحفتين كبار فوق الصندوق و مجموعه من الصور الصغيره على جنب (ممكن نحصل اشياء قريبه كثير منها في بومباي)

http://www.eqla3.com/vb/attachment.php?attachmentid=154366&stc=1&thumb=1&d=1147451999

نرجع هنا للون الفوشي و الاخضر مع بعض, شوفي كيف بس منثوره المخدات بشكل مرتب , مع قطعة سجاد فخمه , زرعات بأحواض حلوه و شمعدانات , مع طاوله صغيره على جنب (موجوده في المعارض في الركن المصري على ما اظن )

http://www.eqla3.com/vb/attachment.php?attachmentid=154368&stc=1&thumb=1&d=1147451999

حركه بسيطه مره , دولاب صغير مع مرايه فوقه مشغوله بالحديد , بس الحلو و اللي معطي منظر المزهريه الطويله مع الاوراق الكبيره اللي في وسطها , و ما ننسى دمج الالوان مع بعض ( اضافة تحف زرقاء)




أخر شي حبيت بس أضيف شغلتين حسيتهم غريبات شوي

أول شي, فيه حركة الاضاءه اللي في الصوره

http://www.eqla3.com/vb/attachment.php?attachmentid=154365&stc=1&thumb=1&d=1147451999

حسيتها مره مبتكره و جديده , الاحواض هذي انا ماخذه مثلها من ايكيا , حسيت الحركه مره تنفع لدي جي
( جبتلكم حركه جديد يا راعين الديجيات استانسوا )

و عندنا الحركه الثانيه, مالها دخل بالحفلات بس حسيتها انها غريبه مع انها ما عجبتني بس قلت احطها لكم مدامي كاتبه موضوع عن الديكورات

http://www.eqla3.com/vb/attachment.php?attachmentid=154364&stc=1&d=1147451999






:

مـ نـ قـ ولـ
من مخربتهـا

وبس :)

[乀م.ـِـَلاّكـَ.آلــرٍوٍح 乀]

احلااا يالذوووووق

روووووعه

عشتي وعشعشتي ومن نهر الكوثر شربتي
قلتها هذي المره صح :)
بلاش تلك




الله يعطيك العافيه

[نهر الحب]

يعطيك العافيه يا ذوق

[شيخة الكعبي]

تسلمين مهرتنـا
.

[حسن خليل]

موضوع كامل ومتكامل في التجديد والتنسيق.

مشكورة خيتو المُهرة على هذه الجهود المبذولة.

لا عدمناكِ.

[مذهلــــــــــــــــه]

http://www.qassimy.com/vb/upk/48.gif

مشكورة مهرتنا

موضوع مفيد وجاء بوقته

لاعدمناتس

[شموع]

مشكورة
موضوع ممتاز ومهم
لا عدمناك

[أبو فجر]

موضوع جيد ومتكامل ...

كل الشكر لك .

[م ـجنونها]

ايتها المُهرة الرئعة
دمتِ للابداع ودام الابداع لكِ

شكراً الف لا تكفيكِ